ଏଫିସିୟ 1:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ କ୍ରିଷ୍ଟନାଗ୍‍ କାୟ୍‍ଲି ମାନାଡ଼୍‍ ବେଲା ଇଶ୍ୱର୍‌ତେ ନାରୁଡ଼୍‍ ଆଦ୍‍ତାଡ଼୍‍, ଅଦିନ୍‌ ସେଙ୍ଗେ ଜଗତ୍‍ ସୃଷ୍ଟି ଆଦାନ୍‍ ମୁନେଙ୍କ୍‍ ଅଣ୍ଡ୍‌‍ ମାନାଙ୍କ୍‍ ଏଞ୍ଚି ମିନ୍ଦେଣ୍ଡ୍‍ । ଆଦିଙ୍କ୍‍ ଅନ୍‌‍ ପ୍ରେମତେ ମାନାଡ଼୍‍ ଅନ୍‌‍ ମୁନ୍ନେ ପବିତ୍ର ନୁ ନିର୍ଦୋଷ୍‍ ଆତ୍‍ତାଡ଼୍‍ ।

ଏଫିସିୟ 1:4 Iomraidhean Croise

ମାତିଉ 24:22

ବାତେଙ୍କ୍ ଇତ୍‍କେ ହି ଦୁଃକତ୍‍ ଦିନାମ୍‍ତିଙ୍କ୍ ଇଶ୍ୱର୍ କମ୍‍ ମାଡ଼ିସ୍‍ ମିନ୍ଦେଣ୍ଡ୍ । ଆଲା ଆୟ୍‍ୟକଟ ମାନ୍ଦାନ୍‍ଇତ୍କେ, ମେଣ୍ଡେ ବେନ ବାଦ୍‍କ୍‍ ପାର୍‍ୱଣ୍ଡ୍ ଆୟେଣ୍ଡ୍ । ବାତେଙ୍କ୍ ଇତ୍‍କେ ତାନ୍ ହେଞ୍ଚିମାନ୍ଦାନ୍ ନାରୁଡ଼୍‍କିଂଙ୍କ୍ ଗେଲ୍‍ସ୍ପାନ୍ ମାଇଦିଙ୍କ୍ ଇଶ୍ୱର୍ ଆଦ୍ ସମୟ୍‍ତିଙ୍କ୍ ସୁଦୁଟ୍ ମାଡ଼ିସ୍‍ ମିନ୍ଦେଣ୍ଡ୍ ।

ମାତିଉ 24:24

ବାତେଙ୍କ୍ ଇତ୍କେ ନିଜ୍‍ତିଙ୍କ୍ ବଣ୍ଡକ୍ରିଷ୍ଟ କେସମାନ୍ତ୍‍ତଡ଼୍‍ ବୁସାମାଡ଼ାନଡ଼୍‍ ଆସୁଟେ ତନ୍ଦିତଡ଼୍‍ । ଅଡ଼୍‌ ବାକ୍‍ୱା ନୁ ବାକ୍‍ୱାତାଉ ପାଡ଼୍‍ୟି ତୟ୍‍ସ୍‍ ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରୁଡ଼୍‍କ୍ ବୁଲ୍‍କା ମାଡ଼ିତଡ଼୍ ।

ମାତିଉ 24:31

ମହିର୍‍ତେ ଶଦ୍ଦ ନୁ ପୃତିବିତାଗ୍ ୱେରଡ଼୍ ପଡ଼ିୟେ ତାଗାଙ୍କ୍ ମେଣ୍ଡନ୍ ପଡ଼ିୟେ ହେୱ୍‍ନା ଅନ୍‌ ହେଞ୍ଚଣ୍ଡ୍ ନାରୁଡ଼୍‍କ୍ ମଦ୍‍ମାଡ଼ି ତାତାନ୍ ମାଇଦିଙ୍କ୍ ନାରୁନ୍‍ପିଲେ ତାନ୍ ଦୂତକିଙ୍କ୍ ରହ୍‍ତିତନ୍‍ ।

ମାତିଉ 25:34

ତାନ୍‍ପେର୍କେ ଅନ୍‌ ତିନ୍ଦେପାକ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ରାଜାଲ୍ କେତିତଣ୍ଡ୍, ୱାଡ଼ାଟ୍, ମିକିଂଙ୍କ୍ ନା ବାବାଲ୍ ଆର୍ଶିବାଦ୍ ମାଡ଼ିମିନ୍ଦେଣ୍ଡ୍ । ତିଆର୍‍ତେ ମୁନେଙ୍କ୍ ବେନ୍ ରାଜ୍ୟ ମିଇ ମାଇଦିଙ୍କ୍ ତିଆର୍ ଆସ୍‍ମିନ୍ଦେ, ୱାଡ଼ାଟ୍, ଆଗେ ନେଙ୍ଗାଟ୍‍ ।

ଯୋହନ୍‌‌ 10:16

ନାୟାଉ ମେଣ୍ଡେ ବାଗାତାଉ ମେଣ୍ଢା ମିନ୍ଦେ, ବେନା ଇ ଗୁଡ଼ୁସେତ୍ ଲୋପେ ଇଲା । ଆୱିଙ୍କ୍ ମିକା ନାନ୍ ତାତେୱେଇତିତ୍‍ । ଆଉ ନାୟାଦ୍ କାର୍‍ଙ୍ଗା ନାଦ୍ କେଞ୍ଜିତା ନୁ ସାରେ ୱେରଡ଼୍ ଗଲାନ୍ ୱେରଡ଼୍ ଗୁଡ଼୍‍ସା ଆଶେ ମାନ୍‍ତା ।”

ଯୋହନ୍‌‌ 15:16

ମିଡ଼୍ ନାକିଂଙ୍କ୍ ହେଞ୍ଚୱିଡ଼୍, ବାତେଙ୍କ୍ ଇତ୍‍କେ ନାନ୍ ମିକିଂଙ୍କ୍ ହଞ୍ଚିମିନ୍ଦେନ୍, ମେଣ୍ଡେ ବେଲା ଆଞ୍ଜ୍ କାୟା ଆଦ୍‍ସ୍‍ପିତିଡ଼୍ ନୁ ମିୟାୱୁ କାୟା ସାରେଦିନା ଆଦଡ଼େ ମାନ୍‍ତା, ଇଦିନ୍ ସେଙ୍ଗେ ମିକିଂଙ୍କ୍ ହେଞ୍ଚିମିନ୍ଦେନ୍ । ଆଗାଙ୍କ୍ ମିଡ଼୍ ନା ପେଦେର୍ ତେ ବାବାଙ୍କ୍ ବାତେମିକା ତାଲ୍‍କିତିଡ଼୍, ଅଣ୍ଡ୍‌ ଆଦ୍ ମିକିଂଙ୍କ୍ ହିଦ୍‍ତଣ୍ଡ୍;

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ପ୍ରେରିତ 13:48

ଅଣଇହୁଦୀଡ଼୍ ଇଦ୍ କେଞ୍ଜି ୱେଡ଼୍‍କେ ଆତ୍‍ତଡ଼୍ ନୁ ପ୍ରବୁନ୍ ବାକ୍ୟ ସେଙ୍ଗେ ଦନ୍ୟବାଦ୍ ହିତ୍‍ତଡ଼୍ । ବେନଡ଼୍ ଅନନ୍ତ ଜିୱୁଣ୍ଡ୍ ମାଇଦିଙ୍କ୍ ହେଞ୍ଚିମାତ୍‍ତଡ଼୍, ଅଡ଼୍‌ ଆଦ୍ ଗଟ୍‍ତାଗ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 15:18

ପ୍ରବୁ ଇଦ୍ ଗଟ୍ କେତ୍‍ତଣ୍ଡ୍, ନାର୍‍ଗେ ଦିନା ମୁନେତ୍ କାଲାମ୍‍ତେ ଇଦ୍ ଗଟ୍ ଅଣ୍ଡ୍‌ କେସ୍‍ମାତ୍‍ତଣ୍ଡ୍ ।’”

ପ୍ରେରିତ 18:10

ବାତେଙ୍କ୍ଇତ୍‍କେ ନାନ୍ ନି ତଡ଼୍ ତଡ଼୍ ମିନ୍ଦେନ୍ । ବେନ ନିୟାଦ୍ କ୍ଷତି ମାଡ଼ାଙ୍କ୍ ପାର୍‍ୱଣ୍ଡ୍, ବାତେଙ୍କ୍ଇତ୍‍କେ ଇଦ୍ ନଗର୍‍ତାଗ୍ ନାର୍‍ଗେ ନାରୁଡ଼୍ ନାୟାଗ୍ ମିନ୍ଦେଡ଼୍‍ ।”

ରୋମୀୟ 8:33

ଇଶ୍ୱର୍ ଏଞ୍ଚ୍‍ତେ ନାରୁଡ଼୍ ବିରୁଦ୍‍ତେ ବେନଡ଼୍ ଅବିଯଗ୍ ମାଡ଼୍‍ପାର୍‍ଦ୍‍ତଡ଼୍ ? ଇଶ୍ୱର୍ ନିଜେ ଅଡ଼୍‌‍କିଂଙ୍କ୍ ନିର୍ଦୋଷ୍ ଇଞ୍ଜ କେସ୍‍ମିନ୍ଦେଣ୍ଡ୍ ।

୧ କରନ୍ତିୟ 1:8

ଅଣ୍ଡ୍‌‌ ମିକା ମିକିଂଙ୍କ୍ ମାଡ଼େଙ୍ଗ୍‌ ଅନ୍‌‍ପାକେ ଗେଲ୍‌ସ୍ପିତଣ୍ଡ୍‌ । ବେଲାକି ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାମ୍‌ତେ ମିଡ଼୍ ନିର୍ଦୋଷ୍‍ ଆଦ୍‍ତିଡ଼୍ ।

ଗାଲାତୀୟ 5:13

ଆ ଦାଦାଲଡ଼ି ନୁ ହେଲାସ୍କ୍‍ ନଡ଼ି, ମିଡ଼୍ ସ୍ୱାଦିନତା ସେଙ୍ଗେ ୱାତ୍‍ତିଡ଼୍; ଆଦିଙ୍କ୍ ମେନ୍ଦୁଲ୍‍ତେ ଆଶେ ପୁରା ମାଡ଼ାନ୍ ସେଙ୍ଗେ ମଜା ମାଡ଼୍‍ମାଟ୍, ମିଡ଼୍ ମି ଲୋପେ ପ୍ରେମତେ ଦାସ ଆୟ୍‍ମୁଟ୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

ଏଫିସିୟ 4:2

ସାରେଦାମ୍ ନମ୍ର, ଡୁଟାଙ୍ଗ୍ ନୁ ଗାଡ଼୍‍ସ୍‍ ଆୟ୍‍ମୁଟ୍ । ନିଜର୍‍ ନିଜର୍ ଲପେ ପ୍ରେମ ତଡ଼୍‍ କାହିଲି ମାନୁଟ୍‍ ।

ଏଫିସିୟ 5:2

କ୍ରିଷ୍ଟ ବେଲା ମାନାଙ୍କ୍‍ ପ୍ରେମ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ସାୟେତ୍ ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ମାନ୍‍ ମାୟ୍‍ଦିଙ୍କ୍ ସାୟେ ଗାବ୍‍ତାୱୁ ପୁଜାସାମାନ୍ ନୁ ବଲି ଉତ୍ସର୍ଗ ମାଡ଼୍‍ତଣ୍ଡ୍, ମିଇ ଜିୱୁଣ୍ଡ୍ ମିକା ଆଦେଲେକାମ୍ ଚାଲେମ୍ ଆୟି ।

ଏଫିସିୟ 5:27

ମେଣ୍ଡେ ଆଦ୍ ପବିତ୍ର, ନିର୍ଦୋଷ୍‍, ନିଷ୍କଳଙ୍କ୍ ନୁ ସାର୍‍ରେ ସାୟେ ସୁନ୍ଦର୍ ମାଡ଼ି ନିଜେ ନେଃଏତଣ୍ଡ୍ ।

ଫିଲିପିୟ 2:15

ଆଲେକେ, ଇଦ୍ ଦୁର୍ନିତି ପେଇତାନାଦ୍ ନୁ ପାପ୍ ସାରେ ଜଗତ୍‍ତାଗ୍ ମିଡ଼୍ ଇଶ୍ୱର୍‌ତେ ପବିତ୍ର ମାର୍‍ ମାୟାକ୍ସ୍‍ ଲେକାମ୍ ନିର୍ଦୋଷ୍‍ ନୁ ପବିତ୍ର ଲେକାମ୍ ବାଦ୍‍କେ ପାର୍‍ତିଡ଼୍ ।

କଲସୀୟ 1:22

ଇତ୍କେ ଇଞ୍ଜେ ଇଶ୍ୱର୍‍ ମିକିଙ୍କ୍ ପବିତ୍ର, ସିଦ୍ଦ ନୁ ନିର୍ଦୋଷ୍‍ ଲେକାମ୍ ଅନ୍‌ ମୁନେ ତାତାନ୍‍ ସେଙ୍ଗେ ତାନ୍ ମାରିନ୍ ମେନ୍ଦୁଲ୍‍ ଡଲ୍‍ତାଦିନ୍ ତଡ଼୍ ମିକିଙ୍କ୍ ନିଜର୍‍ ତଡ଼୍ ମେଣ୍ଡନ୍‍ଦାମ୍‍ କାଲ୍‍ପି ମିନ୍ଦେଣ୍ଡ୍ ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

କଲସୀୟ 3:12

ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ ।

୧ ଥେସଲନିୟ 3:12

ମିଇ ସେଙ୍ଗେ ମାୟାଦ୍‌ ପ୍ରେମ ବେଲା ଗାଟି ମିନ୍ଦେ, ଆଦ୍ ଲେକାମ୍ ନିଜର୍‍ନିଜର୍ ଲୋପେ ନୁ ବାଗାତ୍ ନାରୁଡ଼୍ ସେଙ୍ଗେ ପ୍ରବୁ ମିୟାଦ୍ ପ୍ରେମ ପେର୍‍ସ୍ପି ନାର୍‍ଗେ ମାଡ଼ିଣ୍ଡ୍ ।

୧ ଥେସଲନିୟ 4:7

ଇଶ୍ୱର୍ ମାନ୍‍ ଅଶୁଚି ବାଦ୍‍କାନ୍ ସେଙ୍ଗେ କାର୍‍ଙ୍ଗାନାଦ୍‍ ମାଡ଼ନ୍, ବାତେଙ୍କ୍ ଇତ୍‍କେ ପବିତ୍ର ଜିୱାତେ ଆଶେ ମାନ୍ଦାନ୍ ସେଙ୍ଗେ ମାନାଡ଼୍ ୱାତ୍‍ତାଡ଼୍ ।

୨ ତୀମତି 1:9

ଅଣ୍ଡ୍‌ ମାନ୍‍ ସତ୍ କାମ୍‍ଦେ ପୁରସ୍କାର୍ ଲେକାମ୍ ଅଣ୍ଡ୍‌ ମାନାଙ୍କ୍ ଆହ୍ୱାନ୍ ମାଡ଼ଣ୍ଡ୍ ମାତର୍ ଅନ୍‌ ଅନୁଗ୍ରହତେ ଅନ୍‌ ହେର୍କେତେ ତିଆର୍‌ ମାଡ଼ାଙ୍କ୍‌ ମାନାଙ୍କ୍ ତାନ୍ ପ୍ରିୟଦାସ ଆଦାନ୍ ସେଙ୍ଗେ ହେଞ୍ଚିମିନ୍ଦେନ୍ । କ୍ରିଷ୍ଟ ଜିସୁନ୍ ଶାସନ୍‍ ନାର୍ଗ ୱାଡ଼୍‍ଷାତାଗାଙ୍କ୍ ଇଶ୍ୱର୍ ମାନାଙ୍କ୍ ଇଦ୍ ଅନୁଗ୍ରହତେ ପାତ୍ର ଇନା ମାଡ଼ି ନେହେସ୍‍ମିନ୍ଦେନ୍;

୨ ତୀମତି 2:10

ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

୨ ତୀମତି 2:19

କିନ୍ତୁ ଇଶ୍ୱର୍ ବେନ୍ ଡୁଟାଙ୍ଗ୍‍ତେ ବିତ୍ତିବୂମି ମାଡ଼ିସ୍‍ ମିନ୍ତେନ୍, ଆଦିଙ୍କ୍ ବେନ ଉୱୁତେ ପାର୍‍ୱଡ଼୍ । ଆଦ୍ ବିତ୍ତିପ୍ରସ୍ତର ପରୁ ଲେକା ଆତ୍‍ତେ; “ଇଶ୍ୱର୍ ତାନ୍ ନିଜେତ୍ ନାରିଡ଼୍‍ ପୁନ୍ତନ୍ ବେନ ନିଜେତିଙ୍କ୍ ଇଶ୍ୱର୍‌ତେ ନାରୁନ୍ ଇନା ପରିଚୟ ଇଦ୍‍ତନ୍, ଅଣ୍ଡ୍‌ ସାରେ ଦୁଷ୍କର୍ମତାଗାଙ୍କ୍ ୱେରେ ଆଇନ୍ ।”

ଯାକୁବ 2:5

ଆ ନା ଦାଦାଲଡ଼ି ନୁ ଏଲାସ୍କ୍‍, କେଞ୍ଜାଟ୍, ଇଶ୍ୱର୍ ବାତ୍ ଇଦ୍ ଜଗତ୍‍ତେ ଗରିବ୍ ନାରୁଡ଼୍‍କିଂଙ୍କ୍ ବିଶ୍ୱାସ୍‍ତାଦ୍ ଦନ୍‍ତାଗ୍ ସାଉକାର୍ ଆଦାନଙ୍କ୍, ମେଣ୍ଡେ ନିଜେ ପ୍ରେମ ମାଡ଼ାନକିଂଙ୍କ୍ ବେନ୍ ରାଜ୍ୟ ଇଦାନଙ୍କ୍ ଶପତ୍ ମାଡ଼୍‍ତଣ୍ଡ୍, ଆଗେତ୍ ଅଦିକାରି ଆଦାନଙ୍କ୍ ଏଞ୍ଚଣ୍ଡ୍ କି ?

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ପିତର୍‍ 1:20

ଅଣ୍ଡ୍‌ ଜଗତ୍‍ତେ ସୃଷ୍ଟି ମୁନେଙ୍କ୍ ଇଶ୍ୱର୍‍ ତଡ଼୍ ଏଞ୍ଚିଆତ୍‍ତନ୍ ନୁ ମୀଇ ସେଙ୍ଗେ ଇଦ୍ ମାଡ଼େଙ୍କ୍ ଦିନାତେ ତଅନ୍‌ଦ୍‍ତଣ୍ଡ୍‍ ।

୧ ପିତର୍‍ 2:9

ମୀଇଡ଼୍ ଅଣ୍ଡୟ୍‌ ହେଞ୍ଚିମାନ୍ଦାନ୍ ଜାମେ, ରାଜାଲଡ଼୍‍ତେ ଯାଜକ୍‍ ପରିବାର୍‍, ଅଣ୍ଡୟ୍‌ ପବିତ୍ର ଜାତି ନୁ ଇଶ୍ୱର୍‌ତେ ନିଜର୍ ନାରୁଡ଼୍‍ ଆସ୍‍ମିନ୍ଦେଡ଼ି । ଇଶ୍ୱର୍‍ ମିକିଙ୍କ୍ ଇକାଡ଼୍‍ ତାଗାଙ୍କ୍ ତାନ୍ ଗାଟି ୱେସ୍‍ତାଗ୍ କାର୍‍ଙ୍ଗ୍‍ତନ୍ । ମୀଇଡ଼୍ ଅନ୍‌ ବେପ୍‍ପଡ଼୍‍ ଆଇୱାଦ୍ କାମ୍ ସାରେ ମାଡ଼ାନ୍‍ ସେଙ୍ଗେ ଏଞ୍ଚିମିନ୍ଦେଡ଼ି ।

୨ ପିତର୍‌ 3:14

ଆ ପ୍ରିୟ ସାଙ୍ଗନଡ଼ି, ଆଦ୍ ଦିନାତେ କେପାନ୍‍ ସମୟତେ ମିଡ଼୍ ଇଶ୍ୱର୍‌ତେ କଣ୍ଡେତେ ପବିତ୍ର ନୁ ନିର୍ଦଷ୍‌ ଆସ୍ ଶାନ୍ତିତେ ମାନ୍ଦାନଙ୍କ୍ ଜିୱେତାଗେ ଚେଷ୍ଟା ମାଡ଼ାଟ୍ ।

୧ ଯୋହନ୍‌‌ 4:16

ମାନ୍‍ ସେଙ୍ଗେ ଇଶ୍ୱର୍‌ତେ ପ୍ରେମତାଦ୍‍ ନିଜାମ୍ ମାମେ ପୁତ୍‍ତମ୍, ଇଗେ ମାୟାଦ୍‌ ପୁରା ବିଶ୍ୱାସ୍ ମିନ୍ଦେ । ଇଶ୍ୱର୍ ପ୍ରେମମୟ । ବେନନ୍ ଜିୱେତାଗ୍ ପ୍ରେମ ବର୍ତ୍ତି ଆସ୍‍ ମିନ୍ଦେ, ଅଣ୍ଡ୍‌ ଇଶ୍ୱର୍‍ ତଡ଼୍ କାୟ୍‍ଲ୍‍ତଣ୍ଡ୍‍ ନୁ ଇଶ୍ୱର୍ ଅନାଗ୍‍ ମିନ୍ଦେଣ୍ଡ୍‍ ।

ପ୍ରକାଶିତ୍‌ ବାକ୍ୟ 13:8

ପୃତିବିତେ ତିୟାର୍ ଆତ୍‍ତେ ମୁନେନ୍‍ ବେନଡ଼୍ ପେଦେର୍‍ତେ ଯୁଦ୍‌ ଆସ୍‍ମାତେ ମେକାଗଲାନଡ଼୍‍ ଜୀୱେ ବଇତାଗ୍ ଲେକା ଆସ୍‍ମାତେ, ଅଡ଼୍‌‍କିଂଙ୍କ୍‍ ୱିଡ଼୍‍ସି ପୃତିବି ତାଗ୍‍ ମେଣ୍ଡ ବେନଡ଼୍‍ ସାର୍‍ତଡ୍ ପଶୁନ୍‍ ପୁଜା ମାଡ଼ିତଡ଼୍ ।

ପ୍ରକାଶିତ୍‌ ବାକ୍ୟ 17:8

ପଶୁ ଅନ୍‌‍ଦିନେ ଗେଲ୍‍ସି ମାତ୍‍ତେ; ଇଞ୍ଜେ ମେଣ୍ଡେ ଗେଲ୍‍ସ, କିନ୍ତୁ ଗାଟି ଜାପେ ପାତାଲ୍‍ପୁରିତାଗାଙ୍କ୍ ତେଦି ୱାଦ୍‍ତେ ନୁ ମେଣ୍ଡନ୍‍ ଦାମ୍ ବିନଷ୍ଟ ଆଦ୍‍ତେ । ସୃଷ୍ଟିତ୍‍ ମୁନେଙ୍କ୍‍ ବେନଡ଼ାଉ ପେଦେର୍ ଜୀୱେ ବଇତାଗ୍ ଲେକା ଆୟ, ପୃତିବିତେ ନାରୁଡ଼୍ ଆଦ୍ ସାରେ ପଶୁତିଙ୍କ୍ ଉଡ଼ି ବକୁୱା ଆଦ୍‍ତଡ଼୍ । ଆଦ୍ ଦିନେ ଜିୱେ ମାତ୍‍ତେ, ଇଞ୍ଜେ ମେଣ୍ଡେ ଇଲା, କିନ୍ତୁ ମେଣ୍ଡନ୍‌ଦାମ୍ ତଅନ୍‌ଦିତେ ।