ଏଫିସିୟ 1:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ କ୍ରିଷ୍ଟ ସାରେତଡ଼୍ ସ୍ୱର୍ଗତେ ଶାସକ, କ୍ଷମତା ଅଦିକାରି, ଶକ୍ତିତଡ଼୍ ନୁ ଅଦିପତିନଡ଼୍ ପରୁ ଶାସନ୍‍ ମାଡ଼ିତନ୍, ଆଦ୍ ନାରୁଡ଼୍ ନୁ ୱେରେ ନାରୁଡ଼୍‍ତେ କ୍ଷମତା ଇଦାନ୍ ସାରେତଡ଼୍ ପାଡ଼୍‍ୟି ୱିଡ଼୍‍ସି ଅନାଦ୍‌ ପାଡ଼୍‍ୟି ସାରେତିଙ୍କ୍‍ ବେଡ଼୍‍ୟେ ।

ଏଫିସିୟ 1:21 Iomraidhean Croise

ମାତିଉ 12:32

ବେନ୍ ନାରୁନ୍‍ପିଲେ ବିରୁଦ୍ଦ୍‌ତେ ବାତେଏ ପାପ୍ ମାଡ଼୍‍କେ ବା କେତ୍‍କେ, ଅଂକିଙ୍କ୍‌ କ୍ଷମା ଦର୍‍କିତ୍ । ବାତେଙ୍କ୍ ଇତ୍‍କେ ଯେ ବେନ ପବିତ୍ରଆତ୍ମା ବିରୁଦ୍ଦ୍‌ତେ ବାତ୍ କେତିତନ୍, ଅଂକିଙ୍କ୍‌ ଇଞ୍ଜେ ବା ବବିଷ୍ୟତ୍‍ତେ ବେସୁଙ୍କ୍‍ ବା କ୍ଷମା ଦର୍‍କ ।

ପ୍ରେରିତ 4:12

ମାତ୍ରମ୍‍ ଅନ୍‌ ତଡ଼୍ ପରିତ୍ରାନ୍‍ ସମ୍ଭବ୍‍ ଆଦ୍‍ତେ, ବାତେଙ୍କ୍ଇତ୍‍କେ ଇଦ୍ ସ୍ୱର୍ଗତାଗ୍ ମାନ୍ଦାନ୍ ମେଣ୍ଡେଅନ୍‌ ପେଦେର୍‍ତଡ଼୍‍ ନାରୁଡ଼୍‍କିଂଙ୍କ୍ ମୁକ୍ତି ଦର୍‍କ ।”

ଏଫିସିୟ 2:2

ଆଦ୍ ସମୟ୍‍ତେ ମିଡ଼୍, ବେନ୍ ଆତ୍ମା ଇଞ୍ଜେ ମିକା ବୁଦ୍‍ଇଲ୍‍ୱେ ପିଲାନାଗ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ଇଚ୍ଛାଲେକାମ୍ ମିଡ଼୍‍ଆନ୍‌ନ୍ତେ ମୁନେଙ୍କ୍‍କଞ୍ଜ୍ ପାଲନ୍ ମାଡ଼ଡ଼୍‍ ଅପରାଦ୍‌ତେ ନୁ ପାପତେ ଡଲିମାତ୍‍ତିଡ଼୍ ।

ଏଫିସିୟ 3:10

ବେଦ୍‍ପୁଟୁଙ୍କ୍ ଇଞ୍ଜେତ୍ ସମୟ୍‍ତେ କ୍ରିଷ୍ଟିୟ ମଣ୍ଡଲିତେ ପାଡ଼୍‍ୟିଦେ ସ୍ୱର୍ଗତେ ଅଦିପତି ନୁ ଶକ୍ତିନଡ଼୍ ଇଶ୍ୱର୍‌ତେ ନାର୍‍ଗେ ବୁଦ୍‍ତେ ବିଷୟ୍‍ତେ ପୁରାପୁରି ବୁଜେମ୍ ଆଦ୍‍ପାର୍‍ଦ୍‍ତଡ଼୍ ।

ଏଫିସିୟ 6:12

ବାତେଙ୍କ୍‍ଇତ୍‍କେ ମାନାଡ଼୍ ସ୍ୱର୍ଗତେ ନାରୁଡ଼୍ ବିରୁଦ୍‍ତେ ଯୁଦ୍‌ ମାଡ଼୍‍ୱାଡ଼୍; ମାନାଡ଼୍ ଶୂନ୍ୟତେ ଶୟ୍‍ତାନ୍‍ ଶକ୍ତି ନୁ ଇଦ୍ ଯୁଗ୍‍ତେ ଶାସନ୍‍ମାଡ଼ାନଡ଼୍, ରାଜାଲଡ଼୍‍ ନୁ ସାର୍‍ରେ ବିଶ୍ୱଶକ୍ତି ବିରୁଦ୍‍ତେ ଯୁଦ୍‌ ମାଡ଼ୁତମ୍ ।

କଲସୀୟ 2:10

ଅନ୍‌‍ ତଡ଼୍ କାଇଲି ମାନ୍ଦାନ୍ ମାୟ୍‍ଦିଙ୍କ୍ ମୀଡ଼୍ ଜିୱେତାଦ୍ ପୁରା ଲାବ୍ ମାଡ଼୍‍ତିଡ଼୍‍ । ବାଗାତ୍ ସାରେ ଶକ୍ତି ନୁ ଶାସନ୍‍ ପରୁ କ୍ରିଷ୍ଟନାଦ୍ ଶାସନ୍‍ କେ ସାରେତିଙ୍କ୍ ବାଡ଼୍‍ୟେ ।

କଲସୀୟ 2:15

ମେଣ୍ଡ୍ ଆଦ୍ କ୍ରୁଶ ପରୁ କ୍ରିଷ୍ଟ ସାରେଲେକାମ୍ ଶକ୍ତି ନୁ ଅଦିକାର୍‌‍ ତାଗାଙ୍କ୍ ନିଜେତିଙ୍କ୍ ମୁକ୍ତି ମାଡ଼୍‍ତନ୍ ନୁ ଅଡ଼୍‌‍କିଂଙ୍କ୍ ବନ୍ଦି ମାଡ଼ି ନିଜେ ଜିଡ଼ି ଆଦାନ୍‍ୱେଲେ ସାରେତଡ଼୍ ମୁନେ ଅଡ଼୍‌‍କିଂଙ୍କ୍ ସିଗ୍ ୱେର୍‍ସ୍ପ୍‍ତଣ୍ଡ୍‍ ।

ଏବ୍ରୀ 1:4

ଅଣ୍ଡ୍‌ ସ୍ୱର୍ଗ ଦୂତକିନ୍‌ନାଗାଙ୍କ୍‍ ବେଲା ବେଡ଼ିୟଣ୍ଡ୍, ଅନ୍‌‍ୱାଦ୍‍ ପେଦେର୍‌ ଆନ୍‌ତେ ଆଦେରକମ୍‍ ଅଡ଼୍‌ଡ଼ାଦ୍‌ ପେଦେର୍‌ତାଗାଙ୍କ୍‍ ମହାନ୍‍,

ଏବ୍ରୀ 2:5

ଇଶ୍ୱର ବେନ୍ ପୁନା ବୁମ୍ ତିଆର୍ ମାଡ଼ିତଣ୍ଡ୍‍ ନୁ ବେନ୍‍ ବୁମ୍‌ତା ମାଟା ମାନାଡ଼୍‍ କେତୁତାଡ଼୍‍, ତାଙ୍କ୍‍ ଶାସନ୍‍ ମାଡ଼ାନ୍‍ ସେଙ୍ଗେ ଅଣ୍ଡ୍‌‌ ସ୍ୱର୍ଗ ଦୂତକିଙ୍କ୍‍ ଏଞ୍ଚଣ୍ଡ୍‌ ।

ଏବ୍ରୀ 4:14

ବାତେଙ୍କ୍‌ଇତ୍କେ ଇଶ୍ୱରନ୍‌ ମାର୍‌ ଜିସୁ, ସ୍ୱର୍ଗତାଗ୍‍ ଆଞ୍ଜ୍‌ମିନ୍ଦେଣ୍ଡ୍‌, ଅଣ୍ଡ୍‌‌ ମାନ୍‍ ବେଡ଼୍‍ୟେ ପୁଜାରି ଆତ୍‌ତାଙ୍କ୍‍କେ ୱାରାଟ୍‌, ମାନାଡ଼୍‍ ମାନ୍‍ ବିଶ୍ୱାସ୍‍ତିଙ୍କ୍‍ ଡାଟୁମ୍‌ତେ ପଇସ୍‌ ମାନ୍ଦାଙ୍କ୍‍ ୱେୟ୍‌ତିତ୍ ।

୧ ପିତର୍‍ 3:22

ଅଣ୍ଡ୍‌ କ୍ରିଷ୍ଟ ଇଞ୍ଜେ ସ୍ୱର୍ଗତାଗ୍ ଇଶ୍ୱର୍‌ତେ ତିନ୍ଦେ ପାକେ କୁଦିମିକା ଦୂତ ନୁ ସାରେ ସ୍ୱର୍ଗତାଉ ଅଦିପତି ନୁ ସାରେ ଶକ୍ତିତିଙ୍କ୍‍ ଶାସନ୍‍ ମାଡ଼ୁତଣ୍ଡ୍‍ ।