ଏଫିସିୟ 1:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ସାରେ ବିଷୟ ଇଶ୍ୱର୍‌ତେ ଯୋଜନା ନୁ ନିଷ୍ପତ୍ତି ଲେକାମ୍ ତିଆର୍ ଆଦ୍‍ତେ; ମୁନେକଞ୍ଜ୍ ତିଆର୍ ନିଜେତ୍ ଉଦ୍ଦେଶ୍ୟତେ ସାଦନ୍‍ ସେଙ୍ଗେ, କ୍ରିଷ୍ଟନ୍ ତଡ଼୍ ଅନାଦ୍‌ ନିଜେତ୍ ନାରୁଡ଼୍ ଆଦାନ୍ ସେଙ୍ଗେ ଇଶ୍ୱର୍ ମାନାଙ୍କ୍‍ ହେଞ୍ଚିମିନ୍ଦେନ୍ ।

ଏଫିସିୟ 1:11 Iomraidhean Croise

ପ୍ରେରିତ 13:48

ଅଣଇହୁଦୀଡ଼୍ ଇଦ୍ କେଞ୍ଜି ୱେଡ଼୍‍କେ ଆତ୍‍ତଡ଼୍ ନୁ ପ୍ରବୁନ୍ ବାକ୍ୟ ସେଙ୍ଗେ ଦନ୍ୟବାଦ୍ ହିତ୍‍ତଡ଼୍ । ବେନଡ଼୍ ଅନନ୍ତ ଜିୱୁଣ୍ଡ୍ ମାଇଦିଙ୍କ୍ ହେଞ୍ଚିମାତ୍‍ତଡ଼୍, ଅଡ଼୍‌ ଆଦ୍ ଗଟ୍‍ତାଗ୍ ବିଶ୍ୱାସ୍ ମାଡ଼୍‍ତଡ଼୍ ।

ପ୍ରେରିତ 2:23

ଇଶ୍ୱର୍ ଅନାଦ୍‌ ଜୋଜନା ଲେକାମ୍‌ ଜିସୁଙ୍କ୍ ମିଇ କାୟ୍‍ତାଗ୍ ପସ୍‍ପିଦାନଙ୍କ୍ ଟିକ୍ ମାଡ଼ିମାତ୍‍ତଣ୍ଡ୍ ମେଣ୍ଡେ ମିଡ଼୍ ଅଂକିଙ୍କ୍‌ ପାପି ନାରୁଡ଼୍‍ ତଡ଼୍‍ କ୍ରୁଶତାଗ୍ ତାର୍‍ସ୍ପି ହାୱ୍‍କି ମାତ୍‍ତିଡ଼୍ ।

ପ୍ରେରିତ 20:27

ବାତେଙ୍କ୍ଇତ୍‍କେ ଇଶ୍ୱର୍‌ତେ ସାରେ ଉଦେଶ୍ୟ ମିଇ ଗାର୍‍ରେ କେତାନଙ୍କ୍ ନାନ୍ ସିଗ୍‍ ମାଡ଼ନ୍ ।

ପ୍ରେରିତ 20:32

“ଇଞ୍ଜେ ନାନ୍ ମିକିଂଙ୍କ୍ ଇଶ୍ୱର୍‌ତେ କାୟ୍‍ଦେ ପରିଷ୍କାର୍‍ ନୁ ଅନୁଗ୍ରହ ବାକ୍ୟ ଗାର୍‍ରେ ସମର୍‍ପନ୍ ମାଡ଼ୁତାନ୍; ଆଦ୍ ବାକ୍ୟ ମିକିଂଙ୍କ୍ ଡୁଟାଙ୍ଗ୍‍ ମାଡ଼ାନଙ୍କ୍ ନୁ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ଦର୍‍କାର୍ ସାରେ ଆର୍ଶିବାଦ୍ ମିକିଂଙ୍କ୍ ହିଦାନଙ୍କ୍ ପାର୍‍ଦ୍‍ତେ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ପ୍ରେରିତ 4:28

ମିୟାଦ୍ ଶକ୍ତି ନୁ ଇଚ୍ଛା ଲେକାମ୍ ବାଆତେ ଗଟେମ୍ ଆତ୍‍ତେ ଇଞ୍ଜ ମିଡ଼୍ ତିଆର୍ ମାଡ଼ିମାତ୍‍ତିଡ଼୍, ଅଡ଼୍‌ ଅଣ୍ଡୟାଗେ ଆସ୍ ଆୱୁସାରେ ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ।

ରୋମୀୟ 11:34

ଶାସ୍ତ୍ର ଲେକାମ୍, “ବେନ ଇଶ୍ୱର୍‌ତେ ମନ୍‍ତେ ଆଲ୍‍ସାନାଦ୍ ପୁନ୍ଦେପାର୍‍ଦ୍‍ତଣ୍ଡ୍ ? ବେନ ବା ଅଂକିଙ୍କ୍‌ ପରାମର୍ଶ୍ ଇଦାନଙ୍କ୍ ପାର୍‍ଦ୍‍ତଣ୍ଡ୍ ?

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

ରୋମୀୟ 8:28

ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍ ଇଶ୍ୱର୍‌ତେ ଉଦ୍ଦେଶ୍ୟତିଙ୍କ୍ ତିୟାର୍ ମାଡ଼ାନଙ୍କ୍ ୱାଦ୍‍ତଣ୍ଡ୍ ନୁ ଇଶ୍ୱର୍‌ତିଙ୍କ୍ ପ୍ରେମ ମାଡ଼ିତଡ଼୍, ଅଡ଼୍‌ ସେଙ୍ଗେ ସାର୍‍ରେ ବିଷୟ୍ ଲେକେତ୍‍ ଆଦ୍‍ତେ ।

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

ରୋମୀୟ 8:30

ବେନଡ଼୍ ଇଦ୍‍ରକମ୍ ଏଞ୍ଚି ୱାସ୍‍ମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆସ୍ ଗୌରବ୍‍ ପାଏମ୍ ଆଦ୍‍ତଡ଼୍ ।

ରୋମୀୟ 9:11

ଅଡ଼୍‌ ଜନମ୍ ଆଦାନ୍ ମୁନେଙ୍କ୍, ବେନ ବାତ୍ଆୟି ନିଜାମ୍‍ ବା କାରାପ୍ ପାଡ଼୍‍ୟି ମାଡ଼ାନ୍ ମୁନେଙ୍କ୍ ଇଶ୍ୱର୍ ଇଦ୍ କେସ୍‍ମାତ୍‍ତଣ୍ଡ୍ । ଅଡ଼ାଦ୍‌ ପାଡ଼୍‍ୟି ଲେକେତ୍‍ ଆୟ୍‍ୟ, ଇଶ୍ୱର୍‌ତେ କାର୍‍ଙ୍ଗାନାଦ୍‍ ତଡ଼୍ ଅଡ଼୍‌ ହେଞ୍ଚିମାନ୍ଦାନ୍ ଆଦ୍‍ତଡ଼୍ ।

ଗାଲାତୀୟ 3:18

ଇଶ୍ୱର୍‌ତେ ପ୍ରତିଜ୍ଞା ଆର୍ଶିବାଦ୍‌ ଯଦି ନିୟମ୍‍ ପାଳନ୍ ମାଡ଼ାନ୍ ତଡ଼୍ ସାମାନ୍, ଆଲେକେ ଆଦ୍ ଅନାଦ୍‌ ପ୍ରତିଜ୍ଞା ଇଞ୍ଜ କେତାନଙ୍କ୍ ଆୟ । ଆଦିଙ୍କ୍ ଇଶ୍ୱର୍ ଅନାଦ୍‌ ପ୍ରତିଜ୍ଞା ଲେକାମ୍ ଆଦ୍ ଆର୍ଶିବାଦ୍‌ ଅବ୍ରାହାମ୍‍ତିଙ୍କ୍ ଇତ୍‌ତଣ୍ଡ୍‌ ।

ଏଫିସିୟ 1:14

ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ବେନ୍ ସାରେ ବିଷୟ ଇଦାନ୍ ସେଙ୍ଗେ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ସାରେ ଯେ ମାନାଡ଼୍ ଦର୍ସିକିତାଡ଼୍, ପବିତ୍ରଆତ୍ମା ଆଦିନାଦ୍ ନିଜାମ୍‍ ମାଡ଼ିତାନ୍‍ ଇଞ୍ଜ କେତ୍‍ତଣ୍ଡ୍‍ । ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ସ୍ୱାଦିନତା ଇଦ୍‍ତଣ୍ଡ୍‍, ଇଦ୍ ନିଜାତେ ଆୱୁକାନ୍ ସେଙ୍ଗେ, ୱାଡ଼ାଟ୍ ଇଶ୍ୱର୍‌ତେ ମହିମା କିର୍ତ୍ତନ୍ ମାଡ଼ିକାଡ଼ାଟ୍ ।

ଏଫିସିୟ 1:18

ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ ।

ଏଫିସିୟ 1:5

ଜିସୁ କ୍ରିଷ୍ଟନ୍ ତଡ଼୍‍ ଅଣ୍ଡ୍‌ ମାନାଙ୍କ୍‍ ତାନ୍ ପିଲାନ୍ ଲେକାମ୍ ଗ୍ରହନ୍ ମାଡ଼ାନଙ୍କ୍ ଆଲ୍‍ସି ମାତ୍‍ତଣ୍ଡ୍‍; ଇଦେକେ ମାତ୍‍ତେ ଅନାଦ୍‌ ୱେଡ଼୍‍କ୍‍ ନୁ ଇଚ୍ଛା ।

ଏଫିସିୟ 1:8

ଆଦ୍ ଅଣ୍ଡ୍‌ ମାନାଙ୍କ୍‍ ନାର୍ଗେ ଇତ୍‌ତଣ୍ଡ୍‌‍ ।

ଏଫିସିୟ 1:9

ଇଶ୍ୱର୍ ତା‍ନ୍ ବୁଦ୍‍ତେ ନୁ ଜିୱୁନ୍‍ତେ ପୁନ୍ଦାନାଦିନ୍ ତଡ଼୍‍ ବାତ୍‍ ଆଲ୍‍ସି ମାଡ଼ିମାତ୍‍ତନ୍, ଆଦ୍ ପୁରା ମାଡ଼୍‍ତଣ୍ଡ୍, ମେଣ୍ଡେ ଆଦ୍ କ୍ରିଷ୍ଟନ୍‍ ସାହାଯ୍ୟତେ ବେନେ ମିଞ୍ଜ୍‍ତାଦ୍‍ ଆଲ୍‍ସି ମାତ୍‍ତଣ୍ଡ୍‍ ଆଦ୍‍ ମାନ୍‍ ଗାର୍ରେ କେସ୍‍ମିନ୍ଦେନ୍ ।

ଏଫିସିୟ 3:11

ଇଶ୍ୱର୍ ଅନାଦ୍‌ ସାରେଦିନାତ୍ କାଲାମ୍‍ଦେ ଇଚ୍ଛା ଲେକେମ୍‍ ମାନ୍‍ ପ୍ରବୁ କ୍ରିଷ୍ଟ ଜିସୁନ୍ ତଡ଼୍ ଇଦ୍ ପୁରା ମାଡ଼ିମିନ୍ଦେଣ୍ଡ୍ ।

କଲସୀୟ 1:12

ବାବାଲ୍ ଇଶ୍ୱର ୱେସିନ୍‍ ରାଜ୍ୟତାଗ୍ ତାନ୍‍ ନାରୁଡ଼୍‍ ସେଙ୍ଗେ ବାତ୍‍ ଲେକେତ୍ ନେଃଏତଣ୍ଡ୍, ଆଦିନ୍ ବାଗିଦାର୍‍ ଆଦାନ୍ ସେଙ୍ଗେ ଅଣ୍ଡ୍‌ ଯେ ମିକିଙ୍କ୍ ଯୋଗ୍ୟ ମାଡ଼୍‍ତନ୍, ଅଦିନ୍‌ ସେଙ୍ଗେ ୱେଡ଼୍‍କେତେ ଅଙ୍କ୍‌ ଦନ୍ୟବାଦ୍ ଇମୁଟ୍ ।

କଲସୀୟ 3:24

ଏର୍କେ ନେହେମୁଟ୍, ଇଶ୍ୱର୍‍ ତାନ୍ ନାରୁଡ଼୍ ସେଙ୍ଗେ ବାତେ ନେଃଏତଣ୍ଡ୍, ଆଦ୍ ଅଣ୍ଡ୍‌ ମିକିଙ୍କ୍ ପୁରସ୍କାର୍ ଲେକାମ୍ ଇଦ୍‍ତଣ୍ଡ୍‍ । ବାତେଙ୍କ୍ଇତ୍କେ କ୍ରିଷ୍ଟକେ ମିୟାଦ୍ ନିଜାତଣ୍ଡ୍ ପ୍ରବୁ, ବେନନାଦ୍ ସେବା ମିଡ଼୍‍ ମାଡ଼ୁତିଡ଼୍ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ତୀତସ୍‌ 3:7

ବେଲାକି ମାନାଡ଼୍ ଅନ୍‌ ଅନୁଗ୍ରହତେ ଦାର୍ମାମ୍ ଆସ୍ ଆଦେ ଲେକାମ୍‍ତେ ତେର୍‍ୱାଦ୍ ଜିୱୁଣ୍ଡ୍ ପାଏମ୍ ଆଦ୍‍ତମ୍ ।

ଏବ୍ରୀ 6:17

ଇଶ୍ୱର୍ ବେନଡ଼୍‍କିଂଙ୍କ୍ ଆୱୁସାର୍ରେ ବିଷୟ୍‍ ଦାନ ମାଡ଼ିତଣ୍ଡ୍‍ ଇଞ୍ଜ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍‍, ଆଦ୍‍ ପ୍ରତିଜ୍ଞାତାଗ୍‍ ଅଣ୍ଡ୍‌ କଟମାନ୍‍ତଣ୍ଡ୍‍ ଇଞ୍ଜ ଅଡ଼୍‌‍କିଂଙ୍କ୍ ଲେକେତ୍‌ ବାବେ କେତାନଙ୍କ୍‍ ଅଣ୍ଡ୍‌‍ ତାନ୍‍ ପ୍ରତିଜ୍ଞା ତଡ଼୍‍ ଶପତ୍‍ କାଲ୍‍ପିମାତ୍‍ତଣ୍ଡ୍‍ ।

ଯାକୁବ 2:5

ଆ ନା ଦାଦାଲଡ଼ି ନୁ ଏଲାସ୍କ୍‍, କେଞ୍ଜାଟ୍, ଇଶ୍ୱର୍ ବାତ୍ ଇଦ୍ ଜଗତ୍‍ତେ ଗରିବ୍ ନାରୁଡ଼୍‍କିଂଙ୍କ୍ ବିଶ୍ୱାସ୍‍ତାଦ୍ ଦନ୍‍ତାଗ୍ ସାଉକାର୍ ଆଦାନଙ୍କ୍, ମେଣ୍ଡେ ନିଜେ ପ୍ରେମ ମାଡ଼ାନକିଂଙ୍କ୍ ବେନ୍ ରାଜ୍ୟ ଇଦାନଙ୍କ୍ ଶପତ୍ ମାଡ଼୍‍ତଣ୍ଡ୍, ଆଗେତ୍ ଅଦିକାରି ଆଦାନଙ୍କ୍ ଏଞ୍ଚଣ୍ଡ୍ କି ?

୧ ପିତର୍‍ 1:4

ଆଦିଙ୍କ୍ ଇଶ୍ୱର୍‍ ତାନ୍ ନାରୁଡ଼୍‍ ସେଙ୍ଗେ ବେନ୍ ନାର୍ଗେ ମୁଲ୍ୟ ଆର୍ଶିବାଦ୍ ନେଃତ୍‍ତନ୍, ଆଦ୍ ପାଏମ୍ ଆଦାନ୍ ସେଙ୍ଗେ କେପିମିନ୍ଦେମ୍‍ । ଆଦ୍‍ ଅଣ୍ଡ୍‌‍ ସ୍ୱର୍ଗତାଗ୍‍ ସାୟେମାଡ଼ି ନେଃତଣ୍ଡ୍‍, ଆଗେ ଆଦ୍ ବେସୁଙ୍କ୍‍ ତେର୍‍ର, ନଷ୍ଟ ବା କାର୍‍କ୍‍ ପୟ ।

୧ ପିତର୍‍ 3:9

ଅନିଷ୍ଟ ବଦଲ୍‍ତେ ଅନିଷ୍ଟ ମାଡ଼୍‍ମାଟ୍, ଅବିଶାପ୍‌ ବାଦୁଲ୍‍ତେ ଅବିଶାପ୍‌ ମାଡ଼୍‍ମାଟ୍; ତାନ୍ ପେର୍କେ ଆର୍ଶିବାଦ୍‌ ମାଡ଼ାଟ୍, ବାତେଙ୍କ୍ଇତ୍କେ ଇଦିନ୍ ସେଙ୍ଗେ ଇଶ୍ୱର୍‍ ମିକିଙ୍କ୍ କାର୍‍ଙ୍ଗି ମାତ୍‍ତନ୍ ନୁ ଆଦ୍‍ ମାଡ଼ାନ୍ ପେର୍କେ ମିଡ଼୍ ଆର୍ଶିବାଦ୍ ପାଏମ୍ ଆଦ୍‍ତିଡ଼୍,