୨ ତୀମତି 3:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ଯନ୍ନୀସ ନୁ ଯମ୍ୱ୍ରୀସ୍ ବେଲାନ୍ କି ମୋଶାନ୍‌ ବିରୁଦ୍ଦାଚରନ୍ ମାଡ଼ମାତ୍‍ତଡ଼୍, ଆଦେଲେକାମ୍ ମୁନେତ୍‍ ଦିନାମ୍‍ତେ ହି ଦୁରାଚାରୀଡ଼୍ ସତ୍‍ତେ ବିରୋଦ୍ ମାଡ଼ିତଡ଼୍ ଅଡ଼୍‌ ମସ୍ତିଷ୍କ ବିକୃତି ଗଟେମ୍ ଆଦ୍‍ତେ ନୁ ଅଡ଼୍‌ ଦର୍ମବିଶ୍ୱାସ୍ ବିଲପ୍ ଆତ୍‍ତେ ।

୨ ତୀମତି 3:8 Iomraidhean Croise

ପ୍ରେରିତ 15:24

ମାମ୍‍ମେ କେଞ୍ଜୁତମ୍ ଯେ, ମା ମାନ୍ଦେତେ ବେସ୍‍କ୍‍ତୁଡ଼୍‍ ନାରୁଡ଼୍ ମିଇ ବକେତ୍ ଆଞ୍ଜ୍ ବାତ୍ କେତ୍‍ତଡ଼୍, ଆଦିଙ୍କ୍ ଅଡ଼୍‌ ମିକିଂଙ୍କ୍ ଗାଟିଦାନ୍ଦେ ମାଡ଼୍‍ତଡ଼୍ । ଇତ୍‍କେ ଇଦ୍ ବିଷୟ୍‍ତେ ମାମ୍‍ମେ ଅଡ଼୍‌‍କିଂଙ୍କ୍ ବାତ୍‍ମିକା ନିର୍ଦ୍ଦେଶ୍ ଇୱମ୍ ।

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

ରୋମୀୟ 16:18

ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ ।

ଏଫିସିୟ 4:14

ଗାଟି ଗାଲ୍‍ତେ ନୁ ଗାଟି ଗାଙ୍କୁଡ଼୍‍ତେ ଇକାଆକା ଆସମାନ୍ଦାନ୍ ପିଲାନ୍ ଲେକାମ୍ ମାନାଡ଼୍ ମେଣ୍ଡେ ଦାନ୍ଦେ ଆୟ୍‍ୱାଡ଼୍ । ୱେରେତଡ଼୍‍କିଙ୍କ୍‍ ମେଣ୍ଡେଅନ୍‌ ଆର୍ର୍ ବୁଲ୍‍କା ମାଡ଼ମାନ୍ଦାନ୍ ତିପାଲ୍‍ ମାଡ଼ାନଡ଼୍‍ୱାଦ୍‍ ଚାଲାକ୍‍ ଶିକ୍ଷାତାଗ୍‍ ମାନାଡ଼୍ ଦାନ୍ଦେ ଆୟ୍‍ୱାଡ଼୍ ।

୧ ତୀମତି 1:19

ବିବେକ୍‍ତିଙ୍କ୍ ସାୟେ ନେହ୍‍ସ୍‍, ନି ଦର୍ମ ବିଶ୍ୱାସତେ ଡ଼ୁଟାଙ୍କ୍‍ ମାନ୍‍ । ବେନ୍‍ ବେନ୍‍ଡ଼୍‍ ବିବେକ୍‍ତେ ଚେତାବନୀତିଙ୍କ୍ ୱିଡ଼୍‌ସି ମାଡ଼ି ନିଜର୍‍ ଦର୍ମବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିସ୍‍ ମିନ୍ଦେଡ଼୍‍ ।

୧ ତୀମତି 4:2

ଇଡ଼୍‍ ବେସ୍‍କ୍‍ତୁଡ଼୍‍ ବୁସା ନୁ ମିତ୍ୟାବାଦୀଡ଼୍‍ ଆଦ୍‍ତଡ଼୍‍, ଅଡ଼୍‌‍ୱାଦ୍‍ ବିବେକ୍‍ ଡଲ୍‍ତେ ।

୧ ତୀମତି 6:5

ଅଡ଼୍‌ ବିଚାର୍ ଲେକାମ୍ ଆସ୍ ଆସାମ୍ ଯୁକ୍ତିତର୍କ ତଡ଼୍ ସତ୍ୟତାଦ୍ ଅପଲାପ ମାଡ଼ିତଡ଼୍ । ଦର୍ମବିଶ୍ୱାସ୍‍ତିଙ୍କ୍ ମାତର୍ ସାଉକାର୍ ଆଦାନ୍ ଅଣ୍ଡୟ୍‌ ଆର୍ର୍ ଇଞ୍ଜ ଅଡ଼୍‌ ହେର୍କା ମାଡ଼ିତଡ଼୍ ।

୨ ତୀମତି 4:15

ଲେକେତ୍‍ ଗଟି ପ୍ରଚାର୍‍ତିଙ୍ଗ୍ ଅଣ୍ଡ୍‌ ଲୋତ୍‍ତେକଞ୍ଜ୍ ବିରଦ୍ ମାଡ଼ମାତ୍‍ତନ୍, ଆଦିଙ୍କ୍ ଅନ୍‌ ପାକେ ନିମେ ସତର୍କତେ ଚଲେମ୍ ଆଦ୍‍ତିନ୍ ।

ତୀତସ୍‌ 1:10

ବାତେଙ୍କ୍ ଇତ୍‍କେ ନାର୍‍ଗେ ନିଜାମ୍ କ୍ରିଷ୍ଟ ଦର୍ମ ଗ୍ରହନ୍ ମାଡ଼୍‍ତେ ନାରୁଡ଼୍ ଲୋପେଙ୍କ୍ ମୁର୍କ ନାରୁଡ଼୍, ବୁସାଗଟି କେତାନଡ଼୍ ନୁ ଚାଲାକି ମାଡ଼ାନଡ଼ି ମିନ୍ଦେ, ଅଡ଼୍‌ ସୁନ୍ନତ୍ ଆତ୍‍ତେ ନାରୁଡ଼୍ ଲୋପେ ନାର୍‍ଗେ ମିନ୍ଦେ । ଅଡ଼୍‌ ତାମ୍ ଗଟିନ୍‍ ତଡ଼୍ ବାଗାତଡ଼୍‍କିଙ୍କ୍ ନାର୍‍ଗେ ପ୍ରତାରଣା ମାଡ଼ୁତଡ଼୍ ।

ତୀତସ୍‌ 1:16

ଅଡ଼୍‌ ଇଶ୍ୱର୍‌ତିଙ୍କ୍ ପୁତ୍‍ତଡ଼୍ ଇଞ୍ଜ ସ୍ୱୀକାର୍ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ପାଡ଼୍‍ୟିତଡ଼୍ ଅଂକିଙ୍କ୍‌ ଅସ୍ୱୀକାର୍ ମାଡ଼ିତଡ଼୍; ଅଡ଼୍‌ ପାସ୍କାନଡ଼୍ ନୁ ମୁର୍କ ମେଣ୍ଡେ ସାର୍‍ରେ ସାୟେ ପାଡ଼୍‍ୟିତିଙ୍କ୍ ଯୋଗ୍ୟ ଆୟ୍‍ୟଡ଼୍ ।

୨ ପିତର୍‌ 2:14

ଅଡ଼୍‌ ମିକିଙ୍କ୍ ସିଗ୍ ନୁ କାର୍‍କେ ପୟ୍‍ତେ ଲେକାମ୍ । ଅଡ଼ାୱୁ କଣ୍ଡା କାରାପ୍ କାମ୍‍ତେ ନିଣ୍ଡ୍‍ତେ । ଅଡ଼ାଦ୍‌ ପାପ୍ ବେସୁଙ୍କ୍‍ ପୁରା ଆୟ୍‍ୟ । ଅଡ଼ାଦ୍‌ ଦୁର୍ବଲ୍‍ତେ ମନ୍‍ତେ ନାରୁଡ଼୍‍କ୍ ଉଡ଼ିଇଦାଗ୍ ୱାଟିତଡ଼୍ । ଲବି ଆଦାନଙ୍କ୍‍ ଅଡ଼୍‌‍ୱାଦ୍‍ ଅବ୍ୟାସ୍ । ଅଡ଼୍‌ ଇଶ୍ୱର୍‌ତେ ଅବିଶାପ୍‌‍ତେ ନାରୁଡ଼୍‍ ଆଦ୍‍ତଡ଼୍‍ ।

୧ ଯୋହନ୍‌‌ 2:18

ପିଲାନଡ଼ି ! ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତେ । କ୍ରିଷ୍ଟନ୍ ଶତ୍ରୁଡ଼୍ ୱାଦାନାଦ୍ ସମୟ ଆତ୍‍ତେ ଇଞ୍ଜ୍ କେଞ୍ଜ୍‍ତିଡ଼୍, କ୍ରିଷ୍ଟନ୍ ନାର୍ଗେ ଶତ୍ରୁଡ଼୍ ଇଞ୍ଜେ ତନ୍ଦୁତଡ଼୍; ଆସୁଙ୍ଗ୍ ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତା ଇଞ୍ଜ୍ ମାମେ ପୁତ୍‍ତମ୍ ।

୧ ଯୋହନ୍‌‌ 4:1

ପ୍ରିୟ ସାଙ୍ଗନଡ଼ି ! ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍‌‍ ସାରେତଡ଼୍‍କ୍ ବିଶ୍ୱାସ୍‍ ମାଡ଼୍‍ମାଟ୍; ଅଡ଼୍‌‍ ପାଃଏମ୍ ଆସ୍‍ମାନ୍ଦାନ୍‍ ଆତ୍ମା, ସତ୍‍ତେ ଇଶ୍ୱର୍‌ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍‍ । ବାତେଙ୍କ୍‍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍‍ ସାରେତାକ୍ ବିଚରଣ୍ ମାଡ଼ୁତଡ଼୍ ।

ପ୍ରକାଶିତ୍‌ ବାକ୍ୟ 2:20

ଇତ୍କେ ମିଇ ବିରୁଦ୍ଦତେ ନାୟାଦ୍ ମାତର୍ ଇସର୍ କେତାନାଦ୍ ମିନ୍ଦେ, ଇଶ୍ୱର୍‌ତେ କେତାନ୍ ଗଟ୍ ଲେକାମ୍ ନିଜେତ୍ ପରିଚୟ ଇସମାନ୍ଦାନ୍ ଯେଜେବଲ୍ ପେଦେର୍‍ତେ ନାଟାଡ଼୍‍ତିଙ୍କ୍ ନିମେ ପଡ଼୍‍ୟେ ଇତ୍‍ତିନ୍ । ଆଦ୍ ନା ଦାସଡ଼୍‍କ୍ କାରାପ୍‍ ବ୍ୟବହାର୍‌ ମାଡ଼ାନଙ୍କ୍ ନୁ ଦେବଦେବି ନଡ଼୍‍ପାକେ ଉତ୍ସର୍ଗ ମାଡ଼ିମାନ୍ଦାନ୍ କାଦି ତିନ୍ଦାନଙ୍କ୍ ଶିକ୍ଷା ଇସ୍ ଅଡ଼୍‌‍କିଂଙ୍କ୍ କାରାପ୍‍ ଆର୍‍ଦାଗ୍‍ ଆଦୁତେ ।

ପ୍ରକାଶିତ୍‌ ବାକ୍ୟ 2:6

ମାତର୍ ମିଇ ସପଟ୍‍ତେ ୱେରଡ଼୍ ବିଷୟ ମିନ୍ଦେ । ଆଦ୍ ଅଦୁତ୍, ନା ଲେକାମ୍ ମିଡ଼୍ ଆନ୍‌ତେ ନିକଲାଇତିୟ ନାରୁଡ଼୍‍ଦେ କାମ୍‍ଦିଙ୍କ୍ ଗୃଣା ମାଡ଼ୁତିନ୍ ।