୨ ତୀମତି 3:16 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁶ ସାରେ ଶାସ୍ତ୍ର ଇଶ୍ୱର୍‍ ବିଦ୍ୟା ଇତ୍‍ତେ ପ୍ରନୀତ ସତ୍‍ ଡିଗିୱାସ୍‌ ନୁ ମିଚ୍‌ତେ ପ୍ରତିରଦ୍ ମାଡ଼ି ନୁ ବ୍ରମ କାଲ୍‍ପି ମାଡ଼ାନ୍ ସେଙ୍ଗେ ପରାମର୍ଶ ଇସ୍, ସତ୍‍ଜିୱୁ ବାଦ୍‍କାନଙ୍କ୍ ଦର୍ମଶାସ୍ତ୍ର ସାହାଯ୍ୟ ମାଡ଼ିତ୍,

୨ ତୀମତି 3:16 Iomraidhean Croise

ମାତିଉ 13:52

ଜିସୁ ଅଡ଼୍‌‍କ୍ କେତ୍‍ତାନ୍, “ବେଦ୍‍ଲେକାମ୍ ୱେରନ୍ ଲନ୍‍ମାଲିକ୍ ତାନାଦ୍ ବଣ୍ଡାର୍ ଲୋନ୍‌‍ତାଗାଙ୍କ୍ ବାତ୍‍ତେ ଇଲ୍‍ୱେ ଲେକାମ୍ ପୁନେଲାୱ୍ ନୁ ପାହାନ୍ତାଲାୱ୍ ନିୟ୍ ପେସ୍‍ପିତଣ୍ଡ୍, ସ୍ୱର୍ଗରାଜ୍ୟ ସେଙ୍ଗେ ତାଲିମ୍ ଆସ୍‍ମାନ୍ଦାନ୍ ୱେରନ୍ ଦର୍ମଗୁରୁ ଟିକ୍ ଆଦେଲେକାମ୍ ମାଡ଼ିତନ୍ ।”

ମାତିଉ 21:42

ଜିସୁ ଅଡ଼୍‌‍କିଂଙ୍କ୍ କେତ୍‍ତାନ୍, “ଇଦ୍ ଶାସ୍ତ୍ରତେ ଗଟି ବାତେଏ କାର୍‍ୱିଡ଼୍ ? ଲକ୍ ମାଡ଼ାନଡ଼ି ବେନ୍ କାଲ୍‍ଦିଙ୍କ୍ ପାସ୍‍କି ମାତ୍‍ତଡ଼୍, ଆଦ୍ ମୁଲେ ବେଡ଼୍‍ୟାଦ୍‍ ପ୍ରସ୍ତର୍ ଆତ୍‍ତେ; ପ୍ରବୁନାଗଙ୍କ୍ ଇଦ୍ ଆତ୍‍ତେ, ମେଣ୍ଡେ ଆଦ୍ ମାନ୍‍ କଣ୍ଡେତେ ବେସର୍ ବାକ୍‍ୱା ପାଡ଼୍‍ୟି ?”

ମାତିଉ 22:43

ଜିସୁ ପାଚ୍‍ରାମାଡ଼୍‍ତଣ୍ଡ୍, “ଆଲାଇତ୍‍କେ ଦାଉଦ୍‍ ମସିହଙ୍କ୍ ‘ନା ପ୍ରବୁ’ ଇଞ୍ଜ ବାତେଙ୍କ୍ କେସ୍‍ମିନ୍ଦେଣ୍ଡ୍ ? ପରମାଆତ୍ମାତେ ପ୍ରେରନାତେ ଅଣ୍ଡ୍‌ ଲେକିମିନ୍ଦେଣ୍ଡ୍,”

ମାତିଉ 26:54

ବାତେଙ୍କ୍ ଇତ୍‍କେ ଆଲାଇତ୍‍କେ ହିସାର୍‍ରେ ଗଟେମ୍ ଆଦ୍‍ତେ ଇଞ୍ଜ ଶାସ୍ତ୍ରତାଗ୍ ବାତ୍ ଲେକାମିନ୍ଦେ, ଆଦ୍ ସାରେ ଆଦ୍‍ତେ ବେଦ୍‍ପୁଟୁଙ୍କ୍ ?”

ମାତିଉ 26:56

ଅଣ୍ଡ୍‌ ବାତ୍‍ଆଇ, ବାବବାଦୀଡ଼୍ ଶାସ୍ତ୍ରତାଗ୍ ବାତା ଲେକିମିନ୍ଦେଡ଼୍, ଆଦ୍ ସାରେ ସପଲ୍‍ ଆଦ୍‍ଦାନ୍ ମାଇଦିଙ୍କ୍ ହିଦ୍ ଗଟେମ୍ ଆଦୁତ୍‍ ।” ଆଦ୍ ସମୟ୍‍ତେ ଶିଷ୍ୟଡ଼୍ ସାରେତଡ଼୍ ଜିସୁଙ୍କ୍ ୱିଡ଼୍‍ସି ମିର୍‍ତଡ଼୍ ।

ମାର୍କ 12:24

ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ମିକିଙ୍କ୍‌ ବେସର୍‍ ବୁସା ଚିନ୍ତେ ମିନ୍ଦେ । ଦର୍ମଶାସ୍ତ୍ର ନୁ ଇଶ୍ୱର୍‌ତେ ଶକ୍ତି ବିଷୟ୍‍ତେ ମିଡ଼୍‍ ବାତେ ପୁନ୍‍ୱିଡ଼୍‍ ।

ମାର୍କ 12:36

ପବିତ୍ର ଆତ୍ମାତାଗାଙ୍କ୍‍ ପ୍ରେରଣା ପାହେମ୍‍ଆସ୍‍ ଦାଉଦ୍‍ କେତ୍‍ତଣ୍ଡ୍‍, “ପ୍ରବୁ ନା ପ୍ରବୁଙ୍କ୍ କେତ୍‍ତଣ୍ଡ୍‍,” ମାମ୍‍ ମି ସାରେ ଶତ୍ରୁଡ଼୍‍କିଙ୍କ୍‍ ମି ଡେକେତ୍‍ ମଦଲ୍‍ ମାଡ଼୍‍ନା ଯାକ, ନିମେ ମା ତିନ୍ଦେ ପାକେ କୁଦିମାନ୍‍ ।

ଯୋହନ୍‌‌ 10:35

ବେନଡ଼୍ ପାକେ ଇଶ୍ୱର୍‌ତାଦ୍ ବାକ୍ୟ ମିନ୍ଦେ ଇତ୍‍କେ, ଅଡ଼୍‌‍କିଂଙ୍କ୍ ଯଦି ଅଣ୍ଡ୍‌ ଇଶ୍ୱର୍ ଇଞ୍ଜ କେତ୍‍କେ ମେଣ୍ଡେ, ଦର୍ମଶାସ୍ତ୍ର କଣ୍ଡନ୍ ମାଡ଼ାଙ୍କ୍ ପାର୍‍ୱଡ଼୍,

ଯୋହନ୍‌‌ 3:20

ବାତେଙ୍କ୍ ଇତ୍‍କେ ବେନଆଇ କାରାପ୍ ପାଡ଼ିୟି ମାଡ଼ିତନ୍, ଅଣ୍ଡ୍‌ ୱେସ୍‍ତିଙ୍କ୍‍ ପାସ୍‍କିତ୍‍ତଣ୍ଡ୍, ମେଣ୍ଡେ ବେସୁଙ୍କ୍‍ଆଇ ଅନ୍‌‍ୱାଦ୍ ପାଡ଼୍‌ୟିଦେ ଦଷ୍ ତନ୍ଦିତେ, ଆଦିନ୍ ମାଇଦିଙ୍କ୍ ଅଣ୍ଡ୍‌ ୱେସିନ୍‍ ଗାର୍‍ରେ ୱାଡ଼ଣ୍ଡ୍ ।

ପ୍ରେରିତ 1:16

“ଦାଦାଲଡ଼୍‍ ନୁ ଏଲାସ୍କ୍‍, ବେନ୍ ଇସ୍କରିୟ ଯିହୁଦା ଜିସୁଙ୍କ୍ ପସ୍‍ପିଦାନ୍ ମାଇଦିଙ୍କ୍ ଶତ୍ରୁଡ଼୍ ସେଙ୍ଗେ ହାର୍ ତଅସ୍ ମାତ୍‍ତଣ୍ଡ୍, ଅନ୍‌ ବିଷୟ୍‍ତେ ଦାଉଦ୍ ପବିତ୍ର ଆତ୍ମାତଡ଼୍‍ ଚାଲେମ୍ ଆସ୍ ବବିଷ୍ୟତ୍‍ ଗଟ୍ କେଞ୍ଜ୍‍ସ୍ପି ମାତ୍‍ତଣ୍ଡ୍ । ଦର୍ମଶାସ୍ତ୍ରତାଗ୍ କେତ୍‍ତାଦ୍ ଆଦ୍ ଗଟ୍ ସାରେ ଆଦାନାଦ୍ ନିଜାମ୍ ମାତ୍‍ତେ ।

ପ୍ରେରିତ 18:25

ଅଣ୍ଡ୍‌ ପ୍ରବୁନ୍ ବିଦ୍ୟା ନୁ ଆତ୍ମା ବିଷୟ୍‍ତେ ଶିକ୍ଷା ପାଏମ୍ ଆସ୍ ମାତ୍‍ତଣ୍ଡ୍ ନୁ ଗାଟି ୱେଡ଼୍‌କେତଡ଼୍ ଜିସୁନ୍ ବିଷୟ୍ ଶିକ୍ଷା ହିସ ମାତ୍‍ତଣ୍ଡ୍ । ଇତ୍‍କେ ଇଦ୍ ବିଷୟ୍‍ତେ ଅଣ୍ଡ୍‌ ମାତର୍‍ ଯୋହନ୍‌‌ତେ ଏର୍‍ଦିକ୍ଷା ବିଷୟ୍ ପୁଞ୍ଜ୍ ମାତ୍‍ତଣ୍ଡ୍ ।

ପ୍ରେରିତ 20:20

ମିଡ଼୍ ପୁତ୍‍ତିଡ଼୍ ଯେ, ନାନ୍ ନାରୁଡ଼୍ ବକେତ୍ ପ୍ରଚାର୍ ମାଡ଼ାନ୍ ୱେଲେ ନୁ ମିଇ ଲୋନ୍‌ ଉପଦେଶ୍‍ ହିଦାନ୍ ସମୟ୍‍ତେ ମିୟାଦ୍ ଉପକାର୍ ଆଦାନ୍ ରକମ୍ ବାତ୍ ବିଷୟ୍ କେତାନଙ୍କ୍ ସିଗ୍‍ ଆୟ୍‍ୱେ ମାତ୍‍ତାନ୍ ।

ପ୍ରେରିତ 20:27

ବାତେଙ୍କ୍ଇତ୍‍କେ ଇଶ୍ୱର୍‌ତେ ସାରେ ଉଦେଶ୍ୟ ମିଇ ଗାର୍‍ରେ କେତାନଙ୍କ୍ ନାନ୍ ସିଗ୍‍ ମାଡ଼ନ୍ ।

ପ୍ରେରିତ 28:25

ଇଦ୍ ବିଷୟ୍‍ତେ ଅଡ଼୍‌ ଗାଟି ରାମ୍‍କ୍ ଆଦ୍‍ତଡ଼୍ । ଅଡ଼୍‌ ଆଦାନ୍ ମୁନେନ୍ ପାଉଲ୍ ଅଣ୍ଡୟ୍‌ ଗଟ୍‍ କେତ୍‍ତଣ୍ଡ୍, “ପବିତ୍ର ଆତ୍ମା ମିୱଡ଼୍ ଆନିଦାଦୀଡ଼୍‍କ୍ ବାବବାଦୀ ଯିଶାଇୟନ୍ ପାୟୁର୍‍ତାଲା ନିଜାତେ ଗଟ୍ କେସ୍‍ମାତ୍‍ତଣ୍ଡ୍ !

ରୋମୀୟ 15:4

ଶାସ୍ତ୍ରତାଗ୍ ଲେକାମାନ୍ଦାନ୍‍ ଶିକ୍ଷା ସାର୍‍ରେ ମାନାଦ୍‍ ଉପ୍‍କାର୍ ସେଙ୍ଗେ ମିନ୍ଦେ । ବର୍‍ସାତାଗ୍ ଗାଡ଼୍‍ସ୍ ମାନ୍ଦାନ୍ ସେଙ୍ଗେ ଶାସ୍ତ୍ର ମାନାକିଙ୍କ୍ ଗାଡ଼୍‍ସ୍ ନୁ ସାର୍‍ଦେ ଇଦ୍‍ତେ ।

ରୋମୀୟ 2:20

ମୁର୍କ ନାରୁଡ଼୍‍ତେ ମେସ୍ତେରି, ଅଜ୍ଞାନ୍‍ ନାରୁଡ଼୍‍ତେ ଗୁରୁ । ମିୟାଦ୍‍ ବିଶ୍ୱାସ୍‍ ଯେ ନିୟମ୍‍ତାଗାଙ୍କ୍‍ ମିଡ଼୍‍ ପୁରା ସତ୍ୟ ନୁ ଜ୍ଞାନ୍‍ ପାଏମ୍‍ ଆତ୍‍ତିଡ଼୍‍ ।

ରୋମୀୟ 3:2

ସାର୍‍ରେ ଲେକାତ୍ ନାର୍‍ଗେ । ମୁନେନ୍‍, ଇଶ୍ୱର୍‍ ତାନ୍‍ କାବୁର୍‍ତେ ଦାୟିତ୍ୱ ଯିହୁଦୀଡ଼ାଗ୍‍ ସର୍ପା ମାଡ଼ିମାତ୍‍ତଣ୍ଡ୍‍ ।

ରୋମୀୟ 4:23

“ଦାର୍ମାମ୍ ଆଦାନାଦ୍,” ଶାସ୍ତ୍ରତାଗ୍ ଗଟ୍ ମାତର୍ ଅବ୍ରାହାମ୍‌ତେ ସେଙ୍ଗେ ସାୟେ, ଆଦ୍ ଆୟ୍‍ୟ ।

୧ କରନ୍ତିୟ 12:7

ସାର୍ରେତଡ଼୍‍ୱାଦ୍ ଲେକେତ୍‍ ମାଡ଼ାନ୍ ସେଙ୍ଗେ ସାର୍‍ରେ ନାରୁଣ୍ଡ୍‍ ଲୋପେ ପବିତ୍ର ଆତ୍ମାତେ ଶାତ୍‍ୱାମ୍ ନାର୍‍ଗେ ରକମ୍ ତଅନ୍‌ଦିତ୍ ।

ଗାଲାତୀୟ 3:8

ମୁନେତ୍‍ କଞ୍ଚ୍‍ ଦର୍ମଶାସ୍ତ୍ରତାଗ୍‍ ଲେକା ମିନ୍ଦେ ଯେ, ବିଶ୍ୱାସ୍ ତଡ଼୍ ଇଶ୍ୱର୍ ଅଣଇହୁଦିଡ଼୍‍କ୍ ମିକା ଦାର୍ମାମ୍ ନାରୁଣ୍ଡ୍ ଇଞ୍ଜ କେତିତଣ୍ଡ୍ । ଇଦ୍ ଗଟ୍ ମୁନେନ୍ ଅବ୍ରାହାମ୍‍ତିଙ୍କ୍ କେସ୍‍ମାତ୍‍ତଣ୍ଡ୍, “ମି ତଡ଼୍ ଇଶ୍ୱର୍ ପୃତିବୀତେ ସାରେ ନାରୁଡ଼୍‍କିଙ୍କ୍ ଆର୍ଶିବାଦ୍‌ ମାଡ଼ିତଣ୍ଡ୍ ।”

୨ ତୀମତି 2:25

ଅଙ୍କ୍‌ ବିରଦ୍ ମାଡ଼ମାନ୍ଦାନ୍ ନାରୁଡ଼୍‍କିଙ୍କ୍‍ ଦୋଷତୃଟି ଅଣ୍ଡ୍‌ ମୃଦୁ ଲେକାମ୍ ଦର୍ଶାମାଡ଼ମାନ୍ଦନ୍, ଅନୁତାପ୍ ମାଡ଼ି ସତ୍ ଉପଲବ୍ଦ ମାଡ଼ାନଙ୍କ୍ ଆୟି ତ ଅଣ୍ଡ୍‌‍ଦିନେ ଇଶ୍ୱର୍ ଅଡ଼୍‌‍କିଂଙ୍କ୍ ସୁଜଗ୍‍ ଇଦ୍‍ତନ୍ ।

୨ ତୀମତି 4:2

ସମୟ ବା ଅସମୟ ବିଚାର୍ ମାଡ଼କଟ୍, ମିଡ଼୍ ସାରେଦିନା ଆଦ୍ ବାକ୍ୟ ପରୁ ଗଟି ଇସ୍ ବୁଜାମାଡ଼ିତିଡ଼୍; ଦୌର୍ଯ୍ୟତେ ଶିକ୍ଷା ଇସ୍, ବେସୁଙ୍କ୍‍ ବର୍ତ୍ସନା ମାଡ଼ି, ବେସୁଙ୍କ୍‍ ବା ୱେଡ଼୍‍କେ ଇସ୍ ବାଗାତଡ଼୍‍ ମନ୍‍ତାଗ୍ ଅଦିନ୍‌ ସେଙ୍ଗେ ପ୍ରତ୍ୟୟ ଜନମ୍ ମାଡ଼ିତେ ।

ଏବ୍ରୀ 11:1

ବିଶ୍ୱାସ୍ ଇତ୍‌କେ ବାତା ? ବିଶ୍ୱାସ୍ ଇତ୍‌କେ ମାନାଲ୍‌ ଆଶା କିୟାନାଦ୍‌ ମାଟ୍ଟା ନିଜାମ୍‌ ଆତ୍‍ତେ ଇଞ୍ଜ ଅଣ୍ଡୟ୍‌ ଏର୍କାତେ ମାନ୍ଦାନାଦ୍‌; ମେଣ୍ଡେ ମାନାଲ୍ ଉଡ଼୍‍ୱାଦ୍‌ ମାଟା ନିଜାମ୍‌ ମିନ୍ଦେଣ୍ଡେ ଇଞ୍ଜ ନିଜାମ୍‌ ପୁନ୍ଦାନାଦ୍ ।

ଏବ୍ରୀ 3:7

ଆଦିଙ୍କ୍‍ ପବିତ୍ର ଆତ୍ମା ବେଲା କେତୁତଣ୍ଡ୍‍, “ନେଣ୍ଡ୍‌ ଯଦି ମିଡ଼୍‍ ଇଶ୍ୱରନ୍‌ ଗଟ୍‌ କେଞ୍ଜିତିଡ଼୍‍,

ଏବ୍ରୀ 4:12

ଇଶ୍ୱରତେ ଗଟ୍‌ ଜିୱୁତାଦ୍‌ ନୁ ଆଦ୍‍ ବିଶ୍ୱାତେ ମିନ୍ଦେ । ଆଦ୍‌ ରେଣ୍ଡ୍‌ ୱାୟେ ସୁର୍‌କେସେର୍‌ ତାଗାଙ୍କ୍‍ ଗାଟି ଅଲ୍‌ତେ; ଆତ୍ମା ନୁ ଜିୱେ ମେଣ୍ଡେ ବୁଲା ନୁ ମେଦୁର୍‍ ୱେରେ ମାଡ଼ିତେ, ମେଣ୍ଡେ ନାରୁଡ଼୍‍ତେ ମନ୍‌ତାଗ୍‌ ଆଲ୍‌ସାନାଦ୍‌ ନୁ ଚିନ୍ତେ ମାଡ଼ାନାଦ୍‍ ବିଚାର୍‍ ମାଡ଼ିତ୍‍ ।