୨ ତୀମତି 3:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ନାୟାଦ୍ କଷ୍ଟ ନୁ ଦୁଃକାମ୍ ମିଡ଼୍ ଆଦାଙ୍କ୍‌ ଆଦ୍‌ତିଡ଼୍ ଆଣ୍ଟିୟୋକ୍‌, ଇକନିୟା ନୁ ଲୁସ୍ତ୍ରା ତେ ନା ସେଙ୍ଗେ ଆଦେଲେକାମ୍ ତାଡ଼ନା ଗଟେମ୍ ଆସ୍‍ମାତେ; ନାନେ ଆଦ୍ ସହ୍ୟ ମାଡ଼ିମାତ୍‍ତାନ୍, ମେଣ୍ଡେ ପ୍ରବୁ ନାକିଙ୍କ୍ ଆଉସାରେତାଗାଙ୍କ୍ ଉଦାର୍ ମାଡ଼ିମାତ୍‍ତନ୍ ।

୨ ତୀମତି 3:11 Iomraidhean Croise

ପ୍ରେରିତ 13:14

ଅଡ଼୍‌ ପର୍ଗାତାଗାଙ୍କ୍ ଆଞ୍ଜ୍ ପିସିଦିଆତେ ଅନ୍‌ଥିୟୋକ୍‍ତାଗ୍ ହେୱୁତ୍‍ତଡ଼୍ ନୁ ବିଶ୍ରାମ୍‍ଦିନେ ଦିନ୍ ଉପାସନା ଲତ୍‍ତାଗ୍ ଆଞ୍ଜ୍ କୁଦ୍‍ତଡ଼୍ ।

ପ୍ରେରିତ 13:45

ନାରୁଡ଼୍ ଗହଲିତିଙ୍କ୍ ଉଡ଼ି ଇହୁଦୀଡ଼୍ ଇର୍ଷା ମାଡ଼୍‍ତଡ଼୍ ନୁ ପାଉଲ୍‍ତେ ଗଟ୍‍ତିଙ୍କ୍ ଅତ୍ୟାଚାର୍ ମାଡ଼ି ଅଡ଼୍‌‍କିଂଙ୍କ୍ ଅପମାନିତ ମାଡ଼୍‍ତଡ଼୍ ।

ପ୍ରେରିତ 14:8

ଲୁସ୍ତ୍ରାତାଗ୍ ୱେରଣ୍ଡ୍ ଜନମ୍‍ତାଗାଙ୍କ୍ କୁଟାଲ୍ ମାତ୍‍ତଣ୍ଡ୍ । ଅଣ୍ଡ୍‌ ବିଲ୍‍କୁଲ୍ ତାକାଙ୍କ୍ ପାର୍‍ୱେମାତ୍‍ତଣ୍ଡ୍ ।

ପ୍ରେରିତ 20:19

ଇହୁଦୀଡ଼୍ ଜୋଜନା ସେଙ୍ଗେ ନାନ୍ ବେନ୍‍ସାରେ ଦୁଃକକଷ୍ଟ ପାଏମ୍ ଆତ୍‍ତାନ୍, ଆଦିନ୍ ଲୋପେ ନାନ୍ ପ୍ରବୁନ୍‍ ଦାସତେ ଲେକାମ୍ କାଣ୍ଡେଡ଼ି ରାପି ନମ୍ରତଡ଼୍‍ ନାୱାଦ୍ ପାଡ଼୍‍ୟି ମାଡ଼୍‍ତାନ୍ ।

ପ୍ରେରିତ 23:10

ଯୁକ୍ତିତର୍କ ଗାଟି ବେଡ଼୍‍ୟାଦ୍‍ ପୁଟୁଙ୍କ୍ ଦାରଣ୍ ମାଡ଼୍‍ତେ ଯେ, ନାରୁଡ଼୍ ପାଉଲ୍‍ତିଙ୍କ୍ କଇସ୍ ଦୁଡ଼ା ଦୁଡ଼ା ମାଡ଼ିତଡ଼୍ ଇଞ୍ଜ ସୈନ୍ୟଡ଼୍ ମୁକ୍ୟାଲ୍ ୱେର୍‍ତଣ୍ଡ୍ । ଆଦିଙ୍କ୍ ଅଣ୍ଡ୍‌ ରାମ୍‍କ୍ ଆଦାନ୍ ଲୋପେଙ୍କ୍ ପାଉଲ୍‍ତିଙ୍କ୍ ରକ୍ଷା ମାଡ଼ି ଅଂକିଙ୍କ୍‌ ଦୁର୍ଗତାଗ୍ ଲୋପେ ଆଦାନଙ୍କ୍ ସୈନ୍ୟଡ଼୍‍କିଙ୍କ୍ ଗଟ୍ ହିତ୍‍ତଣ୍ଡ୍ ।

ପ୍ରେରିତ 26:17

ନାନ୍ ନିକିଂଙ୍କ୍ ବେନ୍ ଇହୁଦୀ ନୁ ଅଣଇହୁଦୀ ନାରୁଡ଼ାଗ୍ ରହତିତାନ୍, ଅଡ଼୍‌ଆଗାଙ୍କ୍‌ ନାନ୍ ନିକିଂଙ୍କ୍ ଉଦ୍ଦାର୍ ମାଡ଼ିତାନ୍ ।

ପ୍ରେରିତ 26:22

ଇତ୍‍କେ ନେଣ୍ଡ୍ ଯାକ ଇଶ୍ୱର୍ ନାକିଂଙ୍କ୍ ସାହାଯ୍ୟ ମାଡ଼୍‍ତଣ୍ଡ୍ ନୁ ଆଦିନ୍ ସେଙ୍ଗେ ନାନ୍ ନେଣ୍ଡ୍ ବେଡ଼୍‍ୟଡ଼୍ ସୁଦୁଲଡ଼୍ ସାରେତଡ଼୍ ବକେତ୍ ସାମାନ୍ ସାକ୍ଷ୍ୟ ହିଦାନ୍ ସେଙ୍ଗେ ଦାୟି ଆଦାନ୍ ସେଙ୍ଗେ ନିତ୍‍ତାନ୍ । ବାବବାଦୀଡ଼୍ ନୁ ମୋଶାଲ୍‌‍, ବାତ୍ ଗଟେମ୍ ଆଦ୍‍ତେ ଇଞ୍ଜ କେସ୍‍ମାତ୍‍ତଡ଼୍ ନାନ୍ ଟିକ୍ ଆଦେ ଗଟ୍ କେତୁତାନ୍ ।

ପ୍ରେରିତ 9:16

ନା ପେଦେର୍‍ ସେଙ୍ଗେ ଅଣ୍ଡ୍‌ ବେନ୍ ସାରେ କଷ୍ଟ ପାଏମ୍ ଆଦ୍‍ତନ୍, ନାନ୍ ନିଜେ ଅଂକିଙ୍କ୍‌ କେତିତାନ୍ ।”

ରୋମୀୟ 15:31

ଅବିଶ୍ୱାସୀ ନାରୁଡ଼ାଗାଙ୍କ୍ ନାନ୍ ବେଲା ପବିତ୍ରଆସ୍‌ ସାୟେ ମାନ୍‍ତାନ୍ ନୁ ଯିରୁଶାଲେମ୍‍ତାଗ୍ ନାୟାଦ୍ ପାଡ଼୍‍ୟି ବେଲା ଆଗେ ଇଶ୍ୱର୍‌ତେ ନାରୁଡ଼୍ ପସନ୍ଦ୍ ମାଡ଼ିତଡ଼୍, ଆଦିନ୍‌ସେଙ୍ଗେ ପ୍ରାର୍ତନା ମାଡ଼ମାନୁଟ୍ ।

୨ କରନ୍ତିୟ 1:5

ମାନାଡ଼୍ କ୍ରିଷ୍ଟନ୍ ଗାଟି ଦୁଃକାମ୍ କଷ୍ଟତାଗ୍ ‍କାଇଲ୍‍ତାଙ୍କ୍ କ୍ରିଷ୍ଟନ୍ ତଡ଼୍ ଇଶ୍ୱର୍‌ତେ ମହାସାନ୍ତନାତେ ମିକା ତଡ଼୍ ଆଦେ ପାର୍ଦତାଡ଼୍ ।

୨ କରନ୍ତିୟ 1:7

ମିୟାଗ୍ ମାୱାଦ୍ ଆଶେ ମିନ୍ତେ । ମାମ୍‍ମେ ପୁତ୍‍ତମ୍, ମିଡ଼୍ ମାୟାଦ୍‌ ଦୁଃକାମ୍ ତିପାଲ୍‍ତେ ବେଲାନ୍ ତଡ଼୍ ଆସ୍‍ମିନ୍ତେମ୍, ଆଦ୍‍ଲେକାମ୍ ମା ସାନ୍ତ୍ୱନାତାଗ୍ ମିକା ତଡ଼୍ ଆଦ୍‍ତିଡ଼୍ ।

୨ କରନ୍ତିୟ 12:10

କ୍ରିଷ୍ଟନ୍‍ ସେଙ୍ଗେ ସାରେଲେକାମ୍ ଦୁର୍ବଲ୍‍ତେ, ଅପ୍‍ମାନ୍, କଷ୍ଟ, ଗାଟିତିପାଲ୍ ନୁ ଆପଦ୍ ବିପଦ୍ ନାନ୍ ସୁକାମ୍‍ତେ ମାନ୍‍ତାନ୍, ବାତେଙ୍କ୍‍ଇତ୍କେ ବେସୁଙ୍କ୍‍ ନାନ୍ ଦୁର୍ବଲ୍‍, ଆସୁଙ୍କ୍ ନାନ୍‍ନେ ଶକ୍ତିନଡ଼୍ ।

୨ ତୀମତି 4:7

ନାନେ ସାୟେ ଯୁଦ୍‌ତାଗେ ପ୍ରାଣପନ୍ ମାଡ଼୍‍ତାନ୍ । ଜିୱେତ୍ ମିରାନାଗ୍ ନାନେ ନିରୂପିତ ଆର୍ ଅଦିକ୍‌ ଲେକେତ୍‍ ମାଡ଼ିମିନ୍ଦେନ୍; ନାୟାଦ୍ ବିଶ୍ୱାସ୍‍ତେ ନାନେ ଦୃଡ଼ ମାତ୍‍ତାନ୍ ।

୨ ପିତର୍‌ 2:9

ପ୍ରବୁ ପୁତ୍‍ତନ୍, ବେଲାନ୍ ଦାର୍ମିକ୍ ନାରୁଡ଼୍‍କିଙ୍କ୍‍ ଅଡ଼୍‌‍କିଂଙ୍କ୍‍ ପରିକ୍ଷାତାଗାଙ୍କ୍ ରକ୍ଷା ମାଡ଼ାନଙ୍କ୍‍ ଆଦ୍‍ତେ । ମେଣ୍ଡେ ଦୁଷ୍କର୍ମକାରିଡ଼୍‍କ୍,