୨ ତୀମତି 2:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ମିରାନ୍ ପ୍ରତିଯଗିତାଗ୍ କାଇଲିମାନ୍ଦାନ୍ କାର୍‍ସାନଡ଼୍ ପ୍ରତିଯଗିତାଗ୍ ନିୟମ୍‍ ଲେକାମ୍ ପାଲନ୍ ମାଡ଼୍‍ୱେ ମାତ୍‍କେ, ଆଗାଙ୍ଗ୍ ଅଣ୍ଡ୍‌ ଜିଡ଼୍‍ତେ କାମ୍ ଦାଗ୍ ପୁରସ୍କାର୍ ଲାବ୍ ମାଡ଼େପାର୍‍ୱନ୍ ।

୨ ତୀମତି 2:5 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 13:24

“ସୁଦୁରାଦ୍ ହାର୍‍ଇସ୍ ସ୍ୱର୍ଗତାଗ୍ ଆଦ୍‍ଦାନ୍ ମାଇଦିଙ୍କ୍ ଆଲ୍‍ସି ମାଡ଼ାଟ୍ । ବାତେଙ୍କ୍ ଇତ୍କେ ନାନେ କେତୁତାନ୍, ନାର୍ଗେମାନ୍ଦେ ଆଦ୍‍ଦାନ୍ ମାଇଦିଙ୍କ୍ ଆଲ୍‍ସି ମାଡ଼ିତଡ଼୍ ? ବାତେଙ୍କ୍ ଇତ୍କେ ଆଦାଙ୍କ୍ ପାର୍‍ୱଡ଼୍ ।

ଫିଲିପିୟ 1:15

ଆଦ୍‍ଲେକାମ୍ ଅଡ଼୍‌ଆଗାଙ୍କ୍‌ ବେସ୍‍ତୁଡ଼୍ ଗଲ୍‍କିନଡ଼୍ କପାମ୍ ଆସ୍ ପ୍ରଚାର୍ କାମ୍‍ତାଗେ ଇଞ୍ଜେ କାଇଲ୍‍ତଡ଼୍ । ନୁ ବାଗାତଡ଼୍ ହୃଦୟତାଗ୍ ଆଦ୍ ମାଡ଼ୁତଡ଼୍ ।

କଲସୀୟ 1:29

ଇଦିଙ୍କ୍ ପୁରା ମାଡ଼ାନ୍‍ ମାୟ୍‍ଦିଙ୍କ୍ ନାୟାଗେ ମାନ୍ଦାନ୍ କ୍ରିଷ୍ଟ ଇତ୍‍ତେ ମହାନ୍ ଶକ୍ତିତିଙ୍କ୍ ବ୍ୟବହାର୍ ମାଡ଼ି ନାନ୍ ଜିୱେ ଅପି ଚେଷ୍ଟା ମାଡ଼ୁତାନ୍‍ ନୁ ପାଡ଼୍‍ୟି ମାଡ଼ୁତାନ୍ ।

ଏବ୍ରୀ 12:4

ବାତିଙ୍ଗ୍‌ଇତ୍‌କେ ମିକିଂଙ୍କ୍ ଇଞ୍ଜେ ଆ ପାପାମ୍‌ ବିରୁଦ୍ଦତେ ଡଲାନ୍‍ ସାମାନ୍‍ତାଦ ଯୁଦୁ କିଦାନଙ୍କ୍‌ ୱେୟ ।

ଏବ୍ରୀ 2:7

ନିମା ଅଡ଼୍‌କିଂଙ୍କ୍‌ ଦୂତକିନୁଞ୍ଚ୍ ସୁଡୁଟ୍‌ କମ୍ ମାଡ଼ିମିନ୍ଦେନ୍, ନିମେ ଅଙ୍କ୍‌ ଗୌରବ୍‍ତାଦ୍ ନୁ ଗାଟି ସନ୍‌ମାନ୍‌ତାଦ୍ ସହଜ୍‍ ନେହ୍‌ତଣ୍ଡ୍‍,

ଏବ୍ରୀ 2:9

ମାମ୍ ଉଡୁତମ୍‌, ବେଲାକି ଜିସୁ ସ୍ୱର୍ଗ ଦୂତନୁଞ୍ଚ୍‌ ସୁଦୁଲଣ୍ଡ୍‌ ମାଡ଼ିମାତ୍‌ତଡ଼୍‍, ବେଲାକି ଇଶ୍ୱରନ୍‌ ଅନୁଗ୍ରହନୁଞ୍ଚ୍‌ ସାର୍ରେତଡ୍‌ ମାଇଦିଙ୍କ୍ ଡଲିତଣ୍ଡ୍‌ । ତାନାଦ୍‍ ଆ ଡଲ୍‌ତେ ମାଇଦିଙ୍କ୍ ମାନାଲ୍ ଇଞ୍ଜେ ଅଙ୍କ୍‌‌ ଗୌରବ୍‍ତେ ନୁ ନେକ୍‌କା ସାନ୍‌ମାନ୍‌ତାଦ୍‌ ସହଜ୍‍ କେର୍‍ତାଦ୍‌ ଉଡୁତାଲ୍‌ ।

ଯାକୁବ 1:12

ବେନ ନାରୁଣ୍ଡ୍ ପରିକ୍ଷାତାଗ୍ ଜିଡ଼ିତଣ୍ଡ୍, ଅଣ୍ଡ୍‌ ବାଗ୍ୟବାନ୍‍, ବାତେଙ୍କେଇତ୍କେ ପ୍ରବୁ ତାନ୍ ପ୍ରିୟ ନାରୁଡ଼୍‍କ୍ ବେନ୍ ଜିୱେତାଦ୍ ସହଜ୍‍ ଇଦାନଙ୍କ୍ ଗଟ୍ ଇତ୍‍ତନ୍, ପରିକ୍ଷା ଇତ୍‍ତେ ପେର୍‍କେ ଆ ନାରୁଡ଼୍ ଜିୱେତାଦ୍ ସାୟେ ପ୍ରେମତେ ସହଜ୍ ପାଏମ୍ ଆଦ୍‍ତନ୍ ।

୧ ପିତର୍‍ 5:4

ବେସୁଙ୍କ୍‍ “ଲେକେତ୍ ମେକାଗଲାଲ୍,” ୱାଦ୍‍ତନ୍, ମିଡ଼୍ ଗୌରବ୍‍ତେ ମୁକୁଟ୍‍ ପାଏମ୍ ଆଦ୍‍ତିଡ଼୍ । ଆଦିନାଦ୍ ୱେସ୍ ବେସୁଙ୍କ୍‍ ମୁର୍‍କ୍‍ ଆୟ ।

ପ୍ରକାଶିତ୍‌ ବାକ୍ୟ 2:10

ମିଡ଼୍ ବାତ୍‍ସାରେ ଦୁଃକାମ୍‍ ଆଦାଙ୍କ୍ ଆଦୁତିଡ଼୍, ଅଦିନ୍‌ ସେଙ୍ଗେ ୱେର୍‍ମାଟ୍ । କେଞ୍ଜା ! ମିଇ ଲୋପେଙ୍କ୍ ବେସ୍‍ତୁଡ଼୍‍କ୍ ଜଇଲ୍‍ତାଗ୍ ୱାଟି ଶୟତାନ୍ ପରିକ୍ଷା ମାଡ଼ିତ୍ । ଇତ୍‍କେ ମିୟାଦ୍ ଇଦ୍ ଦୁର୍ଦ୍ଦଶା ମାତର୍ ବେସ୍‍କେ ଦିନ୍ ସାରେପାକ୍ ଆଦ୍‍ତେ । ଇଗେ ଡଲାନାଦ୍ ୱେର୍‍ ମାତ୍‍କେ ମିକା, ନା ପରୁ ବିଶ୍ୱାସ୍ ମାତ୍‍କେ, ନାନେ ମିକିଙ୍କ୍ ଜିୱୁଣ୍ଡ୍‍ ଲେକେତାଦ୍ ମୁକୁଟ୍‍ ଇଦ୍‍ତାନ୍ ।

ପ୍ରକାଶିତ୍‌ ବାକ୍ୟ 3:11

ନାନେ ଯାପେ ୱାଦୁତାନ୍, ମିୟାଦ୍ ବାତେ ମିନ୍ଦେ, ଆଦ୍ ସୁରକ୍ଷା ମାଡ଼ାଟ୍, ବେଲାନ୍ ବେନ ମିୟାଗାଙ୍କ୍, ମିୟାଦ୍ ଜିଡ଼୍‍ତେ ପୁରସ୍କାର୍ ଡଙ୍ଗି ଅୟ୍‍ମାକିଡ଼୍‍ ।

ପ୍ରକାଶିତ୍‌ ବାକ୍ୟ 4:10

ମୁନେଙ୍କ୍ ତାଉ ଚବିଶ୍‍ ଜାନ୍ ବୟସ୍ତେନେତାଲଡ଼୍ ଚିରଞ୍ଜିବି ନାରୁଡ଼୍‍ତେ ସିଂହାସନ୍ ମୁନେ ପ୍ରାଣିପାତ ମାଡ଼ି ତାମାଦ୍ ଆରାଦାନା ମାଡ଼ାନଙ୍କ୍ ପସ୍ପତଡ଼୍ । ମେଣ୍ଡେ ସିଂହାସନ୍ ମଦଲ୍ ନିଜେ ନିଜେତ୍ ମୁକୁଟ୍‍ ୱାଟି ମିକା କେତ୍‍ତଡ଼୍‍,

ପ୍ରକାଶିତ୍‌ ବାକ୍ୟ 4:4

ମେଣ୍ଡେ ସିଂହାସନ୍‌ତାଗେ ସାରେପାକା ତିଡ଼୍‍ଆସ୍‍ ମାନ୍ଦାନ୍ ମେଣ୍ଡନ୍ ଚବିଶ୍‍ଟାନ୍ ସିଂହାସନ୍‌ତାଗେ‍ ଚବିଶ୍ ଜାନ୍ ବୟସ୍‍ତେ ମଣ୍ଡଲିତେ ନେତା ଆଗେ ମାତ୍‍ତଡ଼୍ । ଅଡ଼୍‌ ପାଣ୍ଡେଲାଉ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଅଡ଼୍‌‍ ତାଲ୍‍ତ୍‍ ପରୁ ସୁବର୍ଣ୍ଣ ମୁକୁଟ୍‍ ।