୨ ତୀମତି 2:22 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²² ବେନଡ଼୍ ନିର୍ମଲ୍ ହୃଦୟତେ ଇଶ୍ୱର୍‌ତିଙ୍କ୍ ସାହାର୍ଯ୍ୟ ପ୍ରାର୍ତନା ମାଡ଼ମାନ୍ତନ୍, ଅଡ଼୍‌‍ ସଂସ୍ପର୍ଶତେ ମାଞ୍ଜ୍ ମିଡ଼୍ ଲେଇୟଡ଼୍‍ ଉତ୍ତେଜନାତିଙ୍କ୍ ଆୟତ୍ ମାଡ଼ିତଡ଼୍ ମେଣ୍ଡେ ଦାର୍ମିକ୍‍ତେ, ବିଶ୍ୱାସ୍ତେ, ପ୍ରେମ ନୁ ଶାନ୍ତି ଇଦାନ୍‍ ସେଙ୍ଗେ କାମ୍ ମାଡ଼ାଟ୍ ।

୨ ତୀମତି 2:22 Iomraidhean Croise

ପ୍ରେରିତ 7:59

ଅଡ଼୍‌ ସ୍ତିଫାନ୍‍ତେ ପର୍‍ କାଲ୍‍କ୍ ହେସାନ୍ ୱେଲେ ଅଣ୍ଡ୍‌ ପ୍ରବୁଙ୍କ୍ ପ୍ରାର୍ତନା ମାଡ଼ି କେତ୍‍ତଣ୍ଡ୍, “ପ୍ରବୁ ଜିସୁ, ନାୱାଦ୍ ଆତ୍ମାତିଙ୍କ୍ ଗ୍ରହନ୍ ମାଡ଼େ ।”

ପ୍ରେରିତ 9:14

ମେଣ୍ଡେ ଅଣ୍ଡ୍‌ ମୁକ୍ୟ ଯାଜକ୍‍ତାଗାଙ୍କ୍ ଅଦିକାର୍‌‍ ଚିଟି ଆସ୍, ଦାମାସ୍‍କସ୍‍ ପେଦେର୍‍ତାଗ୍ ନିକିଂଙ୍କ୍ ଉପବାସ୍ ମାଡ଼ାନଡ଼୍‍କିଙ୍କ୍ ପୟ୍‍ସ୍ ଆଦାନ୍ ସେଙ୍ଗେ ୱାତ୍‍ତଣ୍ଡ୍ ।”

ରୋମୀୟ 14:17

ଇଶ୍ୱର୍‌ତେ ରାଜ୍ୟତାଦ୍ ବିଷୟ୍ କାଦି ବା ଉନ୍ଦାନାଦ୍ ଆୟ୍‍ୟ । ଆଦ୍ ପବିତ୍ର ଆତ୍ମାତଡ଼୍ ଇତ୍‍ତାଦ୍ ଦାର୍ମାମ୍, ଶାନ୍ତି ନୁ ୱେଡ଼୍‍କ୍‍ ।

ରୋମୀୟ 14:19

ଆଦିଙ୍କ୍ ୱାଡ଼ାଟ୍, ନିଜର୍‍ନିଜର୍ ଲୋପେ ଶାନ୍ତି ତିୟାର୍ ମାଡ଼ାନଙ୍କ୍ ନୁ ନିଷ୍ଟା ତିୟାର୍ ମାଡ଼ାନ୍ ସେଙ୍ଗେ ବାତ୍ ସାର୍‍ରେ ଦର୍‍କାର୍, ଆଦିଙ୍କ୍ ଉଡ଼ିତାଡ଼୍ ।

୧ କରନ୍ତିୟ 1:10

ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ ।

୧ କରନ୍ତିୟ 1:2

କରନ୍ତି ଟାୱୁନ୍‍କିନ୍ ଇଶ୍ୱରତେ ମଣ୍ଡଲିକିଙ୍କ୍ ଇଦ୍ ଚିଟି ଲେକୁତଡ଼୍, ବେନ୍‌ମାନେ ଇଶ୍ୱରନ୍ ପବିତ୍ର ନାରୁନ୍ ଆଦାନ୍ ମାଇଦିଙ୍କ୍‌ ଏଞ୍ଚ୍‌ତଡ଼୍‌ ମେଣ୍ଡେ ଜିସୁ କ୍ରିଷ୍ଟନ୍‌ ସାଙ୍ଗ୍‌ କାଇଲ୍‍ତା ସେଙ୍ଗେ ଇଶ୍ୱର୍‌ନଡ଼୍‌ ଆସ୍‌ ମିନ୍ଦେଡ଼୍‌ ନୁ ସାର୍ରେତାଗ୍ ମାନ୍‍ ଜିସୁ କ୍ରିଷ୍ଟନାଦ୍ ପୁଜା କିସମିନ୍ଦେଡ଼୍ ।

୧ କରନ୍ତିୟ 10:14

ଆଦିଙ୍କ୍ ହୋ ପ୍ରିୟ ସାଙ୍ଗଡ଼ି, ମିଡ଼୍ ପୁତ୍‍ଲାମ୍ ପୁଜା ବନ୍ଦ୍‍ ମାଡ଼ାଟ୍ ।

୧ କରନ୍ତିୟ 14:1

ଆଦିଙ୍କ୍ ପ୍ରେମ ସେଙ୍ଗେ ମିଡ଼୍ ତିଆର୍‍ତେ ଆୟ୍‍ମୁଟ୍ । ମେଣ୍ଡେବାଗାତ୍ ଆତ୍ମାତାଦ୍ ଦାନ ପାଏମ୍ ଆଦାନଙ୍କ୍, ବିଶେଷ୍‍ମାଡ଼ି ଇଶ୍ୱର୍‌ତାଦ୍ ବାକ୍ୟ ପ୍ରଚାର୍ ମାଡ଼ାନଙ୍କ୍, ମିୟାଦ୍ ଲୋପେତ୍ ଇଚ୍ଛା ଆୟି ।

୧ କରନ୍ତିୟ 6:18

ବ୍ୟବିଚାର୍‍ ନୁଞ୍ଚ୍‌ ଜେକେ ଆନୁଟ୍ । ନାରୁଡ଼୍‌ ବାତାବା ପାପ୍‌ କିତ୍‌କେ, ଆଦ୍‌ ମେନ୍ଦୁଲ୍‌ତେ ସେଙ୍ଗେ କାରାପ୍‌; ବାତେଙ୍କ୍ ଇତ୍‍କେ ବେନ ବ୍ୟବିଚାର୍‌ ମାଡ଼ିତଣ୍ଡ୍‌, ଅଣ୍ଡ୍‌‌ ତାନ୍ ମେନ୍ଦୁଲ୍ ବିରୁଦ୍‍ତେ ପାପ୍‌ ମାଡ଼ିତନ୍ ।

୧ ତୀମତି 1:14

ମା ପ୍ରବୁନ୍‍ ନାର୍ଗେ ଅନୁଗ୍ରହ ନୁ ଅନାଗ୍‍ ବିଶ୍ୱାସ୍‍ ମେଣ୍ଡେ ପ୍ରେମତେ ଆସ୍‍ମିନ୍ଦେନ୍‍ ।

୧ ତୀମତି 1:5

ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

୧ ତୀମତି 2:8

ନାନ୍‍ ଚାଏମ୍‍ ଅଦୁତାନ୍‍ ଉପାସନାତାଗ୍ ପବିତ୍ର କାୟ୍‍ ତେଇସ୍‍ ସାରେତଡ଼୍‍ ପ୍ରାର୍ତନା ମାଡ଼ିଡ଼୍‍ । ମନ୍‍ତାଦ୍‍ ସାରେ ପ୍ରକାର୍‍ କପାମ୍‍ ନୁ ଇର୍ଷା ୱିଡ଼୍‍ସିୱିଡ଼୍‍ ।

୧ ତୀମତି 4:12

ମିଡ଼୍ ନିଜର୍ ଗଟ୍ ତିର୍‍ୟାନାଦ୍, ଆଚରନ୍, ପ୍ରେମ୍, ବିଶ୍ୱାସ୍‍ ନୁ ଚରିତ୍ର ନିର୍ମଲତାରେ ଆଦର୍ଶ ତଅତେ ପାର୍‍ତଡ଼୍, ସୁଦୁର୍ ବୟସ୍‍ ଆସ୍‍ମାତ୍‍କେ ବା ମିକିଙ୍କ୍ ମଣ୍ଡଲିତାଗ୍ ବେନ ଅବଜ୍ଞା ମାଡ଼େପାର୍‍ୱଡ଼୍ ।

୧ ତୀମତି 6:11

କିନ୍ତୁ ଆ ତୀମତି ନିମେ ୱେରଣ୍ଡ୍‍ ଇଶ୍ୱର୍‌ତେ ନାରୁନି ଆଦିଙ୍କ୍‍ ହି ସାରେତାଗାଙ୍କ୍ ନିମେ ଦୂରାମ୍ ମାନୁଟ୍ । ଦର୍ମତେ ନୁ ଇଶ୍ୱର୍‌ତେ ପାକେ ବିଶ୍ୱାସ୍, ପ୍ରେମ, ସହିଷ୍ଣତା ନୁ ସୌଜନ୍ୟ ଲେକାମ୍ ସଦ୍‍ଗୁତାୱ ପରିପୂର୍ଣ୍ଣ ଆଦାଙ୍କ୍ ଚେଷ୍ଟା ମାଡ଼ାଟ୍ ।

ଏବ୍ରୀ 12:14

ସାର୍ରେତର୍ ସାଙ୍ଗ୍‌ ଶାନ୍ତିତେ ବାଦ୍‌କାନଙ୍କ୍‌ ନୁ ପବିତ୍ର ଜିୱା ବାଦ୍‌କାନଙ୍କ୍‌ ଉଦ୍ୟମ୍‌ ମାଡ଼ାଟ୍, ବାତାଙ୍କ୍‌ଇତ୍‌କେ ଆଦିଙ୍କ୍‌ ୱିଡ୍‌ସିତ୍‌କେ ବେନବା ପ୍ରବୁଙ୍କ୍‍ ଉଡ଼େପାର୍‌ଣ୍ଡ୍‌ ।

୧ ପିତର୍‍ 2:11

ପ୍ରିୟ ସାଙ୍ଗନଡ଼ି, ମୀଇଡ଼୍ ଇଦ୍ ଜଗତ୍‍ତାଗ୍ ୱେରେ ଦେଶ୍‍ତଡ଼ି ନୁ ଇଗେତଡ଼ି ଲେକାମ୍ । ଆଦିଙ୍କ୍ ଅନୁରଦ୍‌ ମାଡ଼ୁତାନ୍, ମୀଇଡ଼୍ ସାରେ ଦାମ୍ ଆତ୍ମା ବିରୁଦ୍ଦତେ ଯୁଦ୍‌ ମାଡ଼ମାନ୍ଦାନ୍‍ ମେନ୍ଦୁଲ୍‍ ଲାଲସାତାଗାଙ୍କ୍‍ ପେୟିସ୍‍ ୱାଡ଼ାଟ୍‍ ।

୧ ପିତର୍‍ 3:11

ଅଣ୍ଡ୍‌ କାରାପ୍‍ତାଗାଙ୍କ୍ ମାଲ୍‍ସ୍‍ ୱାସ୍ ସାୟେକାମ୍ ମାଡ଼ିଣ୍ଡ୍ ନୁ ମନ୍‍ଇସ୍‍ ଶାନ୍ତି କାମ୍ ମାଡ଼ିଣ୍ଡ୍ ।

୩ ଯୋହନ୍‌‌ 1:11

ପ୍ରିୟ ସାଙ୍ଗନଡ଼ି, କୁଆଦର୍ଶତିଙ୍କ୍ ପେର୍କେ ଆନ୍‌ମାଟ୍, ମାତର୍ ସାୟେ ଆଦର୍ଶତିଙ୍ଗ୍ ଗ୍ରହନ୍ ମାଡ଼ାଟ୍ । ବେନ ସତ୍‍ କାମ୍‍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ନାରୁଣ୍ଡ୍; ବେନ ଆସତ୍ କାମ୍‍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନନ୍ ।