୨ ତୀମତି 2:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

୨ ତୀମତି 2:10 Iomraidhean Croise

ମାତିଉ 24:22

ବାତେଙ୍କ୍ ଇତ୍‍କେ ହି ଦୁଃକତ୍‍ ଦିନାମ୍‍ତିଙ୍କ୍ ଇଶ୍ୱର୍ କମ୍‍ ମାଡ଼ିସ୍‍ ମିନ୍ଦେଣ୍ଡ୍ । ଆଲା ଆୟ୍‍ୟକଟ ମାନ୍ଦାନ୍‍ଇତ୍କେ, ମେଣ୍ଡେ ବେନ ବାଦ୍‍କ୍‍ ପାର୍‍ୱଣ୍ଡ୍ ଆୟେଣ୍ଡ୍ । ବାତେଙ୍କ୍ ଇତ୍‍କେ ତାନ୍ ହେଞ୍ଚିମାନ୍ଦାନ୍ ନାରୁଡ଼୍‍କିଂଙ୍କ୍ ଗେଲ୍‍ସ୍ପାନ୍ ମାଇଦିଙ୍କ୍ ଇଶ୍ୱର୍ ଆଦ୍ ସମୟ୍‍ତିଙ୍କ୍ ସୁଦୁଟ୍ ମାଡ଼ିସ୍‍ ମିନ୍ଦେଣ୍ଡ୍ ।

ମାତିଉ 24:24

ବାତେଙ୍କ୍ ଇତ୍କେ ନିଜ୍‍ତିଙ୍କ୍ ବଣ୍ଡକ୍ରିଷ୍ଟ କେସମାନ୍ତ୍‍ତଡ଼୍‍ ବୁସାମାଡ଼ାନଡ଼୍‍ ଆସୁଟେ ତନ୍ଦିତଡ଼୍‍ । ଅଡ଼୍‌ ବାକ୍‍ୱା ନୁ ବାକ୍‍ୱାତାଉ ପାଡ଼୍‍ୟି ତୟ୍‍ସ୍‍ ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରୁଡ଼୍‍କ୍ ବୁଲ୍‍କା ମାଡ଼ିତଡ଼୍ ।

ମାତିଉ 24:31

ମହିର୍‍ତେ ଶଦ୍ଦ ନୁ ପୃତିବିତାଗ୍ ୱେରଡ଼୍ ପଡ଼ିୟେ ତାଗାଙ୍କ୍ ମେଣ୍ଡନ୍ ପଡ଼ିୟେ ହେୱ୍‍ନା ଅନ୍‌ ହେଞ୍ଚଣ୍ଡ୍ ନାରୁଡ଼୍‍କ୍ ମଦ୍‍ମାଡ଼ି ତାତାନ୍ ମାଇଦିଙ୍କ୍ ନାରୁନ୍‍ପିଲେ ତାନ୍ ଦୂତକିଙ୍କ୍ ରହ୍‍ତିତନ୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7

ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 22:57

ବାତେଙ୍କ୍ ଇତ୍କେ ପିତର୍ କେତ୍ତଣ୍ଡ୍, “ଇଲେ, ନାନ୍ ଅକିଂଙ୍କ୍‌ ପୁନନ୍ ।”

ଯୋହନ୍‌‌ 11:52

ଚିହ୍ନେ ୱେରେ ଆସ୍‍ମାନ୍ଦାନ୍ ଇଶ୍ୱର୍‌ତେ ନାରୁଡ଼୍, ୱେରଡ଼୍ ଗଷ୍ଟିତାଗ୍ ଅଣ୍ଡୟାଗେ ମାଡ଼ାଙ୍କ୍ ଜିସୁଙ୍କ୍ ଡଲେ ୱେଇତିତ୍ ।

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ଯୋହନ୍‌‌ 17:9

“ନାନ୍ ଅଡ଼୍‌ ସେଙ୍ଗେ ପ୍ରାର୍ତନା ମାଡ଼ୁତାନ୍; ଜଗତ୍ ସେଙ୍ଗେ ପ୍ରାର୍ତନା ମାଡ଼ନ୍, ବାତେଙ୍କ୍ ଇତ୍‍କେ ନିମ୍‍ ନାକିଂଙ୍କ୍ ବେନ୍ ନାରୁଡ଼୍‍କ୍ ହିତ୍‍ତିନ୍, ଅଡ଼୍‌ ସେଙ୍ଗେ ପ୍ରାର୍ତନା ମାଡ଼ୁତାନ୍, ବାତେଙ୍କ୍ ଇତ୍‍କେ ଅଡ଼୍‌ ନି ମାନେଇ;

ରୋମୀୟ 2:7

ବେନଡ଼୍ ଗାଡ଼୍‍ସ୍ ଆସ୍ ସାୟେତ୍ ପାଡ଼୍‍ୟି ମାଡ଼ି ଗୌରବ୍, ସମ୍ମାନ୍ ନୁ ଅମର୍ ଆଦାନଙ୍କ୍ ଚାଏମ୍ ଆଦ୍‍ତଡ଼୍, ଅଡ଼୍‌‍କିଂଙ୍କ୍ ସାରେଦିନାତ୍ ଜିୱୁଣ୍ଡ୍ ଇଦ୍‍ତଣ୍ଡ୍,

ରୋମୀୟ 9:23

ମେଣ୍ଡେ ଅଣ୍ଡ୍‌ ତାନ୍ ଗୌରବ୍ ତଅତାନ୍ ସେଙ୍ଗେ ମାନାଙ୍କ୍‍ ଗାଟି ଅନୁଗ୍ରହ ତଡ଼୍ ମୁନେନ୍ ଏଞ୍ଚିମାତ୍‍ତଣ୍ଡ୍ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 9:22

ବେନଡ଼୍ ବିଶ୍ୱାସ୍‍ତାଗ୍ ଶାତ୍‍ୱାମ୍ ଇଲ୍‍ଲେ, ଅଡ଼୍‌‍କିଂଙ୍କ୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ଲେକାମ୍ ଆତ୍‍ତାନ୍ । ବେଲାମେଣ୍ଡେ ଆୟି ଅଡ଼୍‌‍କିଂଙ୍କ୍ ଗେଲ୍‍ସ୍ପାନ୍ ମାୟ୍‍ଦିଙ୍କ୍ ନାନ୍ ସାରେ ୱେରେ ଲେକାମ୍ ବ୍ୟବହାର୍‌ ଆଚରଣ ମାଡ଼୍‍ତାନ୍ ।

୨ କରନ୍ତିୟ 1:6

ମାନାଡ଼୍ ଯଦି ଦୁଃକାମ୍ କଷ୍ଟ ମାଡ଼ିତାଡ଼୍, ଆଦ୍ ମିକିଂଙ୍କ୍ ଉପକାର୍ ନୁ ପରିତ୍ରାଣ ସେଙ୍ଗେ । ମାନ୍‍ ସାନ୍ୱନା ଦର୍କେ, ମିଡ଼୍ ମିକା ଆଦେଲେକାମ୍ ଗାଡ଼୍‍ସ୍‍ତେ ଦୁଃକାମ୍ କଷ୍ଟ ମାଡ଼ାନ୍ ସେଙ୍ଗେ ସାନ୍ୱନା ନୁ ଶକ୍ତି ଦର୍‍କିତ୍ ।

୨ କରନ୍ତିୟ 12:15

ମିଇକିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ନାୟାଦ୍ ସର୍ବସ୍ୱ, ଇଦ୍‍ଲେକାମ୍ କି ନିଜେତିଙ୍ଗ୍ ୱେଡ଼୍‍କେତେ ଉସ୍ୱର୍ଗ ମାଡ଼ିଇଦାନ୍ ସେଙ୍ଗେ ନାନ୍ ତିଆର୍ । ନାନ୍ ମିକିଂଙ୍କ୍ ଇସର୍ ଅଦିକ୍‌ ପ୍ରେମ ମାଡ଼ୁତାନ୍ ଇଞ୍ଜ ମିଇଡ଼୍ ବାତେଏ ନାକିଂଙ୍କ୍ ଇସର୍ ସୁଦୁଟ୍ ପ୍ରେମ ମାଡ଼ିତିଡ଼୍ ?

୨ କରନ୍ତିୟ 4:15

ମିୟାଦ୍ ସାୟେତ୍ ସେଙ୍ଗେ ଇଦ୍‍ସାରେ ଆଦୁତ୍‍ତେ । ଆଦିଙ୍କ୍ ଇଶ୍ୱର୍‌ତେ ଅନୁଗ୍ରହ ମେଣ୍ଡେ ପେର୍କେତାଗାଙ୍କ୍ ଅଦିକ୍‌ ନାର୍ଗେଆଦାନ୍ ସଙ୍ଗେ ନାରୁଡ଼୍‍କ୍ ଇଟ୍‍ତଣ୍ଡ୍, ମେଣ୍ଡେ ନାର୍‍ଗେ ଦନ୍ୟବାଦ୍ ଲେକାମ୍ ଇଶ୍ୱର୍‌ତେ ଗୌରବ୍ ମାଡ଼ିତଡ଼୍ ।

୨ କରନ୍ତିୟ 4:17

ଇଦ୍ ସାମାନ୍ୟ ନୁ ସେନେକ୍‍ତାଦ୍ ଦୁଃକାମ୍ କଷ୍ଟ ମାନ୍‍ ସେଙ୍ଗେ ତାତୁତ୍ ସାରେଦିନାତାଦ୍ ଗୌରବତାଦ୍ ସମ୍ପତି ।

ଏଫିସିୟ 3:13

ଆଦିନ୍ ମାୟ୍‍ଦିଙ୍କ୍ ନାୟାଦ୍ ଅନୁରଦ୍‌, ମିଇ ମାୟ୍‍ଦିଙ୍କ୍ ନା ଦୁଃକାତ୍ ମାୟ୍‍ଦିଙ୍କ୍ ମୁର୍‍ମୁରା ଆୟ୍‍ମାଟ୍, ବାତେଙ୍କ୍‍ଇତ୍‍କେ ଇୱୁସାର୍ରେ ମିଇ ସାୟେତ୍ ମାୟ୍‍ଦିଙ୍କ୍ ଆସ୍‍ମିନ୍ଦେ ।

କଲସୀୟ 1:24

ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

୧ ଥେସଲନିୟ 5:9

ଇଶ୍ୱର୍ ମାନ୍‍ ଅନ୍‌ କପାମ୍‍ତେ ନାରୁଡ଼୍ ଆଦାନଙ୍କ୍ ହେଞ୍ଜନ୍; ପ୍ରବୁ ଜିସୁ କ୍ରିଷ୍ଟନ୍ ନାଡ଼୍‍ମେ ମାନ୍‍ ପରିତ୍ରାଣ୍ ମାଡ଼୍‍ତନ୍‍ ସେଙ୍ଗେ ତିଆର୍ ମାଡ଼୍‍ତଣ୍ଡ୍ ।

୨ ଥେସଲନିୟ 2:14

ମିଇ ପାକେ ମାମ୍‍ମେ ବେନ୍ ନେଲା କାବୁର୍ କେତ୍‍ତଣ୍ଡ୍, ଆଦିନ୍ ସେଙ୍ଗେ ଇଶ୍ୱର୍ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ । ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ମାଇମାତେ ଗୌରବ୍‍ତେ କାଇଲାନ୍ ସେଙ୍ଗେ ଅଣ୍ଡ୍‌ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ ।

୨ ତୀମତି 1:1

ନାନ୍‍ ପାଉଲ୍, କ୍ରିଷ୍ଟ ଜିସୁନ୍‍ନାଗେ ମାନ୍ଦାନ୍ ଜିୱେ ସମ୍ବଦୀୟ ପ୍ରତିଜ୍ଞା, ଲେକାମ୍ ଇଶ୍ୱର୍‌ତେ ଇଚ୍ଛା ତଡ଼୍ କ୍ରିଷ୍ଟ ଜିସୁନାଗେ ନାନେ ୱେରନ୍ ପ୍ରେରିତ ।

୨ ତୀମତି 2:1

ନା ପ୍ରିୟ ମାର୍‍, କ୍ରିଷ୍ଟ ଜିସୁନ୍ ତୋଡ଼ କାୟ୍‍ଲାନ୍ ସେଙ୍ଗେ ଅନୁଗ୍ରମାମେ ଅନ୍‌ୟାୟ ବେନ୍ ଶକ୍ତି ଦରକିତ୍, ଆଗାଙ୍କ୍ ମିଡ଼୍ ଡାଟାମ୍‍ ଆୟମୁଟ୍ ।

୨ ତୀମତି 2:3

କ୍ରିଷ୍ଟ ଜିସୁନ୍ ୱେରଣ୍ଡ୍ ବିଶ୍ୱସ୍ତ ସୌନିକ୍ ଲେକାମ୍ ମିଡ଼୍ ଅନ୍‌‍ ସେଙ୍ଗେ ଦୁଃକା‍ମ୍ ମାଡ଼ାଟ୍ ।

ତୀତସ୍‌ 1:1

ନାନ୍ ପାଉଲ୍, ଇଶ୍ୱର୍‌ତେ ଦାସ ନୁ ଜିସୁ କ୍ରିଷ୍ଟନ୍ ରହତେନଣ୍ଡ୍ ପ୍ରେରିତଶିଷ୍ୟ, ତୀତସ୍‍ତେ ବକେତ୍ ଲେକୁତାନ୍ । ଇଶ୍ୱର୍ ଏଞ୍ଚ୍‍ତେ ନାରୁଡ଼ାଦ୍ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନଙ୍କ୍ ନୁ ମାନ୍‍ ଦର୍ମବିଶ୍ୱାସ୍‍ତାଦ୍ ସତ୍‍ତିଙ୍କ୍ ଅଡ଼୍‌‍କିଂଙ୍କ୍ ସଚେତନ୍ ମାଡ଼ାନଙ୍କ୍ ନାନ୍ ହେଞ୍ଚିମାନ୍ଦାନ୍ ଆସ୍‍ମିନ୍ଦେନ୍ ।

୧ ପିତର୍‍ 2:10

ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ନାରୁଡ଼୍ ଆୟିୱେ ମାତ୍‍ତିଡ଼୍, ଇଞ୍ଜେ ଆତ୍‍ତିଡ଼୍ । ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ଦୟା ବିଷୟତେ ଦର୍‍କ୍‍ୱେ ମାତ୍‍ତିଡ଼୍, ଇଞ୍ଜେ ଅନ୍‌ ଦୟାତେ ନାରୁଡ଼ି ଆତ୍‍ତିଡ଼୍‍ ।

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।