୨ ତୀମତି 1:18 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁸ ମହାବିଚାର୍ ଦିନେତ୍‍ତେ ପ୍ରବୁ ଅନ୍‌ ସେଙ୍ଗେ ଦୟା ଆଇଣ୍ଡ୍ । ଏପିସୀତାଗ୍ ଅଣ୍ଡ୍‌ ନାକିଙ୍କ୍ ବେସର୍ ସେବା ମାଡ଼ିମାତ୍‍ତନ୍, ମିଡ଼୍ ଆୱୁ ସାରେ ଗଟ ପୁତ୍‍ତିଡ଼୍ ।

୨ ତୀମତି 1:18 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:72

ବେଲା କି ଅଣ୍ଡ୍‌ ମା ଆନିଦାଦିଡ଼୍ ସେଙ୍ଗେ ଦୟା ବ୍ୟବହାର୍ ମାଡ଼ିତନ୍, ନୁ ଅଡ଼୍‌‍ ସେଙ୍ଗେ ମାଡ଼ିମାନ୍ଦାନ୍ ନିଜର୍ ପବିତ୍ର ନିୟମ୍ ହେର୍କା ମାଡ଼ିତନ୍,

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 1:78

ମାନ୍‍ ଇଶ୍ୱର୍‌ କୃପା ନୁ କୋମଲ ହୃଦୟ୍ ଅଣ୍ଡ୍‌ ମାନ୍‍ ସେଙ୍ଗେ ପରିତ୍ରାଣତେ ପଡ଼ଦ୍ ପେସ୍‍ପିତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 8:3

ହେରୋଦତେ ବେବର୍ତ୍ତା କୁଜାନ୍ ମୁତ୍‍ତେ ଯୋହନ୍‌, ଶୋଶନ୍‍ନା, ମେଣ୍ଡେ ନାର୍ଗେ ନାଟା ଅନ୍‌ ତଡ଼୍ ମାଞ୍ଜ୍ ନିଜର୍ ସମ୍ପତ୍ତି ଇସ୍‌ ଜିସୁ ନୁ ତାନ୍ ଶିଷ୍ୟଡ଼କ୍ ସେବା ମାଡ଼ମାତ୍‍ତା ।

ପ୍ରେରିତ 18:19

ଅଡ଼୍‌ ଏଫିସସ୍‌ତାଗ୍ ହେୱୁତ୍‍ତେ ପେର୍‍କେ ପାଉଲ୍ ପ୍ରିସ୍କିଲା ନୁ ଆକ୍ୱିଲାତିଙ୍କ୍ ବିଦାୟ୍ ହିତ୍‍ତଣ୍ଡ୍ । ଅଣ୍ଡ୍‌ ଆଗେ ପ୍ରାର୍ତନା ସବାତାଗ୍‍ ଆଞ୍ଜ୍ ଇହୁଦୀଡ଼୍‌ତଡ଼୍ ଆଲୋଚନା ମାଡ଼୍‍ତଣ୍ଡ୍ ।

ପ୍ରେରିତ 18:21

ଆଦ୍‍ଦାନ୍ ୱେଲେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଯଦି ଇଶ୍ୱର୍‌ତାଦ୍ ଇଚ୍ଛା ମାନ୍‍ତେ, ନାନ୍ ମିଇ ବକେତ୍ ମାଲ୍‍ସ୍ ୱାଦ୍‍ତାନ୍ ।” ତାନ୍‍ପେର୍କେ ଅଣ୍ଡ୍‌ ଏର୍‍ଜାହାଜ୍ ତଡ଼୍ ଏଫିସସ୍‌ ୱିଡ଼୍‍ସି ଦବ୍‍ଆତ୍‍ତଣ୍ଡ୍ ।

ପ୍ରେରିତ 19:1

ଆପୋଲ୍ଲୋ କରିନ୍ଥୀୟତାଗ୍ ମାନ୍ଦାନ୍ ୱେଲେ, ପାଉଲ୍ ଆଦ୍ ଦେଶ୍‍ତେ ନାଡ଼୍‍ମେଙ୍କ୍ ଆଞ୍ଜ୍‍ ଏପିସସ୍‍ତାଗ୍ ହେୱୁତ୍‍ତଣ୍ଡ୍ । ଆଗେ ଅଣ୍ଡ୍‌ ବେସ୍‍କ୍‍ତୁଡ଼୍‍ ଶିଷ୍ୟଡ଼୍ କାଇଲି ପାଚ୍ରାମାଡ଼୍‍ତଣ୍ଡ୍,

୧ କରନ୍ତିୟ 1:8

ଅଣ୍ଡ୍‌‌ ମିକା ମିକିଂଙ୍କ୍ ମାଡ଼େଙ୍ଗ୍‌ ଅନ୍‌‍ପାକେ ଗେଲ୍‌ସ୍ପିତଣ୍ଡ୍‌ । ବେଲାକି ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାମ୍‌ତେ ମିଡ଼୍ ନିର୍ଦୋଷ୍‍ ଆଦ୍‍ତିଡ଼୍ ।

୧ କରନ୍ତିୟ 16:8

ଇତ୍‍କେ ପେଣ୍ଟିକଷ୍ଟ୍ ପାଣ୍ଡୁମ୍‍ଦିନେ ଏୱୁନା ନାନ୍ ଇଗେ ଏପିସୀତାଗ୍ ମାନ୍‍ତାନ୍ ।

୧ କରନ୍ତିୟ 3:13

ବାତେଙ୍କ୍ ଇତ୍‍କେ କ୍ରିଷ୍ଟ ମେଣ୍ଡଅନ୍‌‍ଦାମ୍ ୱାଦାନ୍ ୱେଲେ ସାର୍ରେତଡ଼ାଦ୍ ପାଡ଼୍‍ୟି ପରିକ୍ଷା ମାଡ଼ିତନ୍ । କିସ୍‌ତେ ଲେକେତ୍‍ ଆଦ୍‌ ଦିନାମ୍ ୱାଦ୍‍ତା, ନୁ ଆଦ୍‌ କିସ୍ ସାର୍‍ରେ ନାରୁଡ଼୍ କାମ୍‌ତିନ୍ ପରିକ୍ଷା ମାଡ଼ିତା ଦାମ୍ ଇଦ୍‍ତେ ।

୨ କରନ୍ତିୟ 9:1

ଯିହୁଦାତାଗ୍ ମାନ୍ଦାନ୍ ଇଶ୍ୱର୍‌ତେ ନାରୁଡ଼୍‍ତେ ପାକେ ସାହାଯ୍ୟ ରତାନ୍ ସେଙ୍ଗେ ମିକିଂଙ୍କ୍ ଲେକାନାଲ୍‌ଦ୍ ବାତେଏ ଆବଶ୍ୟକତା ଇଲ୍‍ଲେ ।

ଏଫିସିୟ 2:4

ଇତ୍‍କେ ଇଦ୍‍ଲେକାମ୍ କାରାପ୍‍ତେ ଡଲ୍‍କେ କେ ଦୟାତଣ୍ଡ୍‍ ଯେ ଇଶ୍ୱର୍, ଅଣ୍ଡ୍‌ ମାନ୍‍ ବେନ୍ ନାର୍‍ଗେ ପ୍ରେମତଡ଼୍‍ ପ୍ରେମ ମାଡ଼୍‍ତଣ୍ଡ୍ ।

୧ ଥେସଲନିୟ 2:19

ଆଦ୍ ବାତ୍‍ଆଇ, ନାୟାଦ୍ ବିଶ୍ୱାସ୍, ମାନ୍‍ ପ୍ରବୁ ଜିସୁ ୱାଦାନ୍ ୱେଲେ ଅନ୍‌ ମୁନେ ବାଗାତଡ଼୍ ଲେକାମ୍ ମୀଇଡ଼୍ ମିକା ମାୟାଦ୍‌ ଆଶେ, ୱେଡ଼୍‍କ୍‍ ନୁ ଗର୍ବ ମାଡ଼ାନାଦ୍ ସହଜ୍‍ ବାତେଙ୍କ୍ ଆଦ୍‍ତେ ।

୧ ତୀମତି 1:3

ନାନ୍‍ ମାସିଦୋନିଆତା ଆଦାନ୍‍ୱେୟ୍ ମିକିଙ୍କ୍ କେସ୍‍ମାନ୍ଦାନ୍‍ ଲେକାମ୍‌ ମିଡ଼୍‍ ଏଫିସିତାଗ୍ ମାନୁଟ୍‍ । ଆଗେ ବେସ୍କ୍‍ତୁଡ଼୍‍ ବୁଲ୍‍ ଶିକ୍ଷାସାରେ ଇଦୁତଡ଼୍‍, ଅଡ଼୍‌‍କିଂଙ୍କ୍ ଆଗାଙ୍କ୍ ବନ୍ଦ୍‍ ମାଡ଼ାନଙ୍କ୍ ଆଦେଶ୍‍ ଇମୁଟ୍‍ ।

୨ ତୀମତି 1:12

ଅଦିନ୍‌ ସେଙ୍ଗେ ନାନେ ଇଉସାରେ ଦୁଃକାମ୍ ମାଡ଼ୁତାନ୍ । ବେନଙ୍କ୍ ନାନେ ବିଶ୍ୱାସ୍ ମାଡ଼ୁତାନ୍, ନାନେ ଅନ୍‌ ସୁଦୁଟ୍ ପରିସୟ ଦର୍ସକ୍‍ତାନ୍ ନୁ ଅଣ୍ଡ୍‌ ନାକିଙ୍କ୍ ବେନ୍ ଦାୟିତ୍ୱ ଇସ୍‍ମିନ୍ତେଣ୍ଡ୍, ଆଦ୍ ମାଡ଼ାଙ୍କ୍ ସାରେ ଦିନ୍ ଯାକ ଅଣ୍ଡ୍‌ ନାକିଙ୍କ୍ ସିମ୍ ଚାମ୍ ତାଗ୍ ନେହେତିତନ୍, ଆଦ୍ ନିଜାମ୍‍ତେ ପୁଞ୍ଜ୍ ନାନେ ଇଞ୍ଜେକ୍‍ ଯାକ ପୁରାପୁରି ଆଶେତନ୍ ଆସ୍‍ମିନ୍ତେନ୍ ।

୨ ତୀମତି 1:16

ଅନିସ୍‌ଫରତେ ପରିବାର୍ତିଙ୍କ୍ ପ୍ରବୁ ଦୟା ମାଡ଼ିଣ୍ଡ୍, ବାତେଙ୍କ୍‍ଇତ୍କେ ଅଣ୍ଡ୍‌ ବାରମ୍ବାର୍ ନାକିଙ୍କ୍ ସ୍ୱାନ୍ତନା ମାଡ଼ିମିନ୍ଦେନ୍, ମେଣ୍ଡେ ନାନେ ବନ୍ଦି ଇଞ୍ଜ ଅଣ୍ଡ୍‌ ସିଗ୍ ଆୟଣ୍ଡ୍‍ ।

୨ ତୀମତି 1:17

ରୋମ୍ ନଗର୍‍ତାଗ୍ ହେୱଦାନ୍ ସାଙ୍ଗେ ସାଙ୍ଗେ ଅଣ୍ଡ୍‌ ନାକିଙ୍କ୍ ମେହେକୁଡ଼ି ମିକା ନା ପାକେ ୱାସ୍‍ମାତ୍‍ତନ୍ ।

୨ ତୀମତି 4:12

ତୁର୍‌କିକଞ୍ଜ୍‌ ନାନେ ଏଫିସସ୍‍ତା ରତ୍‌ତାନ୍‌ ।

୨ ତୀମତି 4:8

ଇଞ୍ଜେ ନାୟାଦ୍ ଦର୍ମପରାୟନ୍‍ତେ ସେଙ୍ଗେ ଜିଡ଼୍‍ତାଦ୍ ପୁରସ୍କାର୍ ନେହେତାଦ୍ ମିନ୍ତେ । ଅଣ୍ଡୟ୍‌ ଦିନେତେ ନ୍ୟାୟବାନ୍ ବିଚାର୍‍ ମାଡ଼ାନଣ୍ଡ୍ ପ୍ରବୁ ନିଜେ ନାକିଂଙ୍କ୍ ଆଦ୍ ପୁରସ୍କାର୍ ହିଦ୍‍ତନ୍ ମାତର୍ ନା ୱେରଙ୍କ୍ ଆୟ; ପ୍ରେମ ବକ୍ତି ତଡ଼୍ ବେନଡ଼୍ ଅନ୍‌ ୱାଦାନ୍‍ ଦିନାତିଙ୍କ୍ କେପିମିନ୍ଦେଡ଼୍, ସାରେତଡ଼୍ ଆଦ୍ ପୁରସ୍କାର୍ ଲାବ୍ ମାଡ଼ିତଡ଼୍ ।

ଏବ୍ରୀ 6:10

ଇଶ୍ୱର କାରାପ୍ ମାଡ଼ଣ୍ଡ୍‍, ମିୟାଦ୍‌ ପାଡ଼୍‍ୟି, ବିଶେଷ୍‍ ମାଡ଼ି ଆନ୍‌ୱେ ନାରୁଡ୍‌କିଙ୍କ୍‍ ସାହାଯ୍ୟ ମାଡ଼ି ଇଶ୍ୱରନ୍ ପର୍ର ମିଡ଼୍‍ ବେନ୍‍ ପ୍ରେମାମ୍ ତଅସ୍‌ ମିନ୍ଦେଡ଼ି, ଆଦ୍‌ ଅଣ୍ଡ୍‌ ମାର୍ଗଣ୍ଡ୍ ।

୧ ପିତର୍‍ 1:10

ଇଦ୍ ପରିତ୍ରାଣ ବିଷୟ୍‍ତେ ବାବବାଦୀନଡ଼୍ ମନ୍ ଇସ୍ ମେହେକି ନୁ ଆନୁସନ୍ଦାନ୍‌ ମାଡ଼ି, ଇଶ୍ୱର୍‍ ମାଡ଼୍‍ତେ ଦାନ ବିଷୟତେ ବବିଷ୍ୟତ୍ ଗଟ୍ କେସ୍‍ମାତ୍‍ତଡ଼୍ ।

ପ୍ରକାଶିତ୍‌ ବାକ୍ୟ 2:1

“ଏପିସସ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ବେନନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାକ୍‍ ନୁ ବେନ ସାତ୍‍ଟାନ୍ ସୁନାତାୱୁ କୁପି ନାଗେ ଆଦାୱାଦ୍‍ ମାଡ଼ିତନ୍, ଅନାଦ୍‌ ଇଦ୍ ଗଟ୍ ।”