୨ ପିତର୍‌ 3:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ପ୍ରବୁ ତାନ୍ ପ୍ରତିଜ୍ଞା ପୁରା ମାଡ଼ାନଙ୍କ୍ ଲେଟ୍ ମାଡ଼ଣ୍ଡ୍, ଯଦି ବା ବେସ୍‍କ୍‍ତୁଡ଼୍‍ ଇଦିଙ୍କ୍ ଲେଟ୍ ଇଞ୍ଜ ଏର୍କା ମାଡ଼ିତଡ଼୍ ମାତର୍‌ ପ୍ରବୁ ମି ସେଙ୍ଗେ ଗାଟି ସହନଶିଳ । ଅଣ୍ଡ୍‌ ଇଚ୍ଛା ମାଡ଼ନ୍‍, ବେନ ୱେରଣ୍ଡ୍ ବିନଷ୍ଟ ଆଇଣ୍ଡ୍ । ସାରେତଡ଼୍ ନିଜର୍‍ ନିଜର୍‍ ପାପତାଗାଙ୍କ୍ ମାଲ୍‍ୱିଡ଼୍, ଇଦ୍ ଅନାଦ୍‌ ଇଚ୍ଛା ।

୨ ପିତର୍‌ 3:9 Iomraidhean Croise

ରୋମୀୟ 13:11

ଇଞ୍ଜେ ଇୱୁ ସାର୍‍ରେ ମିକିଂଙ୍କ୍ ମାଡ଼ାନଙ୍କ୍ ଆଦ୍‍ତେ, ବାତେଙ୍କ୍ଇତ୍‍କେ ଉସ୍କାଡ଼୍‍ତାଗାଙ୍କ୍ ତେଦାନାଦ୍ ଦିନାମ୍ ଏୱୁତ୍‍ତେ । ପରିତ୍ରାଣ ପାଏମ୍ ଆଦାନ୍ ଦିନାମ୍ ମୁନେନ୍‍କନ୍ସ୍ ଇଞ୍ଜେ ଗାଟି ଗାର୍ରେ ଏୱୁତ୍‍ତେ ।

ରୋମୀୟ 13:12

ନାର୍‍କେ ତେରିୱାଦୁତ୍, ଦିନାମ୍ ଆସଡ଼୍‍ୱାଦୁତ୍ । ୱାଡ଼ାଟ୍, ନାର୍କେତାଦ୍ ପାଡ଼୍‍ୟି ସାର୍‍ରେ ୱିଡ଼୍‍ସିକାଡ଼୍ ନୁ ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍‍ ସେଙ୍ଗେ ତିଆର୍‍ ଆଦ୍‍ତାଡ଼୍‍ ।

ରୋମୀୟ 2:4

ଆଦ୍‍ପାର୍‍ଦ୍‍ତେ, ଇଶ୍ୱର୍‌ତେ କୃପା, ଗାଡ଼୍‍ସ୍ ନୁ ସାରେ ଲେକାମ୍ ଦନ୍‍ତିଙ୍କ୍ ଆଙ୍ଗ୍‍ଡ଼ାମ୍ ମାଡ଼ୁତିଡ଼୍ । ଆଗେକ୍‍ବା ମିଡ଼୍‍ ପୁତ୍‍ତିଡ଼୍‍ ଯେ ଇଶ୍ୱର୍ ଦୟାବାନ୍‍, ବାତେଙ୍କ୍‍ଇତ୍‍କେ ଅଣ୍ଡ୍‌‍ ମିକିଂଙ୍କ୍ ମନ୍ ବାଦ୍‍ଲା ମାଡ଼ାନଙ୍କ୍ ତିୟାର୍ ଆଦୁତନ୍ ।

ରୋମୀୟ 9:22

ଇଶ୍ୱର୍ ଗାଲା ଟିକ୍ ଆଦେପୁଟୁଙ୍କ୍ ମାଡ଼୍‍ତଣ୍ଡ୍ । ଅଣ୍ଡ୍‌ ଆଲ୍‍ସ ମାତ୍‍ତଣ୍ଡ୍ ତାନ୍ କପାମ୍ ତଅତାନଙ୍କ୍ ନୁ ଶାତ୍‍ୱାମ୍ ତଅତାନଙ୍କ୍ । ଇତ୍‍କେ ବେନଡ଼୍ ଅନ୍‌ କପାମ୍‍ତାଗ୍ ଦଂସ ଆଦାନାଦ୍ ମାତ୍‍ତେ, ଅଡ଼୍‌ ସେଙ୍ଗେ ଇଶ୍ୱର୍ ଗାଟି ଦୟା ଆତ୍‍ତଣ୍ଡ୍ ।

୧ ତୀମତି 1:16

କିନ୍ତୁ ନା ଲେକାମ୍‍ ଅର୍‍ତୁଣ୍ଡ୍ ବେଡ଼୍‍ୟେ ପାପୀ ପ୍ରତି ଆନ୍‌ତେ ଇଶ୍ୱର୍‌ତେ କୃପା ନୁ କ୍ରିଷ୍ଟ ଜିସୁନ୍‍ ସହନଶିଳତା ନାକିଙ୍କ୍ ଅଣ୍ଡୟ୍‌ ୱେଷଡ଼୍‍ ମାଡ଼ି ନେହ୍‍ତଣ୍ଡ୍‍, ଆନ୍‌ୱେ ନାରୁଡ଼୍‍ ବେଲା ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନନ୍ତ ଜିୱୁନ୍‍ ଲାବ୍ ମାଡ଼ିତଡ଼୍ ।

୧ ତୀମତି 2:4

ସାରେତଡ଼୍ ପାପତାଗାଙ୍କ୍ ଉଦ୍ଦାର୍ ଆସ୍ ସତ୍‍ତିଙ୍କ୍‍ ପୁନିଡ଼୍‍, ଇଦ୍ ଅନ୍‌ ଇଚ୍ଛା ।

ଏବ୍ରୀ 10:37

ଦର୍ମଶାସ୍ତ୍ରତାଗ୍‍ ଲେକାମିନ୍ଦେ, “ସୁଡୁଟ୍‌ ସମୟ ମିନ୍ଦେ, ଅଣ୍ଡ୍‌‌ ୱାଦାନାଦ୍ ଏୱତା, ଅଣ୍ଡ୍‌‌ ନିଜାମେ ୱାଦ୍‍ତଣ୍ଡ୍, ଅଣ୍ଡ୍‌ ଲେଟ୍ ମାଡ଼ଣ୍ଡ୍ ।”

୧ ପିତର୍‍ 3:20

ନୋହ ଜାହାଜ୍ ମାଡ଼ାନ୍ ସମୟତେ ଇଶ୍ୱର୍ ଦୈର୍ଯ୍ୟତେ କେପିମାତ୍‍ତନ୍ । ଆସୁଙ୍କ୍ ବେନ୍‍ ନାରୁଡ଼୍ ଇଶ୍ୱର୍‌ତଡ଼୍‍ ଉର୍‍ଗାଡ଼୍ ଆତ୍‍ତଡ଼୍, ଆ ପରୁତେ ଆତ୍ମା ଆଦୁତଡ଼୍‍ ଅଡ଼୍‌‍ଲେକେମ୍‍ । ବେନ୍ ସୁକୁକ୍ ବେସ୍କ୍‍ତୁଡ଼୍‍ ସାରେ କାଇଲି ଆଟ୍‍ଜାନ୍ ମାତର୍‌ ଗାଟି ୱାର୍‍ସାମ୍‍ତାଗାଙ୍କ୍ ରକ୍ଷା ପାଏମ୍‍ ଆତ୍‍ତଡ଼୍,

୨ ପିତର୍‌ 1:4

ଇଦ୍‍ଲେକାମ୍ ଅଣ୍ଡ୍‌ ମାନାଙ୍କ୍ ଅନ୍‌ ଇଚ୍ଛାଲେକାମ୍ ଲେକେତ୍ ମହାନ୍‍ ନୁ ମୁଲ୍ୟବାନ୍ ଦାନ ଇତ୍‍ତନ୍ । ଇଦ୍‍ ସାରେ ଦାନ ତଡ଼୍ ମିଡ଼୍ ଇଦ୍ ଜଗତ୍‍ତେ ଦଂଚକାରି କାମ୍‍ତାଗାଙ୍କ୍ ଉଦ୍ଦାର୍ ଆସ୍ ସ୍ୱର୍ଗତାଦ୍‍ ସ୍ୱଭାବ୍‍ତାଗ୍‍ ଅଂଶି ଆଦେ ପାର୍‍ଦ୍‍ତିଡ଼୍ ।

୨ ପିତର୍‌ 3:15

ଏର୍କେ ମାଡ଼ାଟ୍, ପ୍ରବୁ ବେସର୍ ଲେକେତ୍ । ମିୟାଦ୍ ପରିତ୍ରାଣ ସେଙ୍ଗେ ଅଣ୍ଡ୍‌‍ ବେସର୍ ସୁଯଗ୍ ଇଦୁତନ୍ । ମାନ୍‍ ପ୍ରିୟ ଦାଦାଲ୍‍ ପାଉଲ୍ ଇଶ୍ୱର୍‌ତାଗାଙ୍କ୍ ପାଏମ୍‍ଆତ୍‍ତେ ଜ୍ଞାନ୍‍ତଡ଼୍ ମୀଇ ଗାରେ ଇଦ୍ ଲେକାମ୍ ଚିଟି ଲେକ୍‍ତଣ୍ଡ୍‍ ।

ପ୍ରକାଶିତ୍‌ ବାକ୍ୟ 2:21

ପାପତାଗାଙ୍କ୍ ମାଲ୍‍ସ୍‍ ୱାଦାନ୍ ସେଙ୍ଗେ ନାନେ ଆଦିଙ୍କ୍ ସମୟ ଇସ୍‍ମିନ୍ଦେନ୍, ଇତ୍କେ ଆଦ୍ ନିଜେତ୍ ଦୁଷ୍କର୍ମ କାମ୍ ୱିଡ଼୍‍ସାନ୍ ସେଙ୍ଗେ ଇଚ୍ଛା ମାଡ଼ ।