୨ ପିତର୍‌ 2:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ବିଶେଷତଃ ବେନଡ଼୍‍ ଇଶ୍ୱର୍‌ତେ କ୍ଷମତାତିଙ୍କ୍ ପେର୍କେ ୱାଟ୍‍ଟି ନିଜେତ୍ ମେନ୍ଦୁଲ୍‍ତେ ଆସେ ଚରିତାର୍ତ ମାଡ଼ମାନ୍‍ତଡ଼୍, ଅଡ଼୍‌‍କିଂଙ୍କ୍ ମହାବିଚାର୍ତେ ଦିନାମ୍ ଯାକ ବେଲାନ୍ ଦଣ୍ଡିତ୍ ମାଡ଼ି ୱାଟ୍‍ଟିତଡ଼୍, ଆଦ୍ ଅଣ୍ଡ୍‌ ପୁତ୍‍ତନ୍ । ଆ ବୁସା ମେସ୍ତେରିଡ଼୍ ବେନଙ୍କ୍ ୱେର୍‍ୱଡ଼୍‍ ମନ୍‍ଇଚ୍ଛାତେ କାମ୍ ମାଡ଼ିତଡ଼୍ ନୁ ନିଜର୍‍ ବିଷୟତେ ଆଶେତାୱୁ ଗଟି କେତିତଡ଼୍ । ଅଡ଼୍‌ ସ୍ୱର୍ଗଦୂତକିନ୍ ବିରୁଦ୍ଦତେ କାରାପ୍ ଗଟି କେତାନଙ୍କ୍ ୱେର୍‍ୱଡ଼୍ ।

୨ ପିତର୍‌ 2:10 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:25

ଆସୁଙ୍କ୍ ବୁତ୍ ଆଦ୍ ନାରୁନାଗ୍ ମାଲ୍‍ସ୍ ଆଞ୍ଜ୍ ଉଡ଼ିତ୍, ହି ଲୋନ୍‌ ସାକ୍‍ସାକା ନୁ ଟିକ୍‍ଟାକ୍ ମିନ୍ଦେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 19:14

ବାତେଙ୍କ୍ ଇତ୍କେ ତାନ୍ ଦେଶ୍ ତେ ନାରୁଡ଼୍ ଅଂକିଙ୍କ୍‌ ପାସ୍‍କ ମାତ୍‍ତଡ଼୍, ମେଣ୍ଡେ ଅଡ଼୍‌‍ ଅନ୍‌ ପେର୍‍କେ ଦୂତ୍‍କିଂଙ୍କ୍ ରହସ୍ କେତ୍‍ତଡ଼୍‍, “ଇ ନାରୁଡ଼୍ ଯେ ମା ପରୁ ରାଜତ୍ୱ ମାଡ଼ିତନ୍, ଇଦ୍ ମାନ୍‍ ଇଚ୍ଛା ଆୟ୍‍ୟ ।”

ପ୍ରେରିତ 23:5

ପାଉଲ୍ ଉତ୍ତର୍ ହିତ୍‍ତଣ୍ଡ୍, “ହୋ ଇଶ୍ରାଏଲୀୟ ଦାଦାଲଡ଼୍‍, ଅଣ୍ଡ୍‌ ବେଡ଼ିୟି ଯାଜକ୍ ଇଞ୍ଜ ନାନ୍ ପୁନ୍‍ୱେ ମାତ୍‍ତାନ୍ । ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, ‘ମିଇ ନିଜେର୍‍ ଜାତିତ୍‍ ନେତାନ୍ ବିଷୟ୍‍ତେ କାରାପ୍ ଗଟ୍ କେଲ୍‍ମାଟ୍ ।’”

ରୋମୀୟ 8:1

ତ ବେନଡ଼୍ କ୍ରିଷ୍ଟ ଜିସୁନାଗ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବାତ୍ ତିପାଲ୍ ଇଲ୍‍ଲେ ।

୧ କରନ୍ତିୟ 6:9

ମିଡ଼୍ ପୁତ୍‍ତିଡ଼୍ ଯେ ବେନ ଅଦାର୍ମିକ୍‌ ନାରୁଡ଼୍‌ ଇଶ୍ୱରନ୍‌ ରାଜ୍ୟମ୍‌ତାଗ୍‌ ଆଦା ପାର୍ୱଡ଼୍‌ । ଇଦ୍‌ ବିଷୟ୍‍ତେ ମିୟାଦ୍ ବାତେବା ପୁନ୍‍ୱେଲେକେ ମାନ୍‍ମାକି । ପଟ୍‍କାରୀ, ପୁତ୍‍ଲାମ୍ ପୁଜାମାଡ଼ାନଡ଼୍, ବ୍ୟବିଚାରୀଡ଼୍‍, ପେକାଲ୍ ପେକାନ୍‍ତଡ଼୍ ନୁ ପିକିଡ଼୍ ପିକିନ୍‍ତଡ଼୍ ଲିନ୍ଦେ ଆସ୍‍ମାନ୍ଦାନଡ଼୍,

୨ କରନ୍ତିୟ 10:3

ମାମ୍‍ମେ ଇଦ୍ ଜଗତ୍‍ତାଗ୍ ବାଦ୍‍କୁତମ୍ ଇଦ୍ ସତ୍, ବାତେଙ୍କ୍ ଇତ୍‍କେ ବାତେବା ଜାଗତିକ୍ ଲେକାମ୍ ନେହେସ୍ ଯୁଦ୍‌ ମାଡ଼ମ୍,

ଏଫିସିୟ 4:19

ଅଡ଼୍‌ ସିଗ୍‍ ଇଲ୍‍ୱେନଡ଼୍, ବ୍ରଷ୍ଟାଚାରୀଡ଼୍ ନୁ ସାରେୱେଲେ ସାର୍‍ରେ ପ୍ରକାର୍‍ତେ ଅଶୁଚି ପାଡ଼୍‍ୟିତାଗ୍ ମୁଡ଼୍‍ନ୍ଦିମାନ୍ଦାନଡ଼୍ ।

ଏଫିସିୟ 5:5

ଇଦ୍ ନିଜାମ୍ ଇଞ୍ଜ ପୁନୁଟ୍, ବେନ୍ ଅଶୁଚି ନାରୁଡ଼୍ ନିତାଲ୍, ଶିଷ୍ଟାଚାର୍ ଇଲ୍‍ୱେ ନାରୁଣ୍ଡ୍‍ ନୁ ଲବି ନାରୁଣ୍ଡ୍‍ ଗାଟି ଲବି ପୁତ୍‍ଲାମ୍‍ ପୁଜା ରକମ୍‍ ଅଣ୍ଡ୍‌ ବେସୁଟ୍‍ବା କ୍ରିଷ୍ଟ ନୁ ଇଶ୍ୱର୍‌ତେ ରାଜ୍ୟତାଗ୍ ଆଦେ ପାର୍‍ୱଣ୍ଡ୍ ।

କଲସୀୟ 3:5

ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ ।

୧ ଥେସଲନିୟ 4:7

ଇଶ୍ୱର୍ ମାନ୍‍ ଅଶୁଚି ବାଦ୍‍କାନ୍ ସେଙ୍ଗେ କାର୍‍ଙ୍ଗାନାଦ୍‍ ମାଡ଼ନ୍, ବାତେଙ୍କ୍ ଇତ୍‍କେ ପବିତ୍ର ଜିୱାତେ ଆଶେ ମାନ୍ଦାନ୍ ସେଙ୍ଗେ ମାନାଡ଼୍ ୱାତ୍‍ତାଡ଼୍ ।

୨ ତୀମତି 3:2

ନାରିଡ଼୍ ସ୍ୱର୍ତପର୍, ଲୋବି, ଆଂକାରୀ ନୁ ଆତ୍ମାବିମାନୀ ଆଦ୍‍ତଡ଼୍; ଅଡ଼୍‌ ୟାୟ ବାବାଙ୍କ୍ ଅପମାନ୍ ଇଦ୍‍ତଡ଼୍; ଅଡ଼୍‌ ମାନ୍‍ତାଗ୍ କୃତଜ୍ଞତା ନୁ ଅଦର୍ମତେ ମାୟି ଆଦ୍‍ତଡ଼୍,

ତୀତସ୍‌ 1:7

ବାତେଙ୍କ୍ ଇତ୍‍କେ ଦର୍ମଗୁରୁ, ଇଶ୍ୱର୍‌ତେ ନିୟମ୍ ଲେକାମ୍‍ତେ ନିର୍ଦୋଷ୍‍ ଆସ୍ ମାନ୍ଦାନ୍ ଦର୍‍କାର୍; ଅଣ୍ଡ୍‌ ନିଜେତ୍ ଇଚ୍ଛାତେ ପାଡ଼୍‍ୟି ମାଡ଼ମାନ୍‍ତଣ୍ଡ୍ କି କପାମ୍ କି କାଲ୍ ଉନ୍ଦାନଣ୍ଡ୍ କି ଗଲ୍‍କିନଣ୍ଡ୍ କି ଦନ୍ ଲବି ଆୟୱେ ମାନ୍‍ତଣ୍ଡ୍ ।

ଏବ୍ରୀ 13:4

ପେଣ୍ଡୁଲ୍‍ ସାରେତଡ଼୍ କଣ୍ଡେତେ ସାରେ ପୁରା ଆୟି, ମୁଦ୍‍ପାନଡ଼୍ ନୁ ମୁତେ ନିଜେ ନିଜେଲୋପେ ପାପ୍‍ ମାଡ଼୍‍ୱେ ମାନୁଟ୍ । ଇଶ୍ୱର୍‍ ଲାଲସା ନୁ ବେବିଚାର୍‍ଡ଼୍‍ ବିଚାର୍ ମାଡ଼ିତଣ୍ଡ୍ ।

୨ ପିତର୍‌ 3:3

ସାରେତିଙ୍କ୍ ମୁନେ ମିଡ଼୍ ପୁଞ୍ଜ୍‍ ନେଏତାନାଦ୍ ଲେକେତ୍‍ ଯେ, ଇଦ୍ ତେରାନ୍ ଦିନାକିନେ ବେସ୍କ୍‍ତୁଡ଼୍‍ ସତ୍‍ତିଙ୍କ୍‍ ପରିଆସ୍‍ ମାଡ଼ି ନିଜର୍‍ କାରାପ୍‍ ବୁଦ୍‍ତେ ଚାଲେମ୍ ଆଦ୍‍ତଡ଼୍;

ଯିହୁଦା 1:10

ଇତ୍‍କେ ଇଡ଼୍ ନାରୁଡ଼୍ ବାତ୍ ବୁଜେମ୍ ଆୟଡ଼୍, ପରିଆସ୍ ମାଡ଼ି ଆଦିଙ୍କ୍ ବିରୁଦ୍ ମାଡ଼ିତଡ଼୍ । ମେଣ୍ଡେ ଗୁପେତାଗ୍ ମାନ୍ଦାନ୍ ଜିୱାକିନ୍ ତଡ଼୍ ବାତ୍ ପୁନ୍‍ତଡ଼୍, ଆୱୁ ସାରେକିନ୍ ତଡ଼୍ ଅଡ଼୍‌ ଦଂସ ଆଦ୍‍ତଡ଼୍ ।

ଯିହୁଦା 1:16

ଇ ନାରୁଡ଼୍ ସାରେଦାମ୍ ସନ୍ତୁଷ୍ଟ ଆୟ୍‍ୟଡ଼୍ ନୁ ମେଣ୍ଡେବାଗାତଡ଼୍ ନାରୁଡ଼୍‍କ୍ ଦସି ମାଡ଼ିତଡ଼୍ । ଅଡ଼୍‌ ନିଜେତ୍ କାରାପ୍ ଅବ୍ୟାସ୍ ତଡ଼୍ ଚାଲେମ୍ ଆଦ୍‍ତଡ଼୍; ନିଜେ ବେଡ଼୍‍ୟା ଗଟି କେତିତଡ଼୍‍ ନୁ ନିଜେତ୍ ମାୟ୍‍ଦିଂକ୍ ମେଣ୍ଡେ ଅର୍‌ତୁଡ଼୍‍କ୍ ମିଚ୍ କେତିତଡ଼୍‍ ।

ଯିହୁଦା 1:18

ଅଡ଼୍‌ ମିକିଂଙ୍କ୍ କେସ୍‍ମାତ୍‍ତଡ଼୍, “ତେରାନ୍ ଦିନାତେ କାରାପ୍ ଅବ୍ୟାସ୍ ଇଶ୍ୱର୍ ବିରୁଦ୍ ନାରୁଡ଼୍ ପେୟିସ୍ ମିକିଂଙ୍କ୍ ପରିଆସ୍ ମାଡ଼ିତଡ଼୍ ।”

ଯିହୁଦା 1:4

ବେସ୍‍କ୍‍ତୁଡ଼୍‍ କାରାପ୍ ନାରୁଡ଼୍ ମିଞ୍ଜି ମେଣ୍ଡେ ମିଇ ଲୋପେ ନେଙ୍ଗି ମିନ୍ଦେଡ଼୍‍ । ଅଡ଼୍‌ ତାମ୍ କାରାପ୍ ପାଡ଼୍‍ୟିଦିଙ୍କ୍ ସମର୍ତନ୍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ “ଅନୁଗ୍ରହ,” ବିଷୟ୍‍ତେ ଗଟ୍‍ତିଙ୍କ୍ କାରାପ୍ ବ୍ୟବହାର୍‌ ମାଡ଼ୁତଡ଼୍ । ମାୱଣ୍ଡ୍ ୱେରଣ୍ଡେ ଗୁରୁ ନୁ ପ୍ରବୁ ଜିସୁ କ୍ରିଷ୍ଟଙ୍କ୍ ଅଡ଼୍‌ ଅସ୍ୱୀକାର୍ ମାଡ଼ୁତଡ଼୍ । ଅଡ଼୍‌ ସେଙ୍ଗେ ତିଆର୍ ଆସ୍ ମାନ୍ଦାନ୍ ଦଣ୍ଡ୍ ବିଦାନ୍ ବିଷୟ୍‍ତେ ମୁନେତ୍ କନ୍‍ସ୍ ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ ।