୨ ପିତର୍‌ 1:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ଇୱୁ ସାୟେତ୍‍ ଗୁନାମ୍‍ ମିକିଂଙ୍କ୍‍ ଦର୍‍କାର୍‍ ଆଦ୍‍ତେ; ଇୱୁସାରେ ମିୟାଗ୍‍ ମାତ୍‍କେ, ମିଡ଼୍ ପାଏମ୍‍ ଆତ୍‍ତେ ପ୍ରବୁ ଜିସୁ କ୍ରିଷ୍ଟନ୍ ଜ୍ଞାନ୍ ମିକିଙ୍କ୍ ସକ୍ରିୟ ନୁ ସଫଳ ମାଡ଼ି ନେଃଏତିତନ୍ ।

୨ ପିତର୍‌ 1:8 Iomraidhean Croise

ମାତିଉ 13:22

କୟେ ମାଡ଼ାକ୍ ବେଦ୍‍ଲେକାମ୍ ବେସ୍‍କିଙ୍କ୍ ୱିଜେତିଙ୍କ୍ ଆଦ୍‍ପ୍ତା ମାଡ଼ିଦ୍‍ତେ, ଆଦେଲେକାମ୍ ହିଦ୍ ଜଗତ୍‍ତେ ଜଞ୍ଜାଲ ନୁ ଦନ୍ ସମ୍ପତିତ୍‍ତେ ଆଶେ ବେସ୍‌କ୍ ନାରୁଡ଼ାଗ୍ ହେଉସ୍ ମାନ୍ଦାନ୍ ଗଟ୍‍ତିଙ୍କ୍ ନଷ୍ଟ ମାଡ଼ିଦ୍‍ତେ ନୁ ଅଡ଼୍‌ ବାତେଏ ସୁପଲ୍ ଦର୍‍ସ୍‍କେ ପାର୍‍ୱଡ଼୍ ।

ମାତିଉ 20:3

ତାନ୍ ମେଣ୍ଡନ୍ ଦିନ୍ ନଅଟାତିଙ୍କ୍ ହାଟିନା ଆଞ୍ଜ୍ ଉଡ଼୍‍ତନ୍, ମାନ୍ଦେନାରୁଡ଼୍ ପାଡ଼୍‍ୟି ମାଡ଼୍‍ୱେ କନ୍‍ସ୍ ନିସ୍‍ମିନ୍ଦେଡ଼୍ ।”

ମାତିଉ 20:6

ପାୟାଲ୍ ଅଲ୍ ପାଞ୍ଚଟା ତିଙ୍କ୍ ମେଣ୍ଡନ୍ ଦାମ୍ ହାଟିନା ଆଞ୍ଜ୍ ଉଡ଼୍‍ତନ୍, ମେଣ୍ଡେ ବେସ୍‍କ୍‍ତୁଡ଼୍‍ ନିସ୍‍ମିନ୍ଦେଡ଼୍ । ଅଡ଼୍‌‍କ୍ କେତ୍‍ତାନ୍, ପାୟାଲ୍ ପଡ଼୍‍ଗିନ୍ ପାଡ଼୍‍ୟି ମାଡ଼କଟ୍ ବାତ୍‍ତିଙ୍କ୍ ଇଗେ ଦିନାମ୍ ନଷ୍ଟ ମାଡ଼ୁତିଡ଼୍ ?

ମାତିଉ 25:26

ମାଲିକ୍ କେତ୍‍ତଣ୍ଡ୍, “ଆରେ ଅଯୋଗ୍ୟ, ମଣ୍ଡି ଦାସ ! ନିମ୍‍ବାନେ ପୁଞ୍ଜ୍‍ମାତ୍‍ତିନ୍‍ ନାନ୍‍ନେ ବେଗେ ୱିତନ୍‍, ଆଗେ ପାଣ୍ଡ୍‌ସ୍ପାନଙ୍କ୍‌, ଆଦ୍‍ନିମେ ପୁତ୍‍ତିନ୍ ।

ଯୋହନ୍‌‌ 15:2

ନାୟାଗେ ମାନ୍ଦାନ୍ ବେନ୍ ଆୟି କମ୍‍ମା କାୟା ଆଦକ୍, ଆଦିଙ୍କ୍ ଅଣ୍ଡ୍‌ ନାଡ଼୍‍କିତଣ୍ଡ୍; ମେଣ୍ଡେ କାୟା ଆଦ୍‍କେ, ଗାଟି କାୟା ଆଦାନ୍ ସେଙ୍ଗେ ଅଣ୍ଡ୍‌ ଆଦିଙ୍କ୍ ସାଏ ଜତନ୍ ମାଡ଼ିତନ୍ ।

ଯୋହନ୍‌‌ 17:3

ନିମ୍‍ ୱେର୍‍ନି ସତ୍ ଇଶ୍ୱର୍, ନିକିଂଙ୍କ୍ ନୁ ନିମ୍‍ ରଅତେନଣ୍ଡ୍ ଜିସୁ କ୍ରିଷ୍ଟଙ୍କ୍ ପୁନ୍ଦାନାଦ୍ ଆଦୁତ୍‍ତେ ସାରେଦିନାତ୍ ଜିୱୁଣ୍ଡ୍ ।

ଯୋହନ୍‌‌ 5:42

ମାତର୍ ନାନ୍ ମିକିଂଙ୍କ୍ ପୁଞ୍ଜ୍ ମିନ୍ଦେନ୍, ମିଡ଼୍ ବେଦ୍ ରକମ୍ ନାରୁଡ଼ି, ମିଇ ଜିୱୁତେ ଲୋପେ ଇଶ୍ୱର୍‌ତେ ସେଙ୍ଗେ ପ୍ରେମ ଇଲା ।

ରୋମୀୟ 12:11

ପ୍ରବୁନ୍‍ ପାଡ଼୍‍ୟିତାଗ୍ କିଡ଼୍‍ଙ୍ଗ୍‍ତା ଆୟ୍‍ମାଟ୍, ଆତ୍ମାତଡ଼୍ ୱେସ୍‍ତିଙ୍କ୍ ଆଲ୍‍ସାଟ୍ । ବକ୍ତିତଡ଼୍ ଜିୱୁଣ୍ଡ୍‍ତାଗ୍ ପ୍ରବୁନ୍ ସେବା ମାଡ଼ାଟ୍ ।

୧ କରନ୍ତିୟ 15:58

ଆଦିଙ୍କ୍ ପ୍ରିୟ ଦାଦାଲଡ଼ି ନୁ ଏଲାସ୍କ୍, ଗାଡ଼୍‍ସ୍ ନୁ ମେୟ୍‍ଲକନ୍‌ସ୍ ମାନୁଟ୍ । ପ୍ରବୁନ୍ ପାଡ଼୍‍ୟିତାଗ୍ ସାର୍ରେୱେଲେ ତିୟାର୍ ଆସ୍ ମାନୁଟ୍ । ବାତେଙ୍କ୍‍ଇତ୍‍କେ ମିଡ଼୍ ପୁତ୍‍ତିଡ଼୍ ଜେ, ପ୍ରବୁନ୍ ସେଙ୍ଗେ ମିୟାଦ୍ ପାଡ଼୍‍ୟି ବେସୁଟ୍‍ବା ଆଙ୍ଗ୍‍ଡ଼ାମ୍ ଆୟ୍‍ୟ ।

୨ କରନ୍ତିୟ 13:5

ନିମ୍‍ ବିଶ୍ୱାସ୍‍ତେ ମିନ୍ଦେନି କି ଇଲ୍‍ଲେ, ଆତ୍ମ ପରିକ୍ଷା ମାଡ଼ି ଉଡ଼େ । ନି ହୃଦୟ୍‍ତାଗ୍ ଜିସୁ କ୍ରିଷ୍ଟ ମିନ୍ଦେନ୍, ଇଦ୍ ଗଟ୍ ବାତେଏ ପୁନ୍‍ୱିନ୍ ଯଦି ଇଲା ଆୟ୍‍ୟ, ଆଲେକେ ମିଡ଼୍ ଇଗେ ଅଣ୍ଡୟ୍‌‍ଦାମ୍ ବିପଲ୍ ଆଦ୍‍ତିଡ଼୍ ?

୨ କରନ୍ତିୟ 8:2

ଅଡ଼୍‌ ଗାଟି ତିପାଲ୍ ଇସ୍ ପରିକ୍ଷିତ୍ ଆଦ୍‍ତଡ଼୍ ନୁ ଅଡ଼୍‌ ଗାଟି ଗରିବ୍ ଆତ୍‍କେ ମିକା, ନାର୍‍ଗେ ଦାନ୍‍ ଇସ୍ ନିଜେର୍‍ ମାନ୍‍ତାଦ୍‍ ୱାସମିନ୍ଦେନ୍ ୱେଡ଼୍‍କ୍‍ କେସ୍ ମିନ୍ଦେ ।

୨ କରନ୍ତିୟ 8:7

ମିଡ଼୍ ମିୟାଗ୍ ବାତ୍ ସାର୍‍ରେ ମିନ୍ଦେ ଆଗେ ସାଉକାର୍ ଆଦ୍‍ତିଡ଼୍, ବିଶ୍ୱାସ୍, ସାୟେ ଗଟି କେତାନଡ଼୍, ବୁଦ୍‍ତେ, ସାହାଯ୍ୟ ମାଡ଼ାନଙ୍କ୍ ତିଆର୍ ନୁ ମା ସେଙ୍ଗେ ପ୍ରେମ ତଅତାନଙ୍କ୍ ନାର୍‍ଗେ ପରିଚୟ ଇମୁଟ୍, ଇଦ୍ ନାୟାଦ୍ ଇଚ୍ଛା ।

୨ କରନ୍ତିୟ 9:14

ମିଇ ମାୟ୍‍ଦିଙ୍କ୍ ଇଶ୍ୱର୍‌ତେ ନାର୍‍ଗେ ଅନୁଗ୍ରହ ସେଙ୍ଗେ ଅଡ଼୍‌ ବିଶ୍ୱାସ୍‍ତାଗ୍ ନାର୍‍ଗେ ପ୍ରେମତଡ଼୍ ପ୍ରାର୍ତନାତାଗ୍ ମିକିଂଙ୍କ୍ ହେର୍କା ମାଡ଼ିତଡ଼୍ ।

ଫିଲିପିୟ 1:9

ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ଲେକାମ୍ ମୁନେଙ୍କ୍‍ତାଦ୍ ବୁଦ୍‍ତେ ନୁ ନ୍ୟାୟ ବିଚାର୍‍ତେ ମିୟାଦ୍ ପ୍ରେମ ନାର୍ଗେ ତାଗାଙ୍କ୍ ନାର୍‍ଗେ ଆଦ୍‌ତେ

ଫିଲିପିୟ 2:5

କ୍ରିଷ୍ଟ ଜିସୁନାଦ୍ ମାନ୍‍ହେର୍କା ବେଦ୍‍ଲେକାମ୍ ମାତ୍‍ତେ, ମିୟାଦ୍ ଆଦ୍‍ଲେକାମ୍ ଆୟି ।

ଫିଲିପିୟ 3:8

ମାତର୍ ଆସର୍ ଆୟ୍‍ୟ; ନାୟାଦ୍ ପ୍ରବୁ ଜିସୁ କ୍ରିଷ୍ଟଙ୍କ୍ ପୁନ୍ଦାନ୍ ସେଙ୍ଗେ ବେନ୍ ସାରେ ଐଶର୍ଯ୍ୟ ଲାବ୍ ମାଡ଼ୁତାନ୍, ଆଦିନ୍ ଲେକାମ୍ ବାଗାତ୍ ସାରେ ବିଷୟତିଙ୍କ୍ ନାନ୍ ଇଞ୍ଜେ ଆସର୍ ମାନେମ୍‍ ଆଦୁତାନ୍ । ଅନ୍‌ ସେଙ୍ଗେ ନାନ୍ ସାରେ ମିକା ୱିଡ଼୍‍ସ୍‍ତାନ୍ । କ୍ରିଷ୍ଟଙ୍କ୍ ଦର୍ସିକି ଆତ୍‍ତାଙ୍କ୍ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

କଲସୀୟ 2:7

ମିୟାଦ୍ ସାରେ ଆଶେ ଅନ୍‌ ପରୁ ଗାଡ଼୍‍ସ୍‍ତଡ଼୍‍ ନେଃଏସ୍‍ମିକା ଜିୱୁଣ୍ଡ୍ ବାଦ୍‍କାଟ୍ ନୁ ମିଡ଼୍ ପାଏମ୍‍ ଆତ୍‍ତେ ଶିକ୍ଷା ଲେକାମ୍ ବିଶ୍ୱାସ୍‍ତେ ଗାଟି ସାତ୍‍ୱାମ୍ ଆୟ୍‍ମୁଟ୍ । ମିୟାଦ୍ ହୃଦୟ ଦନ୍ୟବାଦ୍‍ ତଡ଼୍ ନିଣ୍ଡିଆନି ।

କଲସୀୟ 3:16

କ୍ରିଷ୍ଟନ୍ ଗଟିନେ ନାର୍ଗେ ତେର୍‍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍‍ତଡ଼୍ ନିଜର୍‍ନିଜର୍‍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍‌ତେ ସେଙ୍ଗେ ପାଟେ, ପାରାଟ୍ ।

୧ ଥେସଲନିୟ 3:12

ମିଇ ସେଙ୍ଗେ ମାୟାଦ୍‌ ପ୍ରେମ ବେଲା ଗାଟି ମିନ୍ଦେ, ଆଦ୍ ଲେକାମ୍ ନିଜର୍‍ନିଜର୍ ଲୋପେ ନୁ ବାଗାତ୍ ନାରୁଡ଼୍ ସେଙ୍ଗେ ପ୍ରବୁ ମିୟାଦ୍ ପ୍ରେମ ପେର୍‍ସ୍ପି ନାର୍‍ଗେ ମାଡ଼ିଣ୍ଡ୍ ।

୧ ଥେସଲନିୟ 4:1

ଆଦେଲେକାମ୍ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନ୍ ସେଙ୍ଗେ ବେଦ୍‍ଲେକାମ୍ ବାଦ୍‍କାନଙ୍କ୍ ଆଦ୍‍ତେ, ଆଦ୍ ମାୟାଗାଙ୍କ୍ ଶିକ୍ଷା ମାଡ଼ିମିନ୍ଦେଣ୍ଡ୍ । ଆଦେଲେକାମ୍ ମୀଡ଼୍ ବାଦ୍‍କ ୱାଦୁତିଡ଼୍, ବାତେଙ୍କ୍ ଇତ୍‍କେ ହିଗାଙ୍କ୍ ବାତେଏ ଅଦିକ୍‌ ମାଡ଼ାନଙ୍କ୍ ମିକିଂଙ୍କ୍ ମାମ୍‍ମେ ହିଞ୍ଜେ ପ୍ରବୁ ଜିସୁନ୍ ପେଦେର୍‍ତେ ବିନତି ବା ସାରେଦା ମାଡ଼ୁତମ୍ ।

୨ ଥେସଲନିୟ 1:3

ହୋ ଦାଦାନଡ଼ି ନୁ ଏଲାସ୍କ୍‍ ! ମିଇ ସେଙ୍ଗେ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦାନ୍ ମାୟାଦ୍‌ ଲେକାମ୍, ମେଣ୍ଡେ ଆଦ୍ ଲେକାମ୍, ବାତେଙ୍କ୍ ଇତ୍‍କେ ମିୟାଦ୍ ବିଶ୍ୱାସ୍ ଲେକାମ୍ ନାର୍‍ଗେ ଆସମିନ୍ଦେ, ନିଜେ ନିଜେତ୍ ଲୋପେ ମୀଡ଼୍ ସାରେତଡ଼୍ ୱେରନ୍ ୱେର୍‍ର ପ୍ରେମ ଅଦିକ୍‌ ଆସ୍‍ମିନ୍ଦେ ।

୧ ତୀମତି 5:13

ଇଡ଼୍ ଲକ୍ ଲକ୍‍ ଉଡି ସମୟ ଅପସୟ ମାଡ଼ିତଡ଼୍‍, ନାର୍ଗେ ନାରୁଡ଼୍‍ ବୁସା ୱେଷଡ଼୍ ନୁ ୱେରଣ୍ଡ୍‌ ଚର୍ଚା ମାଡ଼ି କେଲ୍‍ୱେ ଗଟି ସାରେ କେତିତଡ଼୍‍ ।

ତୀତସ୍‌ 3:14

ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ଫିଲିମୋନ୍‌ 1:6

କ୍ରିଷ୍ଟଟନ୍ ତଡ଼୍ କାୟ୍‍ଲି ମାମ୍‍ମେ ଜିୱୁଣ୍ଡ୍‍ତାଗ୍ ବେନ୍ ସାରେ ଆର୍ଶିବାଦ୍‌ ପାଏମ୍ ଆତ୍‍ତମ୍, କ୍ରିଷ୍ଟ ବିଶ୍ୱାସି ଲେକାମ୍ ନିତଡ଼୍ ମାୟାଦ୍‌ କାଇଲାନାଦ୍‍ ଲୋପେତ୍‌ ବିଷୟ ସାୟେ ବୁଜେମ୍ ଆଦାନ୍ ସେଙ୍ଗେ ନିକିଂଙ୍କ୍ ସାହାଯ୍ୟ ମାଡ଼ି, ଇଦ୍ ନାନ୍ ପ୍ରାର୍ତନା ମାଡ଼ୁତାନ୍ ।

ଏବ୍ରୀ 6:12

ଆଲାଇତ୍‍କେ ମିଡ଼୍ ବେସୁଟ୍‍ବା ରମୱାକଟ୍‌ ଦୃଡ଼ ବିଶ୍ୱାସୀ ନୁ ଶକ୍ତି ନାରୁଡ୍ ପେର୍କେ ଆନୁଟ୍, ମେଣ୍ଡେ ଇଶ୍ୱର ପ୍ରତିଜ୍ଞା ମାଡ଼ିମାନ୍ଦାନ୍‍ ସାର୍ରେ ବିଷୟ୍ ପାଏମ୍‍ ଆୟ୍‍ମୁଟ୍‍ ।

୨ ପିତର୍‌ 1:2

ଇଶ୍ୱର୍ ନୁ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ମିୟାଦ୍ ଜ୍ଞାନ୍‍ ତଡ଼୍‍, ପୁରାପୁରି ମିକିଂଙ୍କ୍‍ ଅନୁଗ୍ରହ ନୁ ଶାନ୍ତି ଆୟି ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

୨ ପିତର୍‌ 2:20

ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନାଗାଙ୍କ୍ ଜ୍ଞାନ୍ ଆସ୍ ବେନଡ଼୍ ସଂସାର୍‍ତେ ବିନାଶ ଆଦାନଡ଼୍ ଶକ୍ତି ନାଗାଙ୍କ୍ ରକ୍ଷା ଆଦାନ୍ ପେର୍କେ ମେଣ୍ଡନ୍‍ ଦାମ୍ ଆୱୁ ସାରେ ଆୟେ, ଅଡ଼୍‌‍ୱାଦ୍ ମାଡ଼େଙ୍କ୍‌ତେ ଦଶା ମୁନେତ୍ ଦଶାତାଗାଙ୍କ୍‍ ଗାଟି ଅଦିକ୍‌ ଶୋଚନିୟ ଆଦ୍‍ତେ ।

୨ ପିତର୍‌ 3:18

କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।