୨ ପିତର୍‌ 1:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ଆଦିନ୍‌ସେଙ୍ଗେ, ଆ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‍ ଯେ ମିକିଙ୍କ୍ ଏଞ୍ଚିମିକା କାର୍ଙ୍ଗ୍‍ତଣ୍ଡ୍‍; ଇଦ୍ ଆନୁବୁତିତିଙ୍କ୍ ସାରେଦିନା ମାଡ଼୍‍ନ୍ ସେଙ୍ଗେ ଅଦିକ୍‌ ଯତ୍ନବାନ୍‍ ଆୟ୍‍ମୁଟ୍ । ଇଦ୍‍ଲେକାମ୍ ମାଡ଼୍‍କେ, ମିଡ଼୍ ବେସୁଙ୍କ୍‍ ମୀଇ ବିଶ୍ୱାସ୍‍ତାଗାଙ୍କ୍ ୱେରେ ଆୟ୍‍ୱିଡ଼୍‍ ।

୨ ପିତର୍‌ 1:10 Iomraidhean Croise

ମାତିଉ 22:14

ୱେଷଡ଼୍‍ ତେର୍‍ସ୍‍ପି ଜିସୁ କେତ୍‍ତଣ୍ଡ୍, “ନାର୍ଗେମାନ୍ଦେ ୱାଦୁତଡ଼୍, ବାତେଙ୍କ୍ ଇତ୍‍କେ ସୁକୁକ୍‍ ମାନ୍ଦ୍ ବେସ୍‌କ୍ ତଡ଼୍ ହେଞ୍ଜ୍‍ତେନଡ଼୍ ।”

ରୋମୀୟ 11:29

ଇଶ୍ୱର୍ ବେନଡ଼୍‍କିଂଙ୍କ୍ ଏଞ୍ଚି ଆର୍ଶିବାଦ୍ ମାଡ଼୍‍ତନ୍, ଅଡ଼୍‌ ସେଙ୍ଗେ ତାନ୍ ଦାନ ଇଦାନାଗ୍ ଅଣ୍ଡ୍‌ ଗାଡ଼୍‍ସ୍ ମାନ୍‍ତଣ୍ଡ୍ ।

୨ ତୀମତି 2:19

କିନ୍ତୁ ଇଶ୍ୱର୍ ବେନ୍ ଡୁଟାଙ୍ଗ୍‍ତେ ବିତ୍ତିବୂମି ମାଡ଼ିସ୍‍ ମିନ୍ତେନ୍, ଆଦିଙ୍କ୍ ବେନ ଉୱୁତେ ପାର୍‍ୱଡ଼୍ । ଆଦ୍ ବିତ୍ତିପ୍ରସ୍ତର ପରୁ ଲେକା ଆତ୍‍ତେ; “ଇଶ୍ୱର୍ ତାନ୍ ନିଜେତ୍ ନାରିଡ଼୍‍ ପୁନ୍ତନ୍ ବେନ ନିଜେତିଙ୍କ୍ ଇଶ୍ୱର୍‌ତେ ନାରୁନ୍ ଇନା ପରିଚୟ ଇଦ୍‍ତନ୍, ଅଣ୍ଡ୍‌ ସାରେ ଦୁଷ୍କର୍ମତାଗାଙ୍କ୍ ୱେରେ ଆଇନ୍ ।”

ଏବ୍ରୀ 6:11

କିନ୍ତୁ ମାନ୍‍ ଅଣ୍ଡୟ୍‌‍ ଇଚ୍ଛା ମାଡ଼େଙ୍ଗ୍ ଆୟନା ଆନ୍‌ୱେ ନାରୁଡ଼୍‍ ପ୍ରତି ନିୟାଦ୍‌ ୱେଡ଼୍‍କା ମାନି, ଆଲେକେ ମିଡ଼୍‍ ବାତ୍‍ ଆଶେ ମାଡ଼୍‍ତିଡ଼୍‍ ଆଦ୍‍ ପୁରା ଆଦ୍‍ତେ ।

ଏବ୍ରୀ 6:19

ଇଦ୍‍ ଆଶେ ମାନ୍‍ ଜିୱୁଣ୍ଡ୍‍ତାଗ୍‍ ଲଙ୍ଗର୍‍ ଲେକାମ୍‍ । ଇଦ୍‍ ଆଶେ ମାଡ଼ାନାଦ୍‍ ନୁ ବିପଦ୍ ଇଲ୍‍ୱାଦ୍‍ ମେଣ୍ଡେ ସ୍ୱର୍ଗତ୍‍ ମନ୍ଦିର୍‍ତେ ପର୍ଦା ତେର୍‍ସ୍‍ ମହା ପବିତ୍ର ପଡ଼୍‍ୟେତାଗ୍‍ ଏୱୁତେ ।

ଯାକୁବ 2:10

ବାତେଙ୍କ୍ଇତ୍କେ ବେନ ସାର୍‍ରେ ନିୟମ୍ ପାଲନ୍ ମାଡ଼ି ଅଣ୍ଡୟ୍‌ ନିୟମ୍‍ତିଙ୍କ୍ ପାଲନ୍‍ ମାଡ଼ନ୍, ଆଲେକେ ଅଣ୍ଡ୍‌ ଆଦ୍ ସାର୍‍ରେ ନିୟମ୍‍ତିଙ୍କ୍ ପାଲନ୍‍ ମାଡ଼ଣ୍ଡ୍ ଇଞ୍ଜ ଦଣ୍ଡ୍ ପାଏମ୍ ଆଦ୍‍ତନ୍ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ପିତର୍‍ 1:5

ତେରାନ୍ ଦିନେତେ ବେନ୍ ପରିତ୍ରାଣ ସାରେ ଆଦ୍‍ତେ, ଆଦ୍ ପାଏମ୍ ଆଦାନ୍ ସେଙ୍ଗେ ମିଡ଼୍ ବିଶ୍ୱାସ୍‍ ତଡ଼୍‍ ଇଶ୍ୱର୍‌ତେ ଶକ୍ତିତେ ସୁରକ୍ଷିତ୍‍ ଆତ୍‍ତିଡ଼୍ ।

୨ ପିତର୍‌ 1:3

ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ ।

୨ ପିତର୍‌ 1:5

ଆଦିନ୍ ସେଙ୍ଗେ ମିୟାଦ୍ ବିଶ୍ୱାସ୍ ତଡ଼୍ ସାୟେତ୍‍ ଗୁନାମ୍‍; ସାୟେତ୍‍ ଗୁନାମ୍‍ ତଡ଼୍ ଜ୍ଞାନ୍;

୨ ପିତର୍‌ 3:14

ଆ ପ୍ରିୟ ସାଙ୍ଗନଡ଼ି, ଆଦ୍ ଦିନାତେ କେପାନ୍‍ ସମୟତେ ମିଡ଼୍ ଇଶ୍ୱର୍‌ତେ କଣ୍ଡେତେ ପବିତ୍ର ନୁ ନିର୍ଦଷ୍‌ ଆସ୍ ଶାନ୍ତିତେ ମାନ୍ଦାନଙ୍କ୍ ଜିୱେତାଗେ ଚେଷ୍ଟା ମାଡ଼ାଟ୍ ।

୨ ପିତର୍‌ 3:17

କିନ୍ତୁ ପ୍ରିୟ ସାଙ୍ଗନଡ଼ି, ମିଡ଼୍ ଇୱୁସାରେ ମୁନେକଞ୍ଜ୍‍ ପୁତ୍‍ତିଡ଼୍ । ଆଦିଙ୍କ୍ ସାବ୍‍ଦାନ୍‍ତେ ମାନୁଟ୍‍, ବେଲାକି ଆ କାରାପ୍ ନାରୁଡ଼୍‍ତେ ବୁସା ଶିକ୍ଷାତଡ଼୍‍ ଚାଲେମ୍‍ ଆସ୍‍ ନିଜର୍‍ ଦୃଡ଼ ବିଶ୍ୱାସ୍‍ତାଗାଙ୍କ୍‍ ଜେକେ ଆନ୍‌‍ମାଟ୍‍ ।

ଯିହୁଦା 1:24

ବେନ ମିକିଂଙ୍କ୍ ଡଲାନାଗାଙ୍କ୍ ରକ୍ଷା ମାଡ଼ାନଙ୍କ୍ ନୁ ତାନ୍ ଗୌରବମୟ ନିଡ଼୍‍କେତାଗ୍ ନିର୍ଦୋଷ୍‍ ନୁ ୱେଡ଼୍‍କ୍‍ ମାଡ଼ି ନିଲ୍‍ସ୍ପାନଙ୍କ୍ ପାର୍‍ଦ୍‍ତଣ୍ଡ୍,

ପ୍ରକାଶିତ୍‌ ବାକ୍ୟ 22:14

ବେନଡ଼୍ ନିଜେ ନିଜେତ୍‍ ଚକା ନର୍‍ସ୍ ୱେଡ଼୍‍ସ୍ପିତନ୍, ଅଡ଼୍‌‍ ବାଗ୍ୟବାନ୍ । ଜିୱେ ମାଡ଼େତ୍ କାୟା ତିନ୍ଦାନଙ୍କ୍ ନୁ ଦ୍ୱାର୍ ଇସ୍‍ ନାର୍‍ଦାଗ୍ ମିକା ଆଦାନଙ୍କ୍ ଅଡ଼ାଦ୍‌ ଅଦିକାର୍‌ ମିନ୍ଦେ ।