୧ ତୀମତି 6:19 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁹ ଇଦ୍ ଲେକେତ୍‍ ନାରିଡ଼୍ ଅଡ଼୍‌‍ ଆଲ୍‍ସି ଜିୱେତ୍‍ ସେଙ୍ଗେ ଲେକେତ୍ ଦନ୍ ନିଜେ ନିଜେ ସେଙ୍ଗେ ଦର୍‍କାଟ୍, ବେଦ୍‍ଲେକାମ୍ ପ୍ରକୃତେ ଜିୱୁନ୍ ପ୍ରାପ୍ତ ଆଦ୍‍ତଡ଼୍ ।

୧ ତୀମତି 6:19 Iomraidhean Croise

ମାତିଉ 19:21

ଜିସୁଅଙ୍କ୍‌ ଉତ୍ତର୍ କେତ୍‍ତାନ୍, “ଯଦି ନିମ୍‍ ସାରେଦିନାତ୍ ଜିୱୁନ୍ ଦର୍‍କାନଙ୍କ୍ ଇଚ୍ଛା, ଅନ୍‌ ମିୟାଦ୍ ସାରେ ସମ୍ପତି ୱାମିମିକା ଡାବ୍‍କ୍ ଗରିବ୍‍ ନାରୁଡ଼୍‍କ୍ ଦାନ ମାଡ଼େ । ଆଲା ମାଡ଼୍‍କେ ନିମ୍‍ ସ୍ୱର୍ଗତାଗ୍ ସମ୍ପତି ଦର୍‍କିତ୍ ହାଉସାରେ ମାଡ଼ିମେଣ୍ଡେ ନା ପେର୍କେ ପେର୍କେ ୱାଡ଼ା ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:33

ମିୟାୱୁ ବାତା ମିନ୍ଦେ, ଆୱିଙ୍କ୍ ୱାମି ଗରିବ୍ ନାରୁଡ଼୍‍କ୍ ଦାନ ମାଡ଼ାଟ୍; ବାତେଏ ନଷ୍ଟ ଆୟ୍‍ୟ, ଆସତ୍ ପଡ଼ିୟ୍‍ତାଗ୍ ନିଜର୍ ମାଇଦିଙ୍କ୍ ୱିଜ୍‍ ନେହ୍‍ମୁଟ୍; ବେଗେ ଡଙ୍ଗାଲଡ଼୍ ଗାର୍‍ୱାଡ଼ଡ଼୍ ବା ପୁଡ଼୍‍ୟି ନଷ୍ଟ ମାଡ଼, ଆସତ୍ ସ୍ୱର୍ଗତାଗ୍ ତେର୍‍ୱେ ଦନ୍‍ସମ୍ପତ୍ତି ଅସ୍‍ରିଞ୍ଚାଟ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:25

ବାତେଙ୍କ୍ ଇତ୍କେ ଅବ୍ରାହାମ୍‌ କେତ୍‍ତଣ୍ଡ୍, ହୋ ମାର୍‍, ନିମ୍‍ ଯେ ଜିୱୁନ୍‍ମାନ୍ଦାନ୍‍ ଦିନାମ୍ ତେ ଚାୟେତ୍‍ ବିଷୟ୍‍ଚାରେ ପୁଞ୍ଜ୍‍ମାତ୍ତିନ୍, ଆସୁଟେ, ଲାଜାର୍ ଆଦେପୁଟୁଙ୍କ୍ କାରାପ୍‍ ବିଷୟ୍‍ଚାରେ ଦର୍‍ସ୍‍କ୍‍ତନ୍, ଆଦ୍ ହେର୍କା ମାଡ଼ାଟ୍; ବାତେଙ୍କ୍ ଇତ୍କେ ଇଞ୍ଜ୍ ଅଣ୍ଡ୍‌ ଶାନ୍ତିତେ ପଡ଼୍‍ତାଗ୍‍ ମିନ୍ଦେଣ୍ଡ୍ ବାତେଙ୍କ୍ ଇତ୍କେ ଇଞ୍ଜ୍ ନିମ୍‍ କଲବଲ ଆଦ୍‍ତିନ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:9

ନାନେ ମିକିଂଙ୍କ୍ କେତୁତାନ୍, ମିଡ଼୍ ମିକା ଜଗତ୍ ତେ ଦନ୍ ତଡ଼୍ ନିଜେ ନିଜେ ସାଙ୍ଗଡ଼୍ ଦର୍‍ସ୍‍କାଟ୍ । ବେସୁଙ୍କ୍‍ ହି ଜଗତ୍ ଦନ୍ ତେରିଆଦ୍‍ତା, ଆସୁଙ୍କ୍ ସାରେଦିନାତେ ବାଦ୍‍କାନ୍ ନାରୁଡ଼୍ ମିକିଂଙ୍କ୍ କାର୍‍ଙ୍ଗିତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:2

ଅଣ୍ଡୟ୍‌ ନାର୍‍ଦାଗ୍ ୱେରଣ୍ଡ୍ ବିଚାର୍‍କର୍‍ତାଲ୍ ମାତ୍‍ତଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ୱେର୍‍ୟକଟ ମାତ୍‍ତଣ୍ଡ୍ କି ନାରୁଡ଼୍‍କିଂଙ୍କ୍ ଉଡ଼୍‍ପୁନ୍ୱେ ମାତ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:22

ଜିସୁ ଇଦ୍ କେଞ୍ଜି ଅଂକିଙ୍କ୍‌ କେତ୍ତଣ୍ଡ୍, “ମିୱାଦ୍ ମେଣ୍ଡେ ୱେରଟ୍ ବିଷୟ ସୁଦୁଟ୍ ମିନ୍ଦେ; ନିମେ ନିୟାଦ୍ ସାରେ ଜିନିଷ୍ ୱାମି ଦରିଦ୍ର ନାରୁଡ଼୍‍କ୍ ତୁଉସିମ୍, ମେଣ୍ଡେ ନିକିଂଙ୍କ୍ ସ୍ୱର୍ଗତାଗ୍ ଦନ୍ ଦର୍‍କିତ୍; ମେଣ୍ଡେ ୱାସ୍ ନା ପେର୍କେ ୱାଡ଼ାଟ୍‌ ।”

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

ଏଫିସିୟ 3:17

ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ ।

ଫିଲିପିୟ 3:12

ନିୟାଦ୍ ପରିତ୍ରାଣ ବେଲାନ୍ ପୁରା ଆସ୍‍ ଅଦିନ୍‌ ତଡ଼୍ ୱାଡ଼୍‍କି ମିକା କାମ୍ ମାଡ଼ ଆନୁଟ୍, ନାନ୍ କୃତକାମ୍ ବା ସିଦ୍ଦ ଆଦ୍‍ପାର୍‍ତେ ଇଞ୍ଜ କେଲଡ଼୍ । ପୁରସ୍କାର୍ ଦର୍ସିକି ଆଦାନଙ୍କ୍ ମିରାନାଗେ ଲାଗେମ୍ । ସ୍ୱୟଂ କ୍ରିଷ୍ଟ ନାକିଂଙ୍କ୍ ପଇସ୍ ତାସ୍ ଇଗେ ୱାଟିତ୍‍ତନ୍ ।

ଫିଲିପିୟ 3:14

ଆଦିଙ୍କ୍ କ୍ରିଷ୍ଟ ଜିସୁନ୍ ତୋଡ଼୍‍ତନ୍ ବେନ୍ ସ୍ୱର୍ଗିୟ ଜିୱୁନ୍ ଲାବ୍ ମାଡ଼ାନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ କାର୍‍ଙ୍କ୍‍ ତନ୍ ଆଦ୍ ପୁରସ୍କାର୍ ସେଙ୍ଗେ କଣ୍ଡେ ୱାଟି ନାନ୍ ମେଲ୍‍ତା ପଡ଼ିୟେତାଗ୍ ମିର୍‍ତାନ୍ ।

୧ ତୀମତି 6:12

ବିଶ୍ୱାସ୍‌ତେ ସାୟେ ଯୁଦ୍‌ତାଗେ ପ୍ରାନପନ ମାଡ଼ାଟ୍, ଅନନ୍ତ ଜିୱୁନ୍ ପଇସ୍‌ ନେହେମୁଟ୍; ଆଦିନ୍ ସେଙ୍ଗେ ତ ମୀଡ଼୍ ଜିୱେ ଆସ୍‍ମିନ୍ଦେଡ଼ି ନୁ ନାର୍‍ଗେ ସାକ୍ଷିଙ୍କ୍ ସାକ୍ଷାତ୍‍ତେ ଲେକେତ୍‍ ସାକ୍ଷ୍ୟ ଇସ୍‍ମିନ୍ଦେଡ଼ି ।

୨ ତୀମତି 1:1

ନାନ୍‍ ପାଉଲ୍, କ୍ରିଷ୍ଟ ଜିସୁନ୍‍ନାଗେ ମାନ୍ଦାନ୍ ଜିୱେ ସମ୍ବଦୀୟ ପ୍ରତିଜ୍ଞା, ଲେକାମ୍ ଇଶ୍ୱର୍‌ତେ ଇଚ୍ଛା ତଡ଼୍ କ୍ରିଷ୍ଟ ଜିସୁନାଗେ ନାନେ ୱେରନ୍ ପ୍ରେରିତ ।

୨ ତୀମତି 2:19

କିନ୍ତୁ ଇଶ୍ୱର୍ ବେନ୍ ଡୁଟାଙ୍ଗ୍‍ତେ ବିତ୍ତିବୂମି ମାଡ଼ିସ୍‍ ମିନ୍ତେନ୍, ଆଦିଙ୍କ୍ ବେନ ଉୱୁତେ ପାର୍‍ୱଡ଼୍ । ଆଦ୍ ବିତ୍ତିପ୍ରସ୍ତର ପରୁ ଲେକା ଆତ୍‍ତେ; “ଇଶ୍ୱର୍ ତାନ୍ ନିଜେତ୍ ନାରିଡ଼୍‍ ପୁନ୍ତନ୍ ବେନ ନିଜେତିଙ୍କ୍ ଇଶ୍ୱର୍‌ତେ ନାରୁନ୍ ଇନା ପରିଚୟ ଇଦ୍‍ତନ୍, ଅଣ୍ଡ୍‌ ସାରେ ଦୁଷ୍କର୍ମତାଗାଙ୍କ୍ ୱେରେ ଆଇନ୍ ।”

୧ ପିତର୍‍ 1:4

ଆଦିଙ୍କ୍ ଇଶ୍ୱର୍‍ ତାନ୍ ନାରୁଡ଼୍‍ ସେଙ୍ଗେ ବେନ୍ ନାର୍ଗେ ମୁଲ୍ୟ ଆର୍ଶିବାଦ୍ ନେଃତ୍‍ତନ୍, ଆଦ୍ ପାଏମ୍ ଆଦାନ୍ ସେଙ୍ଗେ କେପିମିନ୍ଦେମ୍‍ । ଆଦ୍‍ ଅଣ୍ଡ୍‌‍ ସ୍ୱର୍ଗତାଗ୍‍ ସାୟେମାଡ଼ି ନେଃତଣ୍ଡ୍‍, ଆଗେ ଆଦ୍ ବେସୁଙ୍କ୍‍ ତେର୍‍ର, ନଷ୍ଟ ବା କାର୍‍କ୍‍ ପୟ ।