୧ ତୀମତି 5:25 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²⁵ ଆଦେପୁଟୁଙ୍କ୍ ବେସ୍‍କ୍‍ତଡ଼କ୍ ଦର୍ମକର୍ମ ସହଜତେ ସାରେତଡ଼୍ ଉଡ଼୍ ପାର୍‍ତଡ଼୍ । କିନ୍ତୁ ମେଣ୍ଡେ ବେସ୍‍କ୍‍ତଡ଼୍ ସତ୍‍କର୍ମ ଆଦେପୁଟୁଙ୍କ୍ ପ୍ରକାଶ୍ ପାହେମ୍, ଆୟକଟ ମାତ୍‍କେ ସାରେଦିନା ମିଞ୍ଜି ମାନ୍ଦେପାର୍‍ୱଡ଼୍ ।

୧ ତୀମତି 5:25 Iomraidhean Croise

ମାତିଉ 5:16

ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍‍ରେ କେଲିନ୍ । ଆଲେକେ ମିୱାଦ୍ ସତ୍‍କାମ୍ ସାରେ ଉଡ଼ି ଅଡ଼୍‌ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:33

“ବେନ କୁପିତିଙ୍କ୍ ନିଡ଼୍‍ସ୍‍ପି ତାକିଂଙ୍କ୍ ଉଡ଼୍‍ପାର୍‍ୱା ପଡ଼୍‍ୟ୍‍ତାଗ୍, ମେଣ୍ଡେ, ବଡ୍ ମଦଲ୍ ମୁସି ୱାଟଡ଼୍, ମାତର୍ କୁପିତିଙ୍କ୍ ଦୀପରୂକା ପରକେ ୱାଟିତଡ଼୍, ବେଦ୍‍ପୁଟୁଙ୍କ୍ ଲୋପ୍ ନେଙ୍ଗାନ୍ ନାରୁଡ଼୍ ୱେୟ୍‍ସିଇଙ୍କ୍ ଉଡ଼୍‍ ପାର୍‍ତଡ଼୍ ।

ପ୍ରେରିତ 10:22

ଅଡ଼୍‌ ଉତ୍ତର୍ ହିତ୍‍ତଡ଼୍, “ସେନାପତି କର୍ଣ୍ଣୀଲିୟ ମାକିଂଙ୍କ୍ ରହତ୍‍ତଣ୍ଡ୍ । ଅଣ୍ଡ୍‌ ୱେରଣ୍ଡ୍ ସାୟେତ୍ ନାରୁଣ୍ଡ୍‍ । ଅଣ୍ଡ୍‌ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାନଣ୍ଡ୍‍ ନୁ ଇହୁଦୀ ନାରୁଡ଼୍‍ ସାରେତଡ଼୍ ଅଂକିଙ୍କ୍‌ ସନ୍‍ମ୍ମାନ୍ ହିଦ୍‍ତଡ଼୍ । ନିକିଂଙ୍କ୍ ତାମ୍ ନାର୍ କାର୍‍ଙ୍ଗି ମିକା ନିୟାଦ୍ ଗଟି କେଞ୍ଜାନ୍ ମାଇଦିଙ୍କ୍ ଇଶ୍ୱର୍‌ତେ ୱେରଣ୍ଡ୍ ପବିତ୍ର ଦୂତ୍ ଅଂକିଙ୍କ୍‌ ଗଟ୍ ହିତ୍‍ତଣ୍ଡ୍ ।”

ପ୍ରେରିତ 22:12

“ଆଦ୍ ନଗର୍‍ତାଗ୍ ହନନୀୟ ପେଦେର୍‍ତଣ୍ଡ୍ ୱେରଣ୍ଡ୍ ଦାର୍ମିକ୍ ନାରୁଡ଼୍ ମାତ୍‍ତଣ୍ଡ୍ । ଅଣ୍ଡ୍‌ ମୋଶାନ୍‌‌ ନିୟମ୍‍ ପାଲନ୍ ମାଡ଼ମାତ୍‍ତଣ୍ଡ୍ ନୁ ଆଗେ ବାସେ ମାଡ଼ମାନ୍ଦାନ୍ ଇହୁଦୀଡ଼୍ ସାରେତଡ଼୍ ଅଂକିଙ୍କ୍‌ ଗାଟି ସମ୍ମାନ୍ ମାଡ଼ମାତ୍‍ତଡ଼୍ ।

ପ୍ରେରିତ 9:36

ଯୋପାତାଗ୍ ଟାବିଥା ପେଦେର୍‍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍‍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍‍କେ ଇଦ୍‍ ଅର୍ତ “ହରିଣୀ,” ମାତ୍‍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍‍କ୍ ସେବା ମାଡ଼ାନାଗ୍ ହିସମାତ୍‍ତେ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

୧ ତୀମତି 3:7

ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।

ପ୍ରକାଶିତ୍‌ ବାକ୍ୟ 14:13

ତାନ୍‍ ପେର୍କେ ନାନେ କେଞ୍ଜ୍‍ତାନ୍, ସ୍ୱର୍ଗତାଗାଙ୍କ୍ ୱେରଡ଼୍ ଗଟ୍ କେସମିନ୍ଦେଡ଼୍‍; “ଇଦ୍‍ଗଟ୍ ଲେକାଟ୍, ବେନଡ଼୍ ଇଗେ ପ୍ରବୁନ୍ ସେବା ମାଡ଼ି ଡଲିତଡ଼୍‍, ଅଡ଼୍‌ ଦନ୍ୟ ।” ମେଣ୍ଡେ ନାନେ କେଞ୍ଜ୍‍ତାନ୍, ପରଆତ୍ମାକେତୁତେ, “ଇଦ୍ ନିଜାମ୍ ଗଟେମ୍‍ ଆଦ୍‍ତେ । ଗାଟି କଷ୍ଟ ତଡ଼୍ ସେବାତେ କାୟେ ଲେକାମ୍, ଅଡ଼୍‌ ବିଶ୍ରାମ ଆଦ୍‍ତଡ଼୍ ।”