୧ ତୀମତି 5:10 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁰ ପିଲାକିଙ୍କ୍ ଲେକେତ୍ ଯତନ୍ ଆୟନା, ଅବଗତକିଡ଼୍ ଆତିତ୍ୟ ମାଡ଼ିକାଡ଼୍ କ୍ରିଷ୍ଟିୟାନ୍ ଦାଦାଲ୍, ହେଲାସ୍‍କିଙ୍କ୍ ସେଙ୍ଗେ ନମ୍ର ଆଚରନ୍ ମାଡ଼ିକାଡ଼୍, ଗରିବ୍‍ ନାରୁଡ଼୍‍କିଙ୍ଗ୍ ସାହାଯ୍ୟ ମାଡ଼ିକାଡ଼୍ ହିସାରେ ସାୟେକମ୍ ସେଙ୍ଗେ ବେନଡ଼୍ ସମାଜ୍‍ତାଗ୍ କାତି ଲାବ୍ ମାଡ଼ିତଡ଼୍ ।

୧ ତୀମତି 5:10 Iomraidhean Croise

ମାତିଉ 25:17

ରକମ୍ ରେଣ୍ଡ୍ ହଜାର୍‌ ମୁଦ୍ରା ପାହେମ୍‍ ଆଦ୍ ଚାକର୍ ମେଣ୍ଡେ ରେଣ୍ଡ୍ ହଜାର୍‌ ମୁଦ୍ରା ଲାବ୍ ମାଡ଼୍‍ତଣ୍ଡ୍ ।

ମାତିଉ 5:16

ଆଦେପୁଟୁଙ୍କ୍ ମିୱାଦ୍ ୱେସ୍ ସାରେତଡ଼୍ ଗାର୍‍ରେ କେଲିନ୍ । ଆଲେକେ ମିୱାଦ୍ ସତ୍‍କାମ୍ ସାରେ ଉଡ଼ି ଅଡ଼୍‌ ମିଇ ସ୍ୱର୍ଗତଣ୍ଡ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 7:38

ପେର୍‍କେ ଜିସୁନ୍ ଲାବ୍ ଡେକେତ୍ ଗାର୍‍ରେ ନିଶ୍‍ମିକା କେୟକେୟ କାଣ୍ଡେଡି ଏର୍‍ଦେ ଅନାଦ୍‌ ଲାବ୍ ଡେକେତିଙ୍କ୍ ନାଆସ୍‍ପି ନିଜର୍ ତାଲେତ୍ କେଲ୍‍କିନ୍ ତଡ଼୍ ଆଦ୍ ଉମ୍‍ସାନଙ୍କ୍ ପସ୍‍ପିତ୍‍ତେ, ମେଣ୍ଡେ ଅନ୍‌‍ୱେ ଲାବ୍ ଡେକେତିଙ୍କ୍ ଚୁମା ମାଡ଼ି ସାୟେ ଗାବ୍‍ତେ ନିୟ୍‍ ଅକାନଙ୍କ୍ ପସ୍ପ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 7:44

ମେଣ୍ଡେ, ଜିସୁ ଆଦ୍ ନାଟାଡ଼୍ ସେଙ୍ଗେ ତିଡ଼ିୟି ଶିମୋନ୍‍ତିଙ୍କ୍ କେତ୍ତଣ୍ଡ୍, “ଇଦ୍ ନାଟାଡ଼୍‍ତିଙ୍କ୍ ଉଡ଼ୁତି ? ନାନ୍ ମି ଲୋନ୍‌ ୱାତ୍‍ତାନ୍, ନିମେ ନା ଡେକେତ୍ ସେଙ୍ଗେ ଏର୍‍ ଇୱିନ୍, ବାତେଙ୍କ୍ ଇତ୍କେ ଇଦ୍ କାଣ୍ଡେଡ୍ ଏର୍‍ ତଡ଼୍ ନା ଡେକେ ନାଆସ୍ ମିକା ତାନ୍ କେଲ୍‍କିନ୍ ତଡ଼୍ ଅଂକିଙ୍କ୍‌ ଉମ୍‍ସିତ୍‍ତେ ।

ପ୍ରେରିତ 10:22

ଅଡ଼୍‌ ଉତ୍ତର୍ ହିତ୍‍ତଡ଼୍, “ସେନାପତି କର୍ଣ୍ଣୀଲିୟ ମାକିଂଙ୍କ୍ ରହତ୍‍ତଣ୍ଡ୍ । ଅଣ୍ଡ୍‌ ୱେରଣ୍ଡ୍ ସାୟେତ୍ ନାରୁଣ୍ଡ୍‍ । ଅଣ୍ଡ୍‌ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାନଣ୍ଡ୍‍ ନୁ ଇହୁଦୀ ନାରୁଡ଼୍‍ ସାରେତଡ଼୍ ଅଂକିଙ୍କ୍‌ ସନ୍‍ମ୍ମାନ୍ ହିଦ୍‍ତଡ଼୍ । ନିକିଂଙ୍କ୍ ତାମ୍ ନାର୍ କାର୍‍ଙ୍ଗି ମିକା ନିୟାଦ୍ ଗଟି କେଞ୍ଜାନ୍ ମାଇଦିଙ୍କ୍ ଇଶ୍ୱର୍‌ତେ ୱେରଣ୍ଡ୍ ପବିତ୍ର ଦୂତ୍ ଅଂକିଙ୍କ୍‌ ଗଟ୍ ହିତ୍‍ତଣ୍ଡ୍ ।”

ପ୍ରେରିତ 22:12

“ଆଦ୍ ନଗର୍‍ତାଗ୍ ହନନୀୟ ପେଦେର୍‍ତଣ୍ଡ୍ ୱେରଣ୍ଡ୍ ଦାର୍ମିକ୍ ନାରୁଡ଼୍ ମାତ୍‍ତଣ୍ଡ୍ । ଅଣ୍ଡ୍‌ ମୋଶାନ୍‌‌ ନିୟମ୍‍ ପାଲନ୍ ମାଡ଼ମାତ୍‍ତଣ୍ଡ୍ ନୁ ଆଗେ ବାସେ ମାଡ଼ମାନ୍ଦାନ୍ ଇହୁଦୀଡ଼୍ ସାରେତଡ଼୍ ଅଂକିଙ୍କ୍‌ ଗାଟି ସମ୍ମାନ୍ ମାଡ଼ମାତ୍‍ତଡ଼୍ ।

ପ୍ରେରିତ 6:3

ଆଦିଙ୍କ୍ ହୋ ଦାଦାଲଡ଼୍‍ ନୁ ଏଲାସ୍କ୍‍, ମିଇ ଲୋପେଙ୍କ୍ ପବିତ୍ର ଆତ୍ମା ନୁ ବୁଦ୍‍ତେ ବର୍ତ୍ତି ଆସ୍‍ମାନ୍ଦାନ୍ ସାତ୍‍ ଜାନ୍‍ତିଙ୍କ୍ ଏଞ୍ଚାଟ୍‍ । ମାନାଡ଼୍ ଅଡ଼୍‌‍କିଂଙ୍କ୍ ଇଦ୍ ସାରେ ବିଷୟ୍‍ତେ ଦାୟିତ ହିଦ୍‍ତାଡ଼୍ ।

ପ୍ରେରିତ 9:36

ଯୋପାତାଗ୍ ଟାବିଥା ପେଦେର୍‍ତେ ୱେରଡ଼୍ ବିଶ୍ୱାସୀ ନାଟାଡ଼୍ ବାସେ ମାଡ଼ମାତ୍‍ତେ । ଆଦିନାଦ୍ ଗ୍ରୀକ୍ ପେଦେର୍ ଦର୍କାସ୍ ଇତ୍‍କେ ଇଦ୍‍ ଅର୍ତ “ହରିଣୀ,” ମାତ୍‍ତେ । ଆଦ୍ ତାନାଦ୍ ସାରେ ଦିନାମ୍ ସାୟେକାମ୍ ଦାଗ୍ ନୁ ଗରିବ୍ ନାରୁଡ଼୍‍କ୍ ସେବା ମାଡ଼ାନାଗ୍ ହିସମାତ୍‍ତେ ।

ପ୍ରେରିତ 9:39

ପିତର୍ ତିଆର୍ ଆସ୍ ଅଡ଼୍‌‍ତଡ଼୍ ଆତ୍‍ତଣ୍ଡ୍ । ଆଗେ ଏୱୁତ୍‍ତେ ସାଙ୍ଗେ ସାଙ୍ଗେ ନାରୁଡ଼୍ ଅଂକିଙ୍କ୍‌ ପରତ୍‍ ବାକ୍‍ଡ଼େତାଗ୍ ଆତ୍‍ତଡ଼୍ । ଆଗେ ରାଣ୍ଡିକି କେୟି କେୟି ଦର୍କାସ୍ ମାତ୍‍ତେ ସମୟ୍‍ତେ ସିଲେୟ୍ ମାଡ଼୍‍ତେ ଚକା ନୁ ସିଲେ ତଅତ୍‍ତା ।

ରୋମୀୟ 12:13

କ୍ରିଷ୍ଟ ବିଶ୍ୱାସୀ ନାରୁଡ଼ାଦ୍ ଅବାବ୍ ପୁନ୍ଦାନଙ୍କ୍ ଆଲ୍‍ସାଟ୍ । କୁଟ୍‍ମାମ୍‍ତିଙ୍କ୍ ସେବା ମାଡ଼ାଟ୍ ।

ଏଫିସିୟ 2:10

ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।

କଲସୀୟ 1:10

ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ ।

୧ ତୀମତି 2:10

ମୁତେକି ସାୟେ କାମ୍ ସେଙ୍ଗେ ନିଜେତ୍ ଦର୍ମପରାୟନ୍‍ତେ ପରିଚୟ ହିୱି ।

୧ ତୀମତି 3:2

ମଣ୍ଡଲିତେ ଇକାପାକାନଣ୍ଡ ନିର୍ଦୋଷ୍‍ ଚରିତ୍ର, ୱେରଡ଼୍ ମୁତେନ୍ ମୁଦ୍‍ପାଲ୍, ସତ୍ୟବାଦୀ, ଯତ୍ନବାନ୍‍ ନୁ ନାରୁଡ଼୍‍ ମୁନେ ସମ୍ମାନ୍‍ ଆଦେୟେତିତ୍ । ଅଣ୍ଡ୍‌‍ ଅତିତିପରାୟନ୍ ଆଦାନ୍ ମିନ୍ତେ ନୁ ସିକ୍ଷିତ୍ ଇଦାନ୍ ମାୟ୍‍ଦିଙ୍କ୍‍ ଦକ୍ୟତା ମାନ୍‍ତେ ।

୧ ତୀମତି 3:7

ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।

୧ ତୀମତି 5:16

ମେଣ୍ଡନ୍ ଦାମେ କେସ୍ ନେହେତୁତାନ୍, କ୍ରିଷ୍ଟବିଶ୍ୱାସୀ ହେଲାକିଙ୍କ୍ ନିଜର୍ ପରିବାର୍‍ତାଗ୍ ମାନ୍ଦାନ୍ ରାଣ୍ଡିକିଙ୍କ୍ ପଡ଼୍‌ପାନ୍‌ ବାର ନିଜେ କାଞ୍ଜାଟ୍ । ବେଦ୍‍ପୁଟୁଙ୍କ୍ ମଣ୍ଡଲି ହିୱିନ୍ ସେଙ୍ଗେ ବାରଗ୍ରସ୍ତ ଆୟକଟ, ନିରାଶ୍ରୟ ରାଣ୍ଡିକିଙ୍କ୍ ଯତ୍ନ ଆଦାଙ୍କ୍ ସମର୍ତ ଆଦ୍‍ତେ ।

୧ ତୀମତି 5:25

ଆଦେପୁଟୁଙ୍କ୍ ବେସ୍‍କ୍‍ତଡ଼କ୍ ଦର୍ମକର୍ମ ସହଜତେ ସାରେତଡ଼୍ ଉଡ଼୍ ପାର୍‍ତଡ଼୍ । କିନ୍ତୁ ମେଣ୍ଡେ ବେସ୍‍କ୍‍ତଡ଼୍ ସତ୍‍କର୍ମ ଆଦେପୁଟୁଙ୍କ୍ ପ୍ରକାଶ୍ ପାହେମ୍, ଆୟକଟ ମାତ୍‍କେ ସାରେଦିନା ମିଞ୍ଜି ମାନ୍ଦେପାର୍‍ୱଡ଼୍ ।

୧ ତୀମତି 6:18

ମେଣ୍ଡେ ଅର୍‍ତୁଡ଼୍ ସାହାଯ୍ୟତେ ସାରେତଡ଼୍ ସତ୍‍କାମ୍‍ଦେ ସାଉକାର୍ ଆଦ୍‍ତଡ଼୍; ମେଣ୍ଡେ ମୁକ୍ତ କାଇଦେ ନୁ ଉଦାର୍‍ତେ ଦାନ ମାଡ଼ିତନ୍, ଅଦିନ୍‌ ସେଙ୍ଗେ ଅଡ଼୍‌‍କିଂଙ୍କ୍ ଆଜ୍ଞା ଇମୁଟ୍;

୨ ତୀମତି 1:5

ମିୟାଦ୍ କାକବାୟି ଲୋୟୀ ନୁ ମାତ୍‍ତା ଇଉନିସୀ ବେଦ୍‍ଲେକାମ୍ ବିଶ୍ୱାସ୍‍ ମାଡ଼ମାତ୍‍ତେ, ମିୟାଦ୍ ମିକା ଆ ହୃଦୟତେ ବିଶ୍ୱାସ୍‍ ମିନ୍ଦେ । ଇଦ୍ ଗଟ୍‍ ନାନେ ହେର୍କା ମାଡ଼ୁତାନ୍ । ମିୟାଦ୍ ଆଦ୍‍ ବିଶ୍ୱାସ୍‍ ମିନ୍ଦେ ଇଞ୍ଜ ନିଜାମ୍ ନାନେ ପୁତ୍‍ତାନ୍ ।

୨ ତୀମତି 2:21

ବେନଆଇ ସାରେ ପାପ କାରାପ୍ ତାଗାଙ୍କ୍ ନିଜେତିଙ୍ଗ୍ ଶୁଚି ନେହେତିତନ୍, ଅଣ୍ଡ୍‌ ପ୍ରବୁନ୍ କାମ୍‍ଦାଗ୍ ବ୍ୟବହୃତ୍ ଆଦ୍‍ତେ, ଅଣ୍ଡ୍‌ ପ୍ରବୁନାଗେ ଅନୁରକ୍ତ, ଅନ୍‌ ସେଙ୍ଗେ ଆଦ୍ ଦର୍‍କାର୍ । ବେନ ବାତେଆଇ ଲେକେତ୍‍ କାମ୍‍ତାଗ୍ ବିନିଯୁକ୍ତ ଆଦାନ୍ ଅଣ୍ଡ୍‌ ତିଆର୍‍ ।

୨ ତୀମତି 3:15

କ୍ରିଷ୍ଟ ଜିସୁନାଗେ ବିଶ୍ୱାସ୍‍ ମାଡ଼ି ପରିତ୍ରାଣ ଲାବ୍ ମାଡ଼ାନ୍ ବୁଦ୍ ବେନ୍ ପବିତ୍ର ଦର୍ମଶାସ୍ତ୍ରତାଗ୍ ଲେକାଆସ୍‍, ମିଡ଼୍ ପିଲେକଞ୍ଜ୍ ଆୱୁ ସାରେ ଶାସ୍ତ୍ର କାର୍‌ସ୍‌ ବୁଜେମ୍ ଆଦୁତିଡ଼୍ ।

୨ ତୀମତି 3:17

ବେଲାନ୍ କି ଇଶ୍ୱର୍‍ ନାରୁଡ଼୍, ସିଦ୍ଦ ଆସ୍ ସାରେତ୍ ସାୟେ କାମ୍ ସେଙ୍ଗେ ତିଆର୍‍ ଆଦ୍‍ତେ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ତୀତସ୍‌ 2:7

ମିଡ଼୍ ନିଜେ ନିଜେତ୍ ବ୍ୟବହାର୍‌ ତଡ଼୍ ସାୟେତ୍ ପାଡ଼୍‍ୟି ତଅମୁଟ୍, ଶିକ୍ଷାତାଗ୍ ନିଜାତାଦ୍ ନୁ ଲୋପେତ୍ ଇଚ୍ଛା ନୁ ଲେକାମ୍ ବାକ୍ୟ କେଲ୍‍ମୁଟ୍ ।

ତୀତସ୍‌ 3:1

ଶାସନ୍‍ କର୍ତ୍ତାଲ୍ ନୁ ଦାୟିତ୍ୱବାନ୍ ନାରୁଡ଼୍‍କିଂଙ୍କ୍ ମାନେମ୍‍ ଆଦାନାଦ୍, ମେଣ୍ଡେ ସାର୍‍ରେ ରକମ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ତିଆର୍ ଆଦାନଙ୍କ୍, ତିଆର୍ ଆସ୍ ମାନ୍ଦାନଙ୍କ୍ ସବ୍ୟଡ଼୍‍କିଙ୍କ୍ ଏର୍କା ମାଡ଼ିମୁଟ୍ ।

ତୀତସ୍‌ 3:14

ମାନ୍‍ ନାରୁଡ଼୍ ଗାଲା ଦର୍‍କାର୍ ସେଙ୍ଗେତ୍ ଉପ୍‍କାର୍ ମାୟ୍‍ଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସିଡ଼୍, ବେଲାକି ଅଡ଼୍‌ ମୁଲ୍ୟହିନ୍ ଆୟ୍‍ମାକିଡ଼୍ ।

ତୀତସ୍‌ 3:8

ଇଦ୍ ୱେରଡ଼୍ ନିଜାମ୍ ଗଟ୍, ମେଣ୍ଡେ ବେଲା ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼ାନଡ଼ି ସାର୍ରେତଡ଼୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ମାନ୍‍ ମାଡ଼ିତଡ଼୍, ଇଦିନ୍ ସେଙ୍ଗେ ଇଦ୍ ସାର୍‍ରେ ବିଷୟ୍‍ତେ ଗାଡ଼୍‍ସ୍ ଆସ୍ ଶିକ୍ଷା ଇମୁଟ୍ ଇଞ୍ଜ ନାୟାଦ୍ ଇଚ୍ଛା । ଇଦ୍ ସାର୍‍ରେ ନାରୁଡ଼୍‍କିଂଙ୍କ୍ ପାଡ଼ିୟିଦାଗ୍ ଆଦ୍‍ତେ ।

ଏବ୍ରୀ 10:24

ୱାରାଟ୍‌, ମାନାଡ଼୍‍ ୱେରେତଡ଼୍‍କିଙ୍କ୍‍ ଏର୍କା ମାଡି ଅଡ଼୍‌‍କ୍ ସାହାଯ୍ୟ ମାଡ଼ିକାଲ୍; ଇଦେଲେକାମ୍ ପ୍ରେମ୍‌ତେନେ ସତ୍ କାମ୍ ମାଡ଼ିକାଲ୍ ।

ଏବ୍ରୀ 13:2

ୱାସମାନ୍ଦାନ୍ ନାରୁଡ଼୍‍କିଙ୍କ୍ ମୀଇ ଲୋତ୍‍ତାଗେ ସେବା ମାଡ଼ାଟ୍ । ଆଦ୍‍ ମାଡ଼ାନ୍‍ୱେଲେ ବେନ ଦୂତକିଙ୍କ୍ ସେବା ମାଡ଼୍‍ତଡ଼୍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

୧ ପିତର୍‍ 2:12

ଅଣଯିହୁଦୀଡ଼ାଗାଙ୍କ୍ ମିୟାଦ୍ ସାୟେତ୍‍ ବ୍ୟବହାର୍‌ ସାରେଦାମ୍ ପ୍ରାକଶ୍ ଆୟି; ଆଲେକେ, ଅଡ଼୍‌ ମିକିଙ୍କ୍ କାରାପ୍‍ ପାଡ଼୍‍ୟି ମାଡ଼ାନଡ଼୍‍ ଇଞ୍ଜ୍ ଅପ୍‍ମାନ୍ ଇସ ମାତ୍‍ତେ ମିକା, ମିୟାଦ୍ ସତ୍‍କାମ୍ ଉଡ଼ି କ୍ରିଷ୍ଟନ୍ ୱାଦାନ୍ ଦିନାତେ ଇଶ୍ୱର୍‌ତିଙ୍କ୍‍ ପ୍ରସଂଶା ମାଡ଼ିତଡ଼୍ ।

୧ ପିତର୍‍ 4:9

ସାୟେତ୍‍ ମନ୍‍ତଡ଼୍‍ ନିଜର୍‍ କୁଟ୍‍ମାମ୍‍ତିଙ୍କ୍‍ ସେବା ମାଡ଼ାଟ୍‍ ।

୩ ଯୋହନ୍‌‌ 1:12

ସାରେ ଡିମିଟ୍ରିଅସ୍‍ଙ୍କ୍ ପ୍ରଶଂସା ମାଡ଼ୁତଡ଼୍; ସତ୍‍ କଲ୍‍ସାନ୍ ଡୁଡ୍‍ତେ ଅଣ୍ଡ୍‌ ପ୍ରଶଂସା ଆତ୍‍ତନ୍ । ମାମେ ମିକିଂଙ୍କ୍ ସମର୍ତନ୍ ମାଡ଼ୁତମ୍ । ମିଡ଼୍ ପୁତ୍‍ତିଡ଼୍, ମାମେ ବାତ୍‍ କେତିତମ୍, ଆଦ୍‍ ସାରେ ସାରେଦିନାତ୍‍ ସେଙ୍ଗେ ସତ୍ ।