୧ ତୀମତି 5:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ବୟସ୍‍ତେ ବେଡ଼୍‍ୟକିଙ୍ଗ୍ ନିଜର୍‍ ବାବାଲ୍‍ ଇନା ହେର୍କା ମାଡ଼ାଟ୍ । ଅଡ଼୍‌‍କିଂଙ୍କ୍ ବର୍ସନା ମାଡ଼କଟ ନମ୍ରତେ ଆନୁଯୋଗ୍ ମାଡ଼ାଟ୍ । ସୁଦୁନଡ଼୍ ପ୍ରତି ତାମୁଡ଼୍‍ ଲେକାମ୍‍ ବ୍ୟବହାର୍ ମାଡ଼ାଟ୍ ।

୧ ତୀମତି 5:1 Iomraidhean Croise

ମାତିଉ 23:8

ବାତେଙ୍କ୍ ଇତ୍‍କେ ମିଡ଼୍ ଗୁରୁ ଇଞ୍ଜ ସମ୍ୱଦିତ ଆୟ୍‍ମାଟ୍‍, ବାତ୍‍ତେଙ୍କ୍ ଇତ୍‍କେ ମିଇ “ଗୁରୁ,” ୱେରଣ୍ଡେ ମେଣ୍ଡେ ମିଡ଼୍ ସାରେ ତାମୁଣ୍ଡ୍‌ ।

ପ୍ରେରିତ 14:23

ସାରେ ମଣ୍ଡଲିନାଗ୍ ଅଡ଼୍‌ ଦାୟିତ୍ୱ ଇସ୍‌ ମଣ୍ଡଲିତେ ବୟସ୍କା ନାରୁଡ଼୍‍କିଂଙ୍କ୍ ନିଯୁକ୍ତି ମାଡ଼୍‍ତଡ଼୍ ନୁ ବେନ୍ ପ୍ରଭୁନାଗ୍ ଅଡ଼୍‌ ବିଶ୍ୱାସ୍ ମାଡ଼ିମାତ୍‍ତଡ଼୍, ପ୍ରାର୍ତନା ନୁ ଉପବାସ୍ ତଡ଼୍ ଅଡ଼୍‌‍କିଂଙ୍କ୍ ଆଦ୍ ପ୍ରବୁନ୍ ଗାର୍‍ରେ ସର୍ପା ମାଡ଼୍‍ତଡ଼୍ ।

ପ୍ରେରିତ 15:4

ଅଡ଼୍‌ ଯିରୁଶାଲେମ୍‍ତାଗ୍ ହେୱୁତ୍‍ତେ ୱେଲେ ମଣ୍ଡଲି, ପ୍ରେରିତ ଶିଷ୍ୟ ନୁ ମଣ୍ଡଲିତେ ନେତାଲଡ଼୍ ଅଡ଼୍‌‍କିଂଙ୍କ୍ ସ୍ୱାଗତ୍ ମାଡ଼୍‍ତଡ଼୍ । ଇଶ୍ୱର୍ ଅଡ଼୍‌ ତଡ଼୍ ମାଡ଼ିମାନ୍ଦାନ୍ ପାଡ଼୍‍ୟି ବିଷୟ୍‍ତେ ପାଉଲ୍ ନୁ ବର୍ଣ୍ଣବା ଅଡ଼୍‌‍କିଂଙ୍କ୍ କେତ୍‍ତଡ଼୍ ।

ପ୍ରେରିତ 15:6

ଇଦ୍ ବିଷୟ୍‍ତିଙ୍କ୍ ମିଟିଙ୍କ୍ ମାଡ଼ାନ୍ ମାଇଦିଙ୍କ୍ ପ୍ରେରିତ ଶିଷ୍ୟଡ଼୍ ନୁ ମଣ୍ଡଲିତେ ବୟସ୍କା ନାରୁଡ଼୍ ଅଣ୍ଡୟ୍‌‍ତାଗ୍ ଗୁଡ଼୍‍ତଡ଼୍ ।

ପ୍ରେରିତ 20:17

ଏପିସସ୍‍ ମଣ୍ଡଲିତେ ବୟସ୍କା ନେତାଲଡ଼୍‍କ୍ ମିଲୀଟସ୍‍ ତଡ଼୍ କାଇଲାନଙ୍କ୍ ପାଉଲ୍ କାର୍‍ଙ୍ଗ୍‍ତଣ୍ଡ୍ ।

ରୋମୀୟ 13:7

ଆଦିଙ୍କ୍ ଅଡ଼୍‌‍କିଂଙ୍କ୍ ବାତ୍ ଦର୍‍କାଡ଼୍‍ ଆଦ୍ ଇଦୁତିଡ଼୍ । ସିସ୍ତୁ ବା ସିସ୍ତୁ ମିୟାଦ୍ ବାତ୍ ଇଦାନ୍ ମାନ୍‍ତେ, ଆଦ୍ ଇଦ୍‍ତିଡ଼୍ ମେଣ୍ଡେ ଅଡ଼୍‌‍କିଂଙ୍କ୍ ୱେଡ଼୍‍କ୍‍ ମାଡ଼ିତିଡ଼୍ ନୁ ସମ୍ମାନ୍ ତଅତିତିଡ଼୍ ।

ଗାଲାତୀୟ 6:1

ଅ ଦାଦାଲଡ଼ି ନୁ ହେଲାସ୍କ୍ ନଡ଼ି ଯଦି ବେନ ଅପରାଦ୍ ମାଡ଼ି ଦରାପଡ଼େମ୍ ଆଦ୍‍ତଣ୍ଡ୍, ପବିତ୍ର ଆତ୍ମା ଜିୱୁତଡ଼୍ ନିଜେ, ମିଡ଼୍ ନମ୍ର ଆସ୍ ଆସତ୍ ନାରୁଙ୍କ୍ ବୁଜା ମାଡ଼ାଟ୍, ଆମ୍ଭ ନିଜେକଟ ପରିକ୍ଷାତାଗ୍ ରାୟାନଙ୍କ୍ ଆଦ୍‍ତେ, ଆଦିନ୍ ସେଙ୍ଗେ ନିଜେ ସତର୍କ ଆୟ୍‍ମୁଟ୍ ।

୧ ତୀମତି 5:17

ମଣ୍ଡଲିତେ ବେନଡ଼୍ ନେତାଲଡ଼୍ ଅଡ଼୍‌ ପଡ଼ିୟେତାଗାଙ୍କ୍ କୃତିତ୍ୱ ତଅତିତଡ଼୍, ବିଶ୍ୱଷତଃ ବେନଡ଼୍, କଷ୍ଟ ସୀକାର୍ ମାଡ଼ି ଶିକ୍ଷା ନୁ ପ୍ରଚାର୍ କାମ୍ ମାଡ଼ମାନ୍‍ତଡ଼୍, ଅଡ଼୍‌ ରେଣ୍ଡ୍‍ଗୁନ୍ ହାର୍‍ତେ ପରିଶ୍ରମିକ ଦର୍‍କାନ୍ ଉଚିତ୍,

୧ ତୀମତି 5:2

ବୟସ୍‍ତେ ବେଡ଼୍‍ୟା ନାଟାକିଙ୍କ୍ ୟାୟା ନୁ ସୁଦୁର୍ ରାୱିଙ୍କ୍ ଏଲାସ୍କ୍‌ ଇଞ୍ଜ ମନେ ମାଡ଼ି ଆୱିନ୍ ମାର୍‍କିଙ୍କ୍ ପବିତ୍ର ଆଚରନ୍ ମାଡ଼ାଟ୍ ।

ତୀତସ୍‌ 2:2

ଗାଟି ବୟସ୍‍ ନାରୁଡ଼୍‍କିଂଙ୍କ୍ ଲେକାମ୍ ବ୍ୟବହାର୍‌, ଲେକାମ୍ ବିଚାର୍ ନୁ ନିଜେତ୍ ପର୍‍ର ବିଶ୍ୱାସ୍ ନେଃଏତାନଙ୍କ୍ ଅନୁରୋଦ୍ ମାଡ଼ାଟ୍; ଅଡ଼୍‌ ତାମ୍ ବିଶ୍ୱାସ୍, ପ୍ରେମ ନୁ ଗାଡ଼୍‍ସ୍‍ତାଗ୍ ଗାଡ଼୍‍ସ୍ ଆୟିଡ଼୍ ।

ତୀତସ୍‌ 2:6

ଆଦେ ରକମ୍ ପେକାଲ୍‌ଡ଼୍‍କିଂଙ୍କ୍ ସାର୍‍ରେ ବିଷୟ୍‍ତାଗ୍ ସାୟେ ବୁଦ୍ ମାନ୍ଦାନଙ୍କ୍ ସାର୍‍ଦେ ମାଡ଼ାଟ୍ ।

ଯାକୁବ 3:17

ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ ।

ଯାକୁବ 5:14

ମିଇ ଲୋପେ ବାତ୍ ବେନ ରୋଗି ମିନ୍ଦେଣ୍ଡ୍ ? ଅଣ୍ଡ୍‌ ମଣ୍ଡଲିତେ ନେତା ନଡ଼୍‍କିଂଙ୍କ୍ କାର୍‍ଙ୍ଗିଣ୍ଡ୍; ଅଡ଼୍‌ ପ୍ରବୁନ୍ ପେଦେର୍‍ତେ ନିୟ୍‍ ଉଃସି ଅନ୍‌ ସେଙ୍ଗେ ପ୍ରାର୍ତନା ମାଡ଼ିଣ୍ଡ୍ ।

୧ ପିତର୍‍ 5:1

ନାନେ ୱେରନ୍‍ ବୟସ୍ତେ ନାରୁଣ୍ଡ୍‍ ଇସାବ୍‍ତେ ମିୟାଦ୍ ମଣ୍ଡଲିତେ ବାଡ଼୍‍ୟେ ନେତାଲଡ଼୍‍କ୍ ବିନତି ମାଡ଼ି କେତୁତାନ୍ । କ୍ରିଷ୍ଟନ୍ ଦୁଃକାମ୍ କଷ୍ଟତାଗ୍‍ ନାନେ ୱେରନ୍ ସାକ୍ଷି ନୁ ଅନାଦ୍‌ ଗୌରବ୍ ପ୍ରକାଶ୍ ଆଦାନ୍ ସମୟତେ ନାନେ ଆଗେ ପାଲ୍‍କ୍‍ ଆଦ୍‍ତାନ୍ ।

୨ ଯୋହନ୍‌‌ 1:1

ପ୍ରାଚିନ୍‍ ଯୋହନ୍‌‌ ଯେ ନାନ୍‍ ୱେରଡ୍‍ ହେଞ୍ଚ୍‍ତାଦ୍ ବଦ୍ର ନାଟାଡ଼୍ ନୁ ତାନ୍ ପିଲାନ୍‍ ଗାରେ ଇଦ୍‍ଚିଟି ଲେକୁତାନ୍ । ମିକିଙ୍କ୍ ନାୟାଦ୍ ପ୍ରେମ କେତୁତାନ୍ । ମାତର୍‌ ନାନେ ଆୟନ୍, ବେନଡ଼୍ ସତ୍ୟତାଗ୍ ସନ୍ଦାନ୍ ପାଏମ୍ ଆତ୍‍ତଡ଼୍, ସାରେତଡ଼୍ ମିକିଙ୍କ୍ ପ୍ରେମ ମାଡ଼ିତଡ଼୍ ।

୩ ଯୋହନ୍‌‌ 1:1

ପ୍ରାଚିନ୍‍ ଯୋହନ୍‌‌ ଯେ ନାନ୍‍ ନା ପ୍ରିୟ ସାଙ୍ଗ ଗାୟସ୍‍ତେ ଗାରେ ନାନ୍‍ ଚିଟି ଲେକୁତାନ୍‍ । ବେନଙ୍କ୍ ସତ୍ୟତେ ପ୍ରେମ ମାଡ଼ୁତାନ୍‍ ।

ପ୍ରକାଶିତ୍‌ ବାକ୍ୟ 4:4

ମେଣ୍ଡେ ସିଂହାସନ୍‌ତାଗେ ସାରେପାକା ତିଡ଼୍‍ଆସ୍‍ ମାନ୍ଦାନ୍ ମେଣ୍ଡନ୍ ଚବିଶ୍‍ଟାନ୍ ସିଂହାସନ୍‌ତାଗେ‍ ଚବିଶ୍ ଜାନ୍ ବୟସ୍‍ତେ ମଣ୍ଡଲିତେ ନେତା ଆଗେ ମାତ୍‍ତଡ଼୍ । ଅଡ଼୍‌ ପାଣ୍ଡେଲାଉ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଅଡ଼୍‌‍ ତାଲ୍‍ତ୍‍ ପରୁ ସୁବର୍ଣ୍ଣ ମୁକୁଟ୍‍ ।