୧ ତୀମତି 4:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ଇଶ୍ୱର୍ ବାତେ ତିଆର୍‍ ମାଡ଼ିମିନ୍ଦେନ୍, ଆଦ୍ ସାରେ ସାୟେ, ଆଗାଙ୍କ୍ ବେଦିଙ୍କ୍‍ବା ପାସ୍‍କାଙ୍କ୍‍ ପାର୍‍ଦାଙ୍କ୍ ଆୟ । ଅଂକିଙ୍କ୍‌ ଦନ୍ୟବାଦ୍ ମାଡ଼ି ଅନାଦ୍‌ ସାରେ ଦାନତିଙ୍କ୍ ସାରେ କୃତଜ୍ଞା ତଡ଼୍ ଗ୍ରହନ୍ ମାଡ଼ାନ୍ ଉଚିତ୍ ।

୧ ତୀମତି 4:4 Iomraidhean Croise

ପ୍ରେରିତ 10:15

ମେଣ୍ଡେ ଅଣ୍ଡ୍‌ କେଞ୍ଜ୍‍ତଣ୍ଡ୍; “ଇଶ୍ୱର୍ ବେନଙ୍କ୍ ଶୁଚି ମାଡ଼୍‍ତଣ୍ଡ୍, ନିମ୍‍ ଅଂକିଙ୍କ୍‌ କାରାପ୍ ଇଞ୍ଜ ହାଲ୍‍ସ୍‍ମା ।”

ପ୍ରେରିତ 15:29

ଆୱୁ ନିୟମ୍ ଆତ୍‍ତା, ପୁତ୍‍ଲାମ୍‍ତିଙ୍କ୍ ଇଟ୍‌ତେ କାଦି ତିନ୍‍ମାଟ୍, ନେତୁର୍‍ ଉନ୍‍ମାଟ୍, ପାପେତିଙ୍କ୍ ପଇସ୍ ହାୱ୍‍କ୍‍ତେ ଜୀୱାକ୍‍ତେ ହାୱ୍‍ଙ୍ଗ୍ ତିନ୍‍ମାଟ୍ ନୁ ଯୌନ ପାପାମ୍‍ତିଙ୍କ୍ ୱିଡ଼୍‍ସାଟ୍ । ଇୱୁ ସାରେ ପାଡ଼୍‍ୟି ୱିଡ଼୍‍ସ୍‍କେ ମିୟାଦ୍ ଲେକେତ୍ ଆଦ୍‍ତେ । ମାୟାଦ୍‌ ଇଦ୍ ନମସ୍କାର୍‍ ଗ୍ରହନ୍ ମାଡ଼ାଟ୍ ।”

ପ୍ରେରିତ 21:25

ଇତ୍‍କେ ବେନ୍ ଅଣଇହୁଦୀଡ଼୍ ବିଶ୍ୱାସୀ ଆତ୍‍ତଡ଼୍, ଅଡ଼୍‌ ଗାର୍‍ରେ ଅଣ୍ଡୟ୍‌ ଚିଟି ଲେକି କେତିତମ୍ ଯେ, ମାୱାଦ୍ ନିଷ୍ପତ୍ତି ଲେକାମ୍ ଅଡ଼୍‌ ପୁତ୍‍ଲାମ୍‍ତିଙ୍କ୍ ଇତ୍‍ତେ କାଦି ତିନଡ଼୍, ନେତୁର୍‍ ଉନଡ଼୍, ପାପେତିଙ୍କ୍ ପଇସ୍ ହାୱ୍‍କ୍‍ତେ ପଶୁତ୍ ଆୱୁଙ୍ଗ୍ ତିନଡ଼୍ ନୁ ଯୌନ ପାପ୍‍ତାଗାଙ୍କ୍ ୱେରେ ମାନ୍‍ତଡ଼୍ ।”

ରୋମୀୟ 14:14

ନାନ୍‍ ପୁନ୍ଦ୍‍ତାନ୍‍ ନୁ ପ୍ରବୁ ଜିସୁନାଗାଙ୍କ୍ ନିର୍ଦେଶ୍ ପାଏମ୍ ଆସ୍ କେତୁତାନ୍, ବାତ୍‍ବା କାଦି କାରାପ୍ ଆୟ୍‍ୟ । ଯଦି ବେନ ବାତ୍‍ଆଇ କାଦିତିଙ୍କ୍ କାରାପ୍ ଇଞ୍ଜ ବିଶ୍ୱାସ୍ ମାଡ଼ିତନ୍, ଅନ୍‌ ସେଙ୍ଗେ ଆଦ୍ କାରାପ୍ ଆଦ୍‍ତେ ।

ରୋମୀୟ 14:20

ସୁଦୁର୍ କାଦିତ୍ ସେଙ୍ଗେ ଇଶ୍ୱର୍ ବାତ୍ ମାଡ଼୍‍ତଣ୍ଡ୍, ଆଦ୍ ନଷ୍ଟ ମାଡ଼୍‍ମାଟ୍ । ବେନେବା କାଦି ତିନ୍ଦେୱେୟ୍‍ତିତ୍ । ଇତ୍‍କେ ବେନେବା କାଦି ତିତ୍‍କେ ଯଦି ମିଡ଼୍ ମେଣ୍ଡେଅଡ଼୍‌‍ତିନ୍ ବାଦା ପାଏମ୍ ଆଦ୍‍ତିଡ଼୍, ଆଲାଇତ୍‍କେ ଆଦ୍ କାଦି ତିନ୍ଦାନାଦ୍ ସାୟେ ଆୟ୍‍ୟ ।

ରୋମୀୟ 14:6

ବେନ ୱେରଡ଼୍ ଦିନାମ୍‍ତିଙ୍କ୍ ସାୟେ ଇଞ୍ଜ ଆଲ୍‍ସିତିଡ଼୍, ପ୍ରବୁନ୍ ଗୌରବ୍‍ତେ ସେଙ୍ଗେ ଅଣ୍ଡ୍‌ ଆଦ୍ ମାଡ଼ିଣ୍ଡ୍ । ବେନନାଦ୍ ବାତ୍‍ଆଇ କାଦି ତିନ୍ଦାନଙ୍କ୍ ଆପତ୍ତି ଇଲ୍‍ଲେ, ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍ ଅଣ୍ଡ୍‌ ଆଦ୍ ତିନିଣ୍ଡ୍; ଅଦିନ୍‌ତଡ଼୍ ଇଶ୍ୱର୍ ଗୌରବ୍ ଆଦ୍‍ତନ୍ । ବେନ୍ ନାରୁଡ଼୍ ବାତ୍‍ଆଇ କାଦି ତିନଣ୍ଡ୍, ଅଣ୍ଡ୍‌ ଇଦ୍ ଇଶ୍ୱର୍‌ତେ ଗୌରବ୍ ସେଙ୍ଗେ ମାଡ଼ିଣ୍ଡ୍ ନୁ ଇଦିନ୍ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇୱିଣ୍ଡ୍ ।

୧ କରନ୍ତିୟ 10:23

ଅଡ଼୍‌ କେତୁତଡ଼୍, “ସାର୍‍ରେ ମାଡ଼ାନ୍ ସେଙ୍ଗେ ମାନ୍‍ ଅଦିକାର୍‌ ମିନ୍ଦେ ।” ନିଜାମ୍ ଗଟ୍, ଇତ୍‍କେ ସାର୍‍ରେ ବିଷୟ୍ ଲେକେତାୱୁ ଆୟ୍‍ୟ । ମାନାଡ଼୍ ସାର୍‍ରେ ମାଡ଼ାଙ୍କ୍ ପାର୍‍ଦ୍‍ତାଡ଼୍, ଇତ୍‍କେ ସାର୍‍ରେ ବିଷୟ୍ ସାୟେ ଆୟ୍‍ୟ ।

୧ କରନ୍ତିୟ 10:25

ବିବେକ୍‍ତିଙ୍କ୍ ସାୟେ ନେଃଏତାନ୍ ସେଙ୍ଗେ ବାତ୍‍ବା ପାଚ୍ରା ମାଡ଼୍‍ୱେ ଆଟିନାଗ୍ ୱାମାନ୍ ଆଉଙ୍ଗ୍ ମିଡ଼୍ ନିଜେତ୍ ଇଚ୍ଛାତେ ତିନ୍ଦାନଙ୍କ୍ ପାର୍‍ଦ୍‍ତିନ୍,

୧ କରନ୍ତିୟ 10:26

ବାତେଙ୍କ୍‍ ଇତ୍କେ ଶାସ୍ତ୍ରବାକ୍ୟ ଇସାବ୍‍ତେ, “ପୃତିବି ନୁ ତାନାଦ୍ ସାର୍‍ରେ ବିଷୟ୍ ପ୍ରବୁନାଦ୍ ।”

୧ କରନ୍ତିୟ 10:30

ଯଦି ନାନ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍ ବେନ୍ କାଦି ତିନ୍ଦୁତାନ୍, ଆଦିଙ୍କ୍ ଦନ୍ୟବାଦ୍ ଇତ୍‍ତେ ବିଷୟ୍ ସେଙ୍ଗେ ନାକିଂଙ୍କ୍ ବାତେଙ୍କ୍ ବେନ ମିଟିଙ୍କ୍ ମାଡ଼ିତନ୍ ?”

୧ ତୀମତି 4:3

ପେଣ୍ଡୁଲ୍ ମାଡ଼ାନାଦ୍ ନୁ ବେନା କାଦି ତିନ୍ଦାନାଦ୍ ଆୟ ଇଞ୍ଜ୍ ଅଡ଼୍‌ କେତୁତଡ଼୍ । କିନ୍ତୁ ବେନ୍ କ୍ରିଷ୍ଟବିଶ୍ୱାସୀଡ଼୍ ସତ୍ ସାରେ ମାଡ଼ିମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ ତିଆର୍ ମାଡ଼୍‍ତେ ସାର୍ରେ କାଦି ମାଇଦିଙ୍ଗ୍ ଅଂକିଙ୍କ୍‌ ଦନ୍ୟବାଦ୍ କେସ୍ ଆଦ୍ ନିଜାମ୍ ମନ୍‍ତେ ତିନ୍ଦେପାର୍‍ତନ୍ ।