୧ ତୀମତି 3:7 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁷ ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।

୧ ତୀମତି 3:7 Iomraidhean Croise

ମାର୍କ 4:11

ଜିସୁ ଉତ୍ତର୍ ଇତ୍‍ତନ୍, “ଇଶ୍ୱର୍‌ତେ ରାଜ୍ୟ ବିଶ୍ୱାସ୍‍ତେ ମିଇପାକେ କେସ୍‍ମିନ୍ଦେନ୍ । ବାତେଙ୍କ୍ ଇତ୍‍କେ ବାଗାତଡ଼୍‍କିଙ୍କ୍ ଇୱୁ ସୁଦୁଟ୍ ୱେଷଡ଼୍‍ତେ ଲେକାମ୍‍ କେତୁତଡ଼୍‍ ।

ପ୍ରେରିତ 10:22

ଅଡ଼୍‌ ଉତ୍ତର୍ ହିତ୍‍ତଡ଼୍, “ସେନାପତି କର୍ଣ୍ଣୀଲିୟ ମାକିଂଙ୍କ୍ ରହତ୍‍ତଣ୍ଡ୍ । ଅଣ୍ଡ୍‌ ୱେରଣ୍ଡ୍ ସାୟେତ୍ ନାରୁଣ୍ଡ୍‍ । ଅଣ୍ଡ୍‌ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାନଣ୍ଡ୍‍ ନୁ ଇହୁଦୀ ନାରୁଡ଼୍‍ ସାରେତଡ଼୍ ଅଂକିଙ୍କ୍‌ ସନ୍‍ମ୍ମାନ୍ ହିଦ୍‍ତଡ଼୍ । ନିକିଂଙ୍କ୍ ତାମ୍ ନାର୍ କାର୍‍ଙ୍ଗି ମିକା ନିୟାଦ୍ ଗଟି କେଞ୍ଜାନ୍ ମାଇଦିଙ୍କ୍ ଇଶ୍ୱର୍‌ତେ ୱେରଣ୍ଡ୍ ପବିତ୍ର ଦୂତ୍ ଅଂକିଙ୍କ୍‌ ଗଟ୍ ହିତ୍‍ତଣ୍ଡ୍ ।”

ପ୍ରେରିତ 22:12

“ଆଦ୍ ନଗର୍‍ତାଗ୍ ହନନୀୟ ପେଦେର୍‍ତଣ୍ଡ୍ ୱେରଣ୍ଡ୍ ଦାର୍ମିକ୍ ନାରୁଡ଼୍ ମାତ୍‍ତଣ୍ଡ୍ । ଅଣ୍ଡ୍‌ ମୋଶାନ୍‌‌ ନିୟମ୍‍ ପାଲନ୍ ମାଡ଼ମାତ୍‍ତଣ୍ଡ୍ ନୁ ଆଗେ ବାସେ ମାଡ଼ମାନ୍ଦାନ୍ ଇହୁଦୀଡ଼୍ ସାରେତଡ଼୍ ଅଂକିଙ୍କ୍‌ ଗାଟି ସମ୍ମାନ୍ ମାଡ଼ମାତ୍‍ତଡ଼୍ ।

ପ୍ରେରିତ 6:3

ଆଦିଙ୍କ୍ ହୋ ଦାଦାଲଡ଼୍‍ ନୁ ଏଲାସ୍କ୍‍, ମିଇ ଲୋପେଙ୍କ୍ ପବିତ୍ର ଆତ୍ମା ନୁ ବୁଦ୍‍ତେ ବର୍ତ୍ତି ଆସ୍‍ମାନ୍ଦାନ୍ ସାତ୍‍ ଜାନ୍‍ତିଙ୍କ୍ ଏଞ୍ଚାଟ୍‍ । ମାନାଡ଼୍ ଅଡ଼୍‌‍କିଂଙ୍କ୍ ଇଦ୍ ସାରେ ବିଷୟ୍‍ତେ ଦାୟିତ ହିଦ୍‍ତାଡ଼୍ ।

୧ କରନ୍ତିୟ 10:32

ମିଡ଼୍ ମେଣ୍ଡେଅନ୍‌ ଦେଶ୍‍ତଡ଼ି, ଇହୁଦୀ ବା ଅଣଇହୁଦୀ, ଇଶ୍ୱର୍‌ତେ ମଣ୍ଡଲି, ବେନ ତିପାଲ୍ ଲେକାମ୍ ଆୟ୍‍ମାଟ୍ ।

୧ କରନ୍ତିୟ 5:12

ବାୟ୍‍ଦେତ୍ ନାରୁଡ଼ାଦ୍ ବିଚାର୍ ମାଡ଼ାନ୍ ମାୟ୍‍ଦିଙ୍କ୍ ନାନ୍ ବେନ ? ଇତ୍‍କେ ମାନ୍‍ ମଣ୍ଡଲିତେ ଲୋପେ ମାନ୍ଦାନ୍ ନାରୁଡ଼୍‍କିଂଙ୍କ୍ ବିଚାର୍ ମାଡ଼ାନାଦ୍ ଦାୟିତ୍‌ ବାତ୍ ମାନାଦ୍‍ ଇଲ୍‍ଲେ ?

୨ କରନ୍ତିୟ 6:3

ବେଲାନ୍ ମାନ୍‍ ପାଡ଼୍‍ୟିତାଗ୍ ମେଣ୍ଡେବାଗାତଡ଼୍ ବେନଗାଲା ଦଷି ଆୟ୍‍ମାକିଣ୍ଡ୍, ଆଦିନ୍ ସେଙ୍ଗେ ମାମ୍‍ମେ ବାତେଏ ବିଷୟ୍‍ତେ ବାଦା ଆୟମ୍,

୨ କରନ୍ତିୟ 8:21

ବାତେଙ୍କ୍ ଇତ୍‍କେ ମାତର୍ ପ୍ରବୁନ୍ ସାକ୍ଷାତ୍‍ତେ ଆୟ୍‍ୟ, ମାତର୍ ନାରୁନ୍ ସାକ୍ଷାତ୍ ମିକା ସତ୍ ମାନ୍ଦାନ୍ ମାନାଦ୍‍ ଲକ୍ଷ ।

କଲସୀୟ 4:5

ସାରେ ସୁଯୋଗ୍‍ ଲେକେତ୍‍ ବ୍ୟବହାର୍‌ ମାଡ଼ି ଅବିଶ୍ୱାସୀନଡ଼୍‍ ଗାରେ ବୁଦ୍‍ତଡ଼୍‍ ତିର୍‍ୟାଟ୍ ।

୧ ଥେସଲନିୟ 4:12

ବେଦ୍‍ଲେକାମ୍ ବାଇଦେତ୍‍ ନାରୁଡ଼୍ ସେଙ୍ଗେ ମିଡ଼୍ ସାୟେ ଆୟ୍‍ମୁଟ୍, ମେଣ୍ଡେ ମିୟାଦ୍ ବାତ୍‍ତେବା ଅବାବ୍ ଆୟ୍‍ୟ ।

୧ ଥେସଲନିୟ 5:22

ସାରେ ଲେକେତ୍‍ କାରାପ୍ ପାଡ଼ିୟିତାଗାଙ୍କ୍ ଯେକାମାନୁଟ୍ ।

୧ ତୀମତି 3:6

ଅଣ୍ଡ୍‌ ବିଶ୍ୱାସ୍‍ତାଗ୍‍ ସିଦ୍ଦ ଆସ୍‍ ମାନ୍ଦାନ୍ ମିନ୍ଦେ; ଇଲୁକ୍‍ ଶୟତାନ୍ ଆଶେତେ ତୟି ଦଣ୍ଡନିୟ ଆଦାନ୍ ସମ୍ଭାବନା ମିନ୍ଦେ ।

୧ ତୀମତି 5:14

ସୁତରଂ ନାୟାଦ୍ ମନ୍‍ଦେ ଆଦୁତେ, ସୁଦୁର୍‍ ବୟସତାୱ ରାଣ୍ଡିକି ମେଣ୍ଡନ୍‍ଦାମ୍ ପେଣ୍ଡୁଲ୍‍ଆସ୍ ମାର୍‍ଦେ ମାୟାଡ଼୍‍ଦେ ୟାୟାସ୍ ୱେରଡ଼୍ ୱେର ଲେକେତ୍ ପୁନାଦ୍ ସଂସାର୍ ତିଆର୍‍ମାଡ଼ି । ଆଲାହିକେ, ମା ବିରୁଦ୍ଦ୍‍ତେ ମାନ୍ଦନ୍ ନାରୁଡ଼୍ ଇୱିଙ୍କ୍ ଆସ୍ ସମ୍ପ୍ରଦାୟତେ କାର୍‍ପ ମାଡ଼ାଙ୍କ୍ ଅବକାଶ ପାହେମ୍ ଆୟଡ଼୍ ।

୧ ତୀମତି 6:9

ଦନ୍ ସମ୍ପତ୍ତିତେ ଲୋବ୍ ନାରିନାଗେ ପରିକ୍ଷା ନୁ ଚକ୍ରାନ୍ତ ଲୋପେଙ୍କ୍ ଲାଗିଆଦ୍‍ତେ; ଅନ୍‌ ମନ୍‍ଦାଗ୍ ଗାଟି ତୁଚ୍ଚ ଅନିଷ୍ଟ ଲାଳସା ଜାଗ୍ରତ ମାଡ଼ି ଆଦାଙ୍କ୍ ଦ୍ୱସଂ ନୁ ସର୍ବନାଶ ପାକେ ଲାଗିଆଦ୍‍ତେ ।

୨ ତୀମତି 2:26

ମେଣ୍ଡେ ବେନ୍ ଶୟତାନ୍ ଅଡ଼୍‌କିଂଙ୍କ୍ ତାନ୍ ଇଚ୍ଛା ସାଦନ୍ ମାଡ଼ାନ୍ ସେଙ୍ଗେ ବନ୍ଦି ମାଡ଼ିମିନ୍ତେ, ସଚେତନ୍ ଆସ୍ ତାନ୍ ଉଡ଼ୀଇ ଦାଗାଙ୍କ୍ ମୁକ୍ତ ଆଦ୍‍ତଡ଼୍ ।

ତୀତସ୍‌ 2:5

ଲେକାମ୍ ମାର୍‍ମାୟାସ୍କ୍ ପୁଟ୍‍ସ୍ପାନଙ୍କ୍, ଲେକାମ୍ ବୁଦି, ସତି, ଲେକାମ୍ କଡ଼୍‍ୟାଡ଼୍, ନିଜେତ୍ ପର୍‍ର ବିଶ୍ୱାସ୍ ନୁ ତାନ୍ ମୁଦ୍‍ପାନ୍‍ତଡ଼୍ ସାୟେ ମାନ୍ଦାନଙ୍କ୍ ଶିକ୍ଷା ଇମୁଟ୍ । ଆଲେକେ, ବେନବା ଇଶ୍ୱର୍‌ତେ ବାକ୍ୟ ବାଗାତ୍ ନାରୁଡ଼୍ ତଡ଼୍ ନିନ୍ଦ୍ ମାଡ଼ାନଙ୍କ୍ ପାର୍‍ୱଡ଼୍ ।

ତୀତସ୍‌ 2:8

ବେଲାକି ବିରୁଦ୍ ନାରୁଡ଼୍ ମାନ୍‍ ବିଷୟ୍‍ତେ ବାତ୍‍ମିକା କାରାପ୍ ଗଟି କେତାନଙ୍କ୍ ପାର୍‍ୱେ କନ୍‍ସ୍ ସିଗ୍ ଆଦ୍‍ତଡ଼୍ ।

୩ ଯୋହନ୍‌‌ 1:12

ସାରେ ଡିମିଟ୍ରିଅସ୍‍ଙ୍କ୍ ପ୍ରଶଂସା ମାଡ଼ୁତଡ଼୍; ସତ୍‍ କଲ୍‍ସାନ୍ ଡୁଡ୍‍ତେ ଅଣ୍ଡ୍‌ ପ୍ରଶଂସା ଆତ୍‍ତନ୍ । ମାମେ ମିକିଂଙ୍କ୍ ସମର୍ତନ୍ ମାଡ଼ୁତମ୍ । ମିଡ଼୍ ପୁତ୍‍ତିଡ଼୍, ମାମେ ବାତ୍‍ କେତିତମ୍, ଆଦ୍‍ ସାରେ ସାରେଦିନାତ୍‍ ସେଙ୍ଗେ ସତ୍ ।