୧ ତୀମତି 1:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ କିନ୍ତୁ ହେର୍କେ ନେହ୍‍ତ୍‍ ୱେୟ୍‍ତିତ୍‍, ଇ ବ୍ୟବସ୍ଥା ଦାର୍ମିକ ନାରୁଡ଼୍‍ତେ ମାଇଦିଙ୍କ୍ ଆୟ । ନିୟମ୍‍ତିଙ୍କ୍ ବାଙ୍ଗାମାଡ଼ାନ୍‍ ନାରୁଡ଼୍‍ ଆଦାର୍ମିକିଡ଼୍‍ତେ ମାଇଦିଙ୍କ୍ ଆଦ୍‍ ତିଆର୍‍ ଆସ୍‍ମିନ୍ଦେ । ବେନଡ଼୍‍ ସ୍ୱେଚ୍ଛାଚାରୀ, ବେନଡ଼୍‍ ଇଶ୍ୱର୍‌ତିଙ୍କ୍ ୱେର୍‍ୱଡ଼୍‍, ବେନଡ଼୍‍ ପାପ୍‍ ଅପକର୍ମତେ ବେନଡ଼୍‍ ଦର୍ମବାବ ବା ଆଦ୍ୟାମିବଦ ଇଲେ, ବେନଡ଼୍‍ ୟାୟ୍‍ବାବାଙ୍କ୍ ଆୱ୍‍କାଙ୍କ୍ ହେର୍କେ ମାଡ଼ାନଡ଼୍‍; ନାରୁଙ୍କ୍‍ ଆୱ୍‍କାନଡ଼୍‍,

୧ ତୀମତି 1:9 Iomraidhean Croise

ମାତିଉ 10:21

“ନାରୁଡ଼୍ ନିଜେତ୍ ତାମୁଣ୍ଡ୍‌କିଡ଼୍‍କ୍ ଡଲାନ୍‍ଦଣ୍ଡ୍ ହିଦାନ୍ ମାଇଦିଙ୍କ୍ ପସ୍‍ପିଦ୍‍ତଡ଼୍‍ । ବାବାଲ୍ ମିକା ନିଜେତ୍ ପିଲାନ୍ ସେଙ୍ଗେ ଆଦ୍‍ଲେକାମ୍ ବେବ୍ୟହାର୍ ମାଡ଼ିତନ୍ । ପିଲା ତାମ୍ ୟାୟ୍‍ ବାବାନ୍ ବିରୁଦ୍‍ତେ ଆଞ୍ଜ୍, ଅଡ଼୍‌‍କିଂଙ୍କ୍ ଆୱକିତଡ଼୍ ।

ରୋମୀୟ 1:30

ଅଡ଼୍‌ ପେର୍‍ଲେ, ନିନ୍ଦ୍ ମାଡ଼ିତଡ଼୍‍, ଇଶ୍ୱର୍‌ତିଙ୍କ୍‍ ପାସ୍‍କିତଡ଼୍‍, ଅତ୍ୟାଚାର୍, ଅହଂକାରି, କାରାପ୍ ପାଡ଼୍‍ୟି ତିୟାର୍ ମାଡ଼ାନଡ଼ି, ୟାୟବାବାନ୍ ଗଟି କେଞ୍ଜଡ଼୍,

ରୋମୀୟ 4:13

ବାତେଙ୍କ୍ଇତ୍‍କେ ଅବ୍ରାହାମ୍‌ ତାନ୍ ବଂଶତିଙ୍କ୍ ଜଗତ୍‍ତେ ଅଦିକାରି ଆଦ୍‍ଦାନ୍ ସେଙ୍ଗେ ପ୍ରତିଜ୍ଞା ନିୟମ୍ ତଡ଼୍ ଇୱେମାତ୍‍ତଡ଼୍, ମାତର୍ ବିଶ୍ୱାସ୍‍ତାଦ୍ ଦାର୍ମାମ୍ ସେଙ୍ଗେ ଇସ୍‍ମାତ୍‍ତଡ଼୍ ।

ରୋମୀୟ 5:20

ନିୟମ୍ ମାଡ଼୍‍ତାଙ୍କ୍ ପାପ୍‍ ମାଡ଼୍‍ତାୱୁ ତଅନ୍‌ଦ୍‍ତେ । ଇତ୍‍କେ ପାପାମ୍‍ ପେର୍ସାନ୍‍ ସାଙ୍ଗେ ସାଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ ଗାଲା ନାର୍‍ଗେ ଆତ୍‍ତେ ।

ରୋମୀୟ 6:14

ବାତେଙ୍କ୍‍ଇତ୍‍କେ ପାପ୍‌ ମିଇ ପର୍‍ର ରାଜ୍ ମାଡ଼୍‍ମାକି । ମିଡ଼୍ ମେଣ୍ଡେ ନିୟମ୍ ଅଦିନ୍‌ତାଗ୍ ଇଲିଡ଼୍ । ଇତ୍‍କେ ଇଶ୍ୱର୍‌ତେ ଅନୁଗ୍ରମାମେ ଆୟମ୍‌ ମିନ୍ଦେଡ଼ି ।

ଗାଲାତୀୟ 3:19

ଆଲେକେ ନିୟମ୍ ବାତେଙ୍କ୍ ତିଆର୍ ଆତ୍‍ତେ ? ନାରୁଡ଼ାଦ୍ ସାରେ କାରାପ୍ କାମ୍ ତଅସିଦାଙ୍କ୍ ଆଦିନାଦ୍ କାମ୍‌ ମାତ୍‍ତେ ମେଣ୍ଡେ ଅବ୍ରାହାମ୍‍ତେ ବେନ୍ ବଂଶତଡ଼୍‍କିଙ୍କ୍ ଉଡ଼ି ଇଶ୍ୱର୍ ଆଦ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଆ ନାରୁଣ୍ଡ୍ ୱାନା ଯାକ ନିୟମ୍ ଦର୍‍କାର୍ ମାତ୍‍ତେ । ଅର୍ତୁଣ୍ଡ୍ ନାରୁଙ୍କ୍ ନାଡ଼୍‍ମେ ମାଡ଼ି ଦୂତକିନ୍ ତଡ଼୍ ନିୟମ୍ ତିଆର୍‍ ଆସ୍‍ମାତ୍‍ତେ ।

ଗାଲାତୀୟ 5:18

ମିଡ଼୍ ଯଦି ପବିତ୍ର ଆତ୍ମା ତଡ଼୍ ଚାଲେମ୍ ଆଦ୍‍ତିଡ଼୍, ଆଲେକ୍ ନିୟମ୍‍ ଅଦିନ୍‌ତେ ଆୟ୍‍ୱିଡ଼୍‍ ।

ଗାଲାତୀୟ 5:21

ଇର୍ସା, ମାତ୍‍ୱାରି, ରଙ୍ଗରସ, ଇଦ୍‍ଲେକେତ୍ କାମ୍‍ସାରେ; ନାନ୍‍ ମୁନେଙ୍କ୍ ବେଲାନ୍ କେସ୍‍ମାତ୍‍ତାନ୍, ଆଦେଲେକାମ୍ ମୁନେନ୍ କେତୁତାନ୍ ଯେ, ବେନଡ଼୍ ଇୱୁ ସାରେ କାମ୍‍ ମାଡ଼ିତନ୍, ଅଡ଼୍‌ ଇଶ୍ୱର୍‌ତେ ରାଜ୍ୟତାଗ୍ ଅଦିକାରି ଆୟଡ଼୍ ।

ଗାଲାତୀୟ 5:23

ନମ୍ର ନୁ ଆତ୍ମସଂଯମ୍; ଇୱୁ ସାରେ ବିରୁଦ୍‍ତେ ବାତେ ନିୟମ୍ ଇଲ୍‍ଲେ ।

୨ ଥେସଲନିୟ 2:8

ତାନ୍ ପେର୍‍କେ ପାପଆତ୍ମା ହେକାମ୍ ଆଦ୍‍ତେ; ବାତେଙ୍କ୍ ଇତ୍‍କେ ବେସୁଙ୍କ୍‍ ପ୍ରବୁ ଜିସୁ ୱାଦ୍‍ତନ୍, ଅନ୍‌ ତାନ୍ ମକମ୍‍ତେ ନେହେସ୍‍କାନାଲ୍‌ଦ୍‍ ତଡ଼୍ ଦଂସ ମାଡ଼ିତନ୍, ନୁ ଅନ୍‌ ଜାଜଲ୍‌ଲ୍ୟମାନ୍ ଦିନ୍ ଏୱୁକେ ୱିଡ଼୍‍ସି ଆଦ୍‍ତନ୍ ।

୧ ତୀମତି 4:7

ଇଶ୍ୱର୍‌ତିଙ୍କ୍ ଅପମାନ୍ ମାଡ଼ମାନ୍ଦାନ୍ ମୁଲ୍ୟହିନ କିମ୍ୱଦନ୍ତିକିଙ୍କ୍ ପରିହାର ମାଡ଼ି, ମି ଦର୍ମଜିୱୁଣ୍ଡ୍‍ତେ ଶକ୍ତି ମାଡ଼ାଙ୍କ୍ ଅବ୍ୟାସ୍ ମାଡ଼ାଟ୍ ।

୧ ତୀମତି 6:20

ହୋ ତିମତି, ନିୟାଗ୍ ବେନ୍‍ ଦାୟିତ୍ୱ ସମର୍ପିତ ଆସ୍‍ମିନ୍ଦେ, ଆଦ୍ ରକ୍ଷା ମାଡ଼େ; ଆସର୍ ବକୁଆତନ୍ ନୁ କେତାକେତି ଜ୍ଞାନ୍‍ତେ ଯୁକ୍ତିତର୍କତାଗାଙ୍କ୍ ୱେର୍‌ମାଟ୍‌;

୨ ତୀମତି 2:16

ବେନ୍ ଦର୍ମବାବଶୂନ୍ୟ ମଣ୍ଡି ବାକ୍ୟକେତାନ୍ ନାରିଙ୍କ୍ ଇଶ୍ୱର୍‌ତାଗାଙ୍କ୍ ହେକାମ୍ ମାଡ଼ିତ୍, ଅଣ୍ଡ୍‌ ସାରେତାଗାଙ୍କ୍ ମିଡ଼୍ ଯେକା ମାନୁଟ୍ ।

୨ ତୀମତି 3:2

ନାରିଡ଼୍ ସ୍ୱର୍ତପର୍, ଲୋବି, ଆଂକାରୀ ନୁ ଆତ୍ମାବିମାନୀ ଆଦ୍‍ତଡ଼୍; ଅଡ଼୍‌ ୟାୟ ବାବାଙ୍କ୍ ଅପମାନ୍ ଇଦ୍‍ତଡ଼୍; ଅଡ଼୍‌ ମାନ୍‍ତାଗ୍ କୃତଜ୍ଞତା ନୁ ଅଦର୍ମତେ ମାୟି ଆଦ୍‍ତଡ଼୍,

ତୀତସ୍‌ 1:10

ବାତେଙ୍କ୍ ଇତ୍‍କେ ନାର୍‍ଗେ ନିଜାମ୍ କ୍ରିଷ୍ଟ ଦର୍ମ ଗ୍ରହନ୍ ମାଡ଼୍‍ତେ ନାରୁଡ଼୍ ଲୋପେଙ୍କ୍ ମୁର୍କ ନାରୁଡ଼୍, ବୁସାଗଟି କେତାନଡ଼୍ ନୁ ଚାଲାକି ମାଡ଼ାନଡ଼ି ମିନ୍ଦେ, ଅଡ଼୍‌ ସୁନ୍ନତ୍ ଆତ୍‍ତେ ନାରୁଡ଼୍ ଲୋପେ ନାର୍‍ଗେ ମିନ୍ଦେ । ଅଡ଼୍‌ ତାମ୍ ଗଟିନ୍‍ ତଡ଼୍ ବାଗାତଡ଼୍‍କିଙ୍କ୍ ନାର୍‍ଗେ ପ୍ରତାରଣା ମାଡ଼ୁତଡ଼୍ ।

ତୀତସ୍‌ 1:16

ଅଡ଼୍‌ ଇଶ୍ୱର୍‌ତିଙ୍କ୍ ପୁତ୍‍ତଡ଼୍ ଇଞ୍ଜ ସ୍ୱୀକାର୍ ମାଡ଼ିତଡ଼୍, ବାତେଙ୍କ୍ ଇତ୍‍କେ ଅଡ଼୍‌ ପାଡ଼୍‍ୟିତଡ଼୍ ଅଂକିଙ୍କ୍‌ ଅସ୍ୱୀକାର୍ ମାଡ଼ିତଡ଼୍; ଅଡ଼୍‌ ପାସ୍କାନଡ଼୍ ନୁ ମୁର୍କ ମେଣ୍ଡେ ସାର୍‍ରେ ସାୟେ ପାଡ଼୍‍ୟିତିଙ୍କ୍ ଯୋଗ୍ୟ ଆୟ୍‍ୟଡ଼୍ ।

ତୀତସ୍‌ 1:6

ୱେରଣ୍ଡ୍ ମଣ୍ଡଲିତ୍ ନେତାଲ୍ ଆଦାନ୍ ସେଙ୍ଗେ ନିର୍ଦୋଷ୍‍, ବେନ୍ ନାରୁଡ଼୍ ଦଷି ଆୟ୍‍ୟଣ୍ଡ୍ ନୁ ୱେରଡ଼୍ ମୁତେନ୍ ମୁଦ୍‍ପାଲ୍, ବେନ ମାର୍‍କ୍ ବିଶ୍ୱାସି ମାନ୍‍ତଡ଼୍ ନୁ ବେସୁଟ୍‌ ବା କାରାପ୍ ବ୍ୟବହାର୍‌ ମାଡ଼ଡ଼୍‍ କି ମୁର୍କ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଏଞ୍ଚାଟ୍ ।

ତୀତସ୍‌ 3:3

ବାତେଙ୍କ୍ ଇତ୍‍କେ ମୁନେଙ୍କ୍ ମାନାଡ଼୍ ବା ମୁର୍କ, ବାକ୍‍ୱା ମେଣ୍ଡେ ନାର୍‍ଗେ ରକମ୍ କାରାପ୍ ଚିନ୍ତେ ନୁ ସୁକାମ୍‍ତେ ଦାସ ମାତ୍‍ତମ୍, ଇଂସା ନୁ ଇର୍ଷାତଡ଼୍ ବାଦ୍‍କ ମାତ୍‍ତମ୍, ମେଣ୍ଡେ ପାସ୍‍କାନ୍ ନାରୁଡ଼୍ ଆସ୍ ନିଜେତ୍ ନିଜେତ୍ ଲୋପେ ପାସ୍‍କ ମାତ୍‍ତମ୍ ।

ଏବ୍ରୀ 11:31

ବେଶ୍ୟା ରାହାବ ତାନ୍ ବିଶ୍ୱାସ୍‌ତେ ମାଇଦିଙ୍କ୍‌ ଇସ୍ରାଏଲଦ୍‌ ମିଞ୍ଜିମାନ୍ଦାନ୍‍ ଡଙ୍ଗାଲଡ଼କ୍‍ ପଡିୟା ଇତ୍ତା । ମେଣ୍ଡେ ଦେଉଡ୍‌ତ୍‌ ବିରୁଦ୍ଦ୍‍ ପାଡ଼ୟି ମାଡ଼ାନ୍‍ ନାରୁଡ୍‌ ସାଙ୍ଗ୍‌ ଡଲକଟ ରକ୍ଷା ପାଏମ୍‍ ଆତ୍‍ତଣ୍ଡ୍‍ ।

ଏବ୍ରୀ 12:16

ଏଷୌ ଲେକେ ବେନ କାରାପ୍ ବା ଅଦର୍ମ ନାରୁଣ୍ଡ୍ ଇନା ଆୟ୍‍ମାଟ୍; ଅଣ୍ଡ୍‌ ତ ଅଣ୍ଡୟ୍‌‍ ଅଲ୍‍ତେ କାଦି ସେଙ୍ଗେ ବେଡ଼୍‍ୟ୍‍ ଦାଦାନ୍ ଅଦିକାର୍‌‍ଦିଙ୍କ୍ ୱାମି ମାତ୍‍ତଣ୍ଡ୍ ।

୧ ପିତର୍‍ 2:7

ମିଡ଼୍ ବିଶ୍ୱାସ୍ ଆସ୍‍ମାନ୍ଦାନ୍‍ ମାୟ୍‍ଦିଙ୍କ୍‍ ମୀଇ ସେଙ୍ଗେ ଇଦ୍ କାଲ୍ ଗାଟି ଦାମ୍‍ଦାଦ୍ । କିନ୍ତୁ ଅବିଶ୍ୱାସିନଡ଼୍ ସେଙ୍ଗେ, “ଲୋନ୍‌‍ ତିୟାର୍‍ମାଡ଼ାନଡ଼୍‍ ବେନ୍ କାଲ୍‍ତିଙ୍କ୍ ପାସ୍କ୍‍ତଡ଼୍, ଆଦ୍ ସାରେତିଙ୍କ୍ ବାଡ଼ିୟାଦ୍ କାଲ୍ ଆତ୍‍ତେ ।”

୧ ପିତର୍‍ 3:20

ନୋହ ଜାହାଜ୍ ମାଡ଼ାନ୍ ସମୟତେ ଇଶ୍ୱର୍ ଦୈର୍ଯ୍ୟତେ କେପିମାତ୍‍ତନ୍ । ଆସୁଙ୍କ୍ ବେନ୍‍ ନାରୁଡ଼୍ ଇଶ୍ୱର୍‌ତଡ଼୍‍ ଉର୍‍ଗାଡ଼୍ ଆତ୍‍ତଡ଼୍, ଆ ପରୁତେ ଆତ୍ମା ଆଦୁତଡ଼୍‍ ଅଡ଼୍‌‍ଲେକେମ୍‍ । ବେନ୍ ସୁକୁକ୍ ବେସ୍କ୍‍ତୁଡ଼୍‍ ସାରେ କାଇଲି ଆଟ୍‍ଜାନ୍ ମାତର୍‌ ଗାଟି ୱାର୍‍ସାମ୍‍ତାଗାଙ୍କ୍ ରକ୍ଷା ପାଏମ୍‍ ଆତ୍‍ତଡ଼୍,

୧ ପିତର୍‍ 4:18

ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ଯଦି ଦାର୍ମିକ୍‍ନଡ଼୍ ପରିତ୍ରାନ୍ ପାଏମ୍ ଆଦାନାଦ୍ ଇସର୍ କଷ୍ଟ, ଆଲେକ୍ ଆଦାର୍ମିକ୍ ନୁ ପାପିନଡ଼୍ ଦଶା ବାଆତେ ଆଦ୍‍ତେ ?”

ଯିହୁଦା 1:15

ସାର୍‍ରେ ତଡ଼୍‍ୱାଦ୍ ବିଚାର୍ ମାଡ଼ାନଙ୍କ୍ ୱାଦ୍‍ତଣ୍ଡ୍ । ଅଡ଼ାଦ୍‌ ସାର୍‍ରେ ପାପ୍ ପାଡ଼୍‍ୟି ସେଙ୍ଗେ ନୁ କାରାପ୍ ନାରୁଡ଼୍ ଇଶ୍ୱର୍ ନିନ୍ଦ୍ ମାଡ଼ାନ୍ ସେଙ୍ଗେ ଅଡ଼୍‌‍ ଜିୱୁଣ୍ଡ୍‍ତିଙ୍କ୍‍ ଦଣ୍ଡ୍ ଇଦ୍‍ତଣ୍ଡ୍ ।”

ପ୍ରକାଶିତ୍‌ ବାକ୍ୟ 21:8

କିନ୍ତୁ କାପୁରୁଷ, ବିଶ୍ୱାସ୍‍ଗାତତନ୍, ବିକୃତଚିରିତ୍ର, ନରଅନ୍‌ତା, ଲମ୍ପର, ତନ୍ତ୍ରମନ୍ତ୍ରସାବକ୍, ମୁର୍ତ୍ତିକିଙ୍କ୍ ପୁଜାନଡ଼୍‍ ନୁ ମିତ୍ୟାବାଦିଡ଼୍ ଅଡ଼୍‌ ସାରେତଡ଼୍ ବ୍ରଷ୍ଟାଚାରିଡ଼୍‍ନଡ଼୍ ତିଆର୍‍ ଆସ୍‍ମାନ୍ଦାନ୍ ପଡ଼ିୟେ ଅଦୁତ୍, ଗନ୍ଦକ କିସ୍ ନିଡ଼୍‍ସ ମାନ୍ଦାନ୍ ସାୱୁଡ଼େ ଆଗେ ଅଡ଼୍‌ ତୃତିୟଦାମ୍ ଡଲିତଡ଼୍ ।”

ପ୍ରକାଶିତ୍‌ ବାକ୍ୟ 22:15

କିନ୍ତୁ ବିକୃତଚରିତ୍ର, ତନ୍ତ୍ରମନ୍ତ୍ର ମାଡ଼ାନଣ୍ଡ୍, ନରହନ୍ତା, ମୁର୍ତ୍ତିପୂଜାକି, ମିତ୍ୟାବାଦିଡ଼୍, ପ୍ରାତାରକ୍ ସାରେ ବ୍ରାଷ୍ଟାଚାରୀଡ଼୍ ସାରେତଡ଼୍ ନାର୍‍ ବାଇଦେ ମାନ୍‍ତଡ଼୍ ।