୧ ତୀମତି 1:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

୧ ତୀମତି 1:5 Iomraidhean Croise

ମାତିଉ 12:35

ୱେରନ୍ ଲେକେତ୍‍ ନାରୁନ୍ ଲେକାମ୍ ବର୍ତ୍ତି ଆସ୍‍ମାନ୍ଦାନ୍ ତାନ୍ ସାୟେତ୍ ବଣ୍ଡାର୍ ତାଗାଙ୍କ୍ ସାୟେତ୍ ଜିନିଷ୍ ପେସ୍‍ପିତଣ୍ଡ୍ । ୱେରନ୍ କାରାପ୍ ନାରୁନ୍ ତାନାଦ୍ କାରାପ୍ ଜିନିଷ୍‍ତେ ବର୍ତ୍ତି ଆସ୍‍ମାନ୍ଦାନ୍ କାରାପ୍ ବଣ୍ଡାର୍‍ତାଗାଙ୍କ୍ କାରାପ୍ ଜିନିଷ୍ ପେସ୍ପିତନ୍ ।

ମାତିଉ 5:8

ବେନଡ଼ାଦ୍ ହୃଦୟ୍ ନିର୍ମଲ୍ ଅଡ଼୍‌ ଦନ୍ୟ, ବାତେଙ୍କ୍ ଇତ୍‍କେ ଅଡ଼୍‌ ଇଶ୍ୱର୍‌ତେ ଦର୍ଶନ୍ ଉଡ଼ିତଡ଼୍ ।

ପ୍ରେରିତ 15:9

ଅଡ଼୍‌ ନୁ ମା ଲୋପେ ବାତ୍‍ମିକା ହାଲ୍‍ସାନାଦ୍‍ ଇଲେ, ଅଡ଼୍‌‍ ତାମ୍‍ ହୃଦୟ୍ ଶୁଚି ମାଡ଼୍‍ତଡ଼୍‍ । ଅଡ଼ାଦ୍‌ ବିଶ୍ୱାସ୍‍ତେ ସେଙ୍ଗେ ଅଣ୍ଡ୍‌ ଅଡ଼୍‌‍କିଂଙ୍କ୍ ପାପ୍ କ୍ଷମା ମାଡ଼୍‍ତଣ୍ଡ୍ ।

ପ୍ରେରିତ 23:1

ପାଉଲ୍ ବେଡ଼୍‍ୟେ ମିଟିଙ୍ଗ୍‍ତାକ୍ ଲେକେତ୍‍ ସତ୍‍କାମ୍ ଉଡ଼ି କେତ୍‍ତଣ୍ଡ୍, “ଏୟ୍‍ ଇଶ୍ରାଏଲୀୟ ଦାଦାଲଡ଼୍‍ ! ନେଣ୍ଡ୍ ଯାକ ଇଶ୍ୱର୍‌ତେ ମୁନ୍‍ନେ ନାନ୍‍ ବେଦ୍‍ରକମ୍‍ ଜିୱୁଣ୍ଡ୍ ବାଦ୍‍କ୍‍ତାନ୍, ଆଦ୍ ବିଷୟ୍‍ତେ ନାୟାଦ୍ ମନ୍ ସାରେ ସାୟେ ମିନ୍ଦେ ।”

ପ୍ରେରିତ 24:16

ଆଦିଙ୍କ୍ ଇଶ୍ୱର୍ ନୁ ନାରୁଡ଼୍‍ତେ ମୁନ୍‍ନେ ସାୟେତ୍ ମନ୍‍ମାଡ଼ି ଲେକେତ୍‍ କାମ୍ ମାଡ଼ାନ୍ ସେଙ୍ଗେ ନାନ୍ ସାରେଦାମ୍ ଆଲ୍‍ସି ମାଡ଼ୁତାନ୍ ।”

ରୋମୀୟ 10:4

କ୍ରିଷ୍ଟ କେ ନିୟମ୍‍ତେ ମାଡ଼େଙ୍ଗ୍‍ ମିନ୍ଦେଣ୍ଡ୍, ଅଂକିଙ୍କ୍‌ ବିଶ୍ୱାସ୍ ମାଡ଼୍‍କେ ନାରୁଡ଼୍ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଡ଼୍ ।

ରୋମୀୟ 12:9

ପ୍ରେମ ଲୋପେକସ୍ ଆଦାନାଦ୍ ଲେକେତ୍‍ । ବାତ୍ ସାର୍‍ରେ ସତ୍ ଆୟ; ଆୱିଙ୍କ୍ ପାସ୍‍କାଟ୍, ସାର୍ରେତଡ଼୍ ସତ୍ ପାଡ଼୍‍ୟି ମାଡ଼ାଟ୍ ।

ରୋମୀୟ 14:15

ମିଡ଼୍ ବାତ୍‍ଆଇ କାଦି ତିନ୍ଦାନ୍‍ୱେଲେ ଯଦି ୱେରଣ୍ଡ୍ ତାମୁନ୍ ମନ୍‍ତାଗ୍ କଷ୍ଟ ଇଦ୍‍ତିଡ଼୍, ଆଲେକେ ଅଂକିଙ୍କ୍‌ ମିଡ଼୍ ପ୍ରେମ ମାଡ଼୍‍ୱିଡ଼୍ । ବେନ୍ ତାମୁନ୍ ସେଙ୍ଗେ କ୍ରିଷ୍ଟ ଡଲ୍‍ତଣ୍ଡ୍, ସୁଦୁର୍ କାଦିତ୍ ମାୟ୍‍ଦିଙ୍କ୍ ଅନାଦ୍‌ ଅନିଷ୍ଟ ମାଡ଼୍‍ମାଟ୍ ।

ରୋମୀୟ 9:1

ନାନ୍ ନିଜାମ୍ କେତୁତାନ୍, କ୍ରିଷ୍ଟ ବିଶ୍ୱାସୀ ଆସ୍‍ମାନ୍ଦାନ୍ ମାୟ୍‍ଦିଂଙ୍କ୍ ନାନ୍ ମିଚ୍ କେଲନ୍ । ପବିତ୍ର ଆତ୍ମାତେ ଚାଲେମ୍ ନାୱାଦ୍ ବିବେକ୍ ଇଦିନାଦ୍ ସାକ୍ଷି ଇଦୁତେ ।

୧ କରନ୍ତିୟ 13:1

ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍‍ତେ କେତ୍‍ ପାର୍‍କେ ମିକା, ନା ଜିୱୁଣ୍ଡ୍‍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍‌ ଲେଙ୍ଗ୍‍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍‌‍ତଡ଼୍ ପେଞ୍ଚାନ୍ କାୟ୍‍କ୍ ଲେଙ୍ଗ୍ ।

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଗାଲାତୀୟ 5:6

ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।

୧ ତୀମତି 1:18

ନା ମାର୍‍ ତୀମତି, ନି ବିଷୟ୍‍ତେ ମୁନେକଙ୍କ୍ ପ୍ରକାଶ ପାହେମ୍‍ ଆତ୍‍ତେ ବାବବାଣି ଲେକାମ୍‌ ନାନ୍‍ ନିକିଙ୍କ୍ ହି ଆଜ୍ଞା ହିଦୁତାନ୍‍ । ଆ ବାବବାଣିତିଙ୍କ୍ ଅମଗ ଅସ୍ତ୍ର ଲେକାମ୍‍ ବ୍ୟବହାର ମାଡ଼ି ନିମେ ଜିୱୁନ୍‍ ସଂଗ୍ରାମ୍‍ତେ ଜିଡ଼ି ଲାବ୍ ମାଡ଼ା ।

୧ ତୀମତି 1:19

ବିବେକ୍‍ତିଙ୍କ୍ ସାୟେ ନେହ୍‍ସ୍‍, ନି ଦର୍ମ ବିଶ୍ୱାସତେ ଡ଼ୁଟାଙ୍କ୍‍ ମାନ୍‍ । ବେନ୍‍ ବେନ୍‍ଡ଼୍‍ ବିବେକ୍‍ତେ ଚେତାବନୀତିଙ୍କ୍ ୱିଡ଼୍‌ସି ମାଡ଼ି ନିଜର୍‍ ଦର୍ମବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିସ୍‍ ମିନ୍ଦେଡ଼୍‍ ।

୧ ତୀମତି 3:9

ମାନ୍‍ ଦର୍ମବିଶ୍ୱାତେ ପ୍ରକାଶିତ୍ ସତ୍ୟ ଅଡ଼୍‌‍ ନିର୍ମଲ ମନ୍‍ତେ ଗାଡ଼୍‍ସ୍‍ ଆସ୍‍ ବିଶ୍ୱାସ୍ ମାଡ଼ମାନ୍‍ତଡ଼୍‍ ।

୨ ତୀମତି 1:3

ନା ଆନିଦାଦିଡ଼୍ ଲେକାମ୍ ନାନେ ବେନ୍ ଇଶ୍ୱର୍‌ତିଙ୍ଗ୍ ଲେକାତ୍ ହୃଦୟତେ ସେବା ମାଡ଼ ୱାସମିନ୍ଦେନ୍, ଅଙ୍କ୍‌ ଦନ୍ୟବାଦ୍ ଇସ୍ କେତୁତାନ୍ । ନାୟାଦ୍ ପ୍ରାର୍ତନା ତାଗ୍ ସାରେଦିନା ନାର୍କେପାୟାଲ୍‍ ନିକିଙ୍କ୍ ହେର୍କା ମାଡ଼ାନ୍ ୱେଲେ ନାନେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତାନ୍ ।

୨ ତୀମତି 1:5

ମିୟାଦ୍ କାକବାୟି ଲୋୟୀ ନୁ ମାତ୍‍ତା ଇଉନିସୀ ବେଦ୍‍ଲେକାମ୍ ବିଶ୍ୱାସ୍‍ ମାଡ଼ମାତ୍‍ତେ, ମିୟାଦ୍ ମିକା ଆ ହୃଦୟତେ ବିଶ୍ୱାସ୍‍ ମିନ୍ଦେ । ଇଦ୍ ଗଟ୍‍ ନାନେ ହେର୍କା ମାଡ଼ୁତାନ୍ । ମିୟାଦ୍ ଆଦ୍‍ ବିଶ୍ୱାସ୍‍ ମିନ୍ଦେ ଇଞ୍ଜ ନିଜାମ୍ ନାନେ ପୁତ୍‍ତାନ୍ ।

୨ ତୀମତି 2:22

ବେନଡ଼୍ ନିର୍ମଲ୍ ହୃଦୟତେ ଇଶ୍ୱର୍‌ତିଙ୍କ୍ ସାହାର୍ଯ୍ୟ ପ୍ରାର୍ତନା ମାଡ଼ମାନ୍ତନ୍, ଅଡ଼୍‌‍ ସଂସ୍ପର୍ଶତେ ମାଞ୍ଜ୍ ମିଡ଼୍ ଲେଇୟଡ଼୍‍ ଉତ୍ତେଜନାତିଙ୍କ୍ ଆୟତ୍ ମାଡ଼ିତଡ଼୍ ମେଣ୍ଡେ ଦାର୍ମିକ୍‍ତେ, ବିଶ୍ୱାସ୍ତେ, ପ୍ରେମ ନୁ ଶାନ୍ତି ଇଦାନ୍‍ ସେଙ୍ଗେ କାମ୍ ମାଡ଼ାଟ୍ ।

ତୀତସ୍‌ 1:15

ପବିତ୍ର ନାରୁଡ଼୍ ସେଙ୍ଗେ ସାର୍‍ରେ ସାୟେ; ବାତେଙ୍କ୍ ଇତ୍‍କେ କୁଲାଙ୍ଗାର୍ ନୁ ଅବିଶ୍ୱାସୀ ନାରୁଡ଼୍ ସେଙ୍ଗେ ବାଆତେବା ବିଷୟ୍ ସାୟେ ଆୟ୍‍ୟ, ଆଦିଙ୍କ୍ ଅଡ଼ାଦ୍‌ ମନ୍ ନୁ ଚିନ୍ତେ ରେଣ୍ଡ୍ ଆସ୍‍ସ କୁଲାଙ୍ଗାର୍ ।

ଏବ୍ରୀ 10:22

ସାର୍ରେତର୍ ୱାରାଟ୍‌, ମାନାଡ଼୍‍ ନେଲା ଜିୱୁତେ ନୁ ନେକା ବିଶ୍ୱାସତେ ଇଶ୍ୱର ଗାରେ ଆଦିକାଡ଼୍‍; ବାତାଙ୍କ୍‌ଇତ୍‌କେ ମାନାଡ଼୍‍ ଇଞ୍ଜେ ମାନ୍ଦାନ୍ କାରାପ୍‍ ଜିୱୁ ନୁଞ୍ଚ୍‍ କ୍ରିଷ୍ଟନ୍‍ ନେତୁର୍‍ ତଡ଼୍‍ ଜାତ୍‌ ଆସ୍ ମିନ୍ଦେଡ଼୍‍ ନୁ ମାନ୍‍ ହୃଦୟ୍‍ ୱେଡ୍‌ତା ଏର୍‌ଦେ ନର୍‌ସ୍‌ ମିନ୍ଦେଡ଼୍‍ ।

ଏବ୍ରୀ 13:18

ମାନ୍‍ ମାୟ୍‍ଦିଙ୍କ୍ ପ୍ରାର୍ତନା ମାଡ଼ମାନୁଟ୍ । ମା ମନ୍ ବେଲା ସାୟେ, ଇଗେ ବାତ୍ କେତାନାଦ୍ ଇଲ୍‍ଲେ, ବାତେଙ୍କ୍‍ଇତ୍‍କେ ସାର୍ରେୱେଲେ ନ୍ୟାୟତାଦ୍ ପାଡ଼୍‍ୟି ମାଡ଼ାନାଦ୍ ମାୟାଦ୍‌ ଇଚ୍ଛା ।

ଏବ୍ରୀ 9:14

ଇଦ୍‌ ଯଦି ନିଜାମ୍‌ ଆସ୍‌ମାନ୍‌ତ୍ତା, ଆଲେଇତ୍‌କେ କ୍ରିଷ୍ଟନାଦ୍‌ ନେତୁର୍‌ ମେଣ୍ଡେ ବେସର୍‍ ପେର୍କେ ଦର୍‍କାର୍‍ ଆୟ ? ଆଚୟ ତେର୍‌ୱାଦ୍ ଜିୱୁତ୍ ତଡ୍‌ଦେ ଅଣ୍ଡ୍‌‌ ତାନାକ୍ ଇଶ୍ୱରନ୍ ମାଇଦେ ଅଣ୍ଡ୍‌ ନିର୍ଦୋଷ୍‍ ପୁଜ୍‌ତାଗ୍‌ ମନ୍‌ ଇଦୁତଣ୍ଡ୍ । ତାନାଦ୍ ଆଦ୍ ନେତୁର୍‌ତେ ସାଙ୍ଗ୍ କାରାପ୍‌ ପାଡିୟନୁଞ୍ଚ ୱେରେ ଆସ୍ ମାୟାଦ୍‌ ଜିୱୁ ନେଲ୍ଲା ମାନ୍‌ତା ନୁ ମାମ୍ ଜିୱୁ ମାନ୍ଦାନ୍ ଇଶ୍ୱରନ୍‌ ସେୱା ମାଡା ପାର୍ଦାତମ୍ ।

ଯାକୁବ 4:8

ଇଶ୍ୱର୍‌ତେ ଗାର୍‍ରେ ଆୟମୁଟ୍, ଆଲେକେ ଅଣ୍ଡ୍‌ ମିଇ ବକେତ୍ ମାନ୍‍ତଣ୍ଡ୍ । ଆ ପାପିଲଡ଼ି, ମିଡ଼୍ କାୟ୍‍କିଂଙ୍କ୍ ଲେକେତ୍ ମାଡ଼ାଟ୍, ମେଣ୍ଡେ ଆ ରେଣ୍ଡ୍ ମାନ୍‍ତଡ଼ି, ମିଡ଼୍ ମିୟାଦ୍ ହୃଦୟ୍‍ତିଙ୍କ୍ ଲେକେତ୍ ମାଡ଼ାଟ୍ ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।

୧ ପିତର୍‍ 3:16

ଇତ୍‍କେ ବିନୀତ୍‍ତେ ନୁ ଲେକେତ୍‍ ନାରୁନ୍ ଲେକାମ୍ ଉତ୍ତର୍ ଇମୁଟ୍ । ମିୟାଦ୍ ମନ୍‍ତିଙ୍କ୍ ନିର୍ମଲ୍‍ତେ ନେଏମୁଟ୍ । ଆଲେଇତ୍‍କେ, ମିଡ଼୍ କ୍ରିଷ୍ଟନ୍‍ ପେର୍କେ ଆଦାନ୍ ଲେକାମ୍ ସାୟେତ୍‍ ବ୍ୟବହାର୍‌ ମାଡ଼ମାନ୍ଦାନ୍ ୱେଲେ, ବେନଡ଼୍ ମିୟାଦ୍ ମିଚ୍ ଅବିଯୋଗ୍‍ ମାଡ଼ିତଡ଼୍, ଅଡ଼୍‌ ସିଗ୍‍ ଆଦ୍‍ତଡ଼୍ ।

୧ ପିତର୍‍ 3:21

ଅଡ଼୍‌ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍‍ମ ଲେକାମ୍ । ଇଦ୍ ବାପ୍ତିସ୍‍ମ ମୀଇ ମେନ୍ଦୁଲ୍‍ତେ ମୁର୍କ୍‍ତିଙ୍କ୍‍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍‍ ଦିନ୍‍ତଡ଼୍ ମିୟାଦ୍ ମନ୍‍ତିଙ୍କ୍ ଲେକେତ୍‍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ପାକେ ଆବେଦନ୍ ।

୧ ପିତର୍‍ 4:8

ନାର୍ଗେ ପ୍ରେମତଡ଼୍‍ ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ନାର୍ଗେ ପାପାମ୍‍ତିଙ୍କ୍‍ ମୁସିତେ ।

୨ ପିତର୍‌ 1:7

ଇଶ୍ୱର୍‍ପରାୟଣ ତଡ଼୍ ଦାଦାଲ୍‍ତାମୁଣ୍ଡ୍ ସ୍ନେହ ନୁ ଦାଦାଲ୍‍ତାମୁଣ୍ଡ୍ ସ୍ନେହ ତଡ଼୍ ପ୍ରେମ କାଲ୍‍ପାନଙ୍କ୍ ଜିୱୁଣ୍ଡ୍‍ ଇସ୍‍ ଚେଷ୍ଟା ମାଡ଼ାଟ୍ ।

୧ ଯୋହନ୍‌‌ 3:10

ଇଗେ ବେନ ଇଶ୍ୱର୍‌ତେ ପିଲା ନୁ ଶୟତାନ୍ ପିଲା ଇଦ୍ ପ୍ରକାଶ୍‍ ଆଦ୍‍ତେ, ବେନ୍ ସତ୍‍କାମ୍ ମାଡ଼ଣ୍ଡ୍ ବା ନିଜର୍‍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ପିଲେ ଆୟଣ୍ଡ୍ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 3:3

ବେନଡ଼୍ କ୍ରିଷ୍ଟନାଗେ ଇଦ୍ ଆଶେ ମାଡ଼ିମିନ୍ଦେଡ଼୍‍, ଅଡ଼୍‌ କ୍ରିଷ୍ଟନ୍ ଲେକାମ୍ ନିଜେତିଙ୍କ୍ ପବିତ୍ର ମାଡ଼ି ନେଃଏତିତଡ଼୍‍ ।