୧ ତୀମତି 1:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ଅଡ଼୍‌‍ ଲେକେତ୍‍ ୱେଷଡ଼୍‍ ନୁ ଆନିଦାଦିଡ଼ାଦ୍‍ ବଂଶତଡ଼୍‍କିଙ୍କ୍ ତିଆର୍‍ ମାଡ଼ାଙ୍କ୍‍ ଆତ୍‍ତଡ଼୍‍ । ଆୱ୍‍ସାରେ ୱିଡ଼୍‍ସାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷାହିମୁଟ୍‍, ବାତେଙ୍କ୍‍ଇତ୍‍କେ ଆଦ୍‍ ମାତର୍‍ ଆଙ୍ଗ୍‍ଡ଼ାମ୍‍ ଗଲକ୍‍ ସୃଷ୍ଟି ମାଡ଼ିତ୍‍ । ବେନ୍‍ ସରଳ ବିଶ୍ୱାସ୍‍ତେ ଇଶ୍ୱର୍‌ତେ ଇଚ୍ଛା ପୁନ୍ଦାଙ୍କ୍ ଆଦ୍‍ତେ, ଇୱ୍‍ସାରେ ତାଙ୍କ୍‍କିଙ୍କ୍ ବାଦା ଇଦ୍‍ତା ।

୧ ତୀମତି 1:4 Iomraidhean Croise

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

ଏଫିସିୟ 3:2

ମିୟାଦ୍‍ ସାୟେତ୍‍ ମାଇଦିଙ୍କ୍ ଇଶ୍ୱର୍ ଅନାଦ୍‌ ଅନୁଗ୍ରହତେ ନାକିଂଙ୍କ୍ ଯେ ଇଦ୍‌ ପାଡ଼୍‍ୟି ମାଡ଼ାଙ୍କ୍‍ ଇସ୍‍ମିନ୍ଦେଣ୍ଡ୍‍, ଇଦ୍ ନିଜାମ୍ କେଞ୍ଜ୍‍ତିଡ଼୍‍ ।

୧ ତୀମତି 3:16

ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।

୧ ତୀମତି 4:7

ଇଶ୍ୱର୍‌ତିଙ୍କ୍ ଅପମାନ୍ ମାଡ଼ମାନ୍ଦାନ୍ ମୁଲ୍ୟହିନ କିମ୍ୱଦନ୍ତିକିଙ୍କ୍ ପରିହାର ମାଡ଼ି, ମି ଦର୍ମଜିୱୁଣ୍ଡ୍‍ତେ ଶକ୍ତି ମାଡ଼ାଙ୍କ୍ ଅବ୍ୟାସ୍ ମାଡ଼ାଟ୍ ।

୧ ତୀମତି 6:11

କିନ୍ତୁ ଆ ତୀମତି ନିମେ ୱେରଣ୍ଡ୍‍ ଇଶ୍ୱର୍‌ତେ ନାରୁନି ଆଦିଙ୍କ୍‍ ହି ସାରେତାଗାଙ୍କ୍ ନିମେ ଦୂରାମ୍ ମାନୁଟ୍ । ଦର୍ମତେ ନୁ ଇଶ୍ୱର୍‌ତେ ପାକେ ବିଶ୍ୱାସ୍, ପ୍ରେମ, ସହିଷ୍ଣତା ନୁ ସୌଜନ୍ୟ ଲେକାମ୍ ସଦ୍‍ଗୁତାୱ ପରିପୂର୍ଣ୍ଣ ଆଦାଙ୍କ୍ ଚେଷ୍ଟା ମାଡ଼ାଟ୍ ।

୧ ତୀମତି 6:20

ହୋ ତିମତି, ନିୟାଗ୍ ବେନ୍‍ ଦାୟିତ୍ୱ ସମର୍ପିତ ଆସ୍‍ମିନ୍ଦେ, ଆଦ୍ ରକ୍ଷା ମାଡ଼େ; ଆସର୍ ବକୁଆତନ୍ ନୁ କେତାକେତି ଜ୍ଞାନ୍‍ତେ ଯୁକ୍ତିତର୍କତାଗାଙ୍କ୍ ୱେର୍‌ମାଟ୍‌;

୨ ତୀମତି 2:14

ଇୱୁସାରେ ଗଟି ହେର୍କା ମାଡ଼ି ନାରିଡ଼୍‍କ୍‍ କାରାପ୍‍ ନୁ ଦସ୍‍ ଇଲ୍‍ୱେ ଗଲ୍‍କ୍‍ ମାଡ଼ାନଙ୍କ୍ ଅଡ଼୍‌‍କିଂଙ୍କ୍ ପ୍ରବୁନାଦ୍ ଲେକାଆତ୍‍ତେ ସାକ୍ଷ୍ୟ ଇମୁଟ୍ ।

୨ ତୀମତି 2:22

ବେନଡ଼୍ ନିର୍ମଲ୍ ହୃଦୟତେ ଇଶ୍ୱର୍‌ତିଙ୍କ୍ ସାହାର୍ଯ୍ୟ ପ୍ରାର୍ତନା ମାଡ଼ମାନ୍ତନ୍, ଅଡ଼୍‌‍ ସଂସ୍ପର୍ଶତେ ମାଞ୍ଜ୍ ମିଡ଼୍ ଲେଇୟଡ଼୍‍ ଉତ୍ତେଜନାତିଙ୍କ୍ ଆୟତ୍ ମାଡ଼ିତଡ଼୍ ମେଣ୍ଡେ ଦାର୍ମିକ୍‍ତେ, ବିଶ୍ୱାସ୍ତେ, ପ୍ରେମ ନୁ ଶାନ୍ତି ଇଦାନ୍‍ ସେଙ୍ଗେ କାମ୍ ମାଡ଼ାଟ୍ ।

୨ ତୀମତି 2:23

ମୁର୍କ ନୁ ବୁଦ୍‌ଇଲ୍‍ୱେ ଯୁକ୍ତିତର୍କ ନାରୁଡ଼ାଙ୍କ୍‍ ଯେକା ମାନୁଟ୍ । ମିଡ଼୍‍ ପୁତ୍‍ତିଡ଼୍, ଇୱୁସାରେତେ ପରିଣତି ସାରେ ଗଲ୍‍କ୍‍ ।

୨ ତୀମତି 4:4

ମେଣ୍ଡେ ସତ୍ ବାକ୍ୟତାଗ୍ କେଞ୍ଜକଟ୍ ୱେଷଡ଼ିନାଗ୍ ମନ୍ ଇସ୍ କେଞ୍ଜିତଡ଼୍ ।

ତୀତସ୍‌ 1:1

ନାନ୍ ପାଉଲ୍, ଇଶ୍ୱର୍‌ତେ ଦାସ ନୁ ଜିସୁ କ୍ରିଷ୍ଟନ୍ ରହତେନଣ୍ଡ୍ ପ୍ରେରିତଶିଷ୍ୟ, ତୀତସ୍‍ତେ ବକେତ୍ ଲେକୁତାନ୍ । ଇଶ୍ୱର୍ ଏଞ୍ଚ୍‍ତେ ନାରୁଡ଼ାଦ୍ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନଙ୍କ୍ ନୁ ମାନ୍‍ ଦର୍ମବିଶ୍ୱାସ୍‍ତାଦ୍ ସତ୍‍ତିଙ୍କ୍ ଅଡ଼୍‌‍କିଂଙ୍କ୍ ସଚେତନ୍ ମାଡ଼ାନଙ୍କ୍ ନାନ୍ ହେଞ୍ଚିମାନ୍ଦାନ୍ ଆସ୍‍ମିନ୍ଦେନ୍ ।

ତୀତସ୍‌ 1:14

ମିଇ ଲୋପେଙ୍କ୍ ବେନ୍‍ବେନ ଇହୁଦୀଡ଼୍ ଶିକ୍ଷାତିଙ୍କ୍‍ ନିଜାମ୍‍ ସତ୍‍ ଗ୍ରହନ୍ ମାଡ଼୍‍ମାଟ୍ । ଆଦେଶ୍‍ତିଙ୍କ୍ ମାନ୍‍ ଇୱକଟ ବିଶ୍ୱାସ୍‍ତାଗ୍ ଗାଡ଼୍‍ସ୍ ଆଦ୍‍ତଡ଼୍, ଆଦିନ୍ ସେଙ୍ଗେ ଅଡ଼୍‌‍କିଂଙ୍କ୍ ଗାଡ଼୍‍ସ୍ ମାଡ଼ାଟ୍ ।

ତୀତସ୍‌ 3:9

ଇତ୍‍କେ ଗଲ୍‍କ୍, ବଂଶତଡ଼୍, ବିରୁଦି ନୁ ନିୟମ୍ ବିଷୟ୍‍ତେ ଯୁଦ୍‌ ଆତ୍‍କେ, ବାତେଙ୍କ୍ ଇତ୍‍କେ ଆୱୁ ସାର୍‍ରେ କ୍ଷତିଆଦ୍‍ତେ ନୁ ବାତ୍ ମୁଲ୍ୟ ଆୟ୍‍ୟ ।

ଏବ୍ରୀ 13:9

ବେସ୍‍ବେସତାୱୁ ବୁସାତାୱୁ ଦର୍ମଶିକ୍ଷା ମିକିଙ୍କ୍ ସତ୍‍ ଆର୍ଦାଗାଙ୍କ୍ ୱେରେ ମାଡ଼୍‍ମାକି । ଇଶ୍ୱର୍‌ତେ ଅନୁଗ୍ରମାମେ ଅନ୍‌ୟାୟ୍‌ତେ ଲୋପେତ୍‍ଆତ୍ମା ସେଙ୍ଗେ ଶକ୍ତି ତାତାନାଦ୍‍ ସାୟେ, ତିନ୍ଦାନ୍‍ କାଦି ନିୟମ୍ ପାଲନ୍ ମାଡ଼ମାନ୍ଦାନ୍ ତଡ଼୍‍ ଇଦ୍‍ ଆଦାନଙ୍କ୍‍ ପାର୍‍ୱ । ଆୱୁ ବାୟ୍‍ଦେତ୍‍ ନୀତିନିୟମ୍‍ ପାଲନ୍‍ ମାଡ଼ମାନ୍ଦାନ୍‍ ନାରୁଡ଼୍ ଆଗେ ବାତ୍‍ ଉପକାର୍‍ ପାଏମ୍‍ ଆୟଡ଼୍‍ ।

୨ ପିତର୍‌ 1:16

ପ୍ରବୁ ଜିସୁ କ୍ରିଷ୍ଟଙ୍କ୍ ଗୌରବ୍‍ମୟ ମେଣ୍ଡନ୍‍ଦାମ୍ ୱାଦାନ୍‍ ବିଷୟ୍‍ତେ ମିକିଙ୍କ୍ କେଞ୍ଜ୍‍ପାନଙ୍କ୍ ମାମେ ଆଲ୍‍ସ୍‍ତେ ୱେଷଡ଼୍‍ ପର ଆସେ ନେଏୱମ୍ । ମାମେ ନିଜର୍‍ କଣ୍ଡେତାଗ୍ ଅନ୍‌ ମଇମା ଉଡ଼୍‍ତମ୍‍ ।