୧ ତୀମତି 1:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ମୁନେନ୍‍ ନାନ୍‍ ଜିସୁ କ୍ରିଷ୍ଟଙ୍କ୍‍ ନିନ୍ଦା ମାଡ଼ମାତ୍‍ତାନ୍‍, ଆଗେକ୍‍ବା ଅଣ୍ଡ୍‌‍ ନାକିଙ୍କ୍‍ ଯୋଗ୍ୟ ମନେ ମାଡ଼ି ନିଯୁକ୍ତ ମାଡ଼୍‍ତଣ୍ଡ୍‍ କିନ୍ତୁ ନାନ୍‍ ବାତ୍‍ ମାଡ଼ୁତାନ୍‍ ଇଞ୍ଜ ପୁନ୍‍ୱାଙ୍କ୍‍ ଇଶ୍ୱର୍ ନାକିଙ୍କ୍‍ ଦୟା ମାଡ଼୍‍ତଣ୍ଡ୍‍‍, ଅବିଶ୍ୱାସୀ ମାନ୍ଦାନ୍‍ ୱେଲେ ନାନ୍‍ ଆଲା ମାଡ଼ମାତ୍‍ତାନ୍‍ ।

୧ ତୀମତି 1:13 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:47

ଆସୁଟେ, ବେନ୍ ଦାସ୍ ନିଜର୍ ପ୍ରବୁନ୍ ଇଚ୍ଛାତିଙ୍କ୍ ପୁଞ୍ଜ୍ ବା ତିୟାର୍ ଆୟ୍‍ୟକଟ ମାନ୍‍ତଣ୍ଡ୍, ଆଲାତ୍କେ ଅନ୍‌ ଇସଲେକାତେ ପାଡ଼ିୟି ମାଡ଼କଟ୍ ମାନ୍‍ତଣ୍ଡ୍, ଅଂକିଙ୍କ୍‌ ଗାଟି ଦେବେତେ ପରୁ ଦେବ୍‍ ଦର୍‍କିତ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 23:34

ଆସୁଙ୍କ୍ ଜିସୁ କେତ୍ତଣ୍ଡ୍, “ବାବା ଇଡ଼କିଙ୍କ୍ କ୍ଷମା ମାଡ଼ା, ବାତେଙ୍କ୍ ଇତ୍କେ ଇଡ଼୍ ବାତ୍ ମାଡ଼ୁତଡ଼୍ ଆଦ୍ ପୁନଡ଼୍ ।” ମେଣ୍ଡେ ଅଡ଼୍‌‍ ଜିସୁନ୍ ଚକାତିଙ୍କ୍ ତୁସାନ୍ ମାଇଦିଙ୍କ୍ ଗୁଲିବାଣ୍ଟ ମାଡ଼୍‍ତଡ଼୍ ।

ପ୍ରେରିତ 22:4

ନାନ୍ ପ୍ରବୁନ୍‍ ଆର୍‍ ପଇସ୍‌ ଆଞ୍ଜମାନ୍ଦା ନାରୁଡ଼୍‍କିଂଙ୍କ୍ ଅତ୍ୟାଚାର୍ ମାଡ଼ି ଅଡ଼୍‌‍କିଂଙ୍କ୍ ଜିୱୁଣ୍ଡ୍‍ତେ ରେହେସ ମାତ୍‍ତାନ୍ । ନାଟାଙ୍କ୍ ମାନେୟ୍‍କ୍ ସାରେତଡ଼୍‌କିଂଙ୍କ୍ ବନ୍ଦି ମାଡ଼ି ଜଇଲ୍‍ତାଗ୍ ୱାଟ ମାତ୍‍ତାନ୍ ।

ପ୍ରେରିତ 3:17

“ଆଦିଙ୍କ୍ ଏୟ୍‍ ଇସ୍ରାଏଲୀୟ ଦାଦାଲଡ଼୍‍ ନୁ ଏଲାସ୍କ୍‍, ମିଡ଼୍ ନୁ ମିଇ ନେତାଲଡ଼୍ ଜିସୁନ୍‍ ସେଙ୍ଗେ ବାଆତେ ମାଡ଼୍‍ତିଡ଼୍, ଆଦ୍ ପୁନ୍‍ୱେକଟ ମାତ୍‍ତିଡ଼୍‍, ଇଦ୍ ନାନ୍ ପୁତ୍‍ତାନ୍ ।

ପ୍ରେରିତ 8:3

ବାତେଙ୍କ୍ ଇତ୍କେ ଶାଉଲ୍‍ ମଣ୍ଡଲିତିଙ୍କ୍ ଦଂସ ମାଡ଼ାନଙ୍କ୍ ଆଲ୍‍ସି ମାଡ଼୍‍ତଣ୍ଡ୍, ଲକ୍ ଲକ୍ ଆଞ୍ଜ୍ କ୍ରିଷ୍ଟ ବିଶ୍ୱାସୀ ମାନେୟ୍‍ ନାଟାଙ୍କ୍ ସାରେତଡ଼୍‌କିଂଙ୍କ୍ ଲାଗିତାସ୍ ଜଇଲ୍‍ତାଗ୍ ତୁର୍‍ତଡ଼୍ ।

ପ୍ରେରିତ 9:1

ଇଦ୍ ସମୟ୍‍ତେ ଶାଉଲ୍‍ ପ୍ରବୁନ୍ ଶିଷ୍ୟଡ଼୍‍କିଂଙ୍କ୍ ଆୱ୍‍କିତାନ୍ ଇଞ୍ଜ ଦମକ୍ ଇସମାତ୍‍ତଣ୍ଡ୍ । ମେଣ୍ଡେ ଅଣ୍ଡ୍‌ ମହା ଯାଜକ୍‍ତେ ଗାର୍ରେ ଆତ୍‍ତଣ୍ଡ୍ ।

ପ୍ରେରିତ 9:13

ହନନୀୟ କେତ୍‍ତଣ୍ଡ୍, “ପ୍ରବୁ, ଇଣ୍ଡ୍ ପବିତ୍ର ନାରୁଣ୍ଡ୍‍ ଯିରୁଶାଲେମ୍‍ତାଗ୍ ନି ନାରୁଡ଼୍ ସେଙ୍ଗେ ବେନ୍‍ସାରେ କାରାପ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦ୍ ବିଷୟ୍‍ତେ ନାର୍‍ଗେ ନାରୁଡ଼୍ ନାକିଂଙ୍କ୍ କେତ୍‍ତଡ଼୍ ।

ପ୍ରେରିତ 9:5

ଅଣ୍ଡ୍‌ କେତ୍‍ତଣ୍ଡ୍, “ପ୍ରବୁ ନିମ୍‍ ବେନ ?” ମେଣ୍ଡନ୍‍ନ୍ଦାମ୍ ଆଦେ ଗଟ୍ କେଞ୍ଜ୍‍ତଣ୍ଡ୍, “ନିମ୍‍ ବେନଙ୍କ୍ ଗାଟିତିପାଲ୍ ମାଡ଼ୁତିନ୍, ନାନ୍ ଅଣ୍ଡେ ଜିସୁ ।

୧ କରନ୍ତିୟ 15:9

ପ୍ରେରିତ୍ ଶିଷ୍ୟଡ଼୍ ଲୋପେଙ୍କ୍ ନାନ୍ ସାର୍ରେତିଙ୍କ୍ କାରାପ୍, ଇଦ୍‍ରକମ୍ କି ପ୍ରେରିତ୍ ପେଦେର୍‍ତିଙ୍କ୍ ଯୋଗ୍ୟ ଆୟନ୍, ବାତେଙ୍କ୍‍ଇତ୍‍କେ ନାନ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଗାଟିତିପାଲ୍ ମାଡ଼୍‍ତାନ୍ ।

୧ କରନ୍ତିୟ 7:25

ମିଡ଼୍ ପେଣ୍ଡୁଲ୍ ଆୟ୍‍ୱା ବିସୟତେ ପୁନ୍ଦାନଙ୍କ୍ ଆଲ୍‍ସ୍‍ତିଡ଼୍, ଇଦ୍ ନାକିନ୍‌ ପ୍ରବୁନୁଞ୍ଚ୍‌ ବାତା ବା ଗଟ୍ ଦର୍କିଲେ; ବାତେଙ୍କ୍ ଇତ୍‍କେ ପ୍ରବୁଙ୍କ୍ ଅନୁଗ୍ରହତେ ବିସ୍‌ୱାସ୍‌ ଆସ୍‌ ନାନ୍‌ କେତୁତାନ୍‌ ।

ଗାଲାତୀୟ 1:13

ଇଉଦି ଦର୍ମତିଙ୍କ୍ ପାସ୍‍କାନ୍ ୱେଲେ ନାନ୍ ବେଦ୍‍ରକମ୍‍ ବାଦ୍‍କ ମାତ୍‍ତାନ୍, ବେଦ୍‍ପୁଟୁଙ୍କ୍ ଉର୍ଦୟ୍ ଇଲ୍‍ୱେ ନାରୁଣ୍ଡ୍ ଲେକାମ୍ ଇଶ୍ୱର୍‌ତିଙ୍କ୍ ପୁଜେ ମାଡ଼ାନ୍ ମଣ୍ଡଲିତିଙ୍କ୍ ତାଡ଼ନା ମାଡ଼ମାତ୍‍ତାନ୍ ନୁ ଆଦିଙ୍କ୍ ଦଂସ ମାଡ଼ାନ୍ ସେଙ୍ଗେ ବେଦ୍‍ପୁଟୁଙ୍କ୍ ପାର୍‍ତେ ଇସର୍ ଚାଏମ୍ ଆସ ମାତ୍‍ତାନ୍, ଇୱୁ ସାରେ ବିଷୟ୍ ମିକିଙ୍କ୍ କେସିତ୍‍ତଡ଼୍ ।

ଫିଲିପିୟ 3:6

ନାୟାଦ୍ ଇର୍ଷାତ୍‍ ସେଙ୍ଗେ ନାନ୍‍ କ୍ରିଷ୍ଟିୟାନ୍‍ ମଣ୍ଡଲିତିଙ୍କ୍‍ ତାଡ଼ନା ମାଡ଼୍‍ତାନ୍‍ । ନିୟମ୍‍ତାଦ୍‍ ଆଜ୍ଞା ପାଲନ୍‍ ମାଡ଼୍‍କେ ଯଦି ନାରୁଣ୍ଡ୍‍ ଦାର୍ମାମ୍‌ ଆଦେ ପାର୍‍ଦ୍‍ତଣ୍ଡ୍‍, ଆଲେକେ ନାନ୍‍ ନିର୍ଦୋଷ୍‍ ମାତ୍‍ତାନ୍‍ ।

୧ ତୀମତି 1:16

କିନ୍ତୁ ନା ଲେକାମ୍‍ ଅର୍‍ତୁଣ୍ଡ୍ ବେଡ଼୍‍ୟେ ପାପୀ ପ୍ରତି ଆନ୍‌ତେ ଇଶ୍ୱର୍‌ତେ କୃପା ନୁ କ୍ରିଷ୍ଟ ଜିସୁନ୍‍ ସହନଶିଳତା ନାକିଙ୍କ୍ ଅଣ୍ଡୟ୍‌ ୱେଷଡ଼୍‍ ମାଡ଼ି ନେହ୍‍ତଣ୍ଡ୍‍, ଆନ୍‌ୱେ ନାରୁଡ଼୍‍ ବେଲା ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନନ୍ତ ଜିୱୁନ୍‍ ଲାବ୍ ମାଡ଼ିତଡ଼୍ ।

ଏବ୍ରୀ 4:16

ଆଦିଙ୍କ୍‍ ମାନାଡ଼୍‍ ୱେର୍‌ୟ୍‌ୱେକଟ୍‌ ଇଶ୍ୱରନ୍ ଦୟା ସିଂହାସନ୍‌ତାଗ୍‌ ଆଦେପାର୍ଦିତାଡ଼୍‍ । ଆଗେ ମାନାଙ୍କ୍‌ ବେସୁଙ୍କ୍‍ ବାତେ କାୱାଲ୍‌ ଆସୁଙ୍କ୍‌ ମାନାଦ୍‌ ସାୟେତ୍‌ ମାଇଦିଙ୍କ୍‌ ଦୟା ନୁ ସୁକାମ୍‌ ଦର୍କିତା ।

୧ ପିତର୍‍ 2:10

ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ନାରୁଡ଼୍ ଆୟିୱେ ମାତ୍‍ତିଡ଼୍, ଇଞ୍ଜେ ଆତ୍‍ତିଡ଼୍ । ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ଦୟା ବିଷୟତେ ଦର୍‍କ୍‍ୱେ ମାତ୍‍ତିଡ଼୍, ଇଞ୍ଜେ ଅନ୍‌ ଦୟାତେ ନାରୁଡ଼ି ଆତ୍‍ତିଡ଼୍‍ ।