୧ ଥେସଲନିୟ 5:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ଇଶ୍ୱର୍ ମାନ୍‍ ଅନ୍‌ କପାମ୍‍ତେ ନାରୁଡ଼୍ ଆଦାନଙ୍କ୍ ହେଞ୍ଜନ୍; ପ୍ରବୁ ଜିସୁ କ୍ରିଷ୍ଟନ୍ ନାଡ଼୍‍ମେ ମାନ୍‍ ପରିତ୍ରାଣ୍ ମାଡ଼୍‍ତନ୍‍ ସେଙ୍ଗେ ତିଆର୍ ମାଡ଼୍‍ତଣ୍ଡ୍ ।

୧ ଥେସଲନିୟ 5:9 Iomraidhean Croise

ମାତିଉ 26:24

ଶାସ୍ତ୍ରତାଗ୍ ଲେକ୍‍ତାଦ୍ ଲେକାମ୍‍ତେ ନାରୁନ୍‍ପିଲେ ଡଲିତଣ୍ଡ୍, ବାତେଙ୍କ୍ ଇତ୍‍କେ ନାରୁନ୍‍ପିଲେତିଙ୍କ୍ ବେନ ପସ୍ପିଦ୍‍ତଣ୍ଡ୍, ଅନାଦ୍‌ ଦଶା ବେସର୍ ବୟଙ୍କର୍ ଆଦ୍‍ତେ ! ବେସୁଙ୍କ୍‍ ଜନମ୍ ଆୟ୍‍ୟକଟ ମାତ୍‍କେ ଅନ୍‌ ମାଇଦିଙ୍କ୍ ସାୟ୍‍ ଆୟେଡ଼୍‍ ।”

ପ୍ରେରିତ 1:20

“ଇଦ୍ ବିଷୟ୍ ଗୀତ ସଂହିତାତାଗ୍ ଲେକା ଆସ୍‍ମିନ୍ଦେ, ଅନାଦ୍‌ ଲନ୍ ଜନଶୁନ୍ୟ ଆୟି ଆଗେ ବେନ ମାନ୍‍ମାକିଣ୍ଡ୍ ମେଣ୍ଡେ ଲେକ୍‍ତାଦ୍ ମିନ୍ଦେ ମେଣ୍ଡେଅର୍‍ତୁଣ୍ଡ୍ ଅନ୍‌ ପଡ଼୍‍ୟେତାଗ୍ ମାନିଣ୍ଡ୍ ।”

ପ୍ରେରିତ 1:25

ଇଣ୍ଡ୍‍ ନାରୁଣ୍ଡ୍‍ ଯିହୁଦାନ୍‍ ପଡ଼୍‍ୟେତାଗ୍ ପ୍ରେରତ ଶିଷ୍ୟନ୍ ପାଡ଼୍‍ୟି ମାଡ଼ିତନ୍ ।”

ପ୍ରେରିତ 13:48

ଅଣଇହୁଦୀଡ଼୍ ଇଦ୍ କେଞ୍ଜି ୱେଡ଼୍‍କେ ଆତ୍‍ତଡ଼୍ ନୁ ପ୍ରବୁନ୍ ବାକ୍ୟ ସେଙ୍ଗେ ଦନ୍ୟବାଦ୍ ହିତ୍‍ତଡ଼୍ । ବେନଡ଼୍ ଅନନ୍ତ ଜିୱୁଣ୍ଡ୍ ମାଇଦିଙ୍କ୍ ହେଞ୍ଚିମାତ୍‍ତଡ଼୍, ଅଡ଼୍‌ ଆଦ୍ ଗଟ୍‍ତାଗ୍ ବିଶ୍ୱାସ୍ ମାଡ଼୍‍ତଡ଼୍ ।

ରୋମୀୟ 11:30

ଆଦିଙ୍କ୍‍ ଅଣଇହୁଦୀଡ଼୍ ମୁନେନ୍ ମୁର୍କ ମାତ୍‍ତଡ଼୍; ଇତ୍‍କେ ଇଞ୍ଜେ ଇହୁଦୀଡ଼୍ ମୁର୍କତ୍ ସେଙ୍ଗେ ଅଣଇହୁଦୀଡ଼୍ ଇଶ୍ୱର୍‌ତେ ଅନୁଗ୍ରହ୍ ପାଏମ୍ ଆତ୍‍ତଡ଼୍ ।

ରୋମୀୟ 11:7

ଆଲେକେ ବାତ୍ ଆତ୍‍ତେ ? ଇଶ୍ରାଏଲୀୟଡ଼୍ ବାତ୍ ମେଏଃକମାତ୍‍ତଡ଼୍, ଆଦ୍ ପାଏମ୍ ଆୟ୍‍ୟଡ଼୍ । ଇଶ୍ୱର୍ ଏଞ୍ଚିମାନ୍ଦାନ୍ ଅଣ୍ଡୟ୍‌ ସୁଦୁର୍ ଗୋଷ୍ଠୀ ଆଦ୍ ଦର୍‍କ୍‍ତେ । ମେଣ୍ଡେ ବାଗାତଡ଼୍ ଇଶ୍ୱର୍‌ତେ ଆୱାନ୍‍ତିଙ୍କ୍ ମାନ୍‍ ଇୱଡ଼୍ ।

୧ ଥେସଲନିୟ 1:10

ମେଣ୍ଡେ ବେଲାନ୍ ଇଶ୍ୱର୍‌ତେ କପାମ୍‍ତାଗାଙ୍କ୍ ମାନ୍‍ନାଅଙ୍କ୍‌ ଗେଲ୍‍ସ୍ପା ସେଙ୍ଗେ, ଡଲ୍‍ତାଗାଙ୍କ୍ ପୁନରୁତ୍‍ତାନ୍ ଅନାଦ୍‌ ମାର୍‍ ଜିସୁ ସ୍ୱର୍ଗତାଗାଙ୍କ୍ ୱାଦାନ୍ ୱେଲେ କେପି ମାନୁଟ୍, ଇୱୁସାରେ ବିଷୟ୍‍ତେ ଆଗେତ୍‍ ନାରୁଡ଼୍ ଗଟି ତିର୍‍ୟମିନ୍ଦେଡ଼୍ ।

୧ ଥେସଲନିୟ 3:3

ମିଇ ପର୍‍ର ଆସମାନ୍ଦାନ୍ ତାଡ଼ନା ସେଙ୍ଗେ ବେନ ବେଲା ଆର୍‍ବୁଲ୍‍କା ଆୟ୍‍ମାକିଣ୍ଡ୍, ଆଦିନ୍ ସେଙ୍ଗେ ମିକିଂଙ୍କ୍ ସାହାଯ୍ୟ ମାଡ଼ିତନ୍ । ନିଜାମ୍ ମିଡ଼୍ ପୁତ୍‍ତିଡ଼୍ ମାମ୍‍ମେ ଇଦ୍ ରକମ୍ ଆଦିତାଡ଼୍, ଇଦ୍ ଇଶ୍ୱର୍‌ତେ ଇଚ୍ଛା ।

୧ ତୀମତି 1:13

ମୁନେନ୍‍ ନାନ୍‍ ଜିସୁ କ୍ରିଷ୍ଟଙ୍କ୍‍ ନିନ୍ଦା ମାଡ଼ମାତ୍‍ତାନ୍‍, ଆଗେକ୍‍ବା ଅଣ୍ଡ୍‌‍ ନାକିଙ୍କ୍‍ ଯୋଗ୍ୟ ମନେ ମାଡ଼ି ନିଯୁକ୍ତ ମାଡ଼୍‍ତଣ୍ଡ୍‍ କିନ୍ତୁ ନାନ୍‍ ବାତ୍‍ ମାଡ଼ୁତାନ୍‍ ଇଞ୍ଜ ପୁନ୍‍ୱାଙ୍କ୍‍ ଇଶ୍ୱର୍ ନାକିଙ୍କ୍‍ ଦୟା ମାଡ଼୍‍ତଣ୍ଡ୍‍‍, ଅବିଶ୍ୱାସୀ ମାନ୍ଦାନ୍‍ ୱେଲେ ନାନ୍‍ ଆଲା ମାଡ଼ମାତ୍‍ତାନ୍‍ ।

୧ ତୀମତି 1:16

କିନ୍ତୁ ନା ଲେକାମ୍‍ ଅର୍‍ତୁଣ୍ଡ୍ ବେଡ଼୍‍ୟେ ପାପୀ ପ୍ରତି ଆନ୍‌ତେ ଇଶ୍ୱର୍‌ତେ କୃପା ନୁ କ୍ରିଷ୍ଟ ଜିସୁନ୍‍ ସହନଶିଳତା ନାକିଙ୍କ୍ ଅଣ୍ଡୟ୍‌ ୱେଷଡ଼୍‍ ମାଡ଼ି ନେହ୍‍ତଣ୍ଡ୍‍, ଆନ୍‌ୱେ ନାରୁଡ଼୍‍ ବେଲା ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନନ୍ତ ଜିୱୁନ୍‍ ଲାବ୍ ମାଡ଼ିତଡ଼୍ ।

୨ ତୀମତି 2:10

ଇଶ୍ୱର୍‌ତେ ହେଞ୍ଚିମାନ୍ଦାନ୍ ନାରିଡ଼୍ କ୍ରିଷ୍ଟ ଜିସୁନାଗେ ନାର୍ଗେ ପରିତ୍ରାଣ ନୁ ଅନନ୍ତ ଗୌରବ୍ ଲାବ୍ ମାଡ଼ାଟ୍, ଇଦ୍ ଲେକାମ୍ ନାନେ ସାରେ କଷ୍ଟ ମାଡ଼ୁତାନ୍ ।

୧ ପିତର୍‍ 2:10

ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ନାରୁଡ଼୍ ଆୟିୱେ ମାତ୍‍ତିଡ଼୍, ଇଞ୍ଜେ ଆତ୍‍ତିଡ଼୍ । ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ଦୟା ବିଷୟତେ ଦର୍‍କ୍‍ୱେ ମାତ୍‍ତିଡ଼୍, ଇଞ୍ଜେ ଅନ୍‌ ଦୟାତେ ନାରୁଡ଼ି ଆତ୍‍ତିଡ଼୍‍ ।

୧ ପିତର୍‍ 2:8

ପବିତ୍ର ଶାସ୍ତ୍ରତାଗ୍ ମେଣ୍ଡନ୍ ୱେରଡ଼୍ ପଡ଼ିୟେତାଗ୍ ଲେକା ଆତ୍‍ତେ, “ଇଦ୍‍ କାଲ୍‍ଦେ ପରୁ ନାର୍ଗେ ନାରୁଡ଼୍ ତାଲ୍‍ଗି ରାଲିତଡ଼୍, ଆଦ୍ ବାଣ୍ଡ୍‍କାଲ୍ ଅଡ଼୍‌ ଦଂସ ଆଦାନ୍ ଆର୍ ଆଦ୍‍ତେ ।” ଅଡ଼୍‌ ଇଶ୍ୱର୍‌ତେ ବାକ୍ୟତେ ବିଶ୍ୱାସ ମାଡ଼ଡ଼୍‍ ଆତ୍‍ତଡ଼୍, ଆଦିଙ୍କ୍ ଅଡ଼୍‌ ତାଲ୍‍ଗି ରାଲ୍‍ତଡ଼୍ । ଇଦ୍ ମାତ୍‍ତେ ଅଡ଼୍‌‍ ସେଙ୍ଗେ ଇଶ୍ୱର୍‌ତେ ଇଚ୍ଛା ।

୨ ପିତର୍‌ 1:1

ଶିମୋନ୍‍ ପିତର୍‍ତେ ଚିଟି; ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ଦାସ ନୁ ପ୍ରେରିତ, ବେନଡ଼୍ ମାନ୍‍ ଇଶ୍ୱର୍‍ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଦାର୍ମାମ୍‌ତେ ସେଙ୍ଗେ ବିଶ୍ୱାସ୍ ଲେକାମ୍ ନାର୍ଗେ ଦାନାମ୍ ଦାନ ପାଏମ୍‍ ଆତ୍‍ତଡ଼୍, ଅଡ଼୍‌ ଗାରେ ଇଦ୍‍ ଚିଟି ଲେକୁତଣ୍ଡ୍‍ ।

୨ ପିତର୍‌ 2:3

ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।

ଯିହୁଦା 1:4

ବେସ୍‍କ୍‍ତୁଡ଼୍‍ କାରାପ୍ ନାରୁଡ଼୍ ମିଞ୍ଜି ମେଣ୍ଡେ ମିଇ ଲୋପେ ନେଙ୍ଗି ମିନ୍ଦେଡ଼୍‍ । ଅଡ଼୍‌ ତାମ୍ କାରାପ୍ ପାଡ଼୍‍ୟିଦିଙ୍କ୍ ସମର୍ତନ୍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ “ଅନୁଗ୍ରହ,” ବିଷୟ୍‍ତେ ଗଟ୍‍ତିଙ୍କ୍ କାରାପ୍ ବ୍ୟବହାର୍‌ ମାଡ଼ୁତଡ଼୍ । ମାୱଣ୍ଡ୍ ୱେରଣ୍ଡେ ଗୁରୁ ନୁ ପ୍ରବୁ ଜିସୁ କ୍ରିଷ୍ଟଙ୍କ୍ ଅଡ଼୍‌ ଅସ୍ୱୀକାର୍ ମାଡ଼ୁତଡ଼୍ । ଅଡ଼୍‌ ସେଙ୍ଗେ ତିଆର୍ ଆସ୍ ମାନ୍ଦାନ୍ ଦଣ୍ଡ୍ ବିଦାନ୍ ବିଷୟ୍‍ତେ ମୁନେତ୍ କନ୍‍ସ୍ ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ ।