୧ ଥେସଲନିୟ 5:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ବାତେଙ୍କ୍ ଇତ୍‍କେ ମାନାଡ଼୍ ୱେସ୍‍ତେ ପିଲା ହାଇନାଙ୍କ୍ ସାରେଦାମ୍ ସେତେ ମାନ୍‍ତାଡ଼୍ । ୱାଡ଼ାଟ୍, ବିଶ୍ୱାସ୍ ନୁ ପ୍ରେମତେ ଚକାସିଲେ କେର୍‍ଦିକାଡ଼୍‍ ନୁ ପରିତ୍ରାଣତେ ଆଶେ ଲେକାମ୍‍ ସହଜ୍‍ ତାଲେତାଗ୍ ୱାଟିକାଡ଼ାଟ୍ ।

୧ ଥେସଲନିୟ 5:8 Iomraidhean Croise

୧ କରନ୍ତିୟ 13:13

ବିଶ୍ୱାସ୍, ଆଶେ ନୁ ପ୍ରେମ ଇୱୁ ମୁଣ୍ଡ୍ ସାର୍ରେଦିନା ମାନ୍ଦାନ୍ ବିଷୟ୍ ଲୋପେଙ୍କ୍ ପ୍ରେମ କେ ବେଡ଼ିୟାଦ୍‌।

୨ କରନ୍ତିୟ 6:7

ଶତ୍ରୁନଡ଼୍ ବିରୁଦ୍ଦ୍‌ତେ ଲଡ଼େମ୍ ଆଦାଙ୍କ୍‍ ନିଜାମ୍‍ ସତ୍‍ ମାୟାଦ୍‌ ବେଡ଼ିୟି ଅସ୍ତ୍ର ।

ଗାଲାତୀୟ 5:5

ଇତ୍‍କେ ମାନାଡ଼୍ ଆଶେ ନେଃଏସ୍‍ ମିନ୍ଦେଡ଼୍‍ ଯେ, ଇଶ୍ୱର୍ ମାନାଙ୍କ୍‍ ନିର୍ଦୋଷ୍‍ ମାଡ଼ିତଣ୍ଡ୍‍, ମାନ୍‍ୱାଦ୍‍ ବିଶ୍ୱାସ୍‍ ଲେକାମ୍‍, ମାନ୍‍ ଲୋପେ ପାଡ଼୍‍ୟି ମାଡ଼ମାନ୍ଦାନ୍‍ ପବିତ୍ର ଆତ୍ମାନ୍ ଶକ୍ତିତଡ଼୍ ବିଶ୍ୱାସ୍ ମାଡ଼ ମାନ୍ଦାନ୍ ସେଙ୍ଗେ ଦାର୍ମାମ୍ ପାଏମ୍ ଆଦାନ୍ ଆସେତିଙ୍କ୍ କେପମିନ୍ଦେମ୍ ।

ଏଫିସିୟ 6:11

ଇଶ୍ୱର୍ ଇତ୍‍ତାଦ୍ ସାର୍‍ରେ ଆତ୍ମିକ୍‍ ଯୁଦ୍‍ଜଗ୍‍ଡ଼ାମ୍‍ ତଡ଼୍ ତିଆର୍‌ ଆୟ୍‍ମୁଟ୍, ବେଲାକି ଶୟ୍‍ତାନ୍‍ତେ କାରାପ୍ ଚିନ୍ତେତିଙ୍କ୍ ସାମ୍‍ନା ମାଡ଼ାଙ୍କ୍‍ ପାର୍‍ଦ୍‍ତିଡ଼୍ ।

ଏଫିସିୟ 6:23

ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ବିଶ୍ୱାସି ଦାଦାଲଡ଼୍‍ ନୁ ଏଲାସ୍କିଙ୍କ୍ ଶାନ୍ତି, ପ୍ରେମ ନୁ ବିଶ୍ୱାସ୍ ଇୱିଣ୍ଡ୍ ।

୧ ଥେସଲନିୟ 5:5

ମିଡ଼୍ ସାରେ ୱେସ୍ ନୁ ୱେସ୍‍ତେ ପିଲାନଡ଼ି । ମାମ୍‍ମେ ନାର୍‍କେତ୍ ବା ହିକାଡ଼୍‍ତାଗ୍ ମାନ୍‍ୱମ୍ ।

୨ ଥେସଲନିୟ 2:16

ମାନ୍‍ ପ୍ରବୁ ଜିସୁ କ୍ରିଷ୍ଟ ନିଜେ, ମାନ୍‍ ବେନ୍ ବାବାଲ୍ ଇଶ୍ୱର୍ ମାନ୍‍ ପ୍ରେମ ମାଡ଼ି ମାନ୍‍ ଅନୁଗ୍ରହତେ ମାନ୍‍ ସାରେଦିନାତ୍ ସାନ୍ୱନା ନୁ ଲେକେତ୍‍ ଆଶେ ଇସ୍‍ମିନ୍ଦେନ୍ ।

ଏବ୍ରୀ 6:19

ଇଦ୍‍ ଆଶେ ମାନ୍‍ ଜିୱୁଣ୍ଡ୍‍ତାଗ୍‍ ଲଙ୍ଗର୍‍ ଲେକାମ୍‍ । ଇଦ୍‍ ଆଶେ ମାଡ଼ାନାଦ୍‍ ନୁ ବିପଦ୍ ଇଲ୍‍ୱାଦ୍‍ ମେଣ୍ଡେ ସ୍ୱର୍ଗତ୍‍ ମନ୍ଦିର୍‍ତେ ପର୍ଦା ତେର୍‍ସ୍‍ ମହା ପବିତ୍ର ପଡ଼୍‍ୟେତାଗ୍‍ ଏୱୁତେ ।

୧ ପିତର୍‍ 1:13

କାମ୍‍ ମାଡ଼ାନଙ୍କ୍ ତିଆର୍ ଆୟମୁଟ୍ । ତିଆର୍‍ତେ ମାଞ୍ଜ୍ ଜିସୁ କ୍ରିଷ୍ଟ ୱାଦାନ୍ ସମୟତେ ବେନ୍ ଆର୍ଶିବାଦ୍ ମିକିଙ୍କ୍ ଇଦ୍‍ତନ୍, ଆଦିନ୍ ପରୁ ନିଜାମ୍‍ତେ ଆଶେ ନେଏମୁଟ୍ ।

୧ ପିତର୍‍ 2:9

ମୀଇଡ଼୍ ଅଣ୍ଡୟ୍‌ ହେଞ୍ଚିମାନ୍ଦାନ୍ ଜାମେ, ରାଜାଲଡ଼୍‍ତେ ଯାଜକ୍‍ ପରିବାର୍‍, ଅଣ୍ଡୟ୍‌ ପବିତ୍ର ଜାତି ନୁ ଇଶ୍ୱର୍‌ତେ ନିଜର୍ ନାରୁଡ଼୍‍ ଆସ୍‍ମିନ୍ଦେଡ଼ି । ଇଶ୍ୱର୍‍ ମିକିଙ୍କ୍ ଇକାଡ଼୍‍ ତାଗାଙ୍କ୍ ତାନ୍ ଗାଟି ୱେସ୍‍ତାଗ୍ କାର୍‍ଙ୍ଗ୍‍ତନ୍ । ମୀଇଡ଼୍ ଅନ୍‌ ବେପ୍‍ପଡ଼୍‍ ଆଇୱାଦ୍ କାମ୍ ସାରେ ମାଡ଼ାନ୍‍ ସେଙ୍ଗେ ଏଞ୍ଚିମିନ୍ଦେଡ଼ି ।

୧ ଯୋହନ୍‌‌ 1:7

ବାତେଙ୍କ୍‍ଇତ୍କେ ଇଶ୍ୱର୍‌ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍‍ତାଡ଼୍, ମାନାଡ଼୍ ନିଜେ ନିଜର୍‍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍‍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।