୧ ଥେସଲନିୟ 4:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ସାର୍‍ରେ କ୍ରିଷ୍ଟ ବିଶ୍ୱାସୀଡ଼୍ ମିୟାଦ୍ ପ୍ରେମ ମାଡ଼ାନ୍ ବିଷୟ୍‍ତେ ମାମ୍‍ମେ ମେଣ୍ଡେ ଅଦିକ୍‌ ଲେକାନଙ୍କ୍ ଦର୍‍କାର୍ ଇଲ୍‍ଲେ । ନିଜେ ନିଜେତ୍ ଲୋପେ ବେଲାନ୍ ପ୍ରେମ ମାଡ଼ାନାଦ୍ ସାୟେ, ଆଦ୍ ନିଜେ ଇଶ୍ୱର୍ ତାଗାଙ୍କ୍ ଶିକ୍ଷା ମାଡ଼ିମିନ୍ଦେମ୍‍ ।

୧ ଥେସଲନିୟ 4:9 Iomraidhean Croise

ମାତିଉ 22:39

ଦ୍ୱିତିୟ ଲେକେତ୍ ଗଟ୍ ଆଦୁତ୍‍, ମିଇ ଗାର୍‍ରେତଡ଼୍‍କିଂଙ୍କ୍ ଆତ୍ମାତଡ଼୍ ପ୍ରେମ ମାଡ଼ାଟ୍ ।

ଯୋହନ୍‌‌ 14:26

ଆଦ୍ ସାହାଯ୍ୟୟକାରି ବେନ୍ ପବିତ୍ର ଆତ୍ମାତିଙ୍କ୍ ବାବାଲ୍ ନା ପେଦେର୍ ତେ ମାଲ୍‍ପିତନ୍, ଅଣ୍ଡ୍‌ ସାରେ ବିଷୟ୍‍ତେ ମିକିଂଙ୍କ୍ ବାତେଏ କେସ୍‍ମିନ୍ଦେନି, ଆଦ୍‍ ସାରେ ମିକିଂଙ୍କ୍ ଏର୍କା ମାଡ଼ିଦ୍‍ତଣ୍ଡ୍‌ ।”

ପ୍ରେରିତ 4:32

ବିଶ୍ୱାସୀଡ଼୍ ୱେରଡ଼୍ ମାନ୍‍ ନୁ ୱେରଡ୍‌ ହୃଦୟ ତେ ମାତ୍‌ତଡ଼୍ । ବେନଡ଼୍ ତାମ୍ ସମ୍ପତିତିଙ୍କ୍ ନିଜେତ୍ ସମ୍ପତି ଇଞ୍ଜ ଦାବୀ ମାଡ଼ଡ଼୍‍, ସାରେତଡ଼୍‍ୱାଦ୍ ସମ୍ପତିତିଙ୍କ୍ ଅଡ଼୍‌ ସାମାନ୍ ତୁହୁସ୍‍ତଡ଼୍ ।

ରୋମୀୟ 12:10

କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍‍ନିଜର୍‍ ଲୋପେ ପ୍ରେମ ମାଡ଼ାଟ୍ ନୁ ନିଜର୍‍ନିଜର୍‍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ ।

୨ କରନ୍ତିୟ 9:1

ଯିହୁଦାତାଗ୍ ମାନ୍ଦାନ୍ ଇଶ୍ୱର୍‌ତେ ନାରୁଡ଼୍‍ତେ ପାକେ ସାହାଯ୍ୟ ରତାନ୍ ସେଙ୍ଗେ ମିକିଂଙ୍କ୍ ଲେକାନାଲ୍‌ଦ୍ ବାତେଏ ଆବଶ୍ୟକତା ଇଲ୍‍ଲେ ।

ଫିଲିପିୟ 3:15

ମାନାଗେ ବେନଡ଼୍ ଆଦ୍ୟାମିକ ଲେକାମ୍ ପରିପକ୍ୱ, ଅଡ଼ାଦ୍‌ ଇଦ୍‍ଲେକାମ୍ ମାନ୍‍ଏର୍କେ ମାନ୍ଦାନାଦ୍ ଲେକାମ୍ । ଯଦି ମିୟାଗେ ବେନନାଦ୍ ୱେରେ ଏର୍କେ ମାନ୍‍ତେ, ଇଶ୍ୱର୍ ମିକିଂଙ୍କ୍ ସାରେ ଗଟି ସ୍ପଷ୍ଟତେ କେସ୍‌ସିଦ୍‌ତନ୍ ।

୧ ଥେସଲନିୟ 5:1

ହୋ ଦାଦାନଡ଼ି ନୁ ଏଲାସ୍କ୍‍, ଇଦ୍ ମିଇ ବିଷୟ ବେସୁଙ୍କ୍‍ ନୁ ବେନ୍ ପରିସ୍ଥିତେ ଗଟେମ୍ ଆଦ୍‍ତେ, ଆଦ୍ ବିଷୟ୍‍ତେ ମିଇ ପାକେ ବାତେଏ ଚିଟି ଲେକାନାଲ୍‌ଦ୍ ଦର୍‍କାଡ଼୍ ଇଲ୍‍ଲେ,

ଏବ୍ରୀ 10:16

ପ୍ରବୁ କେତ୍‍ତଣ୍ଡ୍‍, “ୱାୟାନ୍‍ କାଲାମ୍‌ତେ ନାନ୍ ଅଡ଼୍‌‍ସାଙ୍ଗ୍ ଇଦ୍‌ ମାଟ୍ଟା ୱିଡ଼୍‍ସି ମାନ୍‌ତାନ୍ । ନାନ୍‌ ନା ପୁନାଦ୍‍ କାନୁନ୍‌ତା ମାଟ୍ଟାନ୍ ଅଡ଼୍‌ ଜିୱୁତାଗ୍‌ ୱାଟିତାନ୍, ଅଡ଼୍‌ ଏର୍କାତାଗ୍ ଲେକା କିଦ୍‍ତାନ୍ ।”

ଏବ୍ରୀ 13:1

କ୍ରିଷ୍ଟବିଶ୍ୱାସି ଦାଦାଲଡ଼୍‍ ନୁ ଏଲାସ୍କିନଡ଼୍‍ ନିଜେ ନିଜର୍‍ ଲୋପେ ପ୍ରେମ ମାଡ଼ମାନୁଟ୍ ।

୧ ପିତର୍‍ 3:8

ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ ।

୧ ପିତର୍‍ 4:8

ନାର୍ଗେ ପ୍ରେମତଡ଼୍‍ ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ନାର୍ଗେ ପାପାମ୍‍ତିଙ୍କ୍‍ ମୁସିତେ ।

୨ ପିତର୍‌ 1:7

ଇଶ୍ୱର୍‍ପରାୟଣ ତଡ଼୍ ଦାଦାଲ୍‍ତାମୁଣ୍ଡ୍ ସ୍ନେହ ନୁ ଦାଦାଲ୍‍ତାମୁଣ୍ଡ୍ ସ୍ନେହ ତଡ଼୍ ପ୍ରେମ କାଲ୍‍ପାନଙ୍କ୍ ଜିୱୁଣ୍ଡ୍‍ ଇସ୍‍ ଚେଷ୍ଟା ମାଡ଼ାଟ୍ ।

୧ ଯୋହନ୍‌‌ 2:10

ବେନ ଆୟି ନିଜେତ୍ ତାମୁଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌‍ ୱେସିନାଗ୍‍ ମିନ୍ଦେଣ୍ଡ୍‍; ଅଣ୍ଡ୍‌ ଆସାମ୍‌ ତାଲ୍‍ଗି ରାଲନ୍ ।

୧ ଯୋହନ୍‌‌ 3:11

ୱେରଣ୍ଡ୍ ମେଣ୍ଡେ ଅର୍‍ତୁଙ୍କ୍ ପ୍ରେମ ମାଡ଼ାନଙ୍କ୍ ଆଦ୍‍ତେ, ଇଦ୍ ଗଟ୍ ମୁନେଙ୍କ୍‍ କଞ୍ଜ୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 3:23

ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ ।

୧ ଯୋହନ୍‌‌ 4:21

ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।