୧ ଥେସଲନିୟ 4:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ଇଶ୍ୱର୍‌ତିଙ୍କ୍ ପୁନ୍‍ୱେମାନ୍ଦାନ୍ ଅଣଯିହୁଦୀ ନାରୁଡ଼୍ ଲେକାମ୍ ସାରେତଡ଼୍ ନିଜେ ନିଜେତ୍ ମୁତେନ୍ ତଡ଼୍ ବେଲାନ୍ ଯୌନ ଲାଲସା ଆୟ୍‍ୟକଟ ପବିତ୍ର ନୁ ସମ୍ମାନ୍‍ତଡ଼୍ ବାଦ୍‍କାନଡ଼ାଦ୍ ସାୟେ, ଆଦ୍ ମିକିଂଙ୍କ୍ ପୁନ୍‍ନ୍ଦେ ୱେଇତିତ୍ ।

୧ ଥେସଲନିୟ 4:5 Iomraidhean Croise

ମାତିଉ 6:32

ବିଜାତିନାରୁଡ଼୍ ହିସତ୍ ବିଷୟ ତେ ମେହେକ ହୁଡିତଡ଼୍, ଇୱୁ ସାରେ ବିଷୟ୍ ମିକିଂଙ୍କ୍ ଦର୍‍କାର୍ ଇଞ୍ଜ ସ୍ୱର୍ଗତଣ୍ଡ୍‌ ମିଇ ବାବାଲ୍ ଇଶ୍ୱର୍ ପୁତ୍‍ତଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:30

ବାତେଙ୍କ୍ ଇତ୍କେ ଜଗତ୍ ତେ ବିଜାତିନାରୁଡ଼୍ ହିସତ୍ ବିଷୟ ତେ ମେହେକ ହୁଡିତଡ଼୍; ବାତେଙ୍କ୍ ଇତ୍କେ ଆୱ୍‍ଚାର୍ ବିଷୟ ମିକିଂଙ୍କ୍ ଆନ୍‌‍ତେ ଦର୍‍କାର, ଆଦ୍ ମି ପରମେଶ୍ୱର୍‍ ପୁତ୍‍ତଣ୍ଡ୍ ।

ପ୍ରେରିତ 17:23

ନାନ୍ ମିୟାଦ୍ ନଗର୍‍ତାଗ୍ ଉଡାନ୍‍ୱେଲେ ମିୱାଦ୍ ପୂଜା ମାଡ଼ାନ୍ ଜାଗେତିଙ୍କ୍ ଉଡ଼୍‍ତାନ୍ । ଅଣ୍ଡୟ୍‌ ଜଜ୍ଞବେଦିତ୍ ପର୍‍ର ‘ଅଣ୍ଡୟ୍‌ ପୁନ୍‍ୱାଦ୍ ଇଶ୍ୱର୍‌ତେ ଉଦ୍ଦେଶ୍ୟତେ,’ ଲେକିମାନ୍ଦାନାଦ୍ ଗାଲା ଉଡ଼୍‍ତାନ୍ । ମିଡ଼୍ ପୁନ୍‍ୱେକନ୍‍ସ୍ ବେନଙ୍କ୍ ପୂଜା ମାଡ଼ୁତିଡ଼୍, ଇଞ୍ଜେ ଅନାଦ୍‌ ଗଟ୍ ମିକିଂଙ୍କ୍‍ କେତୁତାନ୍ ।

ରୋମୀୟ 1:24

ଆଦିଙ୍କ୍ ଇଶ୍ୱର୍ ଅଡ଼୍‌‍କିଂଙ୍କ୍‍ ୱିଡ଼୍‍ସ୍‍ତଣ୍ଡ୍‍ ନୁ ଅଡ଼୍‌‍ ନିଜର୍‍ନିଜର୍‍ ଲାଲସା ଲେକାମ୍‌ ଅଶୁଚି ପାଡ଼୍‍ୟି ମାଡ଼ିତଡ଼୍‍, ଅଡ଼୍‌‍ ନିଜର୍‍ନିଜର୍‍ ଲୋପେ ସିଗ୍‍ୱାଦାନ୍‍ ସମ୍ପର୍କ ନେଃତିତଡ଼୍‍ ।

ରୋମୀୟ 1:26

ଇଦିନ୍ ସେଙ୍ଗେ ଇଶ୍ୱର୍ ଅଡ଼୍‌‍କିଂଙ୍କ୍ ଗୃନାତାଦ୍ ପାପ୍ ଇତ୍‍ତନ୍, ବାତେଙ୍କ୍ଇତ୍‍କେ ତାମ୍ ନାଟାଙ୍କ୍ ସାୟେତ୍ ବ୍ୟବହାର୍‌ ମାଡ଼ାନ୍ ବଦଲ୍‍ତେ କାରାପ୍ ବ୍ୟବହାର୍‌ ମାଡ଼୍‍ତା,

ରୋମୀୟ 1:28

ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ ।

୧ କରନ୍ତିୟ 1:21

ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ ।

୧ କରନ୍ତିୟ 15:34

ଆଦିଙ୍କ୍ ସାୟେତ୍‍ ବୁଦ୍‍ତେ ମାନୁଟ୍, ପାପାମ୍ ମାଡ଼୍‍ମାଟ୍ । ମିକିଂଙ୍କ୍ ସିଗିଙ୍କ୍ ସେଙ୍ଗେ ନାନ୍‍ନେ ଇଦ୍ କେତୁତାନ୍, ମିଇ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଶ୍ୱର୍‌ତିଙ୍କ୍ ପୁନଡ଼୍ !

ଗାଲାତୀୟ 4:8

ମୁନେନ୍ ମିଡ଼୍ ଇଶ୍ୱର୍‌ତିଙ୍କ୍ ପୁନ୍‍ୱେ ମାତ୍‍ତିଡ଼୍, ଆଦିଙ୍କ୍ ବେନ ନିଜାତ୍ ଇଶ୍ୱର୍ ଆୟଣ୍ଡ୍, ଆଦ୍‍ରକମ୍ ମିଚ୍ ଦେୟାକିଙ୍କ୍ ପୁଜେ ମାଡ଼ମାତ୍‍ତିଡ଼୍ ।

ଏଫିସିୟ 2:12

ମୁନେ ମିଡ଼୍ କ୍ରିଷ୍ଟନାଗାଙ୍କ୍ ଯେକା ମାତ୍‍ତିଡ଼୍, ମିଡ଼୍ ବିଦେଶି ମାତ୍‍ତିଡ଼୍ ନୁ ଇଶ୍ୱର୍‌ତେ ହେଞ୍ଚ୍‍ତେ ଜାତିତାଗ୍ କାଇଲ୍‍ୱେ ମାତ୍‍ତିଡ଼୍ । ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ମାଡ଼ିମାନ୍ଦାନ୍ ପ୍ରତିଜ୍ଞା ପରୁ ତିଆର୍ ନିୟମ୍‍ତେ ମିୟାଦ୍ ବେନେବା କାଇଲ୍‍ୱେ ମାତ୍‍ତେ । ଆଶେ ଶୁନ୍ୟ ନୁ ଇଶ୍ୱର୍ ବିହିନ ଆସ୍ ମିଡ଼୍ ଜଗତ୍‍ତାଗ୍ ମାଞ୍ଜମାତ୍‍ତିଡ଼୍ ।

କଲସୀୟ 3:5

ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ ।

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

୧ ପିତର୍‍ 4:3

ମୁନେଙ୍କ୍‍ ମିଡ଼୍ ଅଣଯିହୁଦୀଡ଼୍‍ ଲେକାମ୍ କାମ୍ ମାଡ଼ି ନାର୍ଗେ ସମୟ କାଟେମ୍ ଆତ୍‍ତିଡ଼୍‍ । ମିୟାଦ୍ ଜିୱେ ସାର୍ରେ କାରାପ୍‍ ପାଡ଼୍‍ୟି, କାମୁକତା, କାଲ୍‍ଉନ୍ଦାନ୍, ଲାଲସା, ମାତାଲ୍‍ ନୁ ପାସ୍କାନ୍‍ ପୁତ୍‍ଲାମ୍‍ ପୁଜାନାଗ୍‍ କାଟେମ୍ ଆତ୍‍ତେ ।