୧ ଥେସଲନିୟ 4:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ମିଡ଼୍ ବେଲାବା ପବିତ୍ର ଜିୱା ଆୟ୍‍ମୁଟ୍, ଇଶ୍ୱର୍‌ତେ ଇଚ୍ଛା, ମିଡ଼୍ ବେଲାନ୍ ବା ଯୌନ ଲାଲସା ତାଗାଙ୍କ୍ ଦୁରାମ୍ ମାନୁଟ୍ ।

୧ ଥେସଲନିୟ 4:3 Iomraidhean Croise

ମାତିଉ 12:50

ବେନ ଆୟି ନା ସ୍ୱର୍ଗତେ ବାବାନ୍ ଇଚ୍ଛା ଲେକାମ୍ ମାଡ଼ିତନ୍, ଅଣ୍ଡ୍‌ ନା ଦାଦାଲ୍, ନା ଏଲାଡ଼୍‍ ନୁ ନା ୟାୟ୍‍ ।”

ମାତିଉ 15:19

ବାତେଙ୍କ୍ ଇତ୍‍କେ ହୃଦୟ୍‍ତାଗ୍ କାରାପ୍ ଚିନ୍ତେ, ଆୱୁକାନାଦ୍, ବ୍ୟାବିଚାର୍, ଲାଞ୍ଜେକାମ୍‌, ଚୋର୍ଯ୍, ମିଚ୍‌ କେତାନାଦ୍‌ ନୁ ନିନ୍ଦ୍ ପେଇତିତ୍‍;

ମାତିଉ 5:32

ବାତେଙ୍କ୍ ଇତ୍‍କେ ନାନ୍ କେତୁତାନ୍, ବେବିଚାର୍ ଅପରାଦି ବ୍ୟତିତ୍ ବାଗାତ୍ ବାତ୍‍ଆଇ ବାତେଙ୍କ୍ ଇତ୍‍କେ ମାଇଦିଙ୍କ୍ ତାନ୍ ମୁତେଙ୍କ୍ ଚାଡ଼ପତ୍ର ହିତ୍‍କେ, ଅଣ୍ଡ୍‌ ଆଦିଙ୍କ୍ ବେବିଚାର୍ ମାଡ଼ତଣ୍ଡ୍ ଇଞ୍ଜ କାରାପ୍‍ତେ ଦଷି ଆଦ୍‍ତନ୍ ମେଣ୍ଡେ ବେନ୍ ନାରୁଡ଼୍ ଆଦ୍ ନାଟାଡ଼୍‍ତିଙ୍କ୍ ପେଣ୍ଡୁଲ୍ ଆଦ୍‍ତନ୍, ଅଣ୍ଡ୍‌ ମିକା ବ୍ୟବିଚାର୍ ଆଦ୍‍ତନ୍ ।

ମାତିଉ 7:21

“ବେନଡ଼୍ ନାକିଂଙ୍କ୍ ‘ପ୍ରବୁ, ପ୍ରବୁ’ ଇଞ୍ଜ କାର୍‍ଙ୍ଗୁତଡ଼୍, ଅଡ଼୍‌ ସାରେତଡ଼୍ ସ୍ୱର୍ଗରାଜ୍ୟତାଗ୍ ଆଦାନଙ୍କ୍ ପାର୍‍ୱଡ଼୍ । ବେନଡ଼୍ ବାବାଲ୍ ଇଶ୍ୱର୍ ଲେକାମ୍‍ତେ ପାଡ଼୍‍ୟି ମାଡ଼ିତଡ଼୍, ମାତର୍ ଅଡ଼୍‌ ସ୍ୱର୍ଗରାଜ୍ୟତାଗ୍ ଆଦ୍‍ଦେ ପାର୍‍ଦ୍‍ତଡ଼୍ ।”

ମାର୍କ 3:35

ବେନଆଇ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ିତଡ଼୍‍, ଅନ୍‌ ନା ଦାଦାଲ୍, ଏଲାସ୍କ୍‌ ନୁ ୟାୟ୍‍ ।”

ଯୋହନ୍‌‌ 4:34

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ନା ପ୍ରେରଣାକର୍ତ୍ତାନ୍ ଇଚ୍ଛା ପାଲନ୍ ମାଡ଼ାନାଦ୍ ନୁ ଅନ୍‌ ତଡ଼୍ ଇସ୍‌ ମାନ୍ଦାନ୍ ପାଡ଼ିୟି ତେର୍‍ସ୍ପାନାଦ୍‍ ଇଦ୍‍ଏକେ ନାୟାଦ୍ କାଦି ।

ଯୋହନ୍‌‌ 7:17

ବେନଆଇ ଯଦି ଇଶ୍ୱର୍‌ତେ ଇଚ୍ଛା ସାଦନ୍‍ ମାଡ଼ାଙ୍କ୍ ଇଚ୍ଛାମାଡ଼ୁତନ୍, ଆଲାଇତ୍‍କେ ହି ଶିକ୍ଷା ଇଶ୍ୱରତାଗାଙ୍କ୍ ତିଆର୍, ନା ନାନ୍ ନା ନିଜର୍‍ତାଗାଙ୍କ୍ କେତୁତାନ୍, ଆଦ୍ ଅଣ୍ଡ୍‌ ପୁନ୍‍ତଣ୍ଡ୍ ।

ପ୍ରେରିତ 15:20

ଅଡ଼୍‌ ବେଲାକି ପୁତ୍‍ଲାମ୍‍ତିଙ୍କ୍ ଇଟ୍‌କେ କାଦି ତିନ୍‍ମାକିଡ଼୍, ଯୌନ ପାପ୍‍ତାଗାଙ୍କ୍ ପେଇସ୍ ୱାଡ଼ିଡ଼୍, ପାପେତିଙ୍କ୍ ପଇସ୍ ଦଂସମାଡ଼୍‍ତେ ଜୀୱାକ୍‍ତେ ହାୱୁଙ୍ଗ୍ ତିନ୍‍ମାକିଡ଼୍; ଇଦ୍ ସାରେ ବିଷୟ୍ କେସ୍‍ଇସ୍‌ ଅଡ଼୍‌ ବକେତ୍ ଅଣ୍ଡୟ୍‌ ଚିଟି ଲେକିକାଡ଼୍ ।

ପ୍ରେରିତ 15:29

ଆୱୁ ନିୟମ୍ ଆତ୍‍ତା, ପୁତ୍‍ଲାମ୍‍ତିଙ୍କ୍ ଇଟ୍‌ତେ କାଦି ତିନ୍‍ମାଟ୍, ନେତୁର୍‍ ଉନ୍‍ମାଟ୍, ପାପେତିଙ୍କ୍ ପଇସ୍ ହାୱ୍‍କ୍‍ତେ ଜୀୱାକ୍‍ତେ ହାୱ୍‍ଙ୍ଗ୍ ତିନ୍‍ମାଟ୍ ନୁ ଯୌନ ପାପାମ୍‍ତିଙ୍କ୍ ୱିଡ଼୍‍ସାଟ୍ । ଇୱୁ ସାରେ ପାଡ଼୍‍ୟି ୱିଡ଼୍‍ସ୍‍କେ ମିୟାଦ୍ ଲେକେତ୍ ଆଦ୍‍ତେ । ମାୟାଦ୍‌ ଇଦ୍ ନମସ୍କାର୍‍ ଗ୍ରହନ୍ ମାଡ଼ାଟ୍ ।”

ପ୍ରେରିତ 20:32

“ଇଞ୍ଜେ ନାନ୍ ମିକିଂଙ୍କ୍ ଇଶ୍ୱର୍‌ତେ କାୟ୍‍ଦେ ପରିଷ୍କାର୍‍ ନୁ ଅନୁଗ୍ରହ ବାକ୍ୟ ଗାର୍‍ରେ ସମର୍‍ପନ୍ ମାଡ଼ୁତାନ୍; ଆଦ୍ ବାକ୍ୟ ମିକିଂଙ୍କ୍ ଡୁଟାଙ୍ଗ୍‍ ମାଡ଼ାନଙ୍କ୍ ନୁ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ଦର୍‍କାର୍ ସାରେ ଆର୍ଶିବାଦ୍ ମିକିଂଙ୍କ୍ ହିଦାନଙ୍କ୍ ପାର୍‍ଦ୍‍ତେ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ରୋମୀୟ 1:29

ଅଡ଼୍‌ ସାର୍ରେପ୍ରକାର୍ ଦୁଷ୍ଟ, ଅଦର୍ମ, ଲବି, ଇଂସା, ଇର୍ଷା, ହାଉକାଙ୍କ୍, ଗଲ୍‍କ୍, ମିଚ୍, କାରାପ୍‍ ନୁ ନିନ୍ଦାତଡ଼୍ ବର୍ତ୍ତି ଆଦ୍‍ତଡ଼୍;

ରୋମୀୟ 12:2

ଇଦ୍ ଜଗତ୍‍ତାଦ୍ ନିତିନିୟମ୍‍ ଇସାପ୍‍ତେ ବ୍ୟବହାର୍‌ ମାଡ଼୍‍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍‍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍‍ ଆୟି । ଆଲାଇତ୍‍କେ, ଇଶ୍ୱର୍‌ତାଦ୍ ଇଚ୍ଛା ବାଆତେ, ଅନ୍‌ କଣ୍ଡେତାଗ୍ ବେନ୍‍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍‍ଦ୍‍ତିଡ଼୍‍ ।

ରୋମୀୟ 6:22

ଇତ୍‍କେ ଇଞ୍ଜେ ମିଡ଼୍ ପାପ୍‌ତାଗାଙ୍କ୍ ମୁକ୍ତି ଆସ୍ ଇଶ୍ୱର୍‌ତେ ଦାସ ଆତ୍‍ତିଡ଼୍ । ଇଦିନାଦ୍ ଲାବ୍ ଆଦୁତ୍‍ତେ, ଇଶ୍ୱର୍‌ତାଗ୍ ପୁରାପୁରି ଆତ୍ମାତଡ଼୍ ସର୍ପା ଆଦାନାଦ୍ ନୁ ଇଦିନାଦ୍ ପରିଣାମ୍ ପବିତ୍ର ଜିୱା ପାଏମ୍ ଆଦାନାଦ୍ ।

୧ କରନ୍ତିୟ 1:30

ଇତ୍‍କେ ଇଶ୍ୱର୍ ମିକିଂଙ୍କ୍ କ୍ରିଷ୍ଟ ଜିସୁନ୍‌ ତଡ଼୍ କାଲ୍‌ପି ମିନ୍ଦେଣ୍ଡ୍‌ ନୁ ଆଦ୍ କ୍ରିଷ୍ଟଙ୍କ୍ କେ ମାନ୍‍ ମାଇଦିଙ୍କ୍‌ ବୁଦ୍‍ତେ ଲେକାମ୍ ମାଡ଼ିମିନ୍ଦେଣ୍ଡ୍ । ଅନ୍‌ ତଡ଼୍ ଇଶ୍ୱର୍‌ତେ ତଡ଼୍ ମାୟାଦ୍‌ ସାୟେତ୍ ସମ୍ପର୍କ ତିୟାର୍ ଆତ୍‍ତେ, ମାନାଡ଼୍ ଦାର୍ମାମ୍‌ ନୁ ପବିତ୍ର ଜିୱାତେ ନାରୁଡ଼୍ ଆସ୍ ମୁକ୍ତି ପାଏମ୍ ଆତ୍‍ତାଡ଼୍ ।

୧ କରନ୍ତିୟ 7:2

ବାତେଙ୍କ୍ ଇତ୍‍କେ ସାର୍ରେତଡ଼୍‌କ୍ ଯୌନ ଲାଲସା ମାନ୍ଦାନ୍ ମାଇଦିଙ୍କ୍‌ ସାର୍‍ରେ ମୁଦ୍‌ପାଲଡ଼୍‍କ୍‌ ତାମ୍‌ ମୁତ୍‍ତେ ମାନି, ମେଣ୍ଡେ ସାର୍‍ରେ ମୁତେକିଙ୍କ୍ ତାମ୍‌ ମୁଜାଲର୍‌ ମାନିର୍‌ ।

୨ କରନ୍ତିୟ 12:21

ଇଞ୍ଜେ ମିଇ ପାକେ ଆଦାନ୍ ୱେଲେ ଆଲେନ୍ ଇଶ୍ୱର୍ ମିଇ ସାକ୍ଷାତ୍‍ତେ ନାକିଂଙ୍କ୍ ଅୟିରାଣ ମାଡ଼ିତଡ଼୍, ବେନଡ଼୍ ମୁନେଙ୍କ୍‍କଞ୍ଜ ପାପ୍ ମାଡ଼୍‍ତଡ଼୍, ବାତେଙ୍କ୍ ଇତ୍‍କେ ଅଡ଼ାଦ୍‌ ଅଶୁଚି ପାଡ଼୍‍ୟି ମାଡ଼୍‍ତାଦ୍‍, ବାଣ୍ଡା ନୁ ବ୍ରଷ୍ଟାଚାର୍ ସେଙ୍ଗେ ଅନୁତାପ୍ ଆୟ୍‍ୟଡ଼୍, ଇଦ୍‍ଲେକାମ୍ ନାର୍‍ଗେ ନାରୁଡ଼୍ ସେଙ୍ଗେ ନାକିଂଙ୍କ୍ ଦୁଃକାମ୍ ମାଡ଼ାନଙ୍କ୍ ଆଦ୍‍ତେ ।

ଗାଲାତୀୟ 5:19

ମେନ୍ଦୁଲ୍‍ତାୱୁ ପାଡ଼୍‍ୟି ସାରେ ତ ସାୟେ ପୁତ୍‍ତାଡ଼୍, ଦାରି ପାଡ଼୍‍ୟି, ଅଶୁଚି, କାମନା ବା କାରାପ୍‍ ପାଡ଼୍‍ୟି,

ଏଫିସିୟ 5:17

ମୁର୍କ ନାରୁଡ଼୍ ଇନା ଆୟ୍‍ୟକଟ, ଇତ୍‍କେ ପ୍ରବୁନ୍ ଗଟି ବୁଜେମ୍ ଆଦାଙ୍କ୍ ଆଲ୍‍ସି ମାଡ଼ାଟ୍ ।

ଏଫିସିୟ 6:6

ମାଲିକ୍ ମିକିଂଙ୍କ୍ ଉଡ଼ାନ୍ ୱେଲେ ଅନାଗ୍ ସାୟେ ଆଦାନଙ୍କ୍ ଆଦ୍ ମାଡ଼୍‍ୱେକନ୍ସ୍‌, କ୍ରିଷ୍ଟନ୍ କ୍ରିତଦାସ ଲେକାମ୍ ମିୟାଦ୍ ସରଲ୍‌ ହୃଦୟ୍ ଇସ୍ ଇଶ୍ୱର୍‌ତେ ଇଚ୍ଛା ଲେକାମ୍‍ ମାଡ଼ାଟ୍ ।

କଲସୀୟ 1:9

ଇଦିନ୍‍ ମାୟ୍‍ଦିଙ୍କ୍‍ ମୀଇ ବିଷୟତେ କେଞ୍ଜାନ୍ ୱେଲେକନ୍ସ୍ ମାମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ । ପବିତ୍ରଆତ୍ମାତଡ଼୍ ଇସ୍‍ମାନ୍ଦାନ୍ ସାରେ ଜ୍ଞାନ୍ ନୁ ପୁନ୍ଦାନ୍ ଶକ୍ତି ତଡ଼୍ ଇଶ୍ୱର୍‌ତେ ଇଚ୍ଛା ପୁରା ମିଡ଼୍‍ ବେଲାନ୍ ପୁନ୍ଦେ ପାର୍‍ଦ୍‍ତିଡ଼୍, ଆଦିନ୍ ମାୟ୍‍ଦିଙ୍କ୍‍ ମିଇ ସେଙ୍ଗେ ମାମେ ପ୍ରାର୍ତନା ମାଡ଼ୁତମ୍ ।

କଲସୀୟ 3:5

ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ ।

କଲସୀୟ 4:12

ମୀଇ ମାନ୍ଦେତେ ମେଣ୍ଡେ ଅର୍‍ତୁଣ୍ଡ୍ ସବ୍ୟ ନୁ କ୍ରିଷ୍ଟ ଜିସୁନ୍ ସେବକ ଏପାପ୍ରା ନମସ୍କାର୍ କେଞ୍ଜ୍‍ପୁତନ୍ । ଇଶ୍ୱର୍‌ତେ ଇଚ୍ଛାତେ ସାରେ କେଞ୍ଜି ମୀଇଡ଼୍ ବେଲାନ୍ ବୟସ୍କା ନୁ ଗାଡ଼୍‍ସ୍‍ କ୍ରିଷ୍ଟ ବିଶ୍ୱାସିଡ଼୍‍ ଲେକାମ୍ ଡାଟାମ୍‍ ଲେକାମ୍ ନିତେ ପାର୍‍ଦ୍‍ତେ, ଆଦିନ୍ ସେଙ୍ଗେ ଅଣ୍ଡ୍‌ ସାରେଦାମ୍ ଇଶ୍ୱର୍‌ତେ ଗାରେ କେୟିକେୟି ପ୍ରାର୍ତନା ମାଡ଼ିମିନ୍ଦେଡ଼୍ ।

୧ ଥେସଲନିୟ 4:2

ବାତେଙ୍କ୍ ଇତ୍‍କେ ପ୍ରବୁ ଜିସୁନାଗାଙ୍କ୍ ଅଦିକାର୍‌ ପାଏମ୍ ଆସ୍ ମିକିଂଙ୍କ୍ ବେନ୍‍ସାରେ ଆଦେଶ୍ କେସ୍‍ମାତ୍‍ତମ୍, ଆଦ୍ ମିଡ଼୍ ପୁତ୍‍ତିଡ଼୍ ।

୧ ଥେସଲନିୟ 4:4

ବେନଡ଼୍ ପର୍‍ମେଶ୍ୱର୍‍ତିଙ୍କ୍ ପୁନଡ଼୍, ଅଡ଼୍‌ ନିଜେତ୍ ମେନ୍ଦୁଲ୍‍ତିଙ୍କ୍ ହିଦ୍‍ଲେକାମ୍ ବ୍ୟବହାର୍ ମାଡ଼ିତଡ଼୍ ।

୧ ଥେସଲନିୟ 5:18

ସାରେ ସମୟ୍‍ତେ ଦନ୍ୟବାଦ୍ ହିମୁଟ୍ ମେଣ୍ଡେ ସାର୍‍ରେ ବିଷୟ୍‍ତେ ଦନ୍ୟବାଦ୍ ଇମୁଟ୍ । ଇଦ୍ ଇଶ୍ୱର୍ ଇଚ୍ଛା ଜେ କ୍ରିଷ୍ଟ ଜିସୁନ୍‍ତଡ଼୍ ବାଦ୍‍କାଟ୍ ।

୧ ଥେସଲନିୟ 5:23

ବେନ୍ ଇଶ୍ୱର୍ ମାନ୍‍ ଶାନ୍ତିତେ ନେହେତିତ୍, ଅଣ୍ଡ୍‌ ମାନ୍‍ ସାରେଦିନାତ୍ ସେଙ୍ଗେ ପବିତ୍ର ମାଡ଼ିତନ୍ ନୁ ସାରେଦିନାମ୍ ମାନାଡ଼୍ ଅନ୍‌ ତଡ଼୍ ମାନ୍‍ତାଡ଼୍, ମାନାଡ଼୍ ପ୍ରାର୍ତନା ମାଡ଼ିକାଡ଼୍ ଯେ, ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନ୍ ମିୟାଦ୍ ଆତ୍ମା, ଜିୱୁନ୍, ମେନ୍ଦୁଲ୍ ସାରେତିଙ୍କ୍ ନିର୍ଦୋଷ୍‍ ମାଡ଼ି ନେଃଏମୁଟ୍ ।

୨ ଥେସଲନିୟ 2:13

ହୋ ଦାଦାନଡ଼ି ନୁ ଏଲାସ୍କ୍, ମିଇ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିଦାନାଦ୍ ଲେକାମ୍ । ବାତେଙ୍କ୍ ଇତ୍‍କେ ପ୍ରବୁ ମିକିଂଙ୍କ୍ ପ୍ରେମମାଡ଼ୁତ୍ । ସତ୍‍ତେ ମିୟାଦ୍ ବିଶ୍ୱାସ୍‍ତେ ସେଙ୍ଗେ ଇଶ୍ୱର୍ ମିକିଂଙ୍କ୍ ପରିତ୍ରାଣ ମାଡ଼ିମିନ୍ଦେଣ୍ଡ୍, ବେଦ୍‍ଲେକାମ୍ ପବିତ୍ର ଆତ୍ମା ଶକ୍ତିତେ ମୀଡ଼୍ ପରିତ୍ରାନ୍ ଆଦ୍‍ତିଡ଼୍ ନୁ ୱେରଡ଼୍ ପବିତ୍ର ଜିୱାତେ ଗୋଷ୍ଟି ଆଦ୍‍ତିଡ଼୍ ।

ତୀତସ୍‌ 2:14

ଆଦ୍ କ୍ରିଷ୍ଟ ଜିସୁ ମାନାଡ଼୍ ସାର୍ରେତଡ଼୍‍କିଂଙ୍କ୍ ଆଦାର୍ମିକନ୍‌ସ ମୁକ୍ତି ମାଡ଼ାନଙ୍କ୍ ନୁ ନିଜେତ୍ ନିଜେତ୍ ସାୟେତ୍ ପାଡ଼୍‍ୟିତାଗ୍ ସାର୍‍ଦେ ମାଡ଼ି ନିଜେତ୍ ନାରୁଡ଼୍ ଲେକାମ୍ ସାୟେ ମାଡ଼ାନ୍ ସେଙ୍ଗେ ନିଜେତ୍ ଜିୱୁଣ୍ଡ୍ ଇତ୍‍ତନ୍ ।

ଏବ୍ରୀ 10:36

ମିଡ଼୍ ଆରେମ୍ ଆୟୱା ମାନ୍ଦାନାଦ୍ ଆସ୍‌କେ ପରମେଶ୍ୱର କେତ୍‍ତାଦିଙ୍କ୍‍ ମିଡ଼୍ ମାଡ଼ି, ପରମେଶ୍ୱର ମିକିଙ୍କ୍‌ ପ୍ରତିଜ୍ଞା ମାଡ଼ି ମାତ୍‍ତାଦିନ୍‌ ଦର୍କାକିତିଡ୍ ।

ଏବ୍ରୀ 12:16

ଏଷୌ ଲେକେ ବେନ କାରାପ୍ ବା ଅଦର୍ମ ନାରୁଣ୍ଡ୍ ଇନା ଆୟ୍‍ମାଟ୍; ଅଣ୍ଡ୍‌ ତ ଅଣ୍ଡୟ୍‌‍ ଅଲ୍‍ତେ କାଦି ସେଙ୍ଗେ ବେଡ଼୍‍ୟ୍‍ ଦାଦାନ୍ ଅଦିକାର୍‌‍ଦିଙ୍କ୍ ୱାମି ମାତ୍‍ତଣ୍ଡ୍ ।

ଏବ୍ରୀ 13:21

ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।

ଏବ୍ରୀ 13:4

ପେଣ୍ଡୁଲ୍‍ ସାରେତଡ଼୍ କଣ୍ଡେତେ ସାରେ ପୁରା ଆୟି, ମୁଦ୍‍ପାନଡ଼୍ ନୁ ମୁତେ ନିଜେ ନିଜେଲୋପେ ପାପ୍‍ ମାଡ଼୍‍ୱେ ମାନୁଟ୍ । ଇଶ୍ୱର୍‍ ଲାଲସା ନୁ ବେବିଚାର୍‍ଡ଼୍‍ ବିଚାର୍ ମାଡ଼ିତଣ୍ଡ୍ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ପିତର୍‍ 4:2

ମୀଇଡ଼୍ ଇଞ୍ଜେକଞ୍ଜ୍ ଜିୱୁଣ୍ଡ୍‍ତାଗ୍‍ ମାନ୍ଦାନ୍‍ ବେସ୍‌କ୍ ଦିନା ଲୋପେ ନିଜେତ୍ ମେନ୍ଦୁଲ୍ ଅବିଲାଷତେ ଜିୱୁଣ୍ଡ୍‍ ବାଦ୍‍କ ଆୟକଟ୍ ଇଶ୍ୱର୍‌ତେ ଇଚ୍ଛାଦିନାମ୍ ଆୟ୍‍ମୁଟ୍ ।

୧ ଯୋହନ୍‌‌ 2:17

ନାରୁନ୍ ଜଗତ୍‍ ନୁ ତାନ୍ ବେନ୍ ସାରେ ବିଷୟ୍‍ କାମନା ମାଡ଼ିତଡ଼୍, ଆଦ୍ ସାରେ ବିନଷ୍ଟ ଗଟେମ୍ ଆଦ୍‍ତେ, ବାତେଙ୍କ୍‍ଇତ୍କେ ବେନଆଇ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲଣ୍ଡ୍‍ ।

ପ୍ରକାଶିତ୍‌ ବାକ୍ୟ 21:8

କିନ୍ତୁ କାପୁରୁଷ, ବିଶ୍ୱାସ୍‍ଗାତତନ୍, ବିକୃତଚିରିତ୍ର, ନରଅନ୍‌ତା, ଲମ୍ପର, ତନ୍ତ୍ରମନ୍ତ୍ରସାବକ୍, ମୁର୍ତ୍ତିକିଙ୍କ୍ ପୁଜାନଡ଼୍‍ ନୁ ମିତ୍ୟାବାଦିଡ଼୍ ଅଡ଼୍‌ ସାରେତଡ଼୍ ବ୍ରଷ୍ଟାଚାରିଡ଼୍‍ନଡ଼୍ ତିଆର୍‍ ଆସ୍‍ମାନ୍ଦାନ୍ ପଡ଼ିୟେ ଅଦୁତ୍, ଗନ୍ଦକ କିସ୍ ନିଡ଼୍‍ସ ମାନ୍ଦାନ୍ ସାୱୁଡ଼େ ଆଗେ ଅଡ଼୍‌ ତୃତିୟଦାମ୍ ଡଲିତଡ଼୍ ।”

ପ୍ରକାଶିତ୍‌ ବାକ୍ୟ 22:15

କିନ୍ତୁ ବିକୃତଚରିତ୍ର, ତନ୍ତ୍ରମନ୍ତ୍ର ମାଡ଼ାନଣ୍ଡ୍, ନରହନ୍ତା, ମୁର୍ତ୍ତିପୂଜାକି, ମିତ୍ୟାବାଦିଡ଼୍, ପ୍ରାତାରକ୍ ସାରେ ବ୍ରାଷ୍ଟାଚାରୀଡ଼୍ ସାରେତଡ଼୍ ନାର୍‍ ବାଇଦେ ମାନ୍‍ତଡ଼୍ ।