୧ ଥେସଲନିୟ 4:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ହୋ ଦାଦାନଡ଼ି ନୁ ଏଲାସ୍କ୍, ୱେରେ ନାରିଡ଼୍‍ତେ ବିଷୟ୍‍ତେ ଅଣ୍ଡୟ୍‌ ନିଜାତେ ଗଟ୍ ମିକିଂଙ୍କ୍ କେତାନଙ୍କ୍ ଇଚ୍ଛା ମାଡ଼ୁତମ୍ । ଆଲେକେ, ମିଡ଼୍ ବାଗାତଡ଼୍ ଲେକାମ୍ ଆସ୍‍ତେ ନାରିଡ଼୍ ଲେକାମ୍ ଶୋକାକୁଲ ଆୟ୍‍ମାଟ୍ ।

୧ ଥେସଲନିୟ 4:13 Iomraidhean Croise

ମାତିଉ 27:52

ନୁ କବର୍ କୁଲାଆସ୍‍ ନାର୍‍ଗେ ଇଶ୍ୱର୍ ଆଶେ ଡଲିମନ୍ଦାନ୍ ନାରୁଡ଼୍ ମେଣ୍ଡେ ଜିୱୁନ୍ ଆଦ୍‍ତଡ଼୍ ।

ଯୋହନ୍‌‌ 11:24

ମାର୍ତା ଜିସୁଙ୍କ୍ କେତ୍‍ତେ, “ଅଣ୍ଡ୍‌ ଯେ ଶେଷ୍ ଦିନାତେ ମେଣ୍ଡନ୍‍ନ୍ଦାମ୍ ତେଦିତଣ୍ଡ୍ ଇଦ୍ ନାନ୍ ପୁତ୍‍ତାନ୍ ।”

ପ୍ରେରିତ 13:36

ଦାଉଦ୍ ତାନ୍ ଶାସନ୍‍ ମାଡ଼ାନ୍ ୱେଲେ ଇଶ୍ୱର୍‌ତେ ଉଦେଶ୍ୟ ପୁରା ମାଡ଼୍‍ତେ ପେର୍‍କେ ଡଲ୍‍ତଣ୍ଡ୍ ନୁ ଆନିଦାଦିଡ଼୍ ତଡ଼୍ ସମାଦି ପାଏମ୍ ଆତ୍‍ତଣ୍ଡ୍ । ଅନ୍‌ ମେନ୍ଦୁଲ୍ ସମାଦିତାଗ୍ କାଡ଼୍‍ୟି ଆତ୍‍ତେ ।

ପ୍ରେରିତ 7:60

ଅଣ୍ଡ୍‌ ମର୍‍ମିଣ୍ଡା ଉୱୁସ୍ ଗାଟି ଲେଙ୍ଗ୍‍ଦେ କେତ୍‍ତଣ୍ଡ୍, “ପ୍ରବୁ ! ଇଡ଼୍ ବିରୁଦ୍‍ତେ ଇଦ୍ ପାପ୍ ଏର୍କା ମାଡ଼୍‍ମାଟ୍ ।” ଇଦ୍ କେସ୍ ଅଣ୍ଡ୍‌ ଡଲ୍‍ତଣ୍ଡ୍ ।

ପ୍ରେରିତ 8:2

ବେସ୍‍କ୍‍ତୁଡ଼୍‍ ଇଶ୍ୱର୍‌ତେ ବକ୍ତନଡ଼୍‌ ଗାଟି ଲେଙ୍ଗ୍‍ଦେ କେୟିମିକା ସ୍ତିଫାନ୍‍ତେ ମଡ଼୍‍ତିଙ୍କ୍ ସମାଦି ହିତ୍‍ତଡ଼୍ ।

ରୋମୀୟ 1:13

ହୋ ଦାଦାଲଡ଼ି ନୁ ଏଲାସ୍କ୍‍, ମି ବକେତ୍‍ ୱାଦାନଙ୍କ୍‍ ନାନ୍‍ ନାର୍ଗେଦାମ୍‍ ଇଚ୍ଛା ମାଡ଼୍‍ତାନ୍‍, ଇତ୍‍କେ ବାତ୍‍ଆୟି କାରନ୍‍ ମାୟ୍‍ଦିଙ୍କ୍‍, ଇଞ୍ଜେକ୍‍ଆନା ୱାଦାନଙ୍କ୍‍ ପାର୍‍ୱନ୍‍ । ଆନ୍‌ୱେ ଜାଗାକିନାଗ୍‍ ଅଣଯିହୁଦୀଡ଼୍‍ ଲୋପେ ପ୍ରଚାର୍‍ ମାଡ଼ି ବେଲା ସଫଲ୍‍ ଆତ୍‍ତାନ୍‍, ମି ଜାଗାକିନାଗ୍‍ ଗାଲା ଆଲା ମାଡ଼ାନଙ୍କ୍‍ ନାୟାଦ୍‍ ଇଚ୍ଛା ।

୧ କରନ୍ତିୟ 10:1

ଦାଦାଲଡ଼ି ନୁ ଏଲାସ୍କ୍‍ ନଡ଼ି ମୋଶାନ୍‌ ପେର୍‍କେ ଆଞ୍ଜ ମାନ୍‍ ଆନିଦାଦିଡ଼୍ ବାତ୍ ଗଟେମ୍ ଆସ୍‍ମାତ୍‍ତଡ଼୍‌, ମିଡ଼୍ ଆଦ୍ ଏର୍କା ମାଡ଼ାଟ୍, ଇଦ୍ ନାୟାଦ୍ ଇଚ୍ଛା । ଅଡ଼୍‌ ସାର୍ରେତଡ଼୍ ମାବ୍ ତଡ଼୍ ଲେକାମ୍ ମାତ୍‍ତଡ଼୍, ନେତୁର୍ ବେଡ଼େଡ଼୍‍ତିଙ୍କ୍ ତିପାଲ୍ ଆୟ୍‍ୱେ ଜିଡ଼୍‍ତଡ଼୍ ।

୧ କରନ୍ତିୟ 12:1

ଦାଦାଲଡ଼ି ନୁ ଏଲାସ୍କ୍‍, ପବିତ୍ର ଆତ୍ମାତେ ଦାନ ବିଷୟ୍‍ତେ ନାନ୍ ମିକିଂଙ୍କ୍ ନିଜାତାଦ୍ ସତ୍ କେତାନଙ୍କ୍ ଆଲ୍‍ସୁତାନ୍ ।

୧ କରନ୍ତିୟ 15:6

ତାନ୍ ପେର୍‍କେ ଅଣ୍ଡ୍‌ ଅଣ୍ଡୟ୍‌‍ଦାମ୍ ତାନ୍ ପାଞ୍ଚ୍‍ଶହ ନାର୍‍ଗେ ତାନ୍ ବିଶ୍ୱାସୀଡ଼୍‍କ୍ ତଅନ୍‌ଦିମାତ୍‍ତଣ୍ଡ୍ । ଅଡ଼୍‌ ଲୋପେଙ୍କ୍ ଇଞ୍ଜେ ବେସ୍‍କ୍‍ତୁଡ଼୍‍ ଜଗତ୍‍ତାଗ୍ ଇଲେଡ଼୍, ଇତ୍‍କେ ନାର୍‍ଗେ ମୁଲ୍ ଜିୱୁଣ୍ଡ୍ ମିନ୍ଦେଡ଼୍‌ ।

୨ କରନ୍ତିୟ 1:8

ହୋ ଦାଦାଲଡ଼ି ନୁ ଏଲାସ୍କ୍, ମାମ୍‍ମେ ଏସିଆ ପ୍ରଦେଶ୍‍ତେ ମା ପରୁ ଗଟେମ୍ ଆସ୍‍ମାନ୍ଦାନ୍ କଷ୍ଟ ବିଷୟ ମିକିଂଙ୍କ୍ କେତାନଙ୍କ୍ ଇଚ୍ଛା ମାଡ଼ୁତମ୍ । ଆଦ୍ କଷ୍ଟ ସହେମ୍‍ ଆଦେପାର୍ନାଙ୍କ୍ ମାମ୍‍ମେ ଜୀୱୁନ୍‌ତେ ଆଶେ ୱିଡ଼୍‍ସିତ୍‍ତମ୍ ।

ଏଫିସିୟ 2:12

ମୁନେ ମିଡ଼୍ କ୍ରିଷ୍ଟନାଗାଙ୍କ୍ ଯେକା ମାତ୍‍ତିଡ଼୍, ମିଡ଼୍ ବିଦେଶି ମାତ୍‍ତିଡ଼୍ ନୁ ଇଶ୍ୱର୍‌ତେ ହେଞ୍ଚ୍‍ତେ ଜାତିତାଗ୍ କାଇଲ୍‍ୱେ ମାତ୍‍ତିଡ଼୍ । ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ମାଡ଼ିମାନ୍ଦାନ୍ ପ୍ରତିଜ୍ଞା ପରୁ ତିଆର୍ ନିୟମ୍‍ତେ ମିୟାଦ୍ ବେନେବା କାଇଲ୍‍ୱେ ମାତ୍‍ତେ । ଆଶେ ଶୁନ୍ୟ ନୁ ଇଶ୍ୱର୍ ବିହିନ ଆସ୍ ମିଡ଼୍ ଜଗତ୍‍ତାଗ୍ ମାଞ୍ଜମାତ୍‍ତିଡ଼୍ ।

ଏଫିସିୟ 2:3

ଆଦ୍‍ଲେକାମ୍ ମାମ୍‍ମେ ସାରେତମ୍ ଅଡ଼୍‌‍ପୁଟୁଙ୍କ୍ ମାତ୍‍ତମ୍ ନୁ ମେନ୍ଦୁଲ୍ ନୁ ମନ୍‍ଦେ ଅବିଲାଷତିଙ୍କ୍ ବ୍ୟବହାର୍‌ ମାଡ଼ି ବାଦ୍‍କମାତ୍‍ତମ୍ । ସମ୍ଭବତଃ, ବାଗାତଡ଼୍ ଲେକାମ୍ ମାମ୍‍ମେ ମିକା ଇଶ୍ୱର୍‌ତେ କପାମ୍‍ତେ ପରିମାଣ ବୋଗ୍ ମାଡ଼ାନଙ୍କ୍ ଆଞ୍ଜମାତ୍‍ତମ୍ ।

୧ ଥେସଲନିୟ 4:14

ବେଲାନ୍ କି ମାମ୍‍ମେ ବିଶ୍ୱାସ୍ ମାଡ଼ିକାଡ଼୍ ଯେ ଜିସୁ ଡଲିମିକା ମେଣ୍ଡେ ତେଦ୍‍ତନ୍, ଆଦିଙ୍କ୍ ମାନାଡ଼୍ ଲେକାମ୍ ଗାଟି ବିଶ୍ୱାସତେ, ଜିସୁନାଗ୍ ବିଶ୍ୱାସ୍ ମାଡ଼ି ବେନଡ଼୍ ଡଲିତଡ଼୍, ଜିସୁ ମେଣ୍ଡେ ୱାଦାନ୍ ୱେଲେ ଇଶ୍ୱର୍ ଅଡ଼୍‌‍କିଂଙ୍କ୍ ଜିସୁନ୍ ତଡ଼୍ ଆଦ୍‍ତଡ଼୍ ।

୧ ଥେସଲନିୟ 4:15

ମାମ୍‍ମେ ଇଞ୍ଜେ ମିକିଂଙ୍କ୍ ବେନ୍ ଶିକ୍ଷା ଇଦୁତମ୍, ଆଦ୍ ପ୍ରବୁନ୍ ଶିକ୍ଷା । ପ୍ରବୁନ୍ ୱାଦାନ୍ ସମୟ୍‍ତେ ମାମ୍‍ମେ ବେନଡ଼୍ ଜିୱୁନ୍ ମାନ୍‍ତମ୍, ମୁନେଙ୍କ୍ କଞ୍ଜ୍ ୱେରେନାରୁଡ଼୍ ପାକ୍ ଆସ୍‍ମାନ୍ଦାନ୍ ନାରୁଡ଼୍‍ଆଗାଙ୍କ୍ ମୁନେ ଆସ୍ ଆନ୍‌‍ମା ।

୧ ଥେସଲନିୟ 5:10

କ୍ରିଷ୍ଟନାଦ୍ ମେଣ୍ଡନ୍‍ଦାମ୍ ୱାଦାନ୍ ସମୟ୍‍ତେ ମାମ୍‍ମେ ଇଦ୍ ଜିୱୁତେ ମାନ୍‍ତମ୍ ବା ମାନମ୍, ଅନ୍‌ ତଡ଼୍ ବେଲାନ୍ କାୟ୍‍ଲି ମିକା ମାନ୍‍ତମ୍, ଆଦିନ୍ ସେଙ୍ଗେ ଅଣ୍ଡ୍‌ ମାନ୍‍ ସେଙ୍ଗେ ଡଲ୍‍ତଣ୍ଡ୍ ।

୧ ଥେସଲନିୟ 5:6

ଆଦିଙ୍କ୍ ମାନାଡ଼୍ ବାଗାତଡ଼୍ ଲେକାମ୍ ଉସ୍‍କାତେ ମାନ୍‍ୱେ କେପି ନୁ ସେତ୍‍ତେ ମାନ୍ଦିକାଡ଼ାଡ଼୍ ।

୨ ପିତର୍‌ 3:4

ମେଣ୍ଡେ ଅଡ଼୍‌‍ ମିକିଙ୍କ୍ ପରିହାସ୍‍ ମାଡ଼ି କେତିତଡ଼୍‍, “ଜିସୁ ୱାଦ୍‍ତନ୍ ଇଞ୍ଜ ପ୍ରତିଜ୍ଞା ମାଡ଼ିମାତ୍‍ତନ୍, ଆୟ କି ? ଅଣ୍ଡ୍‌ ଇଞ୍ଜେ ବେଗା ? ମାନ୍‍ ଆନିଦାଦିଡ଼୍ ଡଲି ମିନ୍ଦେଡ଼୍, କିନ୍ତୁ ସୃଷ୍ଟତେ ଆରାମ୍‍ ତାଗାଙ୍କ୍ ବାତ୍ ବେଲାନ୍ ମାତ୍‍ତେ, ଇଞ୍ଜେ ମିକା ସାରେ ତ ଆଦ୍‍ରକମ୍ ମିନ୍ଦେ !”

୨ ପିତର୍‌ 3:8

ଇତ୍‍କେ ଆ ପ୍ରିୟ ସାଙ୍ଗନଡ଼ି, ୱେରଡ଼୍‍ ବିଷୟ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ କଣ୍ଡେତେ ଅଣ୍ଡୟ୍‌ ଦିନ୍‍ ନୁ ହଜାର୍ ଏଣ୍ଡ୍‍କ୍‍ତାଗାଙ୍କ୍ ବାତେ ୱେରେ ଇଲେ । ଅନ୍‌‍ ଗାରେ ଇୱୁ ରେଣ୍ଡ୍ ସାମାନ୍ ।