୧ ଥେସଲନିୟ 2:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ମିଡ଼୍ ସାୟେ ପୁତ୍‍ତିଡ଼୍ ଯେ, ମାମ୍‍ମେ କାରାପ୍ ଗଟି କେସ୍ ମିଇ ବକେତ୍ ୱାଡ଼ମ୍ ବା ଆଶେତଡ଼୍‍ ମିଇ ପାକେଙ୍କ୍ ଚଲ ବ୍ୟବହାର୍‌ ମାଡ଼୍‍ୱେ ମାତ୍‍ତମ୍, ଇଦ୍ ବିଷୟ୍‍ତେ ଇଶ୍ୱର୍ ମା ସାକ୍ଷି ।

୧ ଥେସଲନିୟ 2:5 Iomraidhean Croise

ମାତିଉ 22:16

ଅଡ଼୍‌ ନିଜେତ୍ ବେସ୍‍କ୍‍ତୁଡ଼୍‍ ଶିଷ୍ୟଡ଼୍‍କିଂଙ୍କ୍ ନୁ ହେରଦ୍ ପାକେ ବେସ୍କ୍‍ତଡ଼୍‍ ନାରୁଡ଼୍‍କିଂଙ୍କ୍ ଜିସୁନ୍ ଗାର୍‍ରେ ରହ୍‍ତଡ଼୍ । ଇଡ଼୍ ୱାସ୍ ଜିସୁଙ୍କ୍ ପାଚ୍ରାମାଡ଼୍‍ତଡ଼୍, “ଗୁରୁ, ମାମ୍ ପୁତ୍‍ତମ୍, ନିମ୍‍ ସତ୍ ଶିକ୍ଷା ହିଦୁତିନ୍‍ । ନିମ୍‍ ନାରୁନ୍ ପଦ ମର୍ଯ୍ୟାଦାତିଙ୍କ୍ କାତିର୍‍ ମାଡ଼୍‍ୱାଙ୍କ୍ ନାରୁଡ଼୍ ବାତେଏ ଆଲ୍‍ସିତିଡ଼୍, ଚିନ୍ତେ ମାଡ଼କଟ୍ ନାରୁଡ଼୍ ମାଇଦିଙ୍କ୍ ଇଶ୍ୱର୍‌ତେ ସଂକଳ୍ପ ନାର୍‍ଗେ ବୁଜାମାଡ଼୍‍ ପାର୍‍ଦ୍‍ତଣ୍ଡ୍ ।

ମାତିଉ 23:13

ଆୟେ ଦର୍ମଗୁରୁ ନୁ ପାରୂଶୀଡ଼୍, ମିୟାଦ୍ ଶେଷ ଦଶା ବେସର୍ ବୟଙ୍କାର୍, ଆର୍ ଚଲ ଦାର୍ମିକ୍‍ମାନ୍ଦେ, ସର୍ଗରାଜ୍ୟତେ ଆସାନ୍ ଆର୍‍ଦିଙ୍କ୍ ବନ୍ଦ୍‍ ମାଡ଼ି ନେହେସ୍ ମିନ୍ଦେଡ଼ି । ନିଜେ ଆଦିନାଗେ ନେଙ୍ଗ୍‍ୱିଡ଼୍‍ ନୁ ବେନଡ଼୍ ନେଙ୍ଗାଙ୍କ୍ ଆଲ୍‍ସି ମାଡ଼ୁତଡ଼୍ ଅଡ଼୍‌‍କିଂଙ୍କ୍ ଆର୍ ୱିଡ଼୍‍ସିୱିଡ଼୍‍ ।

ପ୍ରେରିତ 20:33

ନାନ୍ ବେନନ୍ ରୁପା, ସୁନା ନୁ ବେନନ୍ ଚକା ପାଏମ୍ ଆଦାନଙ୍କ୍ ଆଶେ ମାଡ଼ନ୍ ।

ରୋମୀୟ 1:9

ସାରେଦାମ୍‍ ନାନ୍‍ ବେନ୍‍ ଇଶ୍ୱର୍‌ତିଙ୍କ୍‍ ସେବା ମାଡ଼ୁତାନ୍‍ ନୁ ବେନ୍‍ ଇଶ୍ୱର୍‌ତେ ମାରିନ୍‍ ସାୟେତ୍‍ କାବୁର୍‍ ନାନ୍‍ ପ୍ରଚାର୍‍ ମାଡ଼ୁତାନ୍‍, ଆ ଇଶ୍ୱର୍ ନା ସାକ୍ଷି ।

ରୋମୀୟ 16:18

ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ ।

ରୋମୀୟ 9:1

ନାନ୍ ନିଜାମ୍ କେତୁତାନ୍, କ୍ରିଷ୍ଟ ବିଶ୍ୱାସୀ ଆସ୍‍ମାନ୍ଦାନ୍ ମାୟ୍‍ଦିଂଙ୍କ୍ ନାନ୍ ମିଚ୍ କେଲନ୍ । ପବିତ୍ର ଆତ୍ମାତେ ଚାଲେମ୍ ନାୱାଦ୍ ବିବେକ୍ ଇଦିନାଦ୍ ସାକ୍ଷି ଇଦୁତେ ।

୨ କରନ୍ତିୟ 12:17

ମିଇ ପାକେ ବେନଡ଼୍ ରତ୍‍ତାନ୍, ଅଡ଼୍‌ ତାଗାଙ୍କ୍ ବେନନ୍‍ତଡ଼୍ ନାନ୍‍ନେ ବାତେଏ ମିୟାଗାଙ୍କ୍ ବାତେଏ ସୁବିଦା ହାସଲ୍‍ ମାଡ଼୍‍ତାନ୍ ?

୨ କରନ୍ତିୟ 2:17

ନାର୍‍ଗେ ନିଜେ ଲାବ୍‍ଆଦାନ୍‍ ଆଦାନ୍ ସେଙ୍ଗେ ଇଶ୍ୱର୍‌ତେ ବାକ୍ୟ ବ୍ୟବହାର୍‌ ମାଡ଼ିତଡ଼୍ । ଇତ୍‍କେ ମାନାଡ଼୍ ଆଦ୍‍ଲେକାମ୍ ଆୟ୍‍ୟ । ମାନ୍‍ ଇଶ୍ୱର୍ ରସିସ୍‍ମାନାଙ୍କ୍ ମାନାଡ଼୍ ବିଶ୍ୱାସ୍‍ତେ ତଡ଼୍ ଅନ୍‌ ନିର୍ଦେଶ୍ ପାଲନ୍ ମାଡ଼ୁତାଡ଼୍ ନୁ ଇଶ୍ୱର୍‌ତେ ମୁନ୍‍ନେ କ୍ରିଷ୍ଟନ୍‌ ଦାସ ଲେକାମ୍ ପ୍ରଚାର୍ ମାଡ଼ିକାଡ଼୍ ।

୨ କରନ୍ତିୟ 4:2

ମାତର୍ ମାମ୍‍ମେ ସିଗ୍‍ଆଦାନାଦ୍ ନୁ ମିଞ୍ଜିମାନ୍ଦାନ୍ ବିଷୟସାରେ ୱିଡ଼୍‍ସ୍‍ତମ୍; ମାମ୍‍ମେ ଚଲନା ମାଡ଼ମ୍ କି ଇଶ୍ୱର୍‌ତେ ବାକ୍ୟତେ ବିକୃତ୍ ଅର୍ତ ମାଡ଼ମ୍ । ବାତେଙ୍କ୍ ଇତ୍‍କେ ସାରେତଡ଼୍ ନିଜମ୍‍ ସତ୍‍ କେଞ୍ଜ୍‍ତେ ଲେକାମ୍ ଇଶ୍ୱର୍‌ତେ ମୁନେ ନାରିଡ଼୍ ମନ୍ ପାକେ ମାମ୍‍ମେ ନିଜେ ନିଜେତେ ଯୋଗ୍ୟତା ପ୍ରନାମ୍ ମାଡ଼ାନ୍ ସେଙ୍ଗେ ଆଲ୍‍ସି ମାଡ଼ୁତମ୍;

୨ କରନ୍ତିୟ 7:2

ମିଇ ହୃଦୟ୍‍ତାଗ୍ ମାକିଂଙ୍କ୍ ପଡ଼ିୟେ ଇମୁଟ୍ । ମାମ୍‍ମେ ବେନଙ୍କ୍ ଅନ୍‌ୟାୟ୍ ମାଡ଼ମ୍, ବେନଙ୍କ୍ ବାତେଏ ଲସ୍‍ ମାଡ଼ମ୍ କି ବେନନାଗାଙ୍କ୍ ବାତ୍‍ତେ ଫାଇଦା ମାଡ଼୍‍ନଙ୍କ୍ ଆଲ୍‍ସି ମାଡ଼ମ୍ ।

ଗାଲାତୀୟ 1:20

ନାନ୍ ବାତ୍ ଲେକୁତାନ୍, ଆଦ୍ ନିଜାମ୍; ଇଶ୍ୱର୍ ପୁତ୍‍ତଣ୍ଡ୍, ନାନ୍ ମିଚ୍ କେଲନ୍ !

୧ ଥେସଲନିୟ 2:10

ମିଡ଼୍ ନୁ ନିଜେ ଇଶ୍ୱର୍ ମାନ୍‍ ସାକ୍ଷି ମିଇ ଲେକାମ୍ ବିଶ୍ୱାସିନଡ଼୍‍ ପାକେ ମାୟାଦ୍‌ ବ୍ୟବହାର୍‌‌ ନିର୍ମଲ୍‍, ନ୍ୟାୟସଙ୍ଗାତେ ନୁ ନିର୍ଦୋଷ୍‍ ମାତ୍‍ତା ।

୧ ତୀମତି 3:3

ଅଣ୍ଡ୍‌ କାଲ୍ ଉନ୍ଦାନଣ୍ଡ୍ ବା ଗଲ୍‍କ୍‍ ଆସମାନ୍ଦାନ୍ ନାରୁନ୍ ଆୟକଟ, କୋମଳ ନୁ ଶାନ୍ତିତେ ମାନ୍ତନ୍ । ଅଣ୍ଡ୍‌‍ ଦନ୍‍ ଲୋବି ଆୟ୍‍ୱେ ମାନ୍‍ନ୍ତେ ।

୧ ତୀମତି 3:8

ଆଦ୍‍ ଲେକମ୍ ସେବକ୍‍ନଡ଼୍ ମିକା ଉଦ୍ଦାର୍ ମନ୍‍, ବିଶ୍ୱାସ୍‍ତେ ଗାଡ଼୍‍ସ୍‍ ଆଦାନ୍ ଦର୍‍କାର୍‍ । ଅଡ଼୍‌ କାଲ୍ ବା ଦନ୍‍ ଲବିଡ଼୍ ଆୟୱେ ମାନ୍‍ତଡ଼୍‍ ।

ତୀତସ୍‌ 1:7

ବାତେଙ୍କ୍ ଇତ୍‍କେ ଦର୍ମଗୁରୁ, ଇଶ୍ୱର୍‌ତେ ନିୟମ୍ ଲେକାମ୍‍ତେ ନିର୍ଦୋଷ୍‍ ଆସ୍ ମାନ୍ଦାନ୍ ଦର୍‍କାର୍; ଅଣ୍ଡ୍‌ ନିଜେତ୍ ଇଚ୍ଛାତେ ପାଡ଼୍‍ୟି ମାଡ଼ମାନ୍‍ତଣ୍ଡ୍ କି କପାମ୍ କି କାଲ୍ ଉନ୍ଦାନଣ୍ଡ୍ କି ଗଲ୍‍କିନଣ୍ଡ୍ କି ଦନ୍ ଲବି ଆୟୱେ ମାନ୍‍ତଣ୍ଡ୍ ।

୧ ପିତର୍‍ 5:2

ଇଶ୍ୱର୍‍ ମୀଇ କାୟ୍‍ଦାଗ୍ ବେନ୍ ମାନ୍ଦ୍‍ ମେଣ୍ଢାନ୍‍ ଦ୍ୱାୟିତ୍ୱ ଇତ୍‍ତନ୍, ନାନ୍‍ ଅନୁରଦ୍‌ ମାଡ଼ୁତାନ୍, ମିଡ଼୍ ଇଚ୍ଛା ଇଲ୍‍ୱେ ଆଦ୍ ମାଡ଼କଟ୍ ସାର୍‍ଦେତେ ଅଡ଼୍‌‍କିଂଙ୍କ୍ ପଡ଼୍‍ପାଟ୍‍ । ଦନ୍ ଆଶାତେ ଆଦ୍‍ ମାଡ଼କଟ୍, ସାରେଦାମ୍ ସେବା ମନ୍ ତଡ଼୍‍ ମିୟାଦ୍ ଆଦ୍ ଦ୍ୱାୟିତ ମାଡ଼ାଟ୍‍ ।

୨ ପିତର୍‌ 2:18

ଅଡ଼୍‌ ଆଂକାର୍‍ତେ ନିଣ୍ଡ୍‍ତଡ଼୍ କାରାପ୍ ଗଟି କେସମାନ୍‍ନ୍ତଡ଼୍; ଦସଂକାରୀଡ଼ାଗାଙ୍କ୍ ରକ୍ଷା ଆସ୍ ମିରି ୱାସମାନ୍ଦାନ୍ ନାରୁଡ଼୍‍କିଙ୍କ୍ ନିଚ୍‌ ଶାରିରିକ କାମ୍‍ତେ ମାୟା ତଅସ୍ ଉଡ଼୍‍ୟିତାଗ୍ ୱାଟିତଡ଼୍ ।

୨ ପିତର୍‌ 2:3

ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।

ଯିହୁଦା 1:11

ଇଦ୍ ଅଡ଼୍‌ ସେଙ୍ଗେ ବେସର୍ ୱେର୍ରେ । ଅଡ଼୍‌ କୟିନନ୍‌ କାରାପ୍ ଆର୍ର୍‍ଦାଗ୍ ଆଞ୍ଜ୍ ମିନ୍ଦେଡ଼୍‍ । ବାଲାମ୍ ଇତ୍‍କେ ଲୋବିଆସ୍ ବେନ୍ ବୁଲ୍‍ ମାଡ଼୍‍ତଣ୍ଡ୍‍, ଅଡ଼୍‌ ଆଦ୍ ବୁସାତାଗ୍ ରାୟ୍‍ତଡ଼୍ । କୋରଅ ଲେକାମ୍ ଗଲ୍‍କ୍ ମାଡ଼ି ଅଡ଼୍‌ ଦଂସ ଆତ୍‍ତଡ଼୍‍ ।