୧ ଥେସଲନିୟ 2:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ବାତେଙ୍କ୍‍ଇତ୍କେ ଇଶ୍ୱର୍‌ତେ ଇଚ୍ଛା ଲେକାମ୍ ଗଟ୍ ମାମ୍‍ମେ ସାରେଦାମ୍ କେତିତମ୍; ଅଣ୍ଡ୍‌ ମାକିଂଙ୍କ୍ ସାୟେ ଏର୍କା ମାଡ଼ି ମା ପର୍‍ର ସୁସମାଚାର୍ ପ୍ରଚାର୍‍ତେ ଦାୟିତ୍ୱ ୱିଡ଼୍‍ସିତ୍‍ତନ୍ । ନାରୁଡ଼୍‍କିଂଙ୍କ୍ ଶାନ୍ତି ମାଡ଼ାନାଦ୍ ମାୟାଦ୍‌ ପାଡ଼୍‍ୟି ଆୟ୍‍ୟ । ବେନ୍ ଇଶ୍ୱର୍ ମାନ୍‍ ମନ୍‍ତେ ସାରେ ପରିକ୍ଷା ମାଡ଼ି ଉଡ଼ିତନ୍, ମାତର୍ ଅଂକିଙ୍କ୍‌ ଶାନ୍ତି ମାଡ଼ାନ୍ ସେଙ୍ଗେ ମାୟାଦ୍‌ ଇଚ୍ଛା ।

୧ ଥେସଲନିୟ 2:4 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:42

ପ୍ରବୁ ଉତ୍ତର୍ କେତ୍‍ତଣ୍ଡ୍, ଆଲେକ୍ ବିଶ୍ୱାସ୍‌ତେ ନୁ ଜ୍ଞାନି ଦାସ ବେନ ? ବେନଙ୍କ୍ ମାଲିକ୍‍ତେ ଲୋନ୍‌ ତୁୱୁସାନ୍ ମାଇଦିଙ୍କ୍ ନେହିତ୍‍ତଣ୍ଡ୍; ଅଣ୍ଡ୍‌ ଲେକେତ୍ ନାରୁଡ଼୍ ମେଣ୍ଡେ ଦାସଡ଼୍‍କିଂଙ୍କ୍ ତିନ୍ଦାଙ୍କ୍ ଇତ୍‍ତନ୍ । ଅଣ୍ଡ୍‌ ଲେକେତ୍ ଦିନାମ୍‍ତେ ନାରୁଡ଼୍‍କ୍ ତିନ୍ଦାଙ୍କ୍ ଇଦ୍‍ତଣ୍ଡ୍ ?

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 16:11

ଇତ୍କେ ମିଡ଼୍ ଯଦି ଜାଗତିକ ଦନସମ୍ପତ୍ତିତାଗ୍ ବିଶ୍ୱାସ୍‍ତଣ୍ଡ୍‍ ଆୟ୍‍ୱିନ୍‍ ? ଆଲାତ୍କେ ବେନ ମିକିଂଙ୍କ୍ ପ୍ରକୃତ ଦନ୍‍ସମ୍ପତ୍ତି କାଇଦେ ଇଦାଙ୍କ୍ ବିଶ୍ୱାସ୍ ମାଡ଼ିତଡ଼୍ ?

ଯୋହନ୍‌‌ 21:17

ଜିସୁ ମୁଣ୍ଡ୍‍ଦାମ୍ ଅଂକିଙ୍କ୍‌ ପାଚ୍ରାମାଡ଼୍‍ତଣ୍ଡ୍, “ହଁ ଯୋହନ୍‌‌ତେ ମାର୍‍ ଶିମୋନ୍, ନିମ୍‍ ବାତେଏ ନାକିଂଙ୍କ୍ ପ୍ରେମ ମାଡ଼ୁତି ?” ଇଗେ ପିତର୍ ମାନ୍‍ଦୁଃକାମ୍ ଆତ୍‍ତଣ୍ଡ୍ । ବାତେଙ୍କ୍ ଇତ୍‍କେ ଜିସୁ ମୁଣ୍ଡ୍‍ଦାମ୍ ପିତର୍‍ତିଙ୍କ୍ ପାଚ୍ରାମାଡ଼୍‍ତଣ୍ଡ୍, ନିମ୍‍ ବାତେଏ ନାକିଂଙ୍କ୍ ପ୍ରେମ ମାଡ଼ୁତି ? ଅଣ୍ଡ୍‌ କେତ୍‍ତଣ୍ଡ୍, “ପ୍ରବୁ, ନିମ୍‍ ସାରେ ବିଷୟ ପୁତ୍‍ତି; ନାନ୍ ଯେ ନିକିଂଙ୍କ୍ ପ୍ରେମ ମାଡ଼ୁତାନ୍, ଆଦ୍ ନିମ୍‍ ପୁତ୍‍ତିନ୍ ।” ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ନାୟାୱୁ ମେଣ୍ଢାକିଂଙ୍କ୍ ମେଇମ୍ ।”

ରୋମୀୟ 8:27

ଇଶ୍ୱର୍ ଆଦ୍ ବୁଜେମ୍ ଆଦ୍‍ତନ୍, ବାତେଙ୍କ୍ଇତ୍‍କେ ଅଣ୍ଡ୍‌ ଲୋପେତ୍ ଗଟ୍ ପୁତ୍‍ତଣ୍ଡ୍ ନୁ ପବିତ୍ର ଆତ୍ମା ଇଶ୍ୱର୍‌ତେ ଇଚ୍ଛା ଲେକାମ୍ ତାମ୍ ନାରୁଡ଼୍ ସେଙ୍ଗେ କେତିତଣ୍ଡ୍ ।

୧ କରନ୍ତିୟ 7:25

ମିଡ଼୍ ପେଣ୍ଡୁଲ୍ ଆୟ୍‍ୱା ବିସୟତେ ପୁନ୍ଦାନଙ୍କ୍ ଆଲ୍‍ସ୍‍ତିଡ଼୍, ଇଦ୍ ନାକିନ୍‌ ପ୍ରବୁନୁଞ୍ଚ୍‌ ବାତା ବା ଗଟ୍ ଦର୍କିଲେ; ବାତେଙ୍କ୍ ଇତ୍‍କେ ପ୍ରବୁଙ୍କ୍ ଅନୁଗ୍ରହତେ ବିସ୍‌ୱାସ୍‌ ଆସ୍‌ ନାନ୍‌ କେତୁତାନ୍‌ ।

୧ କରନ୍ତିୟ 9:17

ନିଜେତ୍ ମାନ୍‍ତେ ଇଦ୍ ପାଡ଼୍‍ୟି ମାଡ଼୍‍କେ, ନାନ୍ ପୁରସ୍କାର୍‍ତିଙ୍କ୍ କେପି ମାନେନ୍, ଇତ୍‍କେ ଇଶ୍ୱର୍ ନା ପର୍‍ର ଇଦ୍ ଦାୟିତ୍ୱ ଇସ୍‍ମାନ୍ଦାନ୍ ମାୟ୍‍ଦିଙ୍କ୍ ଇଦ୍ ମାଡ଼ାନାଦ୍ ନାୟାଦ୍ ପାଡ଼୍‍ୟି ।

୨ କରନ୍ତିୟ 2:17

ନାର୍‍ଗେ ନିଜେ ଲାବ୍‍ଆଦାନ୍‍ ଆଦାନ୍ ସେଙ୍ଗେ ଇଶ୍ୱର୍‌ତେ ବାକ୍ୟ ବ୍ୟବହାର୍‌ ମାଡ଼ିତଡ଼୍ । ଇତ୍‍କେ ମାନାଡ଼୍ ଆଦ୍‍ଲେକାମ୍ ଆୟ୍‍ୟ । ମାନ୍‍ ଇଶ୍ୱର୍ ରସିସ୍‍ମାନାଙ୍କ୍ ମାନାଡ଼୍ ବିଶ୍ୱାସ୍‍ତେ ତଡ଼୍ ଅନ୍‌ ନିର୍ଦେଶ୍ ପାଲନ୍ ମାଡ଼ୁତାଡ଼୍ ନୁ ଇଶ୍ୱର୍‌ତେ ମୁନ୍‍ନେ କ୍ରିଷ୍ଟନ୍‌ ଦାସ ଲେକାମ୍ ପ୍ରଚାର୍ ମାଡ଼ିକାଡ଼୍ ।

୨ କରନ୍ତିୟ 4:2

ମାତର୍ ମାମ୍‍ମେ ସିଗ୍‍ଆଦାନାଦ୍ ନୁ ମିଞ୍ଜିମାନ୍ଦାନ୍ ବିଷୟସାରେ ୱିଡ଼୍‍ସ୍‍ତମ୍; ମାମ୍‍ମେ ଚଲନା ମାଡ଼ମ୍ କି ଇଶ୍ୱର୍‌ତେ ବାକ୍ୟତେ ବିକୃତ୍ ଅର୍ତ ମାଡ଼ମ୍ । ବାତେଙ୍କ୍ ଇତ୍‍କେ ସାରେତଡ଼୍ ନିଜମ୍‍ ସତ୍‍ କେଞ୍ଜ୍‍ତେ ଲେକାମ୍ ଇଶ୍ୱର୍‌ତେ ମୁନେ ନାରିଡ଼୍ ମନ୍ ପାକେ ମାମ୍‍ମେ ନିଜେ ନିଜେତେ ଯୋଗ୍ୟତା ପ୍ରନାମ୍ ମାଡ଼ାନ୍ ସେଙ୍ଗେ ଆଲ୍‍ସି ମାଡ଼ୁତମ୍;

୨ କରନ୍ତିୟ 5:11

ପ୍ରବୁଙ୍କ୍ ୱେର୍‍ଦାନାଦ୍ ଇତ୍‍କେ ବାତ୍‍ତେ, ମାନାଡ଼୍ ପୁତ୍‍ତାଡ଼୍ ନୁ ଇଦ୍ ମାଡ଼ାନ୍ ସେଙ୍ଗେ ମାନାଡ଼୍ ସାରେତଡ଼କିଂଙ୍କ୍ କେତୁତାଡ଼୍ । ଇଶ୍ୱର୍‌ ମାନ୍‍ ସାରେତଡ଼୍ ଲେକେତ୍‍ତେ ପୁତ୍‍ତଣ୍ଡ୍ । ନାନ୍ ଆଶେ ମାଡ଼ୁତାନ୍, ମିୟାଦ୍‍ ମନ୍‍ତାଗ୍‍ ମିଡ଼୍ ନାକିଂଙ୍କ୍ ଲେକେତ୍‍ତେ ପୁତ୍‍ତିଡ଼୍ ।

୨ କରନ୍ତିୟ 5:16

ମାମ୍‍ମେ ମେଣ୍ଡେ ବେନଙ୍କ୍ ନାରୁଡ଼୍ ଲେକାମ୍ ବିଚାର୍ ମାଡ଼ମ୍ । ଦିନାମ୍ ମାତ୍‍ତେ, ବେସୁଙ୍କ୍‍ ମାମ୍‍ମେ କ୍ରିଷ୍ଟଙ୍କ୍ ମିକା ନାରୁଡ଼୍ ଲେଲାମ୍ ବିଚାର୍ ମାଡ଼ମାତ୍‍ତମ୍ । ବାତେଙ୍କ୍ ଇତ୍‍କେ ଇଞ୍ଜେ ମେଣ୍ଡେ ମାମ୍‍ମେ ଆଲାନ୍ ମାଡ଼ମ୍ ।

ଗାଲାତୀୟ 1:10

ଇଦ୍ କେଞ୍ଜି ମିଡ଼୍ ବାତ୍ ଆଲ୍‍ସୁତିଡ଼୍, ନାନ୍ ବାତ୍ ନାରୁଡ଼ାଦ୍ ସପଟ୍ ପାଏମ୍ ଆଦାନଙ୍କ୍ ଚାଏମ୍ ଆଦୁତାନ୍ ? ଇଲ୍‌ଲେ, ବେସୁଟ୍‌ ଆୟ । ନାନ୍ ଇଶ୍ୱର୍‌ତିଙ୍କେ ସପଟ୍ ମାଡ଼ୁତାନ୍ । ନାନ୍‍ ବାତ୍ ନାରୁଡ଼୍ ଲୋପେଙ୍କ୍ ସାୟେ ଆଦାନଙ୍କ୍ ଚାଏମ୍ ଆଦୁତାନ୍ ? ନାନ୍ ଯଦି ନେଣ୍ଡ୍‍ଜାକ ସାୟେ ଆଦାନଙ୍କ୍ ଚାଏମ୍ ଆୟେନ୍, ଆଲେକେ ନାନ୍ ନେଣ୍ଡ୍ କ୍ରିଷ୍ଟଟନ୍ ସେବକ୍ ଆୟନ୍ ଆୟେନ୍ ।

ଗାଲାତୀୟ 2:7

ମେଣ୍ଡନ୍‍ ରକମ୍‍ ଅଡ଼୍‌ ଉଡ଼ି ମାତ୍‍ତଡ଼୍ ଯେ, ଇଶ୍ୱର୍ ବେଦ୍ ପୁଟୁଙ୍ଗ୍ ଇଉଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ପିତର୍‍ତିଙ୍କ୍ ଇସ୍ ମାତ୍‍ତଣ୍ଡ୍, ଆଦେ ପୁଟୁଙ୍ଗ୍ ଅଣଯିହୁଦିଡ଼୍‍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ନାକିଙ୍କ୍ ଇତ୍‌ତଣ୍ଡ୍‌ ।

ଏଫିସିୟ 3:8

ନାନ୍ ଇଶ୍ୱର୍‌ତେ ନାରୁଡ଼୍ ଲୋପେଙ୍କ୍ ସାରେତଡ଼୍‌କିଂଙ୍କ୍ ସୁଦୁନଣ୍ଡ୍, ଆଗେକ୍‍ବା ଅଣଯିହୁଦିଡ଼୍ ଗାର୍‍ରେ କ୍ରିଷ୍ଟନ୍ ନାର୍‍ଗେ ସମ୍ପଦ୍‍ତେ ଗଟ୍ ପୟ୍‍ସ୍ ଆଦାନ୍ ମାୟ୍‍ଦିଙ୍କ୍ ନାକିଂଙ୍କ୍ ଇଶ୍ୱର୍ ସୁଯୋଗ୍ ଇସ୍‍ମିନ୍ଦେଣ୍ଡ୍ ।

ଏଫିସିୟ 6:6

ମାଲିକ୍ ମିକିଂଙ୍କ୍ ଉଡ଼ାନ୍ ୱେଲେ ଅନାଗ୍ ସାୟେ ଆଦାନଙ୍କ୍ ଆଦ୍ ମାଡ଼୍‍ୱେକନ୍ସ୍‌, କ୍ରିଷ୍ଟନ୍ କ୍ରିତଦାସ ଲେକାମ୍ ମିୟାଦ୍ ସରଲ୍‌ ହୃଦୟ୍ ଇସ୍ ଇଶ୍ୱର୍‌ତେ ଇଚ୍ଛା ଲେକାମ୍‍ ମାଡ଼ାଟ୍ ।

କଲସୀୟ 3:22

ଅ ଗତିନଡ଼ି, ସାରେ ବିଷୟତାଗେ ମୀଇ ମାଲିକିଡ଼୍ ଗଟି କେଞ୍ଜାଟ୍ । ମାତର୍‌ ଅଡ଼୍‌‍ ମିଇ ପର କଣ୍ଡେ ୱାଟିମାନ୍ଦାନ୍ ୱେଲେ ଅଡ଼୍‌‍କିଂଙ୍କ୍ ସାର୍‍ଦେ ମାଡ଼ାନ୍ ସେଙ୍ଗେ ଆୟ, ମାତର୍‌ ପ୍ରବୁନ୍ ସେଙ୍ଗେ ମିୟାଦ୍ ବକ୍ତି ସେଙ୍ଗେ ସରଲ୍‍ ହୃଦୟତେ ଇଦ୍ ମାଡ଼ାଟ୍ ।

୧ ତୀମତି 6:20

ହୋ ତିମତି, ନିୟାଗ୍ ବେନ୍‍ ଦାୟିତ୍ୱ ସମର୍ପିତ ଆସ୍‍ମିନ୍ଦେ, ଆଦ୍ ରକ୍ଷା ମାଡ଼େ; ଆସର୍ ବକୁଆତନ୍ ନୁ କେତାକେତି ଜ୍ଞାନ୍‍ତେ ଯୁକ୍ତିତର୍କତାଗାଙ୍କ୍ ୱେର୍‌ମାଟ୍‌;

୨ ତୀମତି 1:14

ମୀଇ କାଇଦେ ବାତେ ସମପ୍ତିତ୍ ବେନ୍ ସାୟେ ବିଷୟ, ଆଦ୍ ମିୟାଗ୍ ମାନ୍ତାନ୍ ପବିତ୍ର ଆତ୍ମାତେ ଲେକେତ୍‍ ନେହେସ୍‍ ମାନୁଟ୍ ।

୨ ତୀମତି 2:2

ନାର୍ଗେ ସାକ୍ଷିଙ୍କ୍ ନାଗାଙ୍କ୍ ନାନେ ପ୍ରଚାର୍ ମାଡ଼ିମାନ୍ଦାନ୍ ବିଷୟତିଙ୍କ୍ ମିଡ଼୍ କେଞ୍ଜ୍‍ତିଡ଼୍ । ବାଗାତଡ଼କ୍ ଶିକ୍ଷା ହିଦାନ୍ ସେଙ୍ଗେ ପାର୍‍ଦାନ୍‍ ବିଷୟ୍‍ ନୁ ବିଶ୍ୱାସ୍‍ସେଙ୍ଗେ ନାରିକିଙ୍କ୍ ଇଉ ସାରେ ବିଷୟ ପାଲନ୍ ମାଡ଼ାଟ୍ ।

ତୀତସ୍‌ 1:3

ଟିକ୍ ସମୟ୍‍ତେ ଅଣ୍ଡ୍‌ ଇଦ୍ ଗଟ୍ କେତ୍‍ତଣ୍ଡ୍ । ମାନ୍‍ ମୁକ୍ତିଦାତାଲ୍ ଇଶ୍ୱର୍‌ତେ ଆଦେଶ୍‌ତଡ଼୍ ଇଦ୍ କେତାନଙ୍କ୍ ନାକିଂଙ୍କ୍ ଦାୟିତ ଇତ୍‍ତଡ଼୍ ।

ଏବ୍ରୀ 4:13

ଇଶ୍ୱରତାଗ୍‌ ବାତେବା ମିଞ୍ଜିମାନ୍ଦେପାର୍ୱ; ସାରେ ବୁମ୍‍ତେ ସାର୍ରେ ବିଷୟ୍ ତାନ୍‌ ଏକାମ୍ ଉଡ଼ାନ୍‍ କଣ୍ଡାନ୍‌ ମୁନେ ମୁସ୍‍ତେ ଲେକାମ୍‍ ଇଲ୍‍ଲେ ନୁ ତେର୍‌ୟ୍‌ତେ ଲେକାମ୍‍ ମିନ୍ଦେ । ଆ ଇଶ୍ୱରନ୍‌ ମୁନେ ମାନାଡ଼୍‍ ଇସାବ୍‌ ଇଦାନଙ୍କ୍‌ ଆଦ୍‌ତେ ।

୧ ପିତର୍‍ 4:11

ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।

ପ୍ରକାଶିତ୍‌ ବାକ୍ୟ 2:23

ତାନ୍ ପେର୍କେ ଆଦାନଡ଼୍‍କ୍ ମିକା ଆୱୁକିତାନ୍ । ଆଲାଆତ୍‍କେ, ମଣ୍ଡଲିକି ସାରେ ପୁନ୍‌ତା ଯେ; ନାନେ ଅନ୍‌ତର୍ଯ୍ୟମି, ନାରିଡ଼୍ ସାରେ ଚିନ୍ତା ନୁ ଲାଲସା ନାନେ ପୁନ୍‍ନ୍ତାନ୍ । ମିଡ଼୍ ସାରେତଡ଼୍‍ ବାତ୍‍ତେ ମାଡ଼୍‍ତିଡ଼୍, ଆଦ୍ ଲେକାମ୍‌ ନାନେ ମିକିଙ୍କ୍ ସାରେ କାମ୍‍ତେ ଦଣ୍ଡ୍‍ ଇଦ୍‍ତାନ୍ ।