୧ ଥେସଲନିୟ 2:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଥେସଲନିତାଗ୍ ମିଇ ପାକେ ୱାଦାନ୍ ମୁନେ ଫିଲିପୀତାଗ୍ ମା ସେଙ୍ଗେ ବେଦ୍‍ଲେକାମ୍ ତିପାଲ୍ ନୁ କାରାପ୍ ପାଡ଼୍‍ୟି ମାଡ଼ମାତ୍‍ତଡ଼୍, ଆଦ୍ ମିଡ଼୍ ପୁତ୍‍ତିଡ଼୍ । ଇଶ୍ୱର୍‌ତାଗାଙ୍କ୍ ଦର୍କିମାନ୍ଦାନ୍ ସୁସମାଚାର୍ ମିକିଂଙ୍କ୍ କେଞ୍ଜ୍‍ପାଙ୍କ୍ ସେଙ୍ଗେ ଅଣ୍ଡ୍‌ ମାନ୍‍ନାଙ୍କ୍‍ ଶକ୍ତି ଇସ୍‍ମାତ୍‍ତନ୍ ।

୧ ଥେସଲନିୟ 2:2 Iomraidhean Croise

ପ୍ରେରିତ 14:3

ମିକା ପ୍ରେରିତ ଶିଷ୍ୟଡ଼୍ ପ୍ରବୁନ୍ ବିଷୟ୍ ସାହାସ୍‍ତଡ଼୍ ପ୍ରଚାର୍ ମାଡ଼ି ନାର୍‍ଗେ ଦିନା ଆଗେ ମାତ୍‍ତଡ଼୍ । ଆଦ୍‍ବୁତ୍‌ ପାଡ଼୍‍ୟି ନୁ ଆଶର୍ଯ୍ୟ ପାଡ଼୍‍ୟି ମାଡ଼ାନ୍ ତଡ଼୍ ପାଉଲ୍‍ ନୁ ବର୍ଣ୍ଣବା ପ୍ରମାଣ୍ ମାଡ଼୍‍ତଡ଼୍ ଯେ, ଇଶ୍ୱର୍‌ତେ ଅନୁଗ୍ରହ ବିଷୟ୍‍ତେ ପ୍ରଚାର୍ ମାଡ଼୍‍ତେ ଗଟ୍ ନିଜାମ୍ ।

ପ୍ରେରିତ 14:5

ତାନ୍‍ପେର୍କେ ବେସ୍‍କ୍‍ତୁଡ଼୍‍ ଅଣଇହୁଦୀ ନୁ ଇହୁଦୀ ନାରୁଡ଼୍ ତାମ୍ ନେତାଲଡ଼୍ ତଡ଼୍ କାଇଲି ପ୍ରେରିତ ଶିଷ୍ୟଡ଼୍‍କିଂଙ୍କ୍ କାରାପ୍ ବ୍ୟବହାର୍ ମାଡ଼ାନ୍ ସେଙ୍ଗେ ନୁ ଅଡ଼୍‌‍କିଂଙ୍କ୍ କାଲ୍‍କିନ୍ ତଡ଼୍ ରେହେସ୍ ଆୱ୍‍କାଂଙ୍କ୍ ଟିକ୍‍ ମାଡ଼୍‍ତଡ଼୍ ।

ପ୍ରେରିତ 16:12

ଆଗାଙ୍କ୍ ମାମ୍‍ମେ ମାସିଦୋନିଆ ଜିଲ୍ଲାତେ ମୁକ୍ୟ ନଗରୀ ଫିଲିପ୍‍ପୀତାଗ୍ ଆତ୍‍ତମ୍ । ଇଦ୍ ନଗରୀ ଅଣ୍ଡୟ୍‌ ରୋମୀୟ କଲ୍‍ନୀ ମାତ୍‍ତେ । ମାମ୍‍ମେ ନାର୍‍ଗେ ଦିନା ଆଗେ ମାତ୍‍ତମ୍ ।

ପ୍ରେରିତ 16:19

ବେସୁଟ୍‌ ତାନ୍ ପ୍ରବୁନ୍‍ ନିଜେତ୍ ଡାବ୍‍କ୍ ଗାଡ଼୍‍ସାନ୍ ଆଶେ ହରାମାଡ଼୍‍ତଡ଼୍ ଇଞ୍ଜ ପୁତ୍‍ତଡ଼୍, ପାଉଲ୍ ନୁ ଶୀଲାଙ୍କ୍ ପଇସ୍ ଟାୱୁନ୍‍ତେ ନାଡ଼୍‍ମେ ମାନ୍ଦାନ୍ ଶାସନ୍‍ କର୍ତ୍ତାନ୍‍ ମୁନ୍‍ନେ ତାତ୍‍ତଡ଼୍‍ ।

ପ୍ରେରିତ 16:37

ଇତ୍‍କେ ପାଉଲ୍ ସିପାହିଡ଼୍‍କ୍ କେତ୍‍ତଣ୍ଡ୍, “ବାତ୍ ଅପରାଦି‍ତାଗ୍ ଦଷି ଆୟ୍‍ୱେ ମାତ୍‍କେ ଗାଲା ଅଡ଼୍‌ ମାକିଂଙ୍କ୍ ରେହେତ୍‍ତଡ଼୍ । ମାମ୍‍ମେ ରୋମୀୟ ନାଗରିକ, ଇତ୍‍କେବା ଅଡ଼୍‌ ମାକିଂଙ୍କ୍ ବନ୍ଦି ମାଡ଼୍‍ତଡ଼୍ । ଇଞ୍ଜେ ମାକିଂଙ୍କ୍ ମିଞ୍ଜ୍‍ସ୍ପି ୱିଡ଼୍‍ସିଦାଙ୍କ୍ ହାଲ୍‍ସୁତଡ଼୍ । ମାମ୍‍ମେ ଇଦ୍ ମାଡ଼ାନଙ୍କ୍ ଇୱମ୍ । ରୋମୀୟ ଶାସନ୍‍ କର୍ତ୍ତାଲ୍ ନିଜେ ଇଗେ ୱାସ୍ ମାକିଂଙ୍କ୍ ମୁକ୍ତ ମାଡ଼ିୱିଣ୍ଡ୍ ।”

ପ୍ରେରିତ 17:1

ପାଉଲ୍ ନୁ ଶୀଲା ଆମ୍ପିପଲି ନୁ ଆପଲ୍ଲୋନିଆ ଇସ୍‌ ଥେସଲନିକୀତାଗ୍ ୱାତ୍‍ତଡ଼୍ । ଆଗେ ଅଣ୍ଡୟ୍‌ ଇହୁଦୀ ଉପାସନା ମାତ୍‍ତେ ।

ପ୍ରେରିତ 17:17

ଆଦିଙ୍କ୍ ଅଣ୍ଡ୍‌ ସମାଜ୍ ଲୋତ୍‍ତାଗ୍ ଇହୁଦୀଡ଼୍ ତଡ଼୍ ଇଶ୍ୱର୍‌ତିଙ୍କ୍ ଉପାସନା ମାଡ଼ାନ୍ ଅଣଇହୁଦିଡ଼୍ ତଡ଼୍ ଇଦ୍ ବିଷୟ୍‍ତେ ନିତାଲ୍ ଆଲୋଚନା ମାଡ଼ାନଙ୍କ୍ ପସ୍ପ୍‍ତଣ୍ଡ୍ । ସହର୍‍ତେ ଚକକିନାଗ୍ ଆଦାୱାଦା ମାଡ଼ମାନ୍ଦାନ୍ ନାରୁଡ଼୍ ତଡ଼୍ ଆଦେ ବିଷୟ୍ ଆଲୋଚନା ମାଡ଼୍‍ତଣ୍ଡ୍ ।

ପ୍ରେରିତ 19:8

ତାନ୍‍ପେର୍କେ ମୁଣ୍ଡ୍ ନେଲ୍‍ଞ୍ଜ୍ ଯାକ ଯିହୁଦୀଡ଼ାଦ୍‍ ପ୍ରାର୍ତନା ଲନ୍‍ତାଗ୍ ସାହାସ୍ ତଡ଼୍ ଆଲୋଚାନା ମାଡ଼ି ଇଶ୍ୱର୍‌ତେ ରାଜ୍ୟ ବିଷୟ୍‍ତେ ଅଡ଼ାଦ୍‌ ମନ୍‍ତାଗ୍ ବିଶ୍ୱାସ୍ ମାଡ଼ାନଙ୍କ୍ ଚେଷ୍ଟା ମାଡ଼୍‍ତଣ୍ଡ୍ ।

ପ୍ରେରିତ 4:13

ପିତର୍ ନୁ ଯୋହନ୍‌ ଅଶିକିତ୍‍ ନୁ ସାଦାରନ୍‍ ନାରୁଡ଼୍ ମାତ୍‍ତଡ଼୍ ଇଞ୍ଜ ବେଡ଼ିୟ୍‍ମିଟିଙ୍କ୍‍ତେ ସଦସ୍ୟଡ଼୍ ପୁଞ୍ଜ୍‍ମାତ୍‍ତଡ଼୍ । ଆଦିଙ୍କ୍ ଇର୍‍ୱୁଡ଼ାଦ୍ ସାହାସ୍ ଉଡ଼ି ଅଡ଼୍‌ କାବା ଆତ୍‍ତଡ଼୍ ମେଣ୍ଡେ ଅଡ଼୍‌ ଇର୍‍ୱୁଡ଼୍ ଜିସୁନ୍‍ ସାଙ୍ଗ ମାତ୍‍ତଡ଼୍ ଇଞ୍ଜ ଅଡ଼୍‌ ପୁତ୍‍ତଡ଼୍ ।

ପ୍ରେରିତ 4:20

ବାତେଙ୍କ୍ଇତ୍‍କେ ମାମ୍‍ମେ ବାଆତେ ଉଡ଼୍‍ତମ୍ ନୁ କେଞ୍ଜ୍‍ତମ୍, ଆଦ୍ ବିଷୟ୍ କେଲ୍‍ୱେ ମାନ୍ଦାଙ୍କ୍ ପାର୍‍ୱମ୍ ।”

ପ୍ରେରିତ 4:31

ଅଡ଼୍‌ ପ୍ରାର୍ତନା ମାଡ଼ାନ୍ ୱେଲେ ବେନ୍ ପଡ଼୍‍ୟେତାଗ୍ ଅଣ୍ଡୟାଗେ ଆସ୍‍ମାତ୍‍ତଡ଼୍, ଆଦ୍ ପଡ଼୍‍ୟି ଲେଙ୍ଗ୍‍ଦେ ବର୍ତ୍ତି ଆତ୍‍ତେ । ମେଣ୍ଡେ ସାରେତଡ଼୍ ପବିତ୍ର ଆତ୍‍ମା ତଡ଼୍ ପୁରା ଆସ୍ ସାହାସ୍ ତଡ଼୍ ଇଶ୍ୱର୍‌ତେ ବାକ୍ୟ କେତାଙ୍କ୍ ପସ୍‍ସ୍ପ୍‍ତଡ଼୍ ।

ପ୍ରେରିତ 5:41

ପ୍ରେରିତ ଶିଷ୍ୟଡ଼୍ ପେଦେର୍‍ତେ ବେଡ଼୍‍ୟେମିଟିଙ୍ଗ୍‍ତାଗାଙ୍କ୍ ପେଇସ୍ ଆଦ୍‍ତଡ଼୍, ବାତେଙ୍କ୍ଇତ୍‍କେ ଇଶ୍ୱର୍‌ତେ କଣ୍ଡେତେ ଅଡ଼୍‌ ଜିସୁନ୍‍ ସେଙ୍ଗେ ଅପମାନିତ ଆଦାନଙ୍କ୍ ଯୋଗ୍ୟ ଆସ୍‍ମାତ୍‍ତଡ଼୍ ।

ରୋମୀୟ 1:1

ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି,

୨ କରନ୍ତିୟ 3:12

ଆଦ୍‍ ଆଶେ ମାନ୍‍ନାଙ୍କ୍ ମାମ୍‍ମେ ଅଦିକ୍‌ ସାହାସ୍ ।

କଲସୀୟ 2:1

ମିଇ ସେଙ୍ଗେ, ଲାଉଦିକିଆତଡ଼୍ ନାରୁଡ଼୍‍ ନୁ ନାକିଙ୍କ୍ ବ୍ୟକ୍ତିଗତ ଲେକାମ୍‌ ପୁନ୍‍ୱେ ମାନ୍ଦାନ୍ ସାରେତଡ଼୍ ନାରୁଡ଼୍ ସେଙ୍ଗେ ନାନେ ଯେ ବେସର୍ ନାର୍ଗେ ତିପାଲ୍ ପାଡ଼୍‍ୟି ମାଡ଼ୁତାନ୍, ଆଦ୍ ମିଡ଼୍ ପୁନୁଟ୍ ଇଞ୍ଜ ନାନ୍ ଚାହେମ୍ ଆଦୁତାନ୍ ।

୧ ଥେସଲନିୟ 1:5

ମାତର୍ ବାକ୍ୟତେ ଆୟ୍‍ୟ, ପବିତ୍ରଆତ୍ମା ଲାୱୁ ତଡ଼୍, ସୁସମାଚାର୍‍ତେ ସତ୍ୟତେ ଲେକେତ୍‍ ମାଡ଼ି ମାମ୍‍ମେ ଆଦ୍ ମିଇ ପାକେ କେତୁତମ୍ । ମିଡ଼୍ ପୁତ୍‍ତିଡ଼୍, ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେଦ୍‍ଲେକାମ୍ ଲେକେତ୍‍ ଜିୱୁନ୍‍ତେ ମାଡ଼୍‍ତମ୍; ବେଦ୍‍ଲେକାମ୍ ମିୟାଦ୍ ସାୟେ ମା ଜିୱୁନ୍‍ତେ ଆଶେ ମାତ୍‍ତେ ।

୨ ତୀମତି 1:12

ଅଦିନ୍‌ ସେଙ୍ଗେ ନାନେ ଇଉସାରେ ଦୁଃକାମ୍ ମାଡ଼ୁତାନ୍ । ବେନଙ୍କ୍ ନାନେ ବିଶ୍ୱାସ୍ ମାଡ଼ୁତାନ୍, ନାନେ ଅନ୍‌ ସୁଦୁଟ୍ ପରିସୟ ଦର୍ସକ୍‍ତାନ୍ ନୁ ଅଣ୍ଡ୍‌ ନାକିଙ୍କ୍ ବେନ୍ ଦାୟିତ୍ୱ ଇସ୍‍ମିନ୍ତେଣ୍ଡ୍, ଆଦ୍ ମାଡ଼ାଙ୍କ୍ ସାରେ ଦିନ୍ ଯାକ ଅଣ୍ଡ୍‌ ନାକିଙ୍କ୍ ସିମ୍ ଚାମ୍ ତାଗ୍ ନେହେତିତନ୍, ଆଦ୍ ନିଜାମ୍‍ତେ ପୁଞ୍ଜ୍ ନାନେ ଇଞ୍ଜେକ୍‍ ଯାକ ପୁରାପୁରି ଆଶେତନ୍ ଆସ୍‍ମିନ୍ତେନ୍ ।

ଯିହୁଦା 1:3

ଆ ପ୍ରିୟ ସାଙ୍ଗଡ଼ି, ନାନ୍ ମାନାଦ୍‍ ପରିତ୍ରାଣ ବିଷୟ ମିଇ ବକେତ୍ ସୁଦୁଟ୍ ଲେକାନଙ୍କ୍ ମାନ୍‍ ମାଡ଼ିମାତ୍‍ତାନ୍ । ଇତ୍‍କେ ତିନ୍ ଲୋପେ ଇଶ୍ୱର୍ ତାମ୍ ନାରୁଡ଼୍‍କିଂଙ୍କ୍ ସାରେ ଦିନେତ୍ ମାୟ୍‍ଦିଂଙ୍କ୍ ଇସ୍ ମାନ୍ଦାନ୍ ବିଶ୍ୱାସ୍‍ତଡ଼୍ ଯୁଦ୍ ମାଡ଼ାନ୍ ସେଙ୍ଗେ ମିକିଂଙ୍କ୍ ସାର୍ଦେ ମାଡ଼ାନ୍ ଦର୍‍କାର୍ ଇଞ୍ଜ ମାନ୍‍ ମାଡ଼୍‍ତାନ୍ ।