୧ ପିତର୍‍ 4:17 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁷ ଇଞ୍ଜେ ବିଚାର୍ ଦିନାମ୍ ଏୱୁତ୍‍ତେ ନୁ ଇଶ୍ୱର୍‌ତେ ନାରୁଡ଼୍ ମୁନେଙ୍କ୍ ବିଚାର୍‍ ଆଦ୍‍ତଡ଼୍ । ଯଦି ମାନାଗାଙ୍କ୍ ଆଦ୍ ଆରାମ୍ ଆତ୍‍କେ, ଆଲେକ୍ ବେନଡ଼୍ ଇଶ୍ୱର୍‌ତେ ସୁସମାଚାର୍‍ତାଗ୍‍ ବିଶ୍ୱାସ୍‍ ମାଡ଼ଡ଼୍, ଅଡ଼ାଦ୍‌ ମାଡ଼େଙ୍କ୍‌ତାଦ୍‍ ଦଶା ବାଆତେ ଆଦ୍‍ତେ ?

୧ ପିତର୍‍ 4:17 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 23:31

ବାତେଙ୍କ୍ ଇତ୍କେ ନାରୁଡ଼୍ ଯଦି ଜିୱେତ୍ ମାଡ଼େତିଙ୍କ୍ ଇଦ୍ ଲେକେମ୍ ମାଡ଼ିତଡ଼୍, ଆଲେକେ ୱାସ୍‌ତେ ମାଡ଼େ ସେଙ୍ଗେ ବାତେଏ ଗଟେମ୍ ଆୟ୍‍ୟ ?”

ରୋମୀୟ 1:1

ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି,

ରୋମୀୟ 2:9

ସାର୍‍ରେ କାରାପ୍ ପାଡ଼୍‍ୟି ମାଡ଼ାନ୍ ନାରୁଡ଼୍ ଜିୱୁଣ୍ଡ୍ ପର୍‍ର ଦୁଃକା ନୁ କଷ୍ଟ ଆଦ୍‍ତେ, ମୁନେନ୍ ଯିହୁଦୀ ନାରୁଡ଼୍‍କ୍ ନୁ ଅଣଇହୁଦୀ ନାରୁଡ଼୍‍କ୍ ଆଦ୍‍ତେ ।

ଗାଲାତୀୟ 3:1

ଆ ବୁଦ୍‍ ଇଲ୍‍ୱେ ଗାଲାତିୟଡ଼ି ! ବେନ ମିକିଙ୍କ୍ ଇଦ୍ ମନ୍ତ୍ର କାର୍‍ସ୍‍ପୁତଣ୍ଡ୍ ? କ୍ରୁଶ ପର ଜିସୁ କ୍ରିଷ୍ଟ ଡଲ୍‍ତାଦ୍ ଗଟ୍ ମି ଗାରେ ଗାଟି ସାୟେ କେତୁତମ୍ ।

ଗାଲାତୀୟ 5:7

ମିଡ଼୍ ସାୟେ ଲେକାମ୍ ପାଡ଼ିୟି ମାଡ଼ମାତ୍‍ତିଡ଼୍, ସତ୍‍ ଆର୍‍ତାଗ୍‍ ଆଦାନ୍‍ୱେଲେ ବେନ ମିକିଙ୍କ୍ ମନାମାଡ଼୍‍ତଣ୍ଡ୍ ? ଅଣ୍ଡ୍‌‍ ବେଲା ସତ୍ ଆର୍‍ଦାଗ୍ ଆନ୍‌‍ମାଟ୍ ଇଞ୍ଜ କେତ୍‍ତଣ୍ଡ୍‍ ?

ଗାଲାତୀୟ 6:10

ଆଦିଙ୍କ୍ ମାନାଡ଼୍ ସୁଯୋଗ୍ ଇସାପ୍‍ତେ ସାରେତଡ଼ାୱୁ, ଅଣ୍ଡୟ୍‌‍ ଲନ୍‍ତେ ବିଶ୍ୱାସି ସାରେତଡ଼ାଦ୍ ସାୟେ ମାଡ଼ିକାଡ଼୍ ।

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

୧ ତୀମତି 3:15

ନାୟାଦ୍ ଯଦି ୱାଦାନାଦ୍ ଡେରି ଆଦ୍‍ତେ, ଜିୱେତ୍ ଇଶ୍ୱର୍‌ତେ ପରିବାର୍ ଲେକାମ୍ ଇଦ୍ ଉପାସକ ମଣ୍ଡଲିତାଗ୍ ମାକିଙ୍କ୍‍ ବେଲାନ୍ ବ୍ୟବହାର୍‌ ମାଡ଼ାଙ୍କ୍ ଆଦ୍‍ତେ, ଇଦ୍ ଚିଟିତେ ଆଦ୍ ମିଡ଼୍ ପୁନ୍ଦ୍‍ତିଡ଼୍ । ଇଦ୍ ମଣ୍ଡଲିତେ ସତ୍ୟତାଦ୍‍ ଗୁଞ୍ଜେ ନୁ ବିତ୍ତିମୂଲ ।

ଏବ୍ରୀ 11:8

ଇଶ୍ୱର ଅବ୍ରାହାମ୍‌ତିଙ୍କ୍‍ ଅରଟ୍ ଦେଶ୍‌ ଇତାନ୍‌ଇଞ୍ଜ ଅରଟ୍‌ ମାଟା ୱିଡ୍‌ସିମାତେ, ଆ ଦେଶତାଗ୍‌ ଆଦାନଙ୍କ୍‌ ମାଇଦିଙ୍କ ଅଣ୍ଡ୍‌‌ ଆସୁଙ୍କ ଅଙ୍କ୍‌‌ କାର୍‌ଙ୍ଗ୍‌ତଣ୍ଡ୍‌, ଆସୁଙ୍କ୍‌ ଅବ୍ରାହାମ୍‌ ବିଶ୍ୱାସ୍‌ତେ ଇଶ୍ୱରନ୍ ମାଟାତିନ୍‌ ମାନେମ୍‌ ଆସ୍‌ମାତଣ୍ଡ୍, ଅଣ୍ଡ୍‌‌ ବେ ଆଦୁତଣ୍ଡ୍‌ ଆଦ୍‌ ପୁନ୍‌ୱା କଞ୍ଚ୍ ମେଣ୍ଡେ ତାନାଦ୍‌ ଦେଶ ୱିଡ଼୍‍ସି ଆତଣ୍ଡ୍‌ ।

ଏବ୍ରୀ 2:2

ବାତେଙ୍କ୍‍ଇତ୍‍କେ ମୁନେଙ୍କ୍‍ ଇଶ୍ୱର୍ ଦୂତକିନ୍‍ ତଡ଼୍‍ ବାତା କାବୁର୍‍ କେସ୍‌ମାତ୍‍ତା, ଆଦ୍‌ ସତ୍‍ ଆସ୍‌ମିନ୍ଦେ, ବେନଡ଼୍‍ ଆଦିନ୍‌ ପିନ୍ଦ ଇଞ୍ଜ ପାଲନ୍‍ ମାଡ଼ଡ଼୍‍, ଅଡ଼୍‌‍ ଆଦ୍‍ ଦଣ୍ଡ ପାଏମ୍‍ ଆତ୍‍ତଡ଼୍‍ ।

ଏବ୍ରୀ 2:4

ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।

ଏବ୍ରୀ 3:6

ଇତ୍‌କେ କ୍ରିଷ୍ଟ ମାର୍‌ ଲେକାମ୍‍ ଇଶ୍ୱରନ୍ ପୁରାଲୋତ୍‍ତେ ଦାୟିତ୍ୱତାଗ୍‍ ବିଶ୍ୱସ୍ତ ମିନ୍ଦେଣ୍ଡ୍‌ । ମାନାଡ଼୍‍ ଯଦି ଡାଟୁମ୍‌ତେ କେତ୍‌ତାୱ୍‌ ବିଷୟ୍ ଦର୍କିତା ଇଞ୍ଜ ମାନ୍‍ ବିଶ୍ୱାସ୍‌ତେ ଡୁଟାଙ୍ଗ୍‍ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ଗାଲା ଅନ୍‌‌ ଲୋନ୍‌ ଆଦେପାର୍‍ଦ୍‍ତାଡ଼୍‍ ।

ଏବ୍ରୀ 5:9

ଇଦ୍‍ରକମ୍‍ ଇଶ୍ୱର୍ ଅଂକିଙ୍କ୍‌ ୱେରଣ୍ଡ୍‍ ସିଦ୍ଦ ବେଡ଼୍‍ୟେ ପୁଜାରି ଇଞ୍ଜ ଯୋଗ୍ୟ ବିବେଚିତ୍‍ ମାଡ଼୍‍ତଣ୍ଡ୍‍, ଅଣ୍ଡ୍‌ ତାନ୍ ଗଟି କେଞ୍ଜାନ୍ ନାରୁଡ଼୍‍ ମାଇଦିଙ୍କ୍‌ ସାରେ ଦିନାମ୍‍ତେ ମାଇଦିଙ୍କ୍‍ ପରିତ୍ରାଣତେ ଗୁଦାମ୍‍ ଆତ୍‍ତଣ୍ଡ୍‌ ।

୧ ପିତର୍‍ 2:5

ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ ।

୧ ପିତର୍‍ 2:8

ପବିତ୍ର ଶାସ୍ତ୍ରତାଗ୍ ମେଣ୍ଡନ୍ ୱେରଡ଼୍ ପଡ଼ିୟେତାଗ୍ ଲେକା ଆତ୍‍ତେ, “ଇଦ୍‍ କାଲ୍‍ଦେ ପରୁ ନାର୍ଗେ ନାରୁଡ଼୍ ତାଲ୍‍ଗି ରାଲିତଡ଼୍, ଆଦ୍ ବାଣ୍ଡ୍‍କାଲ୍ ଅଡ଼୍‌ ଦଂସ ଆଦାନ୍ ଆର୍ ଆଦ୍‍ତେ ।” ଅଡ଼୍‌ ଇଶ୍ୱର୍‌ତେ ବାକ୍ୟତେ ବିଶ୍ୱାସ ମାଡ଼ଡ଼୍‍ ଆତ୍‍ତଡ଼୍, ଆଦିଙ୍କ୍ ଅଡ଼୍‌ ତାଲ୍‍ଗି ରାଲ୍‍ତଡ଼୍ । ଇଦ୍ ମାତ୍‍ତେ ଅଡ଼୍‌‍ ସେଙ୍ଗେ ଇଶ୍ୱର୍‌ତେ ଇଚ୍ଛା ।