୧ ପିତର୍‍ 4:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ମେଣ୍ଡେ ୱେଡ଼୍‍କାଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ଦୁଃକାମ୍ କଷ୍ଟତେ ଅଂଶି ଆୟ୍‍ନାଦ୍ ଅନାଦ୍‌ ମୟିମା ପ୍ରକାଶ୍‍ ଆଦାନ୍ ୱେଲେ ମିଡ଼୍ ୱେଡ଼୍‍କେତେ ସାର୍‍ଦେ ଆଦ୍‍ତିଡ଼୍ ।

୧ ପିତର୍‍ 4:13 Iomraidhean Croise

ମାତିଉ 16:27

ମେଣ୍ଡେ ନାରୁଡ଼୍ ପିଲେ ନିଜେତ୍ ବାବଙ୍କ୍ ମାଇମାତେ ଗୌରବ୍ ପାଏମ୍ ଆସ୍ ନିଜେ ଦୂତତଡ଼୍‍ ୱାଦ୍‍ତଣ୍ଡ୍ ନୁ ଆସୁଙ୍କ୍ ଅଣ୍ଡ୍‌ ସାରେନାରୁଡ଼୍ ଅନ୍‌ ପାଡ଼୍‍ୟି ଲେକାମ୍ କାୟେ ହିଦ୍‍ତନ୍ ।

ମାତିଉ 25:21

ମାଲିକ୍ ସାର୍‍ଦେ ଆଶେ କେତ୍‍ତଣ୍ଡ୍, ଟିକ୍ ମାଡ଼୍‍ତିନ୍, ନିମ୍‍ ଲେକେତ୍‍ ନୁ ବିଶ୍ୱାସ୍ତ ଦାସନି । ନିମ୍‍ ବିଶ୍ୱାସ୍ତେ ଲେକାମ୍ ସୁଦୁର୍ ଦନ୍‍ତିଙ୍କ୍ କାର୍‍ବାର୍‍ ମାଡ଼ି ମାନ୍ଦାନ୍ ମାଇଦିଙ୍କ୍ ନି କାୟିଦେ ନାର୍‍ଗେ ଦନ୍ ୱିଡ଼୍‍ସିଦ୍‍ତାନ୍‍ । ୱାଡ଼ା, ନା ତଡ଼୍ ୱେଡ଼୍‍କା ମାଡ଼ା ।

ମାତିଉ 25:23

ମାଲିକ୍ କେତ୍‍ତଣ୍ଡ୍, “ଲେକେତ୍‌ ମାଡ଼୍‍ତି । ନିମ୍‍ଆନ୍ତେ ଲେକେତ୍‍ ଚାକର୍ ତନି । ସୁଦୁର୍ ଦନ୍‍ତାଗେ ବିଶ୍ୱାସ୍ ତତ୍‍ତିନ୍‍ । ନାର୍‍ଗେ ଦନ୍ ନାନ୍ ନି ମାଇଦିଙ୍କ୍ ଗୁଡ଼୍‍ପି ମାଡ଼ିଦ୍‍ତାନ୍‍ । ୱାଡ଼ା ନା ସାର୍‍ଦେ ତାଗ୍ ବାଗି ଆୟ୍‍ମ୍‍ ।”

ମାତିଉ 25:31

“ବେସୁଙ୍କ୍‍ ନାରୁନ୍‍ପିଲେ ରାଜାଲ୍ ଆଶେ ତାନ୍ ଦୂତକି ତ ୱାଦ୍‍ତଣ୍ଡ୍, ଅଣ୍ଡ୍‌ ଗୌରବମୟତେ ସିଂହାସନ୍‍ତାଗ୍ କୁଦିତଣ୍ଡ୍,”

ମାତିଉ 25:34

ତାନ୍‍ପେର୍କେ ଅନ୍‌ ତିନ୍ଦେପାକ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ରାଜାଲ୍ କେତିତଣ୍ଡ୍, ୱାଡ଼ାଟ୍, ମିକିଂଙ୍କ୍ ନା ବାବାଲ୍ ଆର୍ଶିବାଦ୍ ମାଡ଼ିମିନ୍ଦେଣ୍ଡ୍ । ତିଆର୍‍ତେ ମୁନେଙ୍କ୍ ବେନ୍ ରାଜ୍ୟ ମିଇ ମାଇଦିଙ୍କ୍ ତିଆର୍ ଆସ୍‍ମିନ୍ଦେ, ୱାଡ଼ାଟ୍, ଆଗେ ନେଙ୍ଗାଟ୍‍ ।

ମାତିଉ 5:12

ମିଡ଼୍ ୱେଡ଼୍‌କେ ମାଡ଼ି ହେନ୍ଦାଟ୍‌ ।” ବାତେଙ୍କ୍ ଇତ୍‍କେ ସ୍ୱର୍ଗତାଗ୍ ମିଇ ସେଙ୍ଗେ ବେଡ଼୍‍ୟାଦ୍‍ ପୁରସ୍କାର୍ ମିନ୍ଦେ । ହେର୍କା ମାଡ଼ାଟ୍ ମିଇ ମୁନେତ୍ ବାବବାଦୀଡ଼୍‍, ମିକା ଇଦ୍ ରକମ୍ ଗାଟିତିପାଲ୍ ହାସ୍ ମାତ୍‍ତଡ଼୍ ।

ମାର୍କ 8:38

ଇଶ୍ୱର୍‍ ୱାଦାନ୍ ଦିନାମ୍‍ତେ ଯଦି ବେନ ନା ମାଇଦିଙ୍କ୍‍ ନୁ ନା ଶିକ୍ଷାତେ ମାଇଦିଙ୍କ୍ ସିଗ୍‍ ଆଦ୍‍ତ, ଆଲାଇତ୍କେ ଇଶ୍ୱରତେ ଗୌରବତେ ନିଣ୍ଡି ଆସ୍‍ ନାରୁନ୍‌ ପିଲେ ବେସୁଙ୍କ୍‍ ପବିତ୍ର ସ୍ୱର୍ଗତେ ଦୂତକିନ୍‍ ତ ମେଣ୍ଡନ୍‍ ଦାମ୍‍ ୱାଦ୍‍ତଣ୍ଡ୍, ଅଣ୍ଡ୍‌‍ ଆନ୍ତେ ଅଡ଼୍‌‍ସେଙ୍ଗେ ସିଗ୍‍ ଆଦ୍‍ତଣ୍ଡ୍‍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 17:30

ନାରୁଡ଼୍ ପିଲା ମାଲ୍‍ସ୍ ୱାଦାନ୍ ଦିନେ ଆଦ୍‍ଲେକାମ୍ ଗଟେମ୍ ଆଦ୍‍ତେ ।

ପ୍ରେରିତ 16:25

ନାଟ୍‍ନାର୍କେ ପାଉଲ୍ ନୁ ଶୀଲା ପ୍ରାର୍ତନା ମାଡ଼ମାତ୍‍ତଡ଼୍, ଇଶ୍ୱର୍ ଉଦ୍ଦେଶ୍ୟତେ ପାଟା ପାରମାତ୍‍ତଡ଼୍ ନୁ ବାଗାତ୍ ବନ୍ଦିଡ଼୍ ଇଦ୍ କେଞ୍ଜ ମାତ୍‍ତଡ଼୍ ।

ପ୍ରେରିତ 5:41

ପ୍ରେରିତ ଶିଷ୍ୟଡ଼୍ ପେଦେର୍‍ତେ ବେଡ଼୍‍ୟେମିଟିଙ୍ଗ୍‍ତାଗାଙ୍କ୍ ପେଇସ୍ ଆଦ୍‍ତଡ଼୍, ବାତେଙ୍କ୍ଇତ୍‍କେ ଇଶ୍ୱର୍‌ତେ କଣ୍ଡେତେ ଅଡ଼୍‌ ଜିସୁନ୍‍ ସେଙ୍ଗେ ଅପମାନିତ ଆଦାନଙ୍କ୍ ଯୋଗ୍ୟ ଆସ୍‍ମାତ୍‍ତଡ଼୍ ।

ରୋମୀୟ 5:3

ମାତର୍‍ ଆଦେ ଆୟ, ସାର୍‍ରେ ପ୍ରକାର୍‍ ଦୁଃକା କଷ୍ଟ ଆତ୍‍କେ ଗାଲା ମାନାଡ଼୍ ୱେଡ଼୍‍କ୍‍ ଆଦୁତାଡ଼୍, ବାତେଙ୍କ୍ଇତ୍‍କେ ଦାନ୍ଦେ ଆୟ୍‍ୟକଟ କଷ୍ଟ ସହ୍ୟ ମାଡ଼୍‍କେ ମନ୍‍ତାଗ୍ ଗାଡ଼୍‍ସ୍ ୱାଦ୍‍ତେ ।

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

ରୋମୀୟ 8:18

ବେନ୍ ଗୌରବ୍‍ତାଦ୍ ବବିଷ୍ୟତ୍‌ତାଗ୍ ମାନାଡ଼୍ ଆସିତାଡ଼୍, ଆଦ୍ ଇସାପ୍‍ତେ ଇଞ୍ଜେ ଦୁଃକାମ୍‍ ଆଦାନାଦ୍ ବାତେବା ଆୟ୍‍ୟ । ଆଦ୍ ସମୟ୍‍ତେ ଇଶ୍ୱର୍ ତାନ୍ ମାର୍‍କିଡ଼୍‍କ୍ ତଅତିତଣ୍ଡ୍ ।

୨ କରନ୍ତିୟ 1:5

ମାନାଡ଼୍ କ୍ରିଷ୍ଟନ୍ ଗାଟି ଦୁଃକାମ୍ କଷ୍ଟତାଗ୍ ‍କାଇଲ୍‍ତାଙ୍କ୍ କ୍ରିଷ୍ଟନ୍ ତଡ଼୍ ଇଶ୍ୱର୍‌ତେ ମହାସାନ୍ତନାତେ ମିକା ତଡ଼୍ ଆଦେ ପାର୍ଦତାଡ଼୍ ।

୨ କରନ୍ତିୟ 1:7

ମିୟାଗ୍ ମାୱାଦ୍ ଆଶେ ମିନ୍ତେ । ମାମ୍‍ମେ ପୁତ୍‍ତମ୍, ମିଡ଼୍ ମାୟାଦ୍‌ ଦୁଃକାମ୍ ତିପାଲ୍‍ତେ ବେଲାନ୍ ତଡ଼୍ ଆସ୍‍ମିନ୍ତେମ୍, ଆଦ୍‍ଲେକାମ୍ ମା ସାନ୍ତ୍ୱନାତାଗ୍ ମିକା ତଡ଼୍ ଆଦ୍‍ତିଡ଼୍ ।

୨ କରନ୍ତିୟ 4:10

ମାମ୍‍ମେ ସାରେଦାମ୍ ମାନ୍‍ ମେନ୍ଦୁଲ୍‌ତାଗ୍ ଜିସୁନ୍ ଡଲ୍‍ତାଦ୍ ହେର୍କା ମାଡ଼ୁତମ୍ । ଜିସୁନ୍ ଜୀୱୁନ୍‌ ବେଲାନ୍ ମାୟାଗେ ପ୍ରକାଶିତ୍‍ ଆଦ୍‍ତେ,

୨ କରନ୍ତିୟ 4:17

ଇଦ୍ ସାମାନ୍ୟ ନୁ ସେନେକ୍‍ତାଦ୍ ଦୁଃକାମ୍ କଷ୍ଟ ମାନ୍‍ ସେଙ୍ଗେ ତାତୁତ୍ ସାରେଦିନାତାଦ୍ ଗୌରବତାଦ୍ ସମ୍ପତି ।

ଫିଲିପିୟ 3:10

ଇଞ୍ଜେ ନାୟାଦ୍ ଅଣ୍ଡ୍‌‍ଦାମ୍ ଇଚ୍ଛା ନାନ୍ ବେଲାନ୍ କ୍ରିଷ୍ଟଙ୍କ୍ ପୁନ୍ଦ୍‍ତାନ୍ ନୁ ଅନ୍‌ ମେଣ୍ଡେ ୱାଦାନ୍ ଶକ୍ତି ଏର୍କେ ମାଡ଼ିତାନ୍; ତାଙ୍କ୍ ତିପାଲ୍ ବାରେତେ ସାମାନ୍‌ବେଦନା ଏର୍କାମାଡ଼ି ଡଲ୍‍ତାଗେ ମିକା ଅନ୍‌‍ଲେକାମ୍ ଆଦ୍‍ତଣ୍ଡ୍

କଲସୀୟ 1:24

ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ ।

୨ ତୀମତି 2:12

ଯଦି ମାନାଡ଼୍ ଦର୍ଯ୍ୟପଇସ୍ ମାନ୍ତାଡ଼୍, ଆଲେକ୍ ଅନ୍‌‍ତଡ଼୍ ରାଜ୍‍ ମାଡ଼ିକାଡ଼୍; ଯଦି ମାନାଡ଼୍ ଅଙ୍କ୍‌ ଅସ୍ୱିକାର୍ ମାଡ଼୍‍ୱାଲ୍, ଆଲେକ୍ ଅଣ୍ଡ୍‌ ମିକା ମାନାଙ୍କ୍ ଅସ୍ୱିକାର୍ ମାଡ଼ଣ୍ଡ୍;

୧ ପିତର୍‍ 1:13

କାମ୍‍ ମାଡ଼ାନଙ୍କ୍ ତିଆର୍ ଆୟମୁଟ୍ । ତିଆର୍‍ତେ ମାଞ୍ଜ୍ ଜିସୁ କ୍ରିଷ୍ଟ ୱାଦାନ୍ ସମୟତେ ବେନ୍ ଆର୍ଶିବାଦ୍ ମିକିଙ୍କ୍ ଇଦ୍‍ତନ୍, ଆଦିନ୍ ପରୁ ନିଜାମ୍‍ତେ ଆଶେ ନେଏମୁଟ୍ ।

୧ ପିତର୍‍ 2:21

ଇଶ୍ୱର୍ ଇଦ୍ ଉଦ୍ଦେଶ୍ୟତେ ମିକିଙ୍କ୍ କାର୍ଙ୍ଗି ମିନ୍ଦେନ୍ । କ୍ରିଷ୍ଟ ନିଜେକେ ମିଇ ସେଙ୍ଗେ କଷ୍ଟ ଆସ୍ ଆଦର୍ଶ ତୋତ୍‍ତନ୍, ବେଲାନ୍ ମିଡ଼୍ ଅଣ୍ଡ୍‌‍ ତାକାନ୍‌ ପେର୍କେ ଆଦ୍‌ତିଡ଼୍ ।

୧ ପିତର୍‍ 5:1

ନାନେ ୱେରନ୍‍ ବୟସ୍ତେ ନାରୁଣ୍ଡ୍‍ ଇସାବ୍‍ତେ ମିୟାଦ୍ ମଣ୍ଡଲିତେ ବାଡ଼୍‍ୟେ ନେତାଲଡ଼୍‍କ୍ ବିନତି ମାଡ଼ି କେତୁତାନ୍ । କ୍ରିଷ୍ଟନ୍ ଦୁଃକାମ୍ କଷ୍ଟତାଗ୍‍ ନାନେ ୱେରନ୍ ସାକ୍ଷି ନୁ ଅନାଦ୍‌ ଗୌରବ୍ ପ୍ରକାଶ୍ ଆଦାନ୍ ସମୟତେ ନାନେ ଆଗେ ପାଲ୍‍କ୍‍ ଆଦ୍‍ତାନ୍ ।

୧ ପିତର୍‍ 5:10

କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ ।

ଯିହୁଦା 1:24

ବେନ ମିକିଂଙ୍କ୍ ଡଲାନାଗାଙ୍କ୍ ରକ୍ଷା ମାଡ଼ାନଙ୍କ୍ ନୁ ତାନ୍ ଗୌରବମୟ ନିଡ଼୍‍କେତାଗ୍ ନିର୍ଦୋଷ୍‍ ନୁ ୱେଡ଼୍‍କ୍‍ ମାଡ଼ି ନିଲ୍‍ସ୍ପାନଙ୍କ୍ ପାର୍‍ଦ୍‍ତଣ୍ଡ୍,

ପ୍ରକାଶିତ୍‌ ବାକ୍ୟ 1:7

ଉଡ଼ାଟ୍, ଅଣ୍ଡ୍‌ ମୟଲ୍‍ତାଗେ ୱାସମିନ୍ଦେନ୍ ପୃତିବିତେ ସାରେତଡ଼୍ ଅଙ୍କ୍‌ ଉଡ଼ିତଡ଼୍; ଇଦ୍‍ଲେକାମ୍ ଯେ ବେନଡ଼୍ ଅଙ୍କ୍‌ ୱିଡ଼୍‍ସି ମାତ୍‍ତଡ଼୍, ଅଡ଼୍‌‍ଆନ୍ତେ ଅଙ୍କ୍‌ ଉଡ଼ି ୱେର୍‍ସ୍‍ ମିକା କେୟିତଡ଼୍‍ । ଇଦ୍‍ଚାରେ ନିଜାମ୍ ଗଟେମ୍ ଆଦ୍‍ତେ । ଆମେନ୍‍ ।

ପ୍ରକାଶିତ୍‌ ବାକ୍ୟ 1:9

ନାନେ ଯୋହନ୍‌, ମିଇ ୱେରନ୍ ଦାଦାନ୍, ଜିସୁନ୍ ଶିଷ୍ୟ ଲେକାମ୍ ତାନ୍ ରାଜ୍ୟତେ ନାରିଡ଼୍ ପରୁ ଆସମାନ୍ଦାନ୍ ଦରାତ୍ମ୍ୟ ଦର୍ଯ୍ୟତେ ସହ୍ୟ ମାଡ଼୍‍ନଙ୍କ୍ ନାନେ ମିୟାଦ୍ ୱେରନ୍ ବାଗିଦାର୍‍ । ଜିସୁ କେସ୍‍ମାନ୍ଦାନ୍ ସତ୍‍ ନୁ ଇଶ୍ୱର୍‌ତେ ବାକ୍ୟ କେତାନ୍‍ ସେଙ୍ଗେ ନାନେ ପାତ୍‍ମସ୍ ଗପ୍‍ତାଗ୍‍ ବନ୍ଦିଆସ୍‍ ଆଞ୍ଜ୍‍ମାତ୍‍ତାନ୍‍ ।