୧ ପିତର୍‍ 4:11 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹¹ ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।

୧ ପିତର୍‍ 4:11 Iomraidhean Croise

ମାତିଉ 6:13

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

ଯୋହନ୍‌‌ 13:31

ଅଣ୍ଡ୍‌ ପେଇସ୍ ଆତ୍‍ତେ ୱେଲେ ଜିସୁ କେତ୍‍ତଣ୍ଡ୍‌, ଇଞ୍ଜେ ନାରୁନ୍ ପିଲା ମହିମାନିତ ପ୍ରକାଶ୍ ଆତ୍‍ତେ ନୁ ଅନ୍‌ ତଡ଼୍ ଇଶ୍ୱର୍ ମାହିମାନିତ ଆତ୍‍ତେ ।

ପ୍ରେରିତ 7:38

ଆଦ୍‍ନାଣ୍ଡ୍‍ ଆ ମୋଶାଲ୍ ଉସ୍କ ନେଲ୍‌ତାଗ୍ ଗୁଡ଼ିମାନ୍ଦାନ୍ ଇସ୍ରାଏଲୀୟ ନାରୁଡ଼୍ ତଡ଼୍ ମାତ୍‍ତଣ୍ଡ୍, ଅଣ୍ଡ୍‌ ସୀନୟ୍ ମେଟେତାଗ୍ ମାନ୍‍ ଆନିଦାଦିଡ଼୍ ତଡ଼୍ ନୁ ଅନ୍‌‍ତଡ଼୍ ଗଟ୍ ତିର୍‍ୟମାନ୍ଦାନ୍ ଦୂତ ମାତ୍‍ତଣ୍ଡ୍ ନୁ ମା ଗାର୍‍ରେ ତୁହୁସାନ୍ ମାଇଦିଙ୍କ୍ ଅଣ୍ଡ୍‌ ଇଶ୍ୱର୍‌ତାଗାଙ୍କ୍ ଜିୱେତ୍ ବାକ୍ୟ ଗ୍ରହନ୍ ମାଡ଼୍‍ତଣ୍ଡ୍ ।

ରୋମୀୟ 11:36

ସାର୍‍ରେ ବିଷୟ୍ ଇଶ୍ୱର୍ ତିୟାର୍ ମାଡ଼୍‍ତଣ୍ଡ୍; ସାର୍‍ରେ ବିଷୟ୍‍ ଅନ୍‌ ସେଙ୍ଗେ ନୁ ଅନ୍‌‍ ଗୌରବ୍‍ ସେଙ୍ଗେ ଆସ୍‍ ମିନ୍ଦେ । ଯୁଗ୍‍ଯୁଗ୍ ଇଶ୍ୱର୍ ମହିମା ଆୟିଣ୍ଡ୍ । ଆମେନ୍‍ ।

ରୋମୀୟ 12:3

ଇଶ୍ୱର୍ ନାକିଂଙ୍କ୍ ନାର୍‍ଗେ ଅନୁଗ୍ରହ୍ ଇତ୍‍ତାଙ୍କ୍ ମିଡ଼୍ ସାର୍ରେତଡ଼୍‍କିଙ୍କ୍ ନାନ୍ କେତୁତାନ୍, ବେନ ନିଜେତ୍ ଯଗ୍ୟତାତାଗାଙ୍କ୍ ନିଜେତିଙ୍କ୍‍ ବେଡ଼୍‍ୟେ ଇଞ୍ଜ ଆଲ୍‍ସ୍‍ମାଟ୍ । ଇଶ୍ୱର୍ ମିକିଂଙ୍କ୍ ଇତ୍‍ତେ ପରିମାଣ୍‍ତାଗ୍ ନମ୍ର ଆସ୍ ନିଜେତ୍ ବିଷୟ୍‍ତେ ବିଚାର୍ ମାଡ଼ାଟ୍ ।

ରୋମୀୟ 16:27

ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ସାର୍‍ରେ ପୁତ୍‍ତେନଣ୍ଡ୍ ୱେରଣ୍ଡେ ଇଶ୍ୱର୍ ଯୁଗ୍‍ଯୁଗ୍ ଗୌରବ୍ ଆୟିଣ୍ଡ୍ । ଆମେନ୍‍ ।

ରୋମୀୟ 3:2

ସାର୍‍ରେ ଲେକାତ୍ ନାର୍‍ଗେ । ମୁନେନ୍‍, ଇଶ୍ୱର୍‍ ତାନ୍‍ କାବୁର୍‍ତେ ଦାୟିତ୍ୱ ଯିହୁଦୀଡ଼ାଗ୍‍ ସର୍ପା ମାଡ଼ିମାତ୍‍ତଣ୍ଡ୍‍ ।

୧ କରନ୍ତିୟ 10:31

ଆଦିନ୍‌ସେଙ୍ଗେ ମିଡ଼୍ ତିନ୍ଦାନ୍ ଉନ୍ଦାନ୍ କି ବାତ୍‍ମେଣ୍ଡେ ମାଡ଼ିତିଡ଼୍, ଆଦ୍ ଇଶ୍ୱର୍‌ତେ ଗୌରବ୍‍ତେ ସେଙ୍ଗେ ମାଡ଼ାଟ୍ ।

୧ କରନ୍ତିୟ 12:4

ପବିତ୍ର ଆତ୍ମାତାଦ୍ ଦାନ ନାର୍‍ଗେ ଲେକାତ୍, ଇତ୍‍କେ ଆଦ୍ ଅଣ୍ଡୟ୍‌ ପବିତ୍ର ଆତ୍ମା ଆୱୁ ସାର୍‍ରେ ଇଦ୍‍ତେ ।

୧ କରନ୍ତିୟ 3:10

ନାକିନ୍‌ ଇତ୍‌ତାଦ୍‌ ଇଶ୍ୱରନ୍ ଅନୁଗ୍ରହ ଇସାବ୍‌ତେ ନାନ୍ ୱେରନ୍ ବୁଦ୍ଦ୍‌ତନ୍ ଲୋନ୍‌ ମାଡ଼ାନ୍ ଲେକାମ୍ ବିତ୍ତିମୁଲ ତିଆର୍‌ କିତ୍‍ତାନ୍‌, ମେଣ୍ଡେ ୱେରଣ୍ଡ୍ ତାନ୍‌ପର୍ର ମାଡ଼ିମିନ୍ଦେଣ୍ଡ୍ । ବାତେଙ୍କ୍ ଇତ୍‍କେ ସାର୍ରେତଡ଼୍‌ ତାନ୍‌ପର୍ର ମାଡ଼ିମିନ୍ଦେଡ଼୍, ଆଦିନ୍‌ ସେଙ୍ଗେ ଜତନ୍‌ତେ ମାନ୍ଦାନାଦ୍‌ ।

୧ କରନ୍ତିୟ 6:20

ଅଣ୍ଡ୍‌ ମିକିଂଙ୍କ୍ ଗାଟି ଦାମ୍‌ତେ ଆସ୍‍ତଣ୍ଡ୍; ଆଦିଙ୍କ୍‌ ମିଇ ମେନ୍ଦୁଲ୍‌ତେ ଇଶ୍ୱରନ୍‌ ମୁକ୍ତି ନୁ ଗୌରବ୍‍ ତିଆର୍ ମାଡ଼ାଟ୍ ।

୨ କରନ୍ତିୟ 2:17

ନାର୍‍ଗେ ନିଜେ ଲାବ୍‍ଆଦାନ୍‍ ଆଦାନ୍ ସେଙ୍ଗେ ଇଶ୍ୱର୍‌ତେ ବାକ୍ୟ ବ୍ୟବହାର୍‌ ମାଡ଼ିତଡ଼୍ । ଇତ୍‍କେ ମାନାଡ଼୍ ଆଦ୍‍ଲେକାମ୍ ଆୟ୍‍ୟ । ମାନ୍‍ ଇଶ୍ୱର୍ ରସିସ୍‍ମାନାଙ୍କ୍ ମାନାଡ଼୍ ବିଶ୍ୱାସ୍‍ତେ ତଡ଼୍ ଅନ୍‌ ନିର୍ଦେଶ୍ ପାଲନ୍ ମାଡ଼ୁତାଡ଼୍ ନୁ ଇଶ୍ୱର୍‌ତେ ମୁନ୍‍ନେ କ୍ରିଷ୍ଟନ୍‌ ଦାସ ଲେକାମ୍ ପ୍ରଚାର୍ ମାଡ଼ିକାଡ଼୍ ।

୨ କରନ୍ତିୟ 9:13

ଇଦ୍‍ ସେବା ପାଡ଼୍‍ୟି ତଡ଼୍ କ୍ରିଷ୍ଟନ୍ ସୁସମାଚାର୍‌ତେ ସେଙ୍ଗେ ମିୟାଦ୍ ବିଶ୍ୱାସ୍ତେ ସେଙ୍ଗେ ନୁ ସାରେତଡ଼୍ ତଡ଼୍ କାଇଲି ମିକା ମିଡ଼୍ ବେନ୍ ପ୍ରସଂଶା ମାଡ଼୍‍ତିଡ଼୍, ଆଦିନ୍ ସେଙ୍ଗେ ଅଡ଼୍‌ ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତଡ଼୍ ।

ଏଫିସିୟ 1:19

ଅନ୍‌ ନାରୁନ୍ ସେଙ୍ଗେ ଅନାଦ୍‌ ପ୍ରତିଜ୍ଞାତ ମହତ୍ ଆର୍ଶିବାଦ୍‍ତଡ଼୍ ଯେ ବେସର୍ ନାର୍‍ଗେ ନୁ ମା ଲେକାମ୍ ବିଶ୍ୱାସୀନଡ଼୍ ପାକେ ଅନାଦ୍‌ ସକ୍ରିୟ ଶକ୍ତି ଯେ ବେସର୍ ମହାନ୍, ଆଦ୍ ମିଡ଼୍ ପୁନ୍‍ତିଡ଼୍ ।

ଏଫିସିୟ 4:29

ମିଇ ପାୟୁର୍ କନ୍‍ସ୍ କାରାପ୍ ଗଟି ପେୟ୍‍ମାକି । ମିଇ ଗଟି ସାୟେଆୟି, ଗଟିନାଗ୍ ନୁ ପାଡ଼୍‍ୟିଦାଗ୍ ବ୍ୟବହାର୍‌ ଆୟି । ଆଲାଇତ୍‍କେ ବେନଡ଼୍ ମିଇ ଗଟି କେଞ୍ଜିତଡ଼୍, ଅଡ଼୍‌ ସେଙ୍ଗେ ଆୱୁ ସାୟେ ଆଦ୍‍ତେ ।

ଏଫିସିୟ 5:20

ସାର୍ରେୱେଲେ ସାର୍‍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ବାବାଲ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

ଏଫିସିୟ 6:10

ସାର୍ରେତିଙ୍କ୍ ପେର୍‍କେ, ପ୍ରବୁନ୍ ତଡ଼୍ କାୟ୍‍ଲି ଅନ୍‌ ମହାଶକ୍ତିତାଗ୍ ଶକ୍ତିମାନ୍‍ ଆୟ୍‍ମୁଟ୍ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

ଫିଲିପିୟ 2:11

ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।

କଲସୀୟ 4:6

ମିୟାୱୁ ଗୋଟି ସାରେଦାମ୍ ଲେକେତ୍ ମିଙ୍ଗ୍‍ତାୱୁ ନୁ ମାନ୍‍ୱାତ୍‍ତେ ଲେକେତ୍ ଗଟି ଆୟି । ସାରେତଡ଼୍‍କିଙ୍କ୍ ବେଲାନ୍ ଟିକ୍ ଉତ୍ତର୍ ଇଦେ ପାର୍‍ଦ୍‍ତିଡ଼୍, ଇୱୁ ଗୋଟି ମିଡ଼୍ ପୁନ୍ଦାନ୍ ଦର୍‍କାଡ଼୍ ।

୧ ଥେସଲନିୟ 2:4

ବାତେଙ୍କ୍‍ଇତ୍କେ ଇଶ୍ୱର୍‌ତେ ଇଚ୍ଛା ଲେକାମ୍ ଗଟ୍ ମାମ୍‍ମେ ସାରେଦାମ୍ କେତିତମ୍; ଅଣ୍ଡ୍‌ ମାକିଂଙ୍କ୍ ସାୟେ ଏର୍କା ମାଡ଼ି ମା ପର୍‍ର ସୁସମାଚାର୍ ପ୍ରଚାର୍‍ତେ ଦାୟିତ୍ୱ ୱିଡ଼୍‍ସିତ୍‍ତନ୍ । ନାରୁଡ଼୍‍କିଂଙ୍କ୍ ଶାନ୍ତି ମାଡ଼ାନାଦ୍ ମାୟାଦ୍‌ ପାଡ଼୍‍ୟି ଆୟ୍‍ୟ । ବେନ୍ ଇଶ୍ୱର୍ ମାନ୍‍ ମନ୍‍ତେ ସାରେ ପରିକ୍ଷା ମାଡ଼ି ଉଡ଼ିତନ୍, ମାତର୍ ଅଂକିଙ୍କ୍‌ ଶାନ୍ତି ମାଡ଼ାନ୍ ସେଙ୍ଗେ ମାୟାଦ୍‌ ଇଚ୍ଛା ।

୧ ତୀମତି 1:17

ସାରେ ବିଶ୍ୱ ଜଗତ୍‍ତେ ତନ୍ଦ୍‍ୱାଦ୍‍, ୱେରଣ୍ଡେ ଇଶ୍ୱର୍‌, ସାରେଦିନାତ୍‍ ରାଜାଲ୍‍, ଅଣ୍ଡୟ୍‌‍ମାତର୍ ଇଶ୍ୱର ଯୁଗ୍‍ଯୁଗ୍‍ ସମ୍ମାନିତ ନୁ ମହିମାନ୍ନିତ ଆଇଣ୍ଡ୍‍ । ଆମେନ୍‍ ।

୧ ତୀମତି 6:16

ଇଶ୍ୱର୍ ଅମର୍‍, ଅଣ୍ଡ୍‌ ମାତର୍ ମାନାଦ୍‍, ନାରିଡ଼୍‍ତେ ଏୱୁଦାଙ୍କ୍‍ ପାର୍‍ୱେ ୱେସ୍ ରାଜ୍ୟତେ ଅଣ୍ଡ୍‌ ଆଗେ ମାନ୍‍ତନ୍; ବେନ ଅଙ୍କ୍‌ ବେସୁଙ୍କ୍‍ ଉଡ଼ନ୍; ବେନ ବା ବେସୁଙ୍କ୍‍ ୱୁଡ଼େ ପାର୍‍ୱଣ୍ଡ୍ । ଅନ୍‌ ଗୌରବ୍ ନୁ ସ୍ୱର୍ଗ ରାଜ୍ୟ ଯୁଗ୍‍ଯୁଗ୍‍ ମାନି । ଆମେନ୍‍ ।

ତୀତସ୍‌ 2:1

ବାତେଙ୍କ୍ ଇତ୍‍କେ ମିଡ଼୍ ସାୟେତ୍ ଶିକ୍ଷାତାଗ୍ ଲେକାମ୍ ଗଟ୍ କେଲ୍‍ମୁଟ୍ ।

ତୀତସ୍‌ 2:15

ଇୱୁ ସାର୍‍ରେ ଗଟି କେସ୍ ସାରେ କ୍ଷମତାତଡ଼୍ ସାର୍‍ଦେ ଇମୁଟ୍ ନୁ ବିଶ୍ୱାସି ମାଡ଼ାଟ୍ । ବେନ ମିକିଂଙ୍କ୍ ତୁଚ୍ଛ ମାଡ଼୍‍ମାକିଣ୍ଡ୍ ।

ଏବ୍ରୀ 13:7

ବେନ୍ ନେତାଲଡ଼୍ ମୁନେଙ୍କ୍ ମିକିଙ୍କ୍ ଇଶ୍ୱର୍‌ତେ ଗଟି କେଞ୍ଜ୍‍ପି ମାତ୍‍ତଡ଼୍, ଅଡ଼୍‌‍କିଂଙ୍କ୍ ଏର୍କାମାଡ଼ାଟ୍ । ଅଡ଼ାଦ୍ ଜିୱେ ବା ଡଲ୍‍ତାଦ୍ ବେଦ୍ ଲେକାମ୍ ମାତ୍‍ତେ, ଆଦ୍ ଏର୍କା ମାଡ଼ି ଅଡ଼ାଦ୍‌ ବିଶ୍ୱାସ୍‍ତିଙ୍କ୍ ନିଜେତ୍ ଜିୱେତେ କାମ୍‌ ମାଡ଼ାଟ୍ ।

ଏବ୍ରୀ 5:12

ମିଡ଼୍ ଅର୍‌ତୁଙ୍କ୍‌ କାର୍‌ସ୍‌ପାନାଦ୍‌ ସମୟ ୱାତ୍‍ତେ, ଇସୁଟ୍ ଆୟ୍‍ନା ଇଶ୍ୱର୍‌ତେ ମୁନେନ୍‍ ନାଡ଼୍‍ସାନ୍‍ ଶିକ୍ଷା ସେଙ୍ଗେ ମେସ୍ତେରି ଦର୍‍କାର୍‍ ଆଦୁତେ । ମିଡ଼୍‍ ବେଡ଼୍‍ୟଡ଼୍ ତିନ୍ଦାନ୍‍ କାଦି ୱିଡ଼୍‍ସି ଇଞ୍ଜେକ୍‍ ଆନା ପିଲାନ୍‍ ଲେକାମ୍‍ ପାଲ୍‍ ଉନ୍ଦୂତିଡ଼୍‍ ।

ଯାକୁବ 1:19

ହୋ ନା ପ୍ରିୟ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ଇଦ୍ ପୁତ୍‍ତିଡ଼୍ । ସାର୍‍ରେ ନାରୁଡ଼୍ କେଞ୍ଜାନଙ୍କ୍ ସିଟ୍‍ପାଟ୍ ଆୟ୍‍ମୁଟ୍, କେତାନାଗ୍ ଜାମ୍, ମେଣ୍ଡେ କପାମ୍ ଆଦାନଙ୍କ୍ ଜାମ୍ ଆୟିଣ୍ଡ୍,

ଯାକୁବ 1:26

ଯଦି ବେନ ନିଜେତିଙ୍କ୍ ଦାର୍ମାମ୍ ନାରୁଡ଼୍ ଇଞ୍ଜ ଏର୍କା ମାଡ଼ି, ମେଣ୍ଡେ ନିଜେତ୍ ୱାଞ୍ଜେର୍‍ତିଙ୍କ୍ ଆୟତ୍ ମାଡ଼ାନଙ୍କ୍ ପାର୍‍ୱ କନ୍‍ସ୍ ନିଜେତ୍ ଜିୱୁଣ୍ଡ୍‍ତିଙ୍କ୍ ଦଷ୍ ମାଡ଼ିତନ୍, ଅନ୍‌‍ୱାଦ୍ ଦାର୍ମାମ୍ ସାରେ ଆସାମ୍ ।

୧ ପିତର୍‍ 2:12

ଅଣଯିହୁଦୀଡ଼ାଗାଙ୍କ୍ ମିୟାଦ୍ ସାୟେତ୍‍ ବ୍ୟବହାର୍‌ ସାରେଦାମ୍ ପ୍ରାକଶ୍ ଆୟି; ଆଲେକେ, ଅଡ଼୍‌ ମିକିଙ୍କ୍ କାରାପ୍‍ ପାଡ଼୍‍ୟି ମାଡ଼ାନଡ଼୍‍ ଇଞ୍ଜ୍ ଅପ୍‍ମାନ୍ ଇସ ମାତ୍‍ତେ ମିକା, ମିୟାଦ୍ ସତ୍‍କାମ୍ ଉଡ଼ି କ୍ରିଷ୍ଟନ୍ ୱାଦାନ୍ ଦିନାତେ ଇଶ୍ୱର୍‌ତିଙ୍କ୍‍ ପ୍ରସଂଶା ମାଡ଼ିତଡ଼୍ ।

୧ ପିତର୍‍ 2:5

ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ ।

୧ ପିତର୍‍ 4:10

ଇଶ୍ୱର୍‍ ମିଡ଼୍‍ ସାରେତଡ଼୍‍କ୍ ସାୟେତ୍‍ ଦାନ ଇତ୍‍ତନ୍ । ବେନ ବେନ୍ ଦାନ ପାଏମ୍ ଆତ୍‍ତନ୍, ଆଦିନାଦ୍ ସାୟେତ୍‍ ବ୍ୟବହାର୍‌ ଇସାପ୍‍ତେ ମେଣ୍ଡେବାଗାତଡ଼ାଦ୍‍ ସେବା ସେଙ୍ଗେ ଆଦ୍ ଦାନତାଦ୍‍ ସତ୍ ବ୍ୟବହାର୍‌ ମାଡ଼ାନାଦ୍ ସାୟେ ।

୧ ପିତର୍‍ 4:16

କିନ୍ତୁ ମିଡ଼୍ ଯଦି କ୍ରିଷ୍ଟିୟାନ୍‍ ଆୟିନାଙ୍କ୍ ଦୁଃକାମ୍ ମାଡ଼ୁତିଡ଼୍, ଆଲେକ୍ ସିଗ୍‍ ଆୟ୍‍ମାଟ୍ । ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ପେଦେର୍ ପୟ୍‍ତିଡ଼୍ ।

୧ ପିତର୍‍ 5:11

ଅନ୍‌‍ୱାଦ୍ ଶାସନ୍‍ ଯୁଗ୍‍ଯୁଗ୍ ଆୟି । ଆମେନ୍‍ ।

ଯିହୁଦା 1:25

ମାୱଣ୍ଡ୍ ଅଣ୍ଡେ ୱେରଣ୍ଡେ ତ୍ରାଣକର୍ତ୍ତାଲ୍ ଇଶ୍ୱର୍‌ତେ ଗୌରବ୍, ପରାକ୍ରମ୍ ନୁ ଶାସନ୍‍; ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମୁନେତ୍ କନ୍‍ସ୍ ନେଣ୍ଡ୍ ଯାକ ନୁ ଯୁଗ୍‍ଯୁଗ୍ ବିରାଜମାନ୍ ଆୟି । ଆମେନ୍‍ ।