୧ ପିତର୍‍ 3:8 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁸ ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ ।

୧ ପିତର୍‍ 3:8 Iomraidhean Croise

ମାତିଉ 18:33

ନାନ୍ ବାଲାନ୍ ନି ସେଙ୍ଗେ ଦୟା ତଅତାନ୍, ନି ସେବକିଙ୍କ୍ ମିକା ଆଦେଲେକାମ୍ ଦୟା ମାଡ଼ାନାଦ୍ ନିୟାଦ୍ ମାତ୍‍ତେ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:33

ବାତେଙ୍କ୍ ଇତ୍କେ ୱେରଣ୍ଡ୍ ଶମିରୋଣୀୟ ପତିକ ନାରୁଡ଼୍ ଅନ୍‌ ଗାର୍‍ରେ ୱାସ୍ ଅଂକିଙ୍କ୍‌ ଉଡ଼ି ଦୟାତେ ଦାନ୍ଦେ ଆତ୍‍ତଣ୍ଡ୍,

ପ୍ରେରିତ 2:1

ପେଣ୍ଟିକଷ୍ଟ୍ ପାଣ୍ଡୁମ୍‍ ଦିନ୍ ସାରେ କ୍ରିଷ୍ଟ ବିଶ୍ୱାସୀଡ଼୍ ୱେରଡ଼୍ ପଡ଼୍‍ୟେତାଗ୍ ଗୁଡ଼ିମାତ୍‍ତଡ଼୍ ।

ପ୍ରେରିତ 27:3

ମେଣ୍ଡନ୍ ଦିନ୍ ମାମ୍‍ମେ ସିଦୋନ୍‍ତାଗ୍ ହେୱ୍‍ତମ୍ । ଯୁଲିୟସ୍‍ ପାଉଲ୍‍ତିଙ୍କ୍ ସାୟେ ଉଡ଼ ମାତ୍‍ତଣ୍ଡ୍ । ପାଉଲ୍‍ତେ ସାଙ୍ଗଡ଼ାଗାଙ୍କ୍ ଅଂକିଙ୍କ୍‌ ଦର୍‍କାର୍ ଜିନିଷ୍ ତାତାନ୍ ସେଙ୍ଗେ ଅଡ଼୍‌‍କିଂଙ୍କ୍ କାଇଲାନଙ୍କ୍ ଅଣ୍ଡ୍‌ ପାଉଲ୍‍ତିଙ୍କ୍ ଗଟ୍ ହିତ୍‍ତଣ୍ଡ୍ ।

ପ୍ରେରିତ 28:7

ଆଗାଙ୍କ୍ ସୁଦୁର୍ ଜେକେ ଆଦ୍ ଗପ୍‍ତେ ପେଦେର୍‍ ବେଡ଼ିୟି ରାଜ୍‍କର୍ମଚାରୀ ପବ୍ଲିୟସ୍‍ତେ ୱାୟେ ମାତ୍‍ତେ । ଅଣ୍ଡ୍‌ ମାକିଂଙ୍କ୍ ସ୍ୱାଗତ୍ ମାଡ଼୍‍ତଣ୍ଡ୍ ନୁ ମାମ୍‍ମେ ମୁଣ୍ଡ୍ ଦିନା ଯାକ କୁଟ୍‍ମାମ୍ ଲେକାମ୍ ତାମ୍ ଲୋନ୍‌ ମାତ୍‍ତମ୍ ।

ପ୍ରେରିତ 4:32

ବିଶ୍ୱାସୀଡ଼୍ ୱେରଡ଼୍ ମାନ୍‍ ନୁ ୱେରଡ୍‌ ହୃଦୟ ତେ ମାତ୍‌ତଡ଼୍ । ବେନଡ଼୍ ତାମ୍ ସମ୍ପତିତିଙ୍କ୍ ନିଜେତ୍ ସମ୍ପତି ଇଞ୍ଜ ଦାବୀ ମାଡ଼ଡ଼୍‍, ସାରେତଡ଼୍‍ୱାଦ୍ ସମ୍ପତିତିଙ୍କ୍ ଅଡ଼୍‌ ସାମାନ୍ ତୁହୁସ୍‍ତଡ଼୍ ।

ରୋମୀୟ 12:10

କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍‍ନିଜର୍‍ ଲୋପେ ପ୍ରେମ ମାଡ଼ାଟ୍ ନୁ ନିଜର୍‍ନିଜର୍‍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ ।

ରୋମୀୟ 15:5

କ୍ରିଷ୍ଟ ଜିସୁନ୍ ଆଦର୍ଶତାଗ୍ ମାନ୍ଦାନଡ଼୍ ଲେକାମ୍ ସାର୍ରେତଡ଼୍‍ୱାଦ୍ ଆଦେ ରକମ୍ ମନ୍‍ବାବ୍ ଆଦ୍‍ଦାନ୍ ସେଙ୍ଗେ ଗାଡ଼୍‍ସ୍ ନୁ ୱେଡ଼୍‍କେତଣ୍ଡ୍ ଇଶ୍ୱର୍ ମିକିଂଙ୍କ୍ ଯୋଗ୍ୟ ମାଡ଼ିଣ୍ଡ୍ ।

୧ କରନ୍ତିୟ 1:10

ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ ।

୧ କରନ୍ତିୟ 12:26

ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼େତାଗ୍ କଷ୍ଟ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ କଷ୍ଟ ପାଏମ୍ ଆଦ୍‍ତେ । ୱେରଡ଼୍ ଦୁଡ଼ା ଗୌରବ୍‍ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ ୱେଡ଼୍‍କେତାଗ୍ ପାଲ୍‍କ୍ ଆଦ୍‍ତା ।

ଏଫିସିୟ 4:2

ସାରେଦାମ୍ ନମ୍ର, ଡୁଟାଙ୍ଗ୍ ନୁ ଗାଡ଼୍‍ସ୍‍ ଆୟ୍‍ମୁଟ୍ । ନିଜର୍‍ ନିଜର୍ ଲପେ ପ୍ରେମ ତଡ଼୍‍ କାହିଲି ମାନୁଟ୍‍ ।

ଏଫିସିୟ 4:31

ସାର୍ରେ କାୟ୍‍ତାଦ୍‍, ଉତ୍ତେଜନା ନୁ କପାମ୍ ୱିଡ଼୍‍ସାଟ୍ । ପାସ୍କ୍‍ମାଟ୍‍ ବା ନିନ୍ଦେ ମାଡ଼୍‍ମାଟ୍ । ମେଣ୍ଡେ ସାରେଲେକାତ୍‌ ହିଂସା ମିୟାଗାଙ୍କ୍‌ ଜେକା ଆଇ ।

ଏଫିସିୟ 4:32

ଇତ୍‍କେ ନିଜେନିଜର୍‍ ସେଙ୍ଗେ ସଦୟ ନୁ ଲେଏତା ରକମ୍ ଆୟ୍‍ମୁଟ୍ ନୁ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବେଦ୍‍ପୁଟୁଙ୍କ୍ ମିକିଂଙ୍କ୍ କ୍ଷେମା ମାଡ଼ିମିନ୍ଦେଣ୍ଡ୍, ମିଡ଼୍ ଆନ୍‌‍ତେ ଆଦେପୁଟୁଙ୍ଗ୍‍ ନିଜେନିଜର୍‍ତିଙ୍କ୍ କ୍ଷେମା ଇମୁଟ୍ ।

ଫିଲିପିୟ 2:3

ନିଜେତ୍ ଉର୍‍ଗାଡ଼୍ ସେଙ୍ଗେ ବା ଶକ୍ତି ତଅତାନ୍ ସେଙ୍ଗେ ବେନେମିକା ପାଡ଼୍‍ୟି ମାଡ଼୍‍ମାଟ୍ । ବାତ୍‍ଇତ୍କେ ବାଗାତଡ଼୍‍କ୍ ନିଜେତଣ୍ଡ୍ ଲେକାମ୍ ଆଲ୍‍ସି ନିଜେ ନିଜେ ସେଙ୍ଗେ ନମ୍ର ବ୍ୟବହାର୍ ମାଡ଼ାଟ୍ ।

ଫିଲିପିୟ 3:16

ଆଦ୍ ବାତ୍ ଆୟି, ନେଣ୍ଡ୍‍ଆଇନା ମାନାଡ଼୍ ବେନ୍ ନିୟମ୍ ମାନେମ୍‍ ଆସ୍‍ସ ୱାଦୁତାଡ଼୍, ଆଦ୍ ଲେକାମ୍ ଇଞ୍ଜେ ମୁନେ ଆଦାନାଦ୍ ଲେକେତ୍‍ ।

କଲସୀୟ 3:12

ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ ।

ଏବ୍ରୀ 13:1

କ୍ରିଷ୍ଟବିଶ୍ୱାସି ଦାଦାଲଡ଼୍‍ ନୁ ଏଲାସ୍କିନଡ଼୍‍ ନିଜେ ନିଜର୍‍ ଲୋପେ ପ୍ରେମ ମାଡ଼ମାନୁଟ୍ ।

ଯାକୁବ 2:13

ବାତେଙ୍କ୍ଇତ୍କେ ବେନ ୱେରେ ତଡ଼୍‍କିଙ୍କ୍ ଦୟା ମାଡ଼ଣ୍ଡ୍, ବିଚାର୍ ସମୟ୍‍ତେ ଇଶ୍ୱର୍‍ ଅଡ଼୍‌‍କିଂଙ୍କ୍ ଦୟା ତତିତନ୍ ।

ଯାକୁବ 3:17

ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ ।

ଯାକୁବ 5:11

ଉଡ଼ାଟ୍, ବେନଡ଼୍ ଗାଡ଼୍‍ସ୍ ଆସ୍ ମାତ୍‍ତଡ଼୍ ଅଡ଼୍‌‍କିଂଙ୍କ୍ ମାମ୍‍ମେ ଦନ୍ୟ ଇଞ୍ଜ କେତିତମ୍ । ମିଡ଼୍ ଆୟୁବନ୍ ଗାଡ଼୍‍ସ୍ ଗଟି କେଞ୍ଜି ମାତ୍‍ତିଡ଼୍, ମେଣ୍ଡେ ପ୍ରବୁନ୍ ତେରାନ୍ ପାଡ଼୍‍ୟି ଉଡ଼ି ପୁତ୍‍ତିଡ଼୍ ଯେ, ଅଣ୍ଡ୍‌ ଦୟାତଣ୍ଡ୍ ନୁ କୃପା ମାଡ଼ାନଣ୍ଡ୍ ।

୧ ପିତର୍‍ 1:22

ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ ।

୧ ପିତର୍‍ 2:17

ସାରେତଡ଼୍‍କ୍‍ ସମ୍ମାନ୍ ଇମୁଟ୍ । ସାରେତଡ଼୍‍ କ୍ରିଷ୍ଟବିଶ୍ୱାସି ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ାଟ୍ । ଇଶ୍ୱର୍‌ତିଙ୍କ୍ ୱେର୍‍ମୁଟ୍, ସମ୍ରାଟ୍‍ତିଙ୍କ୍ ସମ୍ମାନ୍ ଇମୁଟ୍ ।

୧ ପିତର୍‍ 5:5

ଆ ଲେୟଡ଼ି, ମିଡ଼୍ ବୟସ୍ତେ ନାରୁଡ଼୍‍କ୍ ମାନେମ୍‍ ଆୟ୍‍ମୁଟ୍ । ମିଡ଼୍‍ ସାରେତଡ଼୍ ନିଜେ ନିଜେ ସେବାମାଡ଼ାନ୍ ସେଙ୍ଗେ ନମ୍ରତାଉ ଚକା କେର୍‍ମୁଟ୍ । ଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍ ଆଂକାର୍‍ ନାରୁଡ଼୍‍କ୍ ବିରୁଦ୍‍ ମାଡ଼ିତନ୍, ଇତ୍‍କେ ନମ୍ର ନାରୁଡ଼୍‍କ୍‍ ଅନୁଗ୍ରହ ମାଡ଼ିତନ୍ ।”

୨ ପିତର୍‌ 1:7

ଇଶ୍ୱର୍‍ପରାୟଣ ତଡ଼୍ ଦାଦାଲ୍‍ତାମୁଣ୍ଡ୍ ସ୍ନେହ ନୁ ଦାଦାଲ୍‍ତାମୁଣ୍ଡ୍ ସ୍ନେହ ତଡ଼୍ ପ୍ରେମ କାଲ୍‍ପାନଙ୍କ୍ ଜିୱୁଣ୍ଡ୍‍ ଇସ୍‍ ଚେଷ୍ଟା ମାଡ଼ାଟ୍ ।

୧ ଯୋହନ୍‌‌ 3:14

ଯଦି ମାମ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ୁତାଡ଼୍‍ ମାମେ ପୁତ୍‍ତମ୍ ଯେ, ଇଞ୍ଜେ ମାନାଡ଼୍ ଡଲାନାଦିଙ୍କ୍ ଅତିକ୍ରମ୍ ମାଡ଼ି ଜିୱେ ପାଏମ୍‍ ଆତ୍‍ତାଡ଼୍ । ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଞ୍ଜେ ଗାଲା ଡଲାନାଗେ ମିନ୍ଦେଣ୍ଡ୍‍ ।