୧ ପିତର୍‍ 3:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ଅଡ଼୍‌ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍‍ମ ଲେକାମ୍ । ଇଦ୍ ବାପ୍ତିସ୍‍ମ ମୀଇ ମେନ୍ଦୁଲ୍‍ତେ ମୁର୍କ୍‍ତିଙ୍କ୍‍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍‍ ଦିନ୍‍ତଡ଼୍ ମିୟାଦ୍ ମନ୍‍ତିଙ୍କ୍ ଲେକେତ୍‍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ପାକେ ଆବେଦନ୍ ।

୧ ପିତର୍‍ 3:21 Iomraidhean Croise

ମାତିଉ 28:19

ମେଣ୍ଡେ ମିଡ଼୍‍ଆଞ୍ଜ୍ ସାରେ ଜାତିତ୍‍ ନାରୁଡ଼୍ ଆଞ୍ଜ୍ ଅଡ଼୍‌‍କିଂଙ୍କ୍ ନା ଶିଷ୍ୟ ମାଡ଼ାଟ୍ । ବାବାଲ୍, ମାର୍‍ ନୁ ପବିତ୍ର ଆତ୍ମା ପେଦେର୍‍ତେ ଅଡ଼୍‌‍କିଂଙ୍କ୍ ବାପ୍ତିସ୍ମ ହିମୁଟ୍

ମାର୍କ 16:16

ବେନ୍‍ ଇଦିଙ୍କି ବିଶ୍ୱାସ ମାଡ଼ି ବାପ୍ତିସ୍ମ ଅଦ୍‍ତଣ୍ଡ୍, ଅଣ୍ଡ୍‌ ପରିତ୍ରାଣ ପାୟେମ୍‍ ଆଦ୍‍ତଡ଼୍ । ବେନ୍‍ ବିଶ୍ୱାସ ମାଡ଼ଣ୍ଡ୍, ଅଡ଼୍‌ ଦୋଷି ଆଦ୍‍ତଣ୍ଡ୍ ।

ଯୋହନ୍‌‌ 13:9

ଶିମୋନ୍ ପିତର୍ ଅଂକିଙ୍କ୍‌ କେତ୍‍ତଣ୍ଡ୍, ପ୍ରବୁ, ମାତର୍ ନାୱାଦ୍ ଡେକା ଆୟ୍‍ୟ ନାୟାଉ କାଇକ୍ ନୁ ତାଲ୍ ମିକା ନର୍‍ସିମ୍ ।

ପ୍ରେରିତ 16:33

ନାର୍‍କେତ୍ ଆଦେ ସାଙ୍ଗେ ସାଙ୍ଗେ ତାନେରକ୍ଷା ମାଡ଼ାନଣ୍ଡ୍ ଅଡ଼୍‌‍କିଂଙ୍କ୍ ଆସ୍ ଅଡ଼ାୱୁ ପୁଣ୍ଡ୍‍କ୍ ସାରେ ନର୍‍ସିତ୍‍ତଣ୍ଡ୍, ମେଣ୍ଡେ ପରିବାରତେ ସାରେତଡ଼୍ ସାଙ୍ଗେ ସାଙ୍ଗେ ଏର୍‍ଦିକ୍ଷା ଗ୍ରହନ୍ ମାଡ଼୍‍ତଡ଼୍ ।

ପ୍ରେରିତ 2:38

ପିତର୍ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ହେର୍କା ମାଡ଼ି ସାରେତଡ଼ି ପାପ୍‍ତାଗାଙ୍କ୍ ମାଲ୍‍ମୁଟ୍ ନୁ ପାପ୍ କେମା ସେଙ୍ଗେ ଜିସୁ କ୍ରିଷ୍ଟନ୍ ପେଦେର୍‍ତେ ଏର୍‍ଦିକ୍ଷା ଆୟ୍‍ମୁଟ୍; ଆଲେକେ ମିଡ଼୍ ଇଶ୍ୱର୍‌ତେ ଉପହାର୍, ପବିତ୍ର ଆତ୍ମା ପାଏମ୍‍ଆଦ୍‍ତିଡ଼୍‍ ।

ପ୍ରେରିତ 22:16

ମେଣ୍ଡେ ବାତେଙ୍କ୍ ଗମାଡ଼୍ ମାଡ଼ୁତିନ୍ ? ତେଏଦା ବାତିସ୍ମ ଗ୍ରହନ୍ ମାଡ଼େ ନୁ ଅଂକିଙ୍କ୍‌ ପ୍ରାର୍ତନା ମାଡ଼୍‍କେ ନିୟାଦ୍ ପେଦେର୍‍ତେ ପାପ୍ ସାରେ ନର୍‍ସ୍ ଆଦ୍‍ତେ ।’”

ପ୍ରେରିତ 8:36

ଅଡ଼୍‌ ହାର୍‍ଦାଗ୍ ଆଦାନ୍ ୱେଲେ ଅଣ୍ଡୟ୍‌ ଏର୍‍ୱେତାଗ୍ ଏୱୁତ୍‍ତଡ଼୍ । ୱାଞ୍ଜାଲ୍‍ କର୍ମଚାରୀ କେତ୍‍ତଣ୍ଡ୍,

ପ୍ରେରିତ 8:37

“ଇଗେ ଏର୍‍ ମିନ୍ଦା, ଇଞ୍ଜେ ନାକିଂଙ୍କ୍ ଏର୍‍ଦିକ୍ଷା ଆଦାନଙ୍କ୍ ବାତ୍ ଅସୁବିଦା ମିନ୍ଦ୍‍ କି ?”

ରୋମୀୟ 5:14

ଆଦମ୍‍ତାଗାଙ୍କ୍ ମୋଶାନ୍‌ ଦିନାମ୍ ଏୱୁନା ବେନ ନିୟମ୍‍ତିଙ୍କ୍‍ ତୁଲି ପାପ୍ ମାଡ଼କଟ୍ ମାତ୍‍କେ ମିକା, ସାର୍ରେତଡ଼୍ ଡଲ୍‍ତଡ଼୍ । ବେନନାଦ୍ ୱାଦାନାଦ୍ ମାତ୍‍ତେ, ଆଦମ୍ ଅନ୍‌‍ୱାଦ୍ ଅଣ୍ଡୟ୍‌‍ ମକମ୍‌ ଲେକାମ୍;

୧ କରନ୍ତିୟ 12:13

ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।

୧ କରନ୍ତିୟ 4:6

ଦାଦାଲଡ଼ି ନୁ ଏଲାସ୍କ୍‍, ମିୟାଦ୍‌ ସାୟେତ୍‌ ମାଇଦିଙ୍କ୍‌ ନାନ୍‌ ଆପୋଲ୍ଲୋ ନୁ ନାୟାଦ୍‌ ବିସୟତେ ଇୱୁ ସାର୍‍ରେ ମାଟା କେତ୍‌ତାନ୍‌ । ମାକ୍‌ ଇଡ଼୍‌ୱୁକିଙ୍ଗ୍‌ ୱେଷଡ଼୍ ଲେକାମ୍ ଏର୍କା ମାଡ଼ି ମିଡ଼୍ କାର୍‍ତେ ୱାଇତିତ୍ ଯେ, ଶାସ୍ତ୍ରତାଗ୍ ବାତା ଲେକ୍‍ତାଦ୍ ମିନ୍ଦେ, ଆଦିନ୍‌ ଲେକେତ୍‍ ଆଦାନାଦ୍‌ ନିୟମ୍ ଇଲ୍‌ଲେ । ମିଇ ଲୋପେଙ୍କ୍ ବେନଙ୍କ୍ ଆସ୍ ବା ଆଶେ ମାଡ଼୍‌ମାଟ୍, ମେଣ୍ଡେ ବେନଙ୍କ୍ କେପ୍‌ମାଟ୍ ।

୨ କରନ୍ତିୟ 1:12

ଜଗତ୍‌ତେ ଜିୱୁନ୍ ନୁ ବିଶେସ୍‍ତେ ମିଇ ତଡ଼୍ ମାୟାଦ୍‌ ସମ୍ପର୍କ ଇଶ୍ୱର୍‌ତେ ପବିତ୍ରତା ନୁ ବିଶ୍ୱସ୍ତତା ତଡ଼୍ ପରିଚାଲିତ୍‍ ଇଞ୍ଜ ମାନ୍‍ ମୋନ୍‍ତାଦ୍‍ ସାକ୍ଷ୍ୟ । ଇଦିନ୍ ସେଙ୍ଗେ ମାନ୍‍ ମନ୍‍ତାଗ୍ ଗର୍ବ ଆଦ୍‍ତେ । ମାନବିକ୍‍ ବୁଦ୍‍ତେ ଆୟ୍‍ୟ, ମାତର୍ ଇଶ୍ୱର୍‌ତେ ଅନୁଗ୍ରହ୍‍ତଡ଼୍ ଆଦ୍ ମାଡ଼ାନଙ୍କ୍ ମାମ୍‍ମେ ତିଆର୍ ଆସ୍‍ମିନ୍ଦେମ୍ ।

୨ କରନ୍ତିୟ 7:1

ପ୍ରିୟ ଦାଦାଲଡ଼ି ନୁ ଏଲାସ୍କ୍‍, ଇୱୁସାରେ ପ୍ରତିଜ୍ଞା ମାନାଡ଼୍ ଇଶ୍ୱର୍‌ତାଗାଙ୍କ୍ ଦର୍‍କ୍‍ତେ । ଆଦିଙ୍କ୍ ୱାଡ଼ାଟ୍, ମେନ୍ଦୁଲ୍ ନୁ ଆତ୍ମାତିଙ୍କ୍ କାରାପ୍ ମାଡ଼ମାନ୍ଦାନ୍ ସାରେ ବିଷୟତାଗାଙ୍କ୍ ନିଜେ ନିଜେତିଙ୍କ୍ ଲେକାମ୍ ମାଡ଼ିକାଡ଼୍ । ମେଣ୍ଡେ ଇଶ୍ୱର୍‌ତିଙ୍ଗ୍ ୱେର୍‍ସ୍ ମିକା ସାରେ ପବିତ୍ରତଡ଼୍ ମାନ୍ଦିକାଡ଼୍ ।

ଗାଲାତୀୟ 3:27

ଏର୍‍ଦିକ୍ଷା ତଡ଼୍ ମିଡ଼୍ ସାରେତଡ଼ି କ୍ରିଷ୍ଟନ୍‍ ତଡ଼୍‍ ଅଣ୍ଡୟ୍‌ ଆତ୍‍ତିଡ଼୍ ନୁ ଇଞ୍ଜେ ଜିସୁ କ୍ରିଷ୍ଟଟନ୍ ଜିୱୁଣ୍ଡ୍ ଲେକାମ୍ ଚକା କେର୍‍ଦୁତିଡ଼୍ ।

ଏଫିସିୟ 5:26

କ୍ରିଷ୍ଟ ମଣ୍ଡଲିତିଙ୍କ୍ ଏର୍‍ ତଡ଼୍ ପରିଷ୍କାର୍ ମାଡ଼ି ଇଶ୍ୱର୍‌ତେ ଗଟ୍‍ ମାଇଦିଙ୍କ୍‍ ଉତ୍ସର୍ଗ ମାଡ଼୍‍ତଣ୍ଡ୍,

କଲସୀୟ 2:12

ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ ।

୧ ତୀମତି 1:5

ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ ।

୧ ତୀମତି 6:12

ବିଶ୍ୱାସ୍‌ତେ ସାୟେ ଯୁଦ୍‌ତାଗେ ପ୍ରାନପନ ମାଡ଼ାଟ୍, ଅନନ୍ତ ଜିୱୁନ୍ ପଇସ୍‌ ନେହେମୁଟ୍; ଆଦିନ୍ ସେଙ୍ଗେ ତ ମୀଡ଼୍ ଜିୱେ ଆସ୍‍ମିନ୍ଦେଡ଼ି ନୁ ନାର୍‍ଗେ ସାକ୍ଷିଙ୍କ୍ ସାକ୍ଷାତ୍‍ତେ ଲେକେତ୍‍ ସାକ୍ଷ୍ୟ ଇସ୍‍ମିନ୍ଦେଡ଼ି ।

ଏବ୍ରୀ 10:22

ସାର୍ରେତର୍ ୱାରାଟ୍‌, ମାନାଡ଼୍‍ ନେଲା ଜିୱୁତେ ନୁ ନେକା ବିଶ୍ୱାସତେ ଇଶ୍ୱର ଗାରେ ଆଦିକାଡ଼୍‍; ବାତାଙ୍କ୍‌ଇତ୍‌କେ ମାନାଡ଼୍‍ ଇଞ୍ଜେ ମାନ୍ଦାନ୍ କାରାପ୍‍ ଜିୱୁ ନୁଞ୍ଚ୍‍ କ୍ରିଷ୍ଟନ୍‍ ନେତୁର୍‍ ତଡ଼୍‍ ଜାତ୍‌ ଆସ୍ ମିନ୍ଦେଡ଼୍‍ ନୁ ମାନ୍‍ ହୃଦୟ୍‍ ୱେଡ୍‌ତା ଏର୍‌ଦେ ନର୍‌ସ୍‌ ମିନ୍ଦେଡ଼୍‍ ।

ଏବ୍ରୀ 11:19

ଇଶ୍ୱର ଇଦ୍‌ସାକ୍ଷତିଙ୍କ୍ ଡଲାନାଗାନୁଞ୍ଚ ଜିୱୁ ଇଦାନଙ୍କ୍‌ ପାର୍ଦେତଣ୍ଡ୍‍, ଇଲା ବିଶ୍ୱାସ ଅବ୍ରାହାମ୍‌ତିଙ୍କ୍‌ ମାତ୍‍ତେ । ଇଞ୍ଜେ, ଅବ୍ରାହାମ୍‌ ଇ ସାକ୍ଷିନ୍‌ ଡଲାନାଗାନୁଞ୍ଚ ଦରକ୍‌ସ୍‌ତଣ୍ଡ୍‌ ଇଞ୍ଜ କେତ୍‌କେ ବାରେ ବୁଲ୍‍ ଆୟ ।

ଏବ୍ରୀ 13:18

ମାନ୍‍ ମାୟ୍‍ଦିଙ୍କ୍ ପ୍ରାର୍ତନା ମାଡ଼ମାନୁଟ୍ । ମା ମନ୍ ବେଲା ସାୟେ, ଇଗେ ବାତ୍ କେତାନାଦ୍ ଇଲ୍‍ଲେ, ବାତେଙ୍କ୍‍ଇତ୍‍କେ ସାର୍ରେୱେଲେ ନ୍ୟାୟତାଦ୍ ପାଡ଼୍‍ୟି ମାଡ଼ାନାଦ୍ ମାୟାଦ୍‌ ଇଚ୍ଛା ।

ଏବ୍ରୀ 9:14

ଇଦ୍‌ ଯଦି ନିଜାମ୍‌ ଆସ୍‌ମାନ୍‌ତ୍ତା, ଆଲେଇତ୍‌କେ କ୍ରିଷ୍ଟନାଦ୍‌ ନେତୁର୍‌ ମେଣ୍ଡେ ବେସର୍‍ ପେର୍କେ ଦର୍‍କାର୍‍ ଆୟ ? ଆଚୟ ତେର୍‌ୱାଦ୍ ଜିୱୁତ୍ ତଡ୍‌ଦେ ଅଣ୍ଡ୍‌‌ ତାନାକ୍ ଇଶ୍ୱରନ୍ ମାଇଦେ ଅଣ୍ଡ୍‌ ନିର୍ଦୋଷ୍‍ ପୁଜ୍‌ତାଗ୍‌ ମନ୍‌ ଇଦୁତଣ୍ଡ୍ । ତାନାଦ୍ ଆଦ୍ ନେତୁର୍‌ତେ ସାଙ୍ଗ୍ କାରାପ୍‌ ପାଡିୟନୁଞ୍ଚ ୱେରେ ଆସ୍ ମାୟାଦ୍‌ ଜିୱୁ ନେଲ୍ଲା ମାନ୍‌ତା ନୁ ମାମ୍ ଜିୱୁ ମାନ୍ଦାନ୍ ଇଶ୍ୱରନ୍‌ ସେୱା ମାଡା ପାର୍ଦାତମ୍ ।

ଏବ୍ରୀ 9:24

ବାତ୍‍ ନାରୁଡ଼୍‍ ତିଆର୍‍ ମାଡ଼ଡ଼୍‍, ଇଦ୍‍ରକମ୍‍ ଅଣ୍ଡୟ୍‌‍ ପବିତ୍ର ପଡ଼୍‍ୟେତାଗ୍‍ କ୍ରିଷ୍ଟ ଆତ୍‍ତଣ୍ଡ୍‍ । ଆଦ୍‍ ବାତ୍‍ବା ନିଜାତାଦ୍‍ ବିଷୟ୍‍ତେ ଅନୁରୁପ୍‍ ଆୟ । ଅଣ୍ଡ୍‌‍ ସ୍ୱର୍ଗତାଗ୍‍ ଆତ୍‍ତଣ୍ଡ୍‍ । ଆଗେ ଅଣ୍ଡ୍‌ ମାନ୍‍ ପାକେ ଇଞ୍ଜେ ଇଶ୍ୱର୍‌ତେ ମୁନେ ମିନ୍ଦେଣ୍ଡ୍‍ ।

୧ ପିତର୍‍ 1:3

ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍‍ ଇଦ୍‍ତମ୍, ବାତେଙ୍କ୍ଇତ୍କେ ଅଣ୍ଡ୍‌ ତାନ୍ ନାର୍ଗେ ଦୟାତେ ଜିସୁ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍‍ମିକା ମାନାଙ୍କ୍ ପୁନେଃ ଜିୱେ ଇତ୍‍ତନ୍ । ଇଦ୍ ମାନାଦ୍‍ ଜିୱେ ଆସେ ସାରେମାଡ଼୍‍ତନ୍ ।

୧ ପିତର୍‍ 3:16

ଇତ୍‍କେ ବିନୀତ୍‍ତେ ନୁ ଲେକେତ୍‍ ନାରୁନ୍ ଲେକାମ୍ ଉତ୍ତର୍ ଇମୁଟ୍ । ମିୟାଦ୍ ମନ୍‍ତିଙ୍କ୍ ନିର୍ମଲ୍‍ତେ ନେଏମୁଟ୍ । ଆଲେଇତ୍‍କେ, ମିଡ଼୍ କ୍ରିଷ୍ଟନ୍‍ ପେର୍କେ ଆଦାନ୍ ଲେକାମ୍ ସାୟେତ୍‍ ବ୍ୟବହାର୍‌ ମାଡ଼ମାନ୍ଦାନ୍ ୱେଲେ, ବେନଡ଼୍ ମିୟାଦ୍ ମିଚ୍ ଅବିଯୋଗ୍‍ ମାଡ଼ିତଡ଼୍, ଅଡ଼୍‌ ସିଗ୍‍ ଆଦ୍‍ତଡ଼୍ ।