୧ ପିତର୍‍ 3:15 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁵ ମାନ୍‍ କ୍ରିଷ୍ଟଙ୍କ୍ ବକ୍ତି ମାଡ଼ି, ଅଙ୍କ୍‌ ପ୍ରବୁ ଇଞ୍ଜ କେତ୍‍କେ । ଯଦି ବେନ ମି ଲୋପେତ୍‍ ହୃଦୟ୍‍ତାଗ୍‍ ବାଆତେ ମିନ୍ଦେ ଇଞ୍ଜ ପୁନ୍ଦାନଙ୍କ୍‍ ଇଚ୍ଛା ମାଡ଼୍‍କେ, ଅନ୍‌ ପ୍ରଶ୍ନତେ ଟିକ୍‍ ଉତ୍ତର୍ ଇଦାନଙ୍କ୍ ସାରେଦାମ୍ ତିଆର୍‍ତେ ମାନୁଟ୍ ।

୧ ପିତର୍‍ 3:15 Iomraidhean Croise

ପ୍ରେରିତ 21:39

ପାଉଲ୍ ଉତ୍ତର୍ ହିତ୍‍ତଣ୍ଡ୍, “ସିଲିସିଆତେ ତାର୍ଷିସ୍‍ତାଗ୍ ଜନମ୍ ଆସ୍ ମାନ୍ଦାନ୍ ନାନ୍ ୱେରଣ୍ଡ୍ ଇହୁଦୀ, ଅଣ୍ଡୟ୍‌ ବାଡ଼୍‍ୟାଦ୍ ନଗର୍‍ତେ ନାଗରିକ । ଇ ନାରୁଡ଼୍‍କିଂଙ୍କ୍ ବୁଜାମାଡ଼ି କେତାନଙ୍କ୍ ନାକିଂଙ୍କ୍ ଆନୁମତି ହିମ୍ ।

ପ୍ରେରିତ 24:25

ଇତ୍‍କେ ବେସୁଟ୍‌ ପାଉଲ୍ ଦାର୍ମାମ୍‌, ନିଜେତ୍ ବିଷୟ୍ ନୁ ୱାଦାନ୍ ଦିନେତ୍ ବିଚାର୍ ଗଟ୍ ମିଟିଙ୍କ୍ ମାଡ଼୍‍ତଡ଼୍, ଫେଲିକ୍‍ସ୍‍ ୱେର୍‍ସ୍‍ମିକା କେତ୍‍ତଣ୍ଡ୍, “ନିମ୍‍ ଇଞ୍ଜେ ଆଦ୍ ପାର୍‍ଦ୍‍ତି । ସୁଯୋଗ୍ ଦରକ୍‍କେ, ମେଣ୍ଡନ୍‍ନ୍ଦାମ୍ ନିକିଂଙ୍କ୍ କାର୍‍ଙ୍ଗିତାନ୍ ।”

କଲସୀୟ 1:23

ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

କଲସୀୟ 1:5

ବେସୁଙ୍କ୍‍ ସୁସମାଚାର୍‍ତେ ନିଜାମ୍‍ତାଦ୍‍ କାବୁର୍ ମିଇପାକେ ମୁନେଙ୍କ୍ ୱାତ୍‍ତେ, ମିଡ଼୍‍ ଆଦିନ୍ ତଡ଼୍ ଇତ୍‍ତାୱୁ ବର୍‍ସାତାଉ ଗଟି କେଞ୍ଜିମାତ୍‍ତିଡ଼୍ । ମିଡ଼୍ ବାତ୍‍ ବର୍‍ସା ମାଡ଼ିତିଡ଼୍, ବାତ୍‍ ମିଇ ସେଙ୍ଗେ ସ୍ୱର୍ଗତାଗ୍‍ ସୁରକ୍ଷିତ୍, ଆଦିନ୍ ପରୁ ମିଇୟାଦ୍ ବିଶ୍ୱାସ୍ ନୁ ପ୍ରେମ ମିନ୍ଦେ ।

କଲସୀୟ 4:6

ମିୟାୱୁ ଗୋଟି ସାରେଦାମ୍ ଲେକେତ୍ ମିଙ୍ଗ୍‍ତାୱୁ ନୁ ମାନ୍‍ୱାତ୍‍ତେ ଲେକେତ୍ ଗଟି ଆୟି । ସାରେତଡ଼୍‍କିଙ୍କ୍ ବେଲାନ୍ ଟିକ୍ ଉତ୍ତର୍ ଇଦେ ପାର୍‍ଦ୍‍ତିଡ଼୍, ଇୱୁ ଗୋଟି ମିଡ଼୍ ପୁନ୍ଦାନ୍ ଦର୍‍କାଡ଼୍ ।

ତୀତସ୍‌ 1:2

ବେଦ୍ ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦ୍‍ଦାନ୍ ଆଶେତ୍ ପର୍‍ର ଆଦାରିତ୍ । ଇଶ୍ୱର୍ ମିତ୍ୟାବାଦୀ ଆୟ୍‍ୟଣ୍ଡ୍ ।

ଏବ୍ରୀ 3:6

ଇତ୍‌କେ କ୍ରିଷ୍ଟ ମାର୍‌ ଲେକାମ୍‍ ଇଶ୍ୱରନ୍ ପୁରାଲୋତ୍‍ତେ ଦାୟିତ୍ୱତାଗ୍‍ ବିଶ୍ୱସ୍ତ ମିନ୍ଦେଣ୍ଡ୍‌ । ମାନାଡ଼୍‍ ଯଦି ଡାଟୁମ୍‌ତେ କେତ୍‌ତାୱ୍‌ ବିଷୟ୍ ଦର୍କିତା ଇଞ୍ଜ ମାନ୍‍ ବିଶ୍ୱାସ୍‌ତେ ଡୁଟାଙ୍ଗ୍‍ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ଗାଲା ଅନ୍‌‌ ଲୋନ୍‌ ଆଦେପାର୍‍ଦ୍‍ତାଡ଼୍‍ ।

ଏବ୍ରୀ 6:1

ଆଦିଙ୍କ୍‍ ମାନାଡ଼୍‍ କ୍ରିଷ୍ଟ ଦର୍ମତାଦ୍‍ ମୁନେନ୍‍ତାୱୁ ତଥ୍ୟ ୱିଡ଼୍‍ସି, ନିଗୁଡ଼ ତଥ୍ୟ ଶିକ୍ଷା ମାଡ଼ାନ୍‍ ଦର୍‍କାର୍‍, ଇୱୁ ବଲାନ୍‌ କାମ୍‌ନୁଞ୍ଚ୍‌ ମାଲସ୍‌ ଇଶ୍ୱର୍‌ତାଗ୍‍ ବିଶ୍ୱାସ୍ ମାଡ଼ିତାଡ଼୍‍,

୧ ପିତର୍‍ 1:17

ଇଶ୍ୱର୍ ସାରେତଡ଼୍‍ୱାଦ୍‍ କାମ୍‍ମାଡ଼୍‍ତେ ଲେକାମ୍ ଚିମ୍‍ସାମ୍‍ତେ ସାରେତଡ଼୍ ବିଚାର୍ ମାଡ଼ିତନ୍ । ମୀଇଡ଼୍ ଅନ୍‌ ପାକେ ପ୍ରାର୍ତନା ମାଡ଼ାନ୍‍ୱେଲେ ଅଙ୍କ୍‌ ବାବାଲ୍ ଇଞ୍ଜ ପ୍ରମାନ୍ ମାଡ଼ି ମାନୁଟ୍ । ଆଲେଇତ୍କେ, ଇଦ୍ ଜଗତ୍‍ତାଗ୍ ମୀଇ ଜିୱେତାଗ୍ ଆ ସମୟତେ ଅଙ୍କ୍‌ ବେସର୍‍ ବକ୍ତି ମାଡ଼୍‍ତିଡ଼୍ ଆଦେଲେକାମ୍ ମାଡ଼ାଟ୍ ।

୧ ପିତର୍‍ 3:2

ବାତେଙ୍କ୍ଇତ୍କେ ମିୟାଦ୍ ପବିତ୍ର ବ୍ୟବହାର୍‌ ନୁ ବକ୍ତି ବାବ୍‍ ଅଡ଼୍‌ ଉଡ଼ିତଡ଼୍ ।

୧ ପିତର୍‍ 3:4

ନିଜାତାଦ୍‍ ସୁନ୍ଦୁର୍‍ ଆଦୁତ୍‍, ମୀଇ ଜିୱୁନ୍‌ଲୋପେତ୍‍ ସାୟେତ୍‍ ନମ୍ରମନ୍‍ । ମିୟାଦ୍ ଆଦ୍ ନଷ୍ଟ ଆୟ୍‍ୱାଦ୍‍ ସଜ୍‍ବାଜ୍‍ ଇଶ୍ୱର୍‌ତେ କଣ୍ଡେତେ ସାରେତିଙ୍କ୍ ମୁଲ୍ୟବାନ୍ ।