୧ ପିତର୍‍ 2:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ ଶାସ୍ତ୍ରତାଗ୍ ଇଲାନ୍ ଲେକାମିନ୍ଦେ, “ମାମେ ଅଣ୍ଡୟ୍‌ ଗାଟିଦାମ୍‍ତାଦ୍‍ ବାଡ଼ିୟାଦ୍‍କାଲ୍ ଏଞ୍ଚ୍‍ତମ୍; ଆଦ୍ ମାମେ ସିୟନତେ ମୁଲେତ୍‍ କାଲ୍ ଲେକାମ୍ ନିଲ୍‍ସ୍ପ୍‍ତମ୍ । ବେନ ଆୟି ଅନାଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ନିରାଶ୍‍ ଆୟଣ୍ଡ୍‍ ।”

୧ ପିତର୍‍ 2:6 Iomraidhean Croise

ମାତିଉ 12:18

“ହିଣ୍ଡ୍ ନା ପ୍ରିୟ ଦାସ, ଅଂକିଙ୍କ୍‌ ନାନ୍ ପ୍ରେମ ମାଡ଼ୁତାନ୍, ଅନ୍‌ ସେଙ୍ଗେ ନାନ୍ ଶାନ୍ତି । ନାୱାଦ୍ ଆତ୍ମା ଅନ୍‌ ପରୁ ଡିଗିତ୍‍ତେ; ସାରେ ବିଜାତିନ୍ ଗାର୍‍ରେ ଅନ୍‌ ନା ନ୍ୟାୟ ବିଚାର୍ ଗଷନା ମାଡ଼ିତନ୍ ।

ମାର୍କ 12:10

ଶାସ୍ତ୍ରତାଗ୍‍ ଇ ଗଟ୍‍ ମିଡ଼୍‍ ନିଜାମ୍‍ କାର୍‍ତିଡ଼୍‍ । “ଲୋନ୍‌‍ ତିଆର୍‍ ମାଡ଼ାନଡ଼୍‍ ବେନ୍‍ କାଲ୍‍ଦିଙ୍କ୍ ଦର୍‍କାର୍‍ ଆୟ ଇଞ୍ଜ ଆଲ୍‍ସି ୱିଡ଼୍‍ସିସ୍‍ ମାତ୍‍ତଡ଼୍‍, ଆଦ୍‍ ଲୋତ୍‍ତେ ମୁକ୍ୟ ମୂଲ୍‍ତେ କାଲ୍‍ ଆତ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 20:17

ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ ଅଣ୍ଡୟ୍‌ ନଜର୍‍ ଉଡ଼ି କେତ୍ତଣ୍ଡ୍, “ଇଦ୍ ବେନ୍ ବାକ୍ୟ ଲେକାମିନ୍ଦେ, ଆଦିନ୍ ଅର୍ତ ବାତେଏ,” ଲୋନ୍‌‍ ମାଡ଼ାନ୍ ନାରୁଡ଼୍ ବେନେ କାଲ୍‍କିଙ୍କ୍ ପାହାସ୍କ୍‍ତଡ଼୍‍, ଆଦ୍ ମୁନେତ୍ ମୁକ୍ୟ କାଲ୍ ଆତ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 23:35

ନାରୁଡ଼୍ ନିସ୍‍ମିକା ଉଡ଼ମାତ୍ତଡ଼୍, ମେଣ୍ଡେ ଯିହୂଦି ନେତାଲଡ଼୍ ମିକା ଅଂକିଙ୍କ୍‌ ତୁଚ୍ଛ ମାଡ଼ି କେତୁତଡ଼୍, “ଅଣ୍ଡ୍‌ ଆର୍‍ତିଡ଼କ୍ ରକ୍ଷା ମାଡ଼ତଣ୍ଡ୍; ଅଣ୍ଡ୍‌ ଯଦି ଇଶ୍ୱର୍‌ତେ ହେଞ୍ଚିମାନ୍ଦାନ୍ କ୍ରିଷ୍ଟ, ଆଲେକେ ନିଜ୍ ତିଙ୍କ୍ ରକ୍ଷା ମାଡ଼ିଣ୍ଡ୍ ।”

ଯୋହନ୍‌‌ 7:38

ବେନ ନାୟାଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ଉନିଣ୍ଡ୍, ଦର୍ମଶାସ୍ତ୍ରତାଗ୍ ଲେକାମିନ୍ଦେ, ବେନ ନାୟାଗ୍ ବିଶ୍ୱାସ୍ ମାଡ଼ିତନ୍ ଅନାଦ୍‌ ଜିୱୁତାଦ୍ ସ୍ରୋତ ପ୍ରବାହିତ ଆସମାନ୍‍ତେ ।”

ପ୍ରେରିତ 1:16

“ଦାଦାଲଡ଼୍‍ ନୁ ଏଲାସ୍କ୍‍, ବେନ୍ ଇସ୍କରିୟ ଯିହୁଦା ଜିସୁଙ୍କ୍ ପସ୍‍ପିଦାନ୍ ମାଇଦିଙ୍କ୍ ଶତ୍ରୁଡ଼୍ ସେଙ୍ଗେ ହାର୍ ତଅସ୍ ମାତ୍‍ତଣ୍ଡ୍, ଅନ୍‌ ବିଷୟ୍‍ତେ ଦାଉଦ୍ ପବିତ୍ର ଆତ୍ମାତଡ଼୍‍ ଚାଲେମ୍ ଆସ୍ ବବିଷ୍ୟତ୍‍ ଗଟ୍ କେଞ୍ଜ୍‍ସ୍ପି ମାତ୍‍ତଣ୍ଡ୍ । ଦର୍ମଶାସ୍ତ୍ରତାଗ୍ କେତ୍‍ତାଦ୍ ଆଦ୍ ଗଟ୍ ସାରେ ଆଦାନାଦ୍ ନିଜାମ୍ ମାତ୍‍ତେ ।

ରୋମୀୟ 10:11

ଶାସ୍ତ୍ର ଲେକାମ୍, “ଅଂକିଙ୍କ୍‌ ବିଶ୍ୱାସ୍ ମାଡ଼ି ବେନ ସିଗ୍‍ ଆୟ୍‍ୟଡ଼୍ ।”

ଏଫିସିୟ 1:4

କ୍ରିଷ୍ଟନାଗ୍‍ କାୟ୍‍ଲି ମାନାଡ଼୍‍ ବେଲା ଇଶ୍ୱର୍‌ତେ ନାରୁଡ଼୍‍ ଆଦ୍‍ତାଡ଼୍‍, ଅଦିନ୍‌ ସେଙ୍ଗେ ଜଗତ୍‍ ସୃଷ୍ଟି ଆଦାନ୍‍ ମୁନେଙ୍କ୍‍ ଅଣ୍ଡ୍‌‍ ମାନାଙ୍କ୍‍ ଏଞ୍ଚି ମିନ୍ଦେଣ୍ଡ୍‍ । ଆଦିଙ୍କ୍‍ ଅନ୍‌‍ ପ୍ରେମତେ ମାନାଡ଼୍‍ ଅନ୍‌‍ ମୁନ୍ନେ ପବିତ୍ର ନୁ ନିର୍ଦୋଷ୍‍ ଆତ୍‍ତାଡ଼୍‍ ।

ଏଫିସିୟ 2:20

ମିଡ଼୍ ଆନ୍‌‍ତେ ପ୍ରେରିତ୍ ଶିଷ୍ୟ ନୁ ବାବବାଦିନଡ଼୍ ତଡ଼୍ ତିଆର୍ ଆଶେ ମାନ୍ଦାନ୍ ବିତ୍ତିମୁଲ ପରୁ ତିଆର୍‍ତେ ଲେକାମ୍ । ଆଦ୍ ଲୋତେ ମୁଲେତ୍‍ କାଲ୍‍ ନିଜେ ଜିସୁ କ୍ରିଷ୍ଟ ।

୨ ତୀମତି 3:16

ସାରେ ଶାସ୍ତ୍ର ଇଶ୍ୱର୍‍ ବିଦ୍ୟା ଇତ୍‍ତେ ପ୍ରନୀତ ସତ୍‍ ଡିଗିୱାସ୍‌ ନୁ ମିଚ୍‌ତେ ପ୍ରତିରଦ୍ ମାଡ଼ି ନୁ ବ୍ରମ କାଲ୍‍ପି ମାଡ଼ାନ୍ ସେଙ୍ଗେ ପରାମର୍ଶ ଇସ୍, ସତ୍‍ଜିୱୁ ବାଦ୍‍କାନଙ୍କ୍ ଦର୍ମଶାସ୍ତ୍ର ସାହାଯ୍ୟ ମାଡ଼ିତ୍,

୧ ପିତର୍‍ 2:4

ନାରୁଡ଼୍ ବେନ୍ ଜିୱେମାନ୍ଦାନ୍‍ ବାଡ଼ିୟାଦ୍‍ କାଲ୍ ଲେକାମ୍ ପ୍ରବୁନାଦ୍ ଦାମ୍‍ଇଲେ ଇଞ୍ଜ ଆଲ୍‍ସି ପାସ୍‍କେ, ଅନ୍‌ ଗାରେ ୱାଡ଼ାଟ୍, ବାତେଙ୍କ୍ଇତ୍କେ ଅଣ୍ଡ୍‌ ଇଶ୍ୱର୍‍ ତଡ଼୍ ନାର୍ଗେ ଦାମ୍ ଆସ୍ ଏଞ୍ଚିଆତ୍‍ତଣ୍ଡ୍‍ ।

୧ ପିତର୍‍ 2:8

ପବିତ୍ର ଶାସ୍ତ୍ରତାଗ୍ ମେଣ୍ଡନ୍ ୱେରଡ଼୍ ପଡ଼ିୟେତାଗ୍ ଲେକା ଆତ୍‍ତେ, “ଇଦ୍‍ କାଲ୍‍ଦେ ପରୁ ନାର୍ଗେ ନାରୁଡ଼୍ ତାଲ୍‍ଗି ରାଲିତଡ଼୍, ଆଦ୍ ବାଣ୍ଡ୍‍କାଲ୍ ଅଡ଼୍‌ ଦଂସ ଆଦାନ୍ ଆର୍ ଆଦ୍‍ତେ ।” ଅଡ଼୍‌ ଇଶ୍ୱର୍‌ତେ ବାକ୍ୟତେ ବିଶ୍ୱାସ ମାଡ଼ଡ଼୍‍ ଆତ୍‍ତଡ଼୍, ଆଦିଙ୍କ୍ ଅଡ଼୍‌ ତାଲ୍‍ଗି ରାଲ୍‍ତଡ଼୍ । ଇଦ୍ ମାତ୍‍ତେ ଅଡ଼୍‌‍ ସେଙ୍ଗେ ଇଶ୍ୱର୍‌ତେ ଇଚ୍ଛା ।

୨ ପିତର୍‌ 1:20

ମିଡ଼୍ ଇଦ୍‍ ଇସର୍ ପୁଞ୍ଜ୍ ମାନୁଟ୍ ଯେ, ଦର୍ମଶାସ୍ତ୍ରତାଗ୍ ଲେକାମାନ୍ଦାନ୍‍ ବେନେବା ବାବବାଣୀ ବେନ ନିଜର୍‍ ଜ୍ଞାନ୍‍ତେ ବୁଜେମ୍‍ ଆଦାନଙ୍କ୍ ପାର୍‍ୱଣ୍ଡ୍‍ ।

୨ ପିତର୍‌ 3:16

ଅଡ଼୍‌ ଲେକ୍‍ତେ ଚିଟିନାଗ୍ ଇଦ୍ ବିଷୟତେ ଅଣ୍ଡ୍‌ ଲେକ୍‍ତଣ୍ଡ୍‍ । ଆଲେକ୍‍ତ ଅନ୍‌ ଚିଟିନାଗ୍ ବେସର୍ ବିଷୟ ବୁଜେମ୍ ଆଦାଙ୍କ୍ କଷ୍ଟ ଆଦ୍‍ତେ । କିନ୍ତୁ ମୁର୍କ ନୁ ଦାନ୍ଦେ ଲେକେତ୍ ନାରୁଡ଼୍ ଶାସ୍ତ୍ରତାଦ୍‍ ବାଗାତ୍ ଦୁଡ଼େ ଲେକାମ୍ ପାଉଲ୍‍ତେ ଚିଟିନାଗ୍‍ ମିକା କାରାପ୍‍ ଅର୍ତ ମାଡ଼ିତଡ଼୍‍ । ଇଦିନ୍‍ ତଡ଼୍ ଅଡ଼୍‌ ନିଜେ ନିଜର୍‍ ବିନାଶ୍‍ ସାଦନ୍ ମାଡ଼ୁତଡ଼୍ ।