୧ ପିତର୍‍ 2:5 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁵ ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ ।

୧ ପିତର୍‍ 2:5 Iomraidhean Croise

ରୋମୀୟ 12:1

ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ମାନ୍‍ ସେଙ୍ଗେ ଇଶ୍ୱର୍‌ତେ ଗାଟି ଅନୁଗ୍ରହ୍ ମାୟ୍‍ଦିଙ୍କ୍ ମିକିଂଙ୍କ୍ ନାନ୍ ଅନୁରଦ୍‌ ମାଡ଼ୁତାନ୍, ଇଶ୍ୱର୍‌ତାଗ୍ ନିଜେତିଙ୍କ୍ ପବିତ୍ର ଜିୱୁଣ୍ଡ୍ ପୁଜ୍‍ ଇମୁଟ୍ । ଅନ୍‌ ସେବା ମାଡ଼ି ମିଡ଼୍ ଅନାଗ୍ ଶାନ୍ତି ଆୟ୍‍ମୁଟ୍ । ଇଦ୍ ଇଶ୍ୱର୍‌ତାଗ୍ ନିଜାତାଦ୍ ଉପାସନା ।

ରୋମୀୟ 15:16

ବାତେଙ୍କ୍ଇତ୍‍କେ କ୍ରିଷ୍ଟ ଜିସୁନ୍ ଦାସ୍ ଇସାପ୍‍ତେ ଅଣଇହୁଦୀଡ଼୍ ସେଙ୍ଗେ ପାଡ଼୍‍ୟି ମାଡ଼ାନ୍ ମାୟ୍‍ଦିଙ୍କ୍ ଇଶ୍ୱର୍ ନାକିଂଙ୍କ୍ ସୁଯୋଗ୍ ଇତ୍‍ତନ୍ । ଇଶ୍ୱର୍‌ତାଦ୍ ସାୟେତ୍ କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ନାନ୍ ୱେରଣ୍ଡ୍ ଦର୍ମଗୁରୁ ଲେକାମ୍ ପାଡ଼୍‍ୟି ମାଡ଼ୁତାନ୍ । ଅଣଇହୁଦିଡ଼୍ ପବିତ୍ର ଆତ୍ମା ତଡ଼୍ ଇତ୍‍ତାୱୁ ଜିନିଷ୍ ଲେକାମ୍ ଇଶ୍ୱର୍‌ତେ ବକେତ୍ ଗ୍ରହନ୍ ଆୟିଡ଼୍, ଇଦ୍ ନାୟାଦ୍ ଉଦେଶ୍ୟ ।

୧ କରନ୍ତିୟ 3:16

ମିଡ଼୍‌ ପୁନ୍ଦାନ୍ ୱାଇତିତା ଯେ, ମିଡ଼୍‌ ପର୍‌ମେଶ୍ୱରନ୍‌ ଗୁଡ଼ିୟ୍‌, ମେଣ୍ଡେ ପରମେଶ୍ୱରନ୍‌ ଆତ୍ମା ମିୟାଦ୍ ଜିୱୁଣ୍ଡ୍‍ତାଗ୍ ମାନ୍‌ତା ।

୧ କରନ୍ତିୟ 3:9

ବାତେଙ୍କ୍‍ଇତ୍‍କେ ମାମ୍‍ମେ ଇଶ୍ୱର୍‌ତେ ତଡ଼୍ ପାଡ଼୍‍ୟିମାଡ଼ାନମ୍; ମିଡ଼୍‌ ଇଶ୍ୱରନ୍‌ ୱାୟା ନୁ ଇଶ୍ୱରନ୍ ଲୋନ୍‌ ।

୧ କରନ୍ତିୟ 6:19

ମିଡ଼୍ ବାତ୍ ପୁନ୍‍ୱିଡ଼୍ ଯେ ମିୟାଦ୍ ମେନ୍ଦୁଲ୍ ପବିତ୍ର ଆତ୍ମାତେ ମନ୍ଦିର୍‌ ? ବେନ୍ ଆତ୍ମା ମିଡ଼୍ ଇଶ୍ୱର୍ ତାଗାଙ୍କ୍ ପାଏମ୍ ଆଦ୍‍ତିଡ଼୍ ।

୨ କରନ୍ତିୟ 6:16

ଇଶ୍ୱର୍‌ତେ ମନ୍ଦିର୍‍ତାଗ୍ ବେଲାନ୍ ପୁତ୍‌ଲାମ୍‌ ପ୍ରତିଷ୍ଠା ଆଦ୍‍ଦେ ପାର୍ଦେତେ ? ମାନାଡ଼୍ ତ ଜୀୱେମାନ୍ଦାନ୍‌ ଇଶ୍ୱର୍‌ତେ ମନ୍ଦିର୍, ବାତେଙ୍କ୍ ଇତ୍‍କେ ଇଶ୍ୱର୍ ନିଜେ କେତ୍‍ତାନ୍, “ନା ନାରିଡ଼୍‍ତ ନାନ୍ ବାଦ୍‍କିତାନ୍ ନୁ ଅଡ଼୍‌‍ତଡ଼୍ ଉଡିତାନ୍; ନାନ୍ ଅଡ଼୍‌ ଇଶ୍ୱର୍ ଆଦ୍‍ତନ୍ ନୁ ଅଡ଼୍‌ ନା ନିଜେତ୍ ନାରୁଡ଼୍ ଆଦ୍‍ତଡ଼୍ ।”

ଗାଲାତୀୟ 6:10

ଆଦିଙ୍କ୍ ମାନାଡ଼୍ ସୁଯୋଗ୍ ଇସାପ୍‍ତେ ସାରେତଡ଼ାୱୁ, ଅଣ୍ଡୟ୍‌‍ ଲନ୍‍ତେ ବିଶ୍ୱାସି ସାରେତଡ଼ାଦ୍ ସାୟେ ମାଡ଼ିକାଡ଼୍ ।

ଫିଲିପିୟ 1:11

ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ ।

ଫିଲିପିୟ 2:17

ଇଶ୍ୱର୍‌ତେ ଗଟ୍‍ତେ ମିୟାଦ୍ ବିଶ୍ୱାସ୍ ଲେକାମ୍ ବଲିଦାନତାଗ୍ ଆଲେକେ ବା ନାୟାଦ୍ ଜିୱୁନ୍ ନେତୁର୍‍ଇସ୍ ତସିଦାଙ୍କ୍‍ ଆଦ୍‍ତେ । ଆଦିନ୍ ସେଙ୍ଗେ ନାନ୍ ୱେଡ଼େକେ ନୁ ନାୟାଦ୍ ଇଦ୍ ୱେଡ଼୍‍କେତେ ମିଇ ତଡ଼୍ ମାଡ଼ାନଙ୍କ୍ ନାନ୍ ଇଚ୍ଛାମାଡ଼ୁତାନ୍ ।

ଫିଲିପିୟ 4:18

ମିୟାଗାଙ୍କ୍‍ ନାନ୍ ପାଏମ୍‍ଆସ୍‍ ମାନ୍ଦାନ୍‍ ସାରେ ଦାନ ସେଙ୍ଗେ ପ୍ରାପ୍ତି ସ୍ୱୀକାର୍ ମାଡ଼ୁତାନ୍ । ଏପାପ୍ରଦିତ୍‍ତେ କାୟ୍‍ଦାଗ୍ ମିଡ଼୍ ରହସ୍ ମାନ୍ଦାନ୍ ଦାନ ନାୟାଦ୍ ସାରେ ଅବାବ୍ ପୁରା ମାଡ଼୍‍ତାନ୍ । ଆଦ୍ ଇଶ୍ୱର୍‌ତେ ଉଦ୍ଦେଶ୍ୟତେ ଇତ୍‍ତେ ସାୟେତ୍‍ ଗାବ୍‍ ପୁଜା ସାମାନ୍‍ ନୁ ଅଣ୍ଡ୍‌‍ ଗ୍ରହଣ ମାଡ଼ାନାଦ୍‍ ବା ସାୟେତାଦ୍‍ ବଲିଦାନ୍ ଲେକାମ୍ ।

କଲସୀୟ 3:17

ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।

୧ ତୀମତି 3:15

ନାୟାଦ୍ ଯଦି ୱାଦାନାଦ୍ ଡେରି ଆଦ୍‍ତେ, ଜିୱେତ୍ ଇଶ୍ୱର୍‌ତେ ପରିବାର୍ ଲେକାମ୍ ଇଦ୍ ଉପାସକ ମଣ୍ଡଲିତାଗ୍ ମାକିଙ୍କ୍‍ ବେଲାନ୍ ବ୍ୟବହାର୍‌ ମାଡ଼ାଙ୍କ୍ ଆଦ୍‍ତେ, ଇଦ୍ ଚିଟିତେ ଆଦ୍ ମିଡ଼୍ ପୁନ୍ଦ୍‍ତିଡ଼୍ । ଇଦ୍ ମଣ୍ଡଲିତେ ସତ୍ୟତାଦ୍‍ ଗୁଞ୍ଜେ ନୁ ବିତ୍ତିମୂଲ ।

ଏବ୍ରୀ 3:6

ଇତ୍‌କେ କ୍ରିଷ୍ଟ ମାର୍‌ ଲେକାମ୍‍ ଇଶ୍ୱରନ୍ ପୁରାଲୋତ୍‍ତେ ଦାୟିତ୍ୱତାଗ୍‍ ବିଶ୍ୱସ୍ତ ମିନ୍ଦେଣ୍ଡ୍‌ । ମାନାଡ଼୍‍ ଯଦି ଡାଟୁମ୍‌ତେ କେତ୍‌ତାୱ୍‌ ବିଷୟ୍ ଦର୍କିତା ଇଞ୍ଜ ମାନ୍‍ ବିଶ୍ୱାସ୍‌ତେ ଡୁଟାଙ୍ଗ୍‍ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ଗାଲା ଅନ୍‌‌ ଲୋନ୍‌ ଆଦେପାର୍‍ଦ୍‍ତାଡ଼୍‍ ।

୧ ପିତର୍‍ 2:9

ମୀଇଡ଼୍ ଅଣ୍ଡୟ୍‌ ହେଞ୍ଚିମାନ୍ଦାନ୍ ଜାମେ, ରାଜାଲଡ଼୍‍ତେ ଯାଜକ୍‍ ପରିବାର୍‍, ଅଣ୍ଡୟ୍‌ ପବିତ୍ର ଜାତି ନୁ ଇଶ୍ୱର୍‌ତେ ନିଜର୍ ନାରୁଡ଼୍‍ ଆସ୍‍ମିନ୍ଦେଡ଼ି । ଇଶ୍ୱର୍‍ ମିକିଙ୍କ୍ ଇକାଡ଼୍‍ ତାଗାଙ୍କ୍ ତାନ୍ ଗାଟି ୱେସ୍‍ତାଗ୍ କାର୍‍ଙ୍ଗ୍‍ତନ୍ । ମୀଇଡ଼୍ ଅନ୍‌ ବେପ୍‍ପଡ଼୍‍ ଆଇୱାଦ୍ କାମ୍ ସାରେ ମାଡ଼ାନ୍‍ ସେଙ୍ଗେ ଏଞ୍ଚିମିନ୍ଦେଡ଼ି ।

୧ ପିତର୍‍ 4:11

ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।

୧ ପିତର୍‍ 4:17

ଇଞ୍ଜେ ବିଚାର୍ ଦିନାମ୍ ଏୱୁତ୍‍ତେ ନୁ ଇଶ୍ୱର୍‌ତେ ନାରୁଡ଼୍ ମୁନେଙ୍କ୍ ବିଚାର୍‍ ଆଦ୍‍ତଡ଼୍ । ଯଦି ମାନାଗାଙ୍କ୍ ଆଦ୍ ଆରାମ୍ ଆତ୍‍କେ, ଆଲେକ୍ ବେନଡ଼୍ ଇଶ୍ୱର୍‌ତେ ସୁସମାଚାର୍‍ତାଗ୍‍ ବିଶ୍ୱାସ୍‍ ମାଡ଼ଡ଼୍, ଅଡ଼ାଦ୍‌ ମାଡ଼େଙ୍କ୍‌ତାଦ୍‍ ଦଶା ବାଆତେ ଆଦ୍‍ତେ ?

ପ୍ରକାଶିତ୍‌ ବାକ୍ୟ 1:6

ତାମ୍ ବାବାଲ୍ ଇଶ୍ୱର୍‌ତେ ସେବା ମାଡ଼ାନ୍ ସେଙ୍ଗେ ମାନାଙ୍କ୍ ଅଣ୍ଡୟ୍‌ ଯାଜକ ବଂଶ ମାଡ଼୍‍ତନ୍ । ସାରେ ଗଉରବ୍ ନୁ ପରାକ୍ରମ୍ ସାରେଦିନାମ୍ ଜିସୁ କ୍ରିଷ୍ଟନାଦ୍ ଆୟି ଆମେନ୍‍ ।

ପ୍ରକାଶିତ୍‌ ବାକ୍ୟ 20:6

ଡ଼ଲତେ ନାରୁଡୁ ଇ ମୁନେତେ ପୁନାର୍ରାଉତାତେ ବେନଡ଼୍ ମିନ୍ଦେଡ଼୍‌ ଅଡ଼୍‌‍ ବେସର୍‍ ସାୟେ । ଅଡ଼୍‌‍ ବେସର୍‍ ୱେଡ଼େକେ; ଅଡ଼୍‌‍କ୍ ମେଣ୍ଡେ ମେଣ୍ଡଦାମ୍ ଡ଼ଲେୱେୟ୍ । ଅଡ଼୍‌‍ ଇଶ୍ୱର୍ ନୁ କ୍ରିଷ୍ଟନ୍ ଯାଜକ ଆସ୍ କ୍ରିଷ୍ଟନ୍ ତୋଡ୍ ଅଡ଼୍‌ ହଜାର୍‍ ଏଣ୍ଡ୍‍କ୍‍ ରାଜତ୍ୱ ମାଡିତଣ୍ଡ୍ ।

ପ୍ରକାଶିତ୍‌ ବାକ୍ୟ 3:12

ଜିଡ଼୍‍ତେ ନାରୁଡ଼୍‍କ୍ ନାନେ ନା ଇଶ୍ୱର୍‌ତେ ମନ୍ଦିର୍‍ତାଗ୍ ଗୁଞ୍ଜେ ଲେକାମ୍ ତିଆର୍ ମାଡ଼ିତାନ୍ ନୁ ଅଣ୍ଡ୍‌ ବେସୁବା ଆଗାଙ୍କ୍ ସ୍ଥାନାନ୍ତରିତ୍‍ ଆୟଣ୍ଡ୍ । ନାନେ ଅନ୍‌ ପରୁ ନା ଇଶ୍ୱର୍‌ତେ ପେଦେର୍ ଲେକିତାନ୍ । ନା ଇଶ୍ୱର୍‌ତାଗାଙ୍କ୍ ସ୍ୱର୍ଗତାଗାଙ୍କ୍ ୱାଦାନ୍ ଇଶ୍ୱର୍‌ତେ ନଗର୍, ପୁନେ ଯିରୁଶାଲେମ୍‍ତେ ପେଦେର୍‍ ନୁ ନାୟାଦ୍ ପୁନେ ପେଦେର୍ ମିକା ତାନ୍‍ ପରୁ ଲେକିତାନ୍ ।

ପ୍ରକାଶିତ୍‌ ବାକ୍ୟ 5:10

ମେଣ୍ଢା ଇଶ୍ୱର୍‌ତେ ସେବା ମାଡ଼ାନ୍‍ ସେଙ୍ଗେ ଅଡ଼୍‌‍କିଂଙ୍କ୍ ୱେରଡ଼୍ ଯାଜକ୍ ନାର୍‍ଦାଗ୍ ପରିଣତ୍‍ ମାଡ଼ିମିନ୍ଦେନି ଅଡ଼୍‌ ପୃତିବିତେ ପରୁ ରାଜତ୍ୱ ମାଡ଼ିତଡ଼୍ ।”