୧ ପିତର୍‍ 2:21 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

²¹ ଇଶ୍ୱର୍ ଇଦ୍ ଉଦ୍ଦେଶ୍ୟତେ ମିକିଙ୍କ୍ କାର୍ଙ୍ଗି ମିନ୍ଦେନ୍ । କ୍ରିଷ୍ଟ ନିଜେକେ ମିଇ ସେଙ୍ଗେ କଷ୍ଟ ଆସ୍ ଆଦର୍ଶ ତୋତ୍‍ତନ୍, ବେଲାନ୍ ମିଡ଼୍ ଅଣ୍ଡ୍‌‍ ତାକାନ୍‌ ପେର୍କେ ଆଦ୍‌ତିଡ଼୍ ।

୧ ପିତର୍‍ 2:21 Iomraidhean Croise

ମାତିଉ 10:38

ବେନଆଇ ନିଜେତ୍ କ୍ରୁଶ କାଞ୍ଜି ନାକିଂଙ୍କ୍ ଲେକାମ୍ ମାଡ଼ଣ୍ଡ୍, ଅଣ୍ଡ୍‌ ନା ଶିଷ୍ୟ ଆଦାନଙ୍କ୍ ଯୋଗ୍ୟ ଆୟ୍‍ୟଣ୍ଡ୍ ।

ମାତିଉ 11:29

ନାୱାଦ୍ ଜୁୱାଡ଼୍ କାଞ୍ଜି ନାୟାଗାଙ୍କ୍ ଶିକ୍ଷା ଆୟମୁଟ୍ । ବାତେଙ୍କ୍ ଇତ୍‍କେ ନାନ୍ ନିଜେ ନମ୍ର ନୁ ସରଲ୍ ଆସ୍‍ମାନ୍ଦାଙ୍କ୍ ମିଡ଼୍ ନା ଗାର୍‍ରେ ରମିତିଡ଼୍ ।

ମାତିଉ 16:24

ତାନ୍‍ପେର୍କେ ଜିସୁ ତାନ୍ ଶିଷ୍ୟଡ଼କ୍ କେତ୍‍ତନ୍, “ବେନ ବେସୁଙ୍କ୍‍ ନା ପେର୍କେ ୱାଦାଙ୍କ୍ ଇଚ୍ଛା ମାଡ଼ୁତଣ୍ଡ୍, ଆଲେକେ ଅଣ୍ଡ୍‌ ନିଜେତିଙ୍କ୍ ଅସ୍ୱୀକାର୍ ମାଡ଼ିଣ୍ଡ୍, ମେଣ୍ଡେ ନିଜେ କ୍ରୁଶକାଞ୍ଜି ନା ପେର୍କେ ତାକିଣ୍ଡ୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 24:26

ଇଦ୍ ସାରେ ଦୁଃକାମ୍ ତେ କଷ୍ଟ ଆସ୍ ତାନ୍ ମଇମାତାଗ୍ ଆସାନଙ୍କ୍ ବାତେଏ କ୍ରିଷ୍ଟନାଦ୍ ଦର୍‍କାର୍ ଇଲ୍‍ୱେମାତ୍‍ତେ ?”

ଯୋହନ୍‌‌ 13:15

ମିଡ଼୍ ନାକିଂଙ୍କ୍ ଏର୍କାମାଡ଼ାଙ୍କ୍ ଇଞ୍ଜ ନାନ୍ ଇଦ୍‍ଲେକାମ୍ ମାଡ଼୍‍ତାନ୍ ।

ଯୋହନ୍‌‌ 16:33

ମିଡ଼୍ ବେଲା ନାୟାଗ୍ କାଇଲି ଶାନ୍ତି ଦର୍ସିକିତିଡ଼୍, ଇଦିନ୍ ସେଙ୍ଗେ ନାନ୍ ମିକିଂଙ୍କ୍ ଇଦ୍‍ସାରେ ବିଷୟ୍ କେତୁତାନ୍ । ଜଗତ୍‍ତାଗ୍ ମିଇ ସେଙ୍ଗେ କଷ୍ଟ ମିନ୍ଦେ, ବାତେଙ୍କ୍ ଇତ୍‍କେ ସାହାସ୍ ପୟିମୁଟ୍; ନାନ୍ ଜଗତ୍‍ତିଙ୍କ୍ ଜିଡ଼୍‌ତାନ୍ ।”

ପ୍ରେରିତ 14:22

ଅଡ଼୍‌ ବିଶ୍ୱାସୀଡ଼୍‍କ୍ ଶିଷ୍ୟ ନିଜେତ୍ ବିଶ୍ୱାସ୍‍ତାଗ୍ ଲେକେତ୍‌ ମାନ୍ଦାନଙ୍କ୍ ଅନୁରଦ୍‌‍ ମାଡ଼୍‍ତଡ଼୍ । ଅଡ଼୍‌ ଶିକ୍ଷା ଇସ୍‌ କେତ୍‍ତଡ଼୍, “ଇଶ୍ୱର୍‌ତେ ରାଜ୍ୟତାଗ୍ ହସାନ୍ ମାଇଦିଙ୍କ୍ ମାକିଂଙ୍କ୍ ଗାଟି ଦୁଃକକଷ୍ଟ ଇସ୍‌ ଆଦାଙ୍କ୍ ୱେୟ୍‍ତିତ୍ ।”

ପ୍ରେରିତ 17:3

ଦର୍ମଶାସ୍ତ୍ର ଉଲ୍ଲେଖ ନୁ ବାକ୍ୟା ମାଡ଼ି ପ୍ରମାଣ୍ ମାଡ଼୍‍ତଣ୍ଡ୍ ଯେ, ମସୀହ ଦୁକାମ୍‍ ବୋଗ୍ ଆଦାନାଦ୍ ନୁ ଡଲ୍‍ତାଗାଙ୍କ୍ ତେଏଦାନାଦ୍ ଦର୍‍କାର୍ ମାତ୍‍ତେ । ପାଉଲ୍ କେତ୍‍ତଣ୍ଡ୍, “ବେନ୍ ଜିସୁନ୍ ବିଷୟ୍ ନାନ୍‍ନେ ଗଷନା ମାଡ଼୍‍ତାନ୍, ଅଣ୍ଡ୍‌ ଆ ମସିହ ।”

ପ୍ରେରିତ 9:16

ନା ପେଦେର୍‍ ସେଙ୍ଗେ ଅଣ୍ଡ୍‌ ବେନ୍ ସାରେ କଷ୍ଟ ପାଏମ୍ ଆଦ୍‍ତନ୍, ନାନ୍ ନିଜେ ଅଂକିଙ୍କ୍‌ କେତିତାନ୍ ।”

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

୧ କରନ୍ତିୟ 11:1

ନାନ୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ତେ ଲେକାମ୍ ମିଡ଼୍ ନାକିଂଙ୍କ୍ ବିଶ୍ୱାସ୍ ମାଡ଼ାଟ୍ ।

ଏଫିସିୟ 5:2

କ୍ରିଷ୍ଟ ବେଲା ମାନାଙ୍କ୍‍ ପ୍ରେମ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ସାୟେତ୍ ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ମାନ୍‍ ମାୟ୍‍ଦିଙ୍କ୍ ସାୟେ ଗାବ୍‍ତାୱୁ ପୁଜାସାମାନ୍ ନୁ ବଲି ଉତ୍ସର୍ଗ ମାଡ଼୍‍ତଣ୍ଡ୍, ମିଇ ଜିୱୁଣ୍ଡ୍ ମିକା ଆଦେଲେକାମ୍ ଚାଲେମ୍ ଆୟି ।

ଫିଲିପିୟ 2:5

କ୍ରିଷ୍ଟ ଜିସୁନାଦ୍ ମାନ୍‍ହେର୍କା ବେଦ୍‍ଲେକାମ୍ ମାତ୍‍ତେ, ମିୟାଦ୍ ଆଦ୍‍ଲେକାମ୍ ଆୟି ।

୧ ଥେସଲନିୟ 3:3

ମିଇ ପର୍‍ର ଆସମାନ୍ଦାନ୍ ତାଡ଼ନା ସେଙ୍ଗେ ବେନ ବେଲା ଆର୍‍ବୁଲ୍‍କା ଆୟ୍‍ମାକିଣ୍ଡ୍, ଆଦିନ୍ ସେଙ୍ଗେ ମିକିଂଙ୍କ୍ ସାହାଯ୍ୟ ମାଡ଼ିତନ୍ । ନିଜାମ୍ ମିଡ଼୍ ପୁତ୍‍ତିଡ଼୍ ମାମ୍‍ମେ ଇଦ୍ ରକମ୍ ଆଦିତାଡ଼୍, ଇଦ୍ ଇଶ୍ୱର୍‌ତେ ଇଚ୍ଛା ।

୧ ଥେସଲନିୟ 4:2

ବାତେଙ୍କ୍ ଇତ୍‍କେ ପ୍ରବୁ ଜିସୁନାଗାଙ୍କ୍ ଅଦିକାର୍‌ ପାଏମ୍ ଆସ୍ ମିକିଂଙ୍କ୍ ବେନ୍‍ସାରେ ଆଦେଶ୍ କେସ୍‍ମାତ୍‍ତମ୍, ଆଦ୍ ମିଡ଼୍ ପୁତ୍‍ତିଡ଼୍ ।

୨ ତୀମତି 3:12

ବେନ୍ ସାରେତଡ଼୍ କ୍ରିଷ୍ଟ ଜିସୁନ୍ ତଡ଼୍ ଦର୍ମଜିବନ୍ ଯାପନ୍ ମାଡ଼ାନଙ୍କ୍ ଇଚ୍ଛା ମାଡ଼ିତନ୍, ଅଡ଼୍‌ ତାଡ଼ନାତେ କଷ୍ଟ ଆତ୍‍ତନ୍ ।

ଏବ୍ରୀ 2:10

ସାର୍ରେତଡ଼୍‌କ୍ ତିଆର୍‌ ମାଡ଼ାନଣ୍ଡ୍‌ ନୁ ଗେଲ୍‌ସ୍ପାନଣ୍ଡ୍‌ ଇଶ୍ୱର ତାନ୍ ନାର୍ଗେ ମାର୍‌ ମାୟାସ୍କ୍‍କିଙ୍କ୍‍ ଜିସୁନ୍‌ ଗୌରବତେ କାଇଲ୍‍ପାନ୍‍ ମାଇଦିଙ୍କ୍, ଡଲାନାଗାଙ୍କ୍‌ ଜିସୁଙ୍କ୍‍ ସିଦ୍ଦ ମାଡି ସାୟେ ପାଡିୟ୍‌ ମାଡ଼୍‍ତଣ୍ଡ୍‍ । ଇତ୍‌କେ ଜିସୁ ଆଦୁତଣ୍ଡ୍‌ ପରିତ୍ରାଣ ଆର୍‌ଦେ ଅଡ଼୍‌‍କିଂଙ୍କ୍‌ ଅଦାନଣ୍ଡ୍‍ ।

୧ ପିତର୍‍ 1:20

ଅଣ୍ଡ୍‌ ଜଗତ୍‍ତେ ସୃଷ୍ଟି ମୁନେଙ୍କ୍ ଇଶ୍ୱର୍‍ ତଡ଼୍ ଏଞ୍ଚିଆତ୍‍ତନ୍ ନୁ ମୀଇ ସେଙ୍ଗେ ଇଦ୍ ମାଡ଼େଙ୍କ୍ ଦିନାତେ ତଅନ୍‌ଦ୍‍ତଣ୍ଡ୍‍ ।

୧ ପିତର୍‍ 2:24

ମାମେ ବେଲା ପାପାମ୍‍ ସେଙ୍ଗେ ଡଲିତାଡ଼୍‍ ନୁ ଦାର୍ମାମ୍‌ ଜିୱୁଣ୍ଡ୍‍ ବାଦ୍‍କିତାଡ଼୍‍, ଆଦିନ୍ ସେଙ୍ଗେ କ୍ରିଷ୍ଟ କ୍ରୁଶ ପରୁ ନିଜେତ୍ ମେନ୍ଦୁଲ୍‍ତେ ମା ପାପାମ୍‍ତେ ବୋଜ୍‍ କାଞ୍ଜ୍‍ତନ୍ । ଅନ୍‌ ମେନ୍ଦୁଲ୍‍ତାଗେ ଆଦ୍ ପୁଣ୍ଡ୍‍ତଡ଼୍‍ ମିଡ଼୍ ସୁସ୍ଥ ଆତ୍‍ତିଡ଼୍ ।

୧ ପିତର୍‍ 3:18

ମିକିଂଙ୍କ୍ ଇଶ୍ୱର୍‌ତେ ପାକେ ତାତାନ୍‍ ସେଙ୍ଗେ କ୍ରିଷ୍ଟ ନିଜେ ଦାର୍ମିକ୍ ଆସ୍ ଅଦାର୍ମିନାରୁଡ଼୍‍ ପାପତେ ପ୍ରାୟଚିତ୍‍ତେ ସେଙ୍ଗେ ନିଜେତ୍ ଜିୱେ ଇତ୍‍ତନ୍ । ଇଦ୍ ପ୍ରାୟଚିତ୍‍ତେ ଅଣ୍ଡ୍‌ ଅଣ୍ଡୟ୍‌‍ଦାମ୍ ସାରେଦିନାତ୍ ସେଙ୍ଗେ ସାଦନ୍ ମାଡ଼୍‍ତନ୍ । ଅଣ୍ଡ୍‌ ମେନ୍ଦୁଲ୍‍ ଇସାପ୍‍ତେ ଡଲ୍‍ତନ୍, ଇତ୍‍କେ ଆତ୍ମାତେ ଜିୱେ ଆତ୍‍ତନ୍,

୧ ପିତର୍‍ 3:9

ଅନିଷ୍ଟ ବଦଲ୍‍ତେ ଅନିଷ୍ଟ ମାଡ଼୍‍ମାଟ୍, ଅବିଶାପ୍‌ ବାଦୁଲ୍‍ତେ ଅବିଶାପ୍‌ ମାଡ଼୍‍ମାଟ୍; ତାନ୍ ପେର୍କେ ଆର୍ଶିବାଦ୍‌ ମାଡ଼ାଟ୍, ବାତେଙ୍କ୍ଇତ୍କେ ଇଦିନ୍ ସେଙ୍ଗେ ଇଶ୍ୱର୍‍ ମିକିଙ୍କ୍ କାର୍‍ଙ୍ଗି ମାତ୍‍ତନ୍ ନୁ ଆଦ୍‍ ମାଡ଼ାନ୍ ପେର୍କେ ମିଡ଼୍ ଆର୍ଶିବାଦ୍ ପାଏମ୍ ଆଦ୍‍ତିଡ଼୍,

୧ ପିତର୍‍ 4:1

କ୍ରିଷ୍ଟ ନିଜେତ୍ ମେନ୍ଦୁଲ୍‍ତେ ମାନ୍ଦାନ୍ ୱେଲେ କଷ୍ଟ ମାଡ଼୍‍ତାଙ୍କ୍, ମିଡ଼୍‍ ମିକା ଅନ୍‌ ଲେକାମ୍ ମନ୍‍ ମାଡ଼ି ନିଶ୍ଚିତ୍‍ ଆୟମୁଟ୍ ଯେ, ବେନ୍ ନାରୁଣ୍ଡ୍ ଜିୱୁନ୍‍ ମେନ୍ଦୁଲ୍‍ତେ ତିପାଲ୍‍ ଆଦ୍‍ତନ୍, ଅଣ୍ଡ୍‌ ମେଣ୍ଡେ ପାପାମ୍‍ତାଗ୍ ମୁଡ଼ୁନ୍ଦି ମାନଣ୍ଡ୍‍ ।

୧ ପିତର୍‍ 4:13

ମେଣ୍ଡେ ୱେଡ଼୍‍କାଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ଦୁଃକାମ୍ କଷ୍ଟତେ ଅଂଶି ଆୟ୍‍ନାଦ୍ ଅନାଦ୍‌ ମୟିମା ପ୍ରକାଶ୍‍ ଆଦାନ୍ ୱେଲେ ମିଡ଼୍ ୱେଡ଼୍‍କେତେ ସାର୍‍ଦେ ଆଦ୍‍ତିଡ଼୍ ।

୧ ଯୋହନ୍‌‌ 2:6

ବେନ ଇଶ୍ୱର୍‌ତାଗ୍‍ ମିନ୍ଦେନ୍‍ ଇଞ୍ଜ କେତିତଣ୍ଡ୍‍, ଅଣ୍ଡ୍‌ କ୍ରିଷ୍ଟ ଜିସୁନ୍ ଲେକାମ୍ ଜୀବନ୍ ଯାପନ୍ ମାଡ଼ିଣ୍ଡ୍‍ ।

୧ ଯୋହନ୍‌‌ 3:16

ମାନ୍‍ ସେଙ୍ଗେ କ୍ରିଷ୍ଟନାଦ୍ ଜିୱୁଣ୍ଡ୍ ଇତ୍‍ତାଗାଙ୍କ୍ ମାନାଡ଼୍ ପ୍ରେମ ଶିକ୍ଷା ମାଡ଼ୁତମ୍ । କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍ ସେଙ୍ଗେ ଜିୱୁଣ୍ଡ୍‍ ଇଦାନଙ୍କ୍ ମାନାଡ଼୍ ମିକା ତିଆର୍ ଆସ୍ ମାନ୍ଦାନାଦ୍ ସାୟେ ।

ପ୍ରକାଶିତ୍‌ ବାକ୍ୟ 12:11

ମେକାଗଲାନ୍‍ ନେତୁର୍‍ତେ ଶକ୍ତିତେ ନୁ ଅଡ଼୍‌ କେସମନ୍ଦାନ୍ ସତ୍‍ତିଙ୍ଗ୍ ପ୍ରେମତାଦ୍‌ ଆତ୍ମା ନୁ ଜିୱୁନ୍‍ ଇଦାଙ୍କ୍‍ ତିଆର୍‍ ମାଡ଼ମାନ୍ଦାନ୍ ମା ପ୍ରିୟ ଦାଦାଲଡ଼୍ ନୁ ଏଲାସ୍କ୍‍ ଜିଡ଼୍‍ତଡ଼୍‍ ।