୧ ପିତର୍‍ 2:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ସାରେଲେକେତ୍ କାରାପ୍ ବିଷୟ ତାଗାଙ୍କ୍ ପେଇମୁଟ୍ । ମିଚ୍‌ ନୁ ଦୁଷ୍ଟ, ଇର୍ଷା ନୁ ଅର୍‌ତୁଙ୍କ୍ ନିନ୍ଦା ମାଡ଼ାନାଦ୍ ୱିଡ଼୍‍ସାଟ୍ ।

୧ ପିତର୍‍ 2:1 Iomraidhean Croise

ମାତିଉ 15:7

ରେ ଦୁଷ୍ଟଡ଼ି, ଯିଶାଇୟ ମିଇ ବିଷୟ୍‍ତେ ସାୟେତ୍ ବାବବାନି କେସ୍‍ମିନ୍ଦେନ୍,

ମାତିଉ 23:28

ରକମ୍ ମିଡ଼୍‍ଆନ୍‌ନ୍ତେ ବାୟ୍‍ଦେତ୍‍ ନାରୁଡ଼୍ କଣ୍ଡେତେ ଦାର୍ମିକ୍ ତନ୍ଦିତିଡ଼୍‍, ବାତେଙ୍କ୍ ଇତ୍‍କେ ମିଇ ଲୋପେ ଅପରାଦ୍‌ ନୁ ପାପ୍‍ତେ ବର୍ତ୍ତି ଆଶେ ମାନ୍‍ତେ ।

ମାତିଉ 24:51

ଅଂକିଙ୍କ୍‌ ଅଣ୍ଡ୍‌ ତିପାଲ୍‍ତେ ଦଣ୍ଡ୍ ହିଦ୍‍ତଣ୍ଡ୍ । ଅଣ୍ଡ୍‌ ଅଂକିଙ୍କ୍‌ ମୁର୍କନାରୁଡ଼୍ ତ ବେଗେକି ନାରୁଡ଼୍ କେଇତଡ଼୍ ନୁ ଯନ୍ତ୍ରନାତାଗ୍‍ ପାଲ୍‍କ୍ କିଟ୍ରୁମ୍ କାର୍ଟ୍ରୁମ୍ ମାଡ଼ିତଡ଼୍ ଆଦ୍ ପଡ଼ିୟେତାଗ୍ ରୟ୍‍ସିଦ୍‍ତଣ୍ଡ୍ ।

ମାତିଉ 7:5

ରେ ଦୁଷ୍ଟ ନାରୁଡ଼୍ ! ମିଇ କଣ୍ଡେତାଗ୍ ମାନ୍ଦାନ୍ ୱେର୍‍କ୍ ଇଡ଼୍‍ପେ ମୁନେନ୍ ଟେଣ୍ଡାଟ୍ । ଆଲେକେ ମିଇ ତାମୁଣ୍ଡ୍‌ତେ କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ସହଜ୍‍ତେ ଉଡ଼େ ପାର୍‍ଦ୍‍ତିନ୍ ।

ମାର୍କ 12:15

ଜିସୁ ଅଡ଼୍‌‍ ଚାଲାକ୍‌ତିଙ୍କ୍‌ ବୁଜେମ୍‍ ଆସ୍‍ କେତ୍‍ତଣ୍ଡ୍‍, “ନାକିଙ୍କ୍‍ ବାତେଙ୍କ୍‍ ଉଡ଼୍‍ୟିଦାଗ୍‍ ରାପାଙ୍କ୍‍ ଚେଷ୍ଟା ମାଡ଼ୁତିଡ଼୍‍ ? ୱେରଟ୍‍ ରୁପାମୁଦ୍ରା ତାଡ଼ାଟ୍‍, ନାନ୍‍ ଉଡ଼ିତାନ୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 11:44

ହୋ, ମିଡ଼୍ ଦଣ୍ଡତେ ନାରୁଡ଼୍‌ ଆଦ୍‍ତିଡ଼୍, କାରନ୍‍ ମିଡ଼୍ ମିଞ୍ଜି ମାନ୍ଦାନ୍ ସମାଦି ଲେକାମ୍; ଆଦିନ୍ ପରୁ ନାରୁଡ଼୍ ପୁନକଟ ତାକିଆଦ୍‍ତଡ଼୍ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 12:1

ହଜାର୍‌ ହଜାର୍‌ ନାରୁଡ଼୍ ୱାସ୍ ଅଣ୍ଡୟାଗ୍ ଗୁଡ଼୍‍ପି ଆଦ୍‍ତଡ଼୍ । ନାରୁଡ଼୍ ୱେରନ୍ ପରୁ ୱେରନ୍ ତାଲ୍‍ଗା ତାଲ୍‍ଗି ଆସମାତ୍‍ତଡ଼୍ । ଜିସୁ ମୁନେ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ପାରୂଶୀନାରୁଡ଼୍ କପଟ‍ତାଗାଙ୍କ୍ ଜେଏକେ ମାନୁଟ୍ । ନାନ୍ କେତାନାଦ୍ ଲେକାମ୍‌ ଆଦୁତ୍‍ତେ ଯେ, ଅଡ଼୍‌‍ ଦୁଷ୍ଟ ନାରୁଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 6:42

ନିମେ ନିଜେ କଣ୍ଡେତାଗ୍ ମାନ୍ଦାନ୍ ଜିର୍‍କେତିଙ୍କ୍ ଉଡ଼କଟ ବେଲା ନିଜେ ତାମୁଣ୍ଡ୍‌ତିଙ୍କ୍ କେତ୍‍ତେ ପାର୍‍ଦ୍‍ତି, ତାମୁନ୍, ୱାଡେ, ନି କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ପେସ୍‍ପି ହିଦ୍‍ତାନ୍ ? ହୋ ଟେମ୍‌ପରି, ମୁନେନ୍ ନିଜେ କଣ୍ଡେତାଦ୍ ଜିଟ୍‍କେ ପେସ୍‍ପେ ପାର୍‍ୱନ୍, ତାନ୍ ପେର୍‍କେ ନିଜେ ତାମୁସ୍ ତେ କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ପେସ୍‍ପାନ୍ ସେଙ୍ଗେ ସହଜ୍‍ତେ ଉଡ଼େପାର୍‍ଦ୍‍ତି ।

ଯୋହନ୍‌‌ 1:47

ଜିସୁ ନିତନିୟେଲ୍‍ତିଙ୍କ୍ ତାନ୍ ଗାର୍‍ରେ ୱାଦାନାଦ୍ ଉଡ଼ି ଅନ୍‌ ବିଷୟ୍‍ତେ କେତ୍‍ତଣ୍ଡ୍, “ହି ଉଡ଼ାଟ୍, ହିଣ୍ଡ୍ ୱେରଣ୍ଡ୍ ନିଜାମ୍ ଇସ୍ରାଏଲ୍‍ତେ ନାରୁଡ଼୍, ହିନାଗ୍ ଚାଲାକି ଇଲେ ।”

ରୋମୀୟ 1:29

ଅଡ଼୍‌ ସାର୍ରେପ୍ରକାର୍ ଦୁଷ୍ଟ, ଅଦର୍ମ, ଲବି, ଇଂସା, ଇର୍ଷା, ହାଉକାଙ୍କ୍, ଗଲ୍‍କ୍, ମିଚ୍, କାରାପ୍‍ ନୁ ନିନ୍ଦାତଡ଼୍ ବର୍ତ୍ତି ଆଦ୍‍ତଡ଼୍;

୧ କରନ୍ତିୟ 14:20

ଦାଦାଲଡ଼ି ନୁ ଏଲାସ୍କ୍, ଚିନ୍ତେତାଗ୍ ପିଲାନ୍ ଲେକାମ୍ ଆୟ୍‍ମାଟ୍ । କାରାପ୍ ବିଷୟ୍ ସେଙ୍ଗେ ପିଲାନ୍ ଲେକାମ୍ ଆୟ୍‍ମୁଟ୍; ଇତ୍‍କେ ବୁଦ୍ ବିଚାର୍‍ତାଗ୍ ମିଡ଼୍ ସାରେ ବୟସ୍‍ତଡ଼୍ ଆଦାନାଦ୍ ସାୟେ ।

୧ କରନ୍ତିୟ 5:8

ଅତଏବ ୱାରାଟ୍‌, ମାନାଲ୍ ପାନ୍‌ତାଦ୍‌ କମିର ବା କାରାପ୍‌ ନୁ ପିନ୍ଦ୍‌ୱାଦ୍ ପାଡିୟ୍‌ ଲେକେତ୍‍ କମିରତେ ପାଣ୍ଡୁମ୍ କିୱାକଟେ ସରଲତା ନୁ ନିଜାମ୍‌ ଲେକେତ୍‍ କମିର ଇଲ୍‌ୱା ରୂଟିତେ ପାଣ୍ଡୁମ୍‌ ମାଡ଼ିକାଲ୍ ।

୨ କରନ୍ତିୟ 12:20

ବାତେଙ୍କ୍‍ଇତ୍କେ ନାୟାଦ୍ ୱେରେ ଆଦୁତ୍‍ତେ, ନାନ୍ ମି ପାକେ ଆଞ୍ଜ୍ ମିକିଂଙ୍କ୍ ବେଲାନ୍ ଉଡାଙ୍କ୍ ଇଚ୍ଛା ମାଡ଼ୁତାନ୍, ଆଦ୍ ଲେକାମ୍ ଉଡ଼ାନଙ୍କ୍ ଦର୍‍କ ନୁ ମିଇଡ଼୍ ନାକିଂଙ୍କ୍ ବେଲା ଉଡ଼ାନଙ୍କ୍ ଇଚ୍ଛା ମାଡ଼୍‍ୱିଡ଼୍, ଆଦ୍‍ଲେକାମ୍ ଆଦ୍ ଉଡ଼ାନଙ୍କ୍ ଆଦ୍‍ତେ । ଆଲେନ୍ ତ ଆଗେଆଞ୍ଜ୍ ନାନ୍ ବେସ୍‍ ବେସତାଉ ବିବାଦ୍, ଇର୍ଷା, କପାମ୍, ସ୍ୱାର୍ତପରତା, ଅପବାଦ୍‌, ଗର୍ବ, ନୁ ବିଶୃକଲା ଉଡ଼ାନଙ୍କ୍ ପାଏମ୍ ଆଦ୍‍ତାନ୍ ।

ଏଫିସିୟ 4:31

ସାର୍ରେ କାୟ୍‍ତାଦ୍‍, ଉତ୍ତେଜନା ନୁ କପାମ୍ ୱିଡ଼୍‍ସାଟ୍ । ପାସ୍କ୍‍ମାଟ୍‍ ବା ନିନ୍ଦେ ମାଡ଼୍‍ମାଟ୍ । ମେଣ୍ଡେ ସାରେଲେକାତ୍‌ ହିଂସା ମିୟାଗାଙ୍କ୍‌ ଜେକା ଆଇ ।

୧ ଥେସଲନିୟ 2:3

ବାତେବା କାରାପ୍ ବା ପିନ୍ଦ ଲେକାମ୍ ଆସ୍ ମାମ୍‍ମେ ମିଇ ପାକେ ମାୟାଦ୍‌ ମାଟେ କେଲ୍‍ୱେ ମାତ୍‍ତମ୍, ମିକିଂଙ୍କ୍ ଟକାମାଡ଼ାଙ୍କ୍ ବାତେବା କାରାପ୍ ଚିନ୍ତେ ମାଡ଼ମ୍ ।

୧ ତୀମତି 3:11

ଆଦ୍ ଲେକାମ୍ ତାମ୍‍ ନାଟାକି ମିକା ବାଗାତଡ଼୍‍କ୍‍ ନିନ୍ଦାମାଡ଼କଟ ମାନୁଟ୍, ସତ୍ୟବାଦୀ ନୁ ସାରେ ବିଷୟ ବିଶ୍ୱାସ୍‍ତେ ମାଡ଼ାନ୍ ଦର୍‍କାର୍‍ ।

ତୀତସ୍‌ 2:3

ଇଦ୍‍ରକମ୍ ଗାଟି ବୟଷ୍ ନାଟାକିଂଙ୍କ୍ ଲେକାମ୍ ଜିୱୁଣ୍ଡ୍ ବାଦ୍‍କାନଙ୍କ୍ ଶିକ୍ଷା ଇମୁଟ୍ । ଆୱୁ ମେଣ୍ଡେ ଅଡ଼୍‌‍କିଂଙ୍କ୍‌ ନିନ୍ଦେ ମାଡ଼୍‍ମାକି ନୁ କାଲ୍ ଉନ୍‍ମାକି, ସାୟେ ନୁ ସାୟେତ୍ ଶିକ୍ଷା ଇଦାନଙ୍କ୍ ଅନୁରୋଦ୍ ମାଡ଼ାଟ୍ ।

ଏବ୍ରୀ 12:1

ଇଦ୍‌ଲେକେନ୍‌ ସାକ୍ଷିନଡ୍ ଅଣ୍ଡୟ୍‌ ବାଡ଼ିୟା ମାନ୍ଦେ ମାନ୍‍ ନାଲୁପାକା କେପିମିନ୍‌ତେର୍ । ଆଦିନ୍‌ମାଇଦିଙ୍କ୍ ୱାଡାଟୁ, ବେନ୍‍ ସାର୍ରେ ବିଷୟ ମାନାଲ୍ ଆଦାନ୍‌ ଆର୍ଦିନ୍ ବାନ୍ଦ୍‌ ମାଡ଼ ମିନ୍ଦେ ମେଣ୍ଡେ ବେନ୍ ସାର୍ରେ ପାପାମ୍‌ ମାନାଙ୍କ୍ ଲାଗି ପଇସ୍‌ ମିନ୍ଦେ, ଆୱ୍‌ ସାର୍ରେ ୱିଡ଼୍‍ସି ମେଣ୍ଡ୍ ଗାଡ଼୍‍ସ୍‍ ଆସ୍‌ ମାନ୍‍ ମାଇଦିଙ୍କ୍ ତିଆର୍‌ ଆଦାନାଦିନ୍‌ ମୁନେ ମିରି ଆନ୍‌ଦିକାଲ୍‌ ।

ଯାକୁବ 1:21

ଆଦିଙ୍କ୍ ମିଡ଼୍ ସାର୍‍ରେ କାରାପ୍ ବିଷୟ୍ ନୁ ସାର୍‍ରେ କାରାପ୍ ପାଡ଼୍‍ୟି ୱିଡ଼୍‍ସି, ଇଶ୍ୱର୍‌ତେ ପାକେ ନିଜେତିଙ୍କ୍ ସମର୍ପଣ ମାଡ଼ାଟ୍ ନୁ ମୀଇ ହୃଦୟତାଗ୍ ଅଣ୍ଡ୍‌‍ ବେନା ବାକ୍ୟ ଉର୍‍ସ୍କ୍‍ତଣ୍ଡ୍ ନୁ ବାତ୍‍ ମିକିଙ୍କ୍ ରକ୍ଷା ମାଡ଼ାନଙ୍କ୍ ପାର୍‍ତନ୍, ଆଦ୍ ଗ୍ରହନ୍‍ ମାଡ଼ାଟ୍ ।

ଯାକୁବ 3:14

ଇତ୍‍କେ ଯଦି ମିଇ ଜିୱୁଣ୍ଡ୍ ଲୋପେ ଗାଟି ଇର୍ଷା ମିନ୍ଦେ ନୁ ସ୍ୱାର୍ତପର ମିନ୍ଦେ, ଆଲେକେ ନିଜାମ୍ ବିରୁଦ୍‍ତେ ଗର୍ବ ମାଡ଼୍‍ମାଟ୍ ନୁ ମିଚ୍ କେଲ୍‍ମାଟ୍ ।

ଯାକୁବ 4:11

ଆ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ନିଜେତ୍ ନିଜେତ୍ ଲୋପେ ନିନ୍ଦେ ମାଡ଼୍‍ମାଟ୍ । ବେନ ତାମୁଣ୍ଡ୍‍ତେ ନିନ୍ଦେ ମାଡ଼ିତନ୍ କି ତାମୁଣ୍ଡ୍‍ତାଗ୍ ବିଚାର୍ ମାଡ଼ିତନ୍, ଅଣ୍ଡ୍‌ ନିୟମ୍‍ତିଙ୍କ୍ ନିନ୍ଦେ ମାଡ଼ିତନ୍ ନୁ ଆଦିଙ୍କ୍ ବିଚାର୍ ମାଡ଼ିତନ୍; ଇତ୍‍କେ ମିଡ଼୍ ଯଦି ନିୟମ୍‍ତାଦ୍ ବିଚାର୍ ମାଡ଼ିତିଡ଼୍, ଆଲେକେ ମିଡ଼୍ ଆଦିନ୍ ପାଲନ୍ ମାଡ଼ାନଡ଼ି ଆୟ୍‍ୱିଡ଼୍ ମିଡ଼୍ ଆଦିନ୍ ବିଚାର୍ ମାଡ଼ାନଡ଼ି ।

ଯାକୁବ 4:5

ଆୟକ୍‍ ମିଡ଼୍ ବାତ୍ ଇଦ୍ ଦର୍ମଶାସ୍ତ୍ରତାଦ୍ ବାକ୍ୟତିଙ୍କ୍ ମିଚ୍ ଇଞ୍ଜ ଆଲ୍‍ସୁତିଡ଼୍; ଇଶ୍ୱର୍‍ ମାନାଗାଙ୍କ୍ ବେନ୍ ଆତ୍ମାତିଙ୍କ୍ ଅଣ୍ଡ୍‌ ମାନ୍‍ ଲୋପେ ବାଦ୍‍କାନଙ୍କ୍ ପଡ଼୍‍ୟେ ଇସ୍ ମିନ୍ଦେଣ୍ଡ୍, ଅଣ୍ଡ୍‌ ମାନ୍‍ ସାରେ ଅଦିକାର୍‌ ମାଡ଼ାନ୍ ସେଙ୍ଗେ ବେଲାବା ଚିନ୍ତେ ମାଡ଼ିତନ୍ ?

ଯାକୁବ 5:9

ଆ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ବେଲା ବିଚାର୍ ଆୟ୍‍ୱିଡ଼୍, ଆଦିନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପେର୍‍ଲ୍‍ମାଟ୍, ଉଡ଼ାଟ୍, ବିଚାର୍ କର୍ତ୍ତାଲ୍ ମାର୍ ଗାରେ ନିସ୍ ମିନ୍ଦେଣ୍ଡ୍ ।

୧ ପିତର୍‍ 2:16

ସ୍ୱାଦିନ୍‍ତେ ନାରୁଡ଼୍‍ ଲେକାମ୍ ଜିୱୁଣ୍ଡ୍‍ ବାଦ୍‍କାଟ୍ । କିନ୍ତୁ ସ୍ୱାଦିନ୍‍ତେ କାରାପ୍ ବେବହାର୍ ମାଡ଼ି କାରାପ୍‍ କାମ୍ ମାଡ଼୍‍ମାଟ୍ । ଇଶ୍ୱର୍‌ତେ କ୍ରୀତଦାସ ଲେକାମ୍ ଜିବନ୍ ଯାପନ୍ ମାଡ଼ାଟ୍ ।

୧ ପିତର୍‍ 2:22

ଅଣ୍ଡ୍‌ ବାତେବା ପାପ୍‍ ମାଡ଼୍‍ୱେ ମାତ୍‍ତନ୍ । ଅନ୍‌ ପାୟୁର୍‍ତାଗାଙ୍କ୍ ମିଚ୍ ଗଟି ପେଇତାନୱୁ ବେନ ବେସୁଙ୍କ୍‍ କେଞ୍ଜ୍‍ୱେ ମାତ୍‍ତନ୍ ।

୧ ପିତର୍‍ 3:10

ଶାସ୍ତ୍ରତାଗ୍ ଲେକାମିନ୍ଦେ, “ବେନ ଜିୱେତାଗ୍ ପ୍ରେମ ମାଡ଼ାନଙ୍କ୍ ନୁ ସୁକାମ୍‍ତେ ଦିନାମ୍ ଉଡ଼ାନଙ୍କ୍ ଇଚ୍ଛା ମାଡ଼ିତଣ୍ଡ୍, ଅଣ୍ଡ୍‌ କାରାପ୍‍ ଗଟ୍ କେଲ୍‍ମାକିଣ୍ଡ୍‍ ନୁ ମିଚ୍‍ ଗଟିନାଗାଙ୍କ୍ ପେୟ୍‍ସ୍‍ ୱାଡ଼ିଣ୍ଡ୍ ।

୧ ପିତର୍‍ 4:2

ମୀଇଡ଼୍ ଇଞ୍ଜେକଞ୍ଜ୍ ଜିୱୁଣ୍ଡ୍‍ତାଗ୍‍ ମାନ୍ଦାନ୍‍ ବେସ୍‌କ୍ ଦିନା ଲୋପେ ନିଜେତ୍ ମେନ୍ଦୁଲ୍ ଅବିଲାଷତେ ଜିୱୁଣ୍ଡ୍‍ ବାଦ୍‍କ ଆୟକଟ୍ ଇଶ୍ୱର୍‌ତେ ଇଚ୍ଛାଦିନାମ୍ ଆୟ୍‍ମୁଟ୍ ।

୧ ପିତର୍‍ 4:4

ମିଡ଼୍ ଇଞ୍ଜେ ଇଦ୍ ଲେକାମ୍ କାରାପ୍‍ କାମ୍‍ତାଗ୍‍ ଅଡ଼୍‌‍ତଡ଼୍ କାଇଲ୍‍ୱାଙ୍କ୍ ଅଡ଼୍‌ ଆଶର୍ଯ୍ୟ ଆସ୍ ମିକିଂଙ୍କ୍ ଗାଟି ନାର୍ଗେ ଲିନ୍ଦେ ମାଡ଼ୁତଡ଼୍ ।

ପ୍ରକାଶିତ୍‌ ବାକ୍ୟ 14:5

ଅଡ଼୍‌‍ ବେସୁଙ୍କ୍‍ ମିଚ୍ କେତାନାଦ୍ ତନ୍‍ନ୍ଦ, ଅଡ଼୍‌ ସମ୍ପର୍ଣ୍ଣତେ ନିର୍ଦୋଷ୍‍ ।