୧ ପିତର୍‍ 1:4 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁴ ଆଦିଙ୍କ୍ ଇଶ୍ୱର୍‍ ତାନ୍ ନାରୁଡ଼୍‍ ସେଙ୍ଗେ ବେନ୍ ନାର୍ଗେ ମୁଲ୍ୟ ଆର୍ଶିବାଦ୍ ନେଃତ୍‍ତନ୍, ଆଦ୍ ପାଏମ୍ ଆଦାନ୍ ସେଙ୍ଗେ କେପିମିନ୍ଦେମ୍‍ । ଆଦ୍‍ ଅଣ୍ଡ୍‌‍ ସ୍ୱର୍ଗତାଗ୍‍ ସାୟେମାଡ଼ି ନେଃତଣ୍ଡ୍‍, ଆଗେ ଆଦ୍ ବେସୁଙ୍କ୍‍ ତେର୍‍ର, ନଷ୍ଟ ବା କାର୍‍କ୍‍ ପୟ ।

୧ ପିତର୍‍ 1:4 Iomraidhean Croise

ମାତିଉ 25:34

ତାନ୍‍ପେର୍କେ ଅନ୍‌ ତିନ୍ଦେପାକ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ରାଜାଲ୍ କେତିତଣ୍ଡ୍, ୱାଡ଼ାଟ୍, ମିକିଂଙ୍କ୍ ନା ବାବାଲ୍ ଆର୍ଶିବାଦ୍ ମାଡ଼ିମିନ୍ଦେଣ୍ଡ୍ । ତିଆର୍‍ତେ ମୁନେଙ୍କ୍ ବେନ୍ ରାଜ୍ୟ ମିଇ ମାଇଦିଙ୍କ୍ ତିଆର୍ ଆସ୍‍ମିନ୍ଦେ, ୱାଡ଼ାଟ୍, ଆଗେ ନେଙ୍ଗାଟ୍‍ ।

ମାର୍କ 10:17

ଜିସୁ ମେଣ୍ଡନ୍‍ଦାମ୍‍ ଅନାଦ୍‌‍ ଆଦାନାଦ୍‍ ଆରାମ୍‌ ମାଡ଼୍‍ତେ ୱେଲେ ଅର୍‍ତୁଣ୍ଡ୍‍ ନାରୁଣ୍ଡ୍‍ ମିରିୱାସ୍‍ ଅନ୍‌‍ ମୁନେ ମର୍‍ମିଣ୍ଡା ଉୱୁସି ପାଚାରାମାଡ଼୍‍ତଣ୍ଡ୍‍, “ଗୁରୁ, ସାରେଦିନାତ୍‌ ଜିୱୁନ୍‍ ଲାବ୍‍ ମାଡ଼ାଙ୍କ୍‍ ନାକିଙ୍କ୍‍ ଲେକେତ୍‍ ବାତେ ମାଡ଼୍‍ୱେୟ୍‍ତିତ୍‍ ?”

ପ୍ରେରିତ 20:32

“ଇଞ୍ଜେ ନାନ୍ ମିକିଂଙ୍କ୍ ଇଶ୍ୱର୍‌ତେ କାୟ୍‍ଦେ ପରିଷ୍କାର୍‍ ନୁ ଅନୁଗ୍ରହ ବାକ୍ୟ ଗାର୍‍ରେ ସମର୍‍ପନ୍ ମାଡ଼ୁତାନ୍; ଆଦ୍ ବାକ୍ୟ ମିକିଂଙ୍କ୍ ଡୁଟାଙ୍ଗ୍‍ ମାଡ଼ାନଙ୍କ୍ ନୁ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ଦର୍‍କାର୍ ସାରେ ଆର୍ଶିବାଦ୍ ମିକିଂଙ୍କ୍ ହିଦାନଙ୍କ୍ ପାର୍‍ଦ୍‍ତେ ।

ପ୍ରେରିତ 26:18

ନିମ୍‍ ଅଡ଼ାଦ୍‌ କଣ୍ଡାଙ୍କ୍ ପରିଷ୍କାର୍‍ ମାଡ଼ିମ୍ । ଅଡ଼୍‌‍କିଂଙ୍କ୍ ଇକାଡ଼୍‌ତାଗାଙ୍କ୍ ୱେସିନାଗ୍ ନୁ ଶୟ୍‍ତାନ୍‍ତାଗାଙ୍କ୍ ଇଶ୍ୱର୍‌ତେ ପାକେ ତାତାନଙ୍କ୍ ଆଦ୍‍ତେ, ବେଲାକି ଅଡ଼୍‌ ନାକିଂଙ୍କ୍ ବିଶ୍ୱାସ୍ ମାଡ଼୍‍କେ ଅଡ଼ାଦ୍‌ ପାପ୍ କ୍ଷମା ଆଦ୍‍ତେ ନୁ ପ୍ରବୁ ହେଞ୍ଚ୍‍ତେ ନାରୁଡ଼୍ ଲୋପେ ଅଡ଼୍‌‍କ୍ ଅଦିକାର୍‌‍ ଦର୍‍କିତ୍ ।’”

ରୋମୀୟ 8:17

ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।

୧ କରନ୍ତିୟ 9:25

କାର୍‍ସାନଡ଼୍ ଟ୍ରେନିଂ ୱେଲେ ସାର୍‍ରେ ବିଷୟ୍ ସାୟେ ବ୍ୟବହାର୍‌ ମାଡ଼ିତଡ଼୍ । ଅଡ଼୍‌ ନଷ୍ଟଆଦାନାଦ୍ ସହଜ୍‍ ପାଏମ୍ ଆଦାନ୍ ସେଙ୍ଗେ ଇଦ୍‍ରକମ୍ ମାଡ଼ିତଡ଼୍ । ଇତ୍‍କେ ମାନାଡ଼୍ ତେର୍‍ୱାଦ୍ ସହଜ୍‍ ପାଏମ୍ ଆଦାନ୍ ସେଙ୍ଗେ ଇଦ୍‍ରକମ୍ ମାଡ଼ିତାଡ଼୍ ।

ଗାଲାତୀୟ 3:18

ଇଶ୍ୱର୍‌ତେ ପ୍ରତିଜ୍ଞା ଆର୍ଶିବାଦ୍‌ ଯଦି ନିୟମ୍‍ ପାଳନ୍ ମାଡ଼ାନ୍ ତଡ଼୍ ସାମାନ୍, ଆଲେକେ ଆଦ୍ ଅନାଦ୍‌ ପ୍ରତିଜ୍ଞା ଇଞ୍ଜ କେତାନଙ୍କ୍ ଆୟ । ଆଦିଙ୍କ୍ ଇଶ୍ୱର୍ ଅନାଦ୍‌ ପ୍ରତିଜ୍ଞା ଲେକାମ୍ ଆଦ୍ ଆର୍ଶିବାଦ୍‌ ଅବ୍ରାହାମ୍‍ତିଙ୍କ୍ ଇତ୍‌ତଣ୍ଡ୍‌ ।

ଏଫିସିୟ 1:11

ସାରେ ବିଷୟ ଇଶ୍ୱର୍‌ତେ ଯୋଜନା ନୁ ନିଷ୍ପତ୍ତି ଲେକାମ୍ ତିଆର୍ ଆଦ୍‍ତେ; ମୁନେକଞ୍ଜ୍ ତିଆର୍ ନିଜେତ୍ ଉଦ୍ଦେଶ୍ୟତେ ସାଦନ୍‍ ସେଙ୍ଗେ, କ୍ରିଷ୍ଟନ୍ ତଡ଼୍ ଅନାଦ୍‌ ନିଜେତ୍ ନାରୁଡ଼୍ ଆଦାନ୍ ସେଙ୍ଗେ ଇଶ୍ୱର୍ ମାନାଙ୍କ୍‍ ହେଞ୍ଚିମିନ୍ଦେନ୍ ।

ଏଫିସିୟ 1:14

ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ବେନ୍ ସାରେ ବିଷୟ ଇଦାନ୍ ସେଙ୍ଗେ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ସାରେ ଯେ ମାନାଡ଼୍ ଦର୍ସିକିତାଡ଼୍, ପବିତ୍ରଆତ୍ମା ଆଦିନାଦ୍ ନିଜାମ୍‍ ମାଡ଼ିତାନ୍‍ ଇଞ୍ଜ କେତ୍‍ତଣ୍ଡ୍‍ । ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ସ୍ୱାଦିନତା ଇଦ୍‍ତଣ୍ଡ୍‍, ଇଦ୍ ନିଜାତେ ଆୱୁକାନ୍ ସେଙ୍ଗେ, ୱାଡ଼ାଟ୍ ଇଶ୍ୱର୍‌ତେ ମହିମା କିର୍ତ୍ତନ୍ ମାଡ଼ିକାଡ଼ାଟ୍ ।

ଏଫିସିୟ 1:18

ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ ।

କଲସୀୟ 1:12

ବାବାଲ୍ ଇଶ୍ୱର ୱେସିନ୍‍ ରାଜ୍ୟତାଗ୍ ତାନ୍‍ ନାରୁଡ଼୍‍ ସେଙ୍ଗେ ବାତ୍‍ ଲେକେତ୍ ନେଃଏତଣ୍ଡ୍, ଆଦିନ୍ ବାଗିଦାର୍‍ ଆଦାନ୍ ସେଙ୍ଗେ ଅଣ୍ଡ୍‌ ଯେ ମିକିଙ୍କ୍ ଯୋଗ୍ୟ ମାଡ଼୍‍ତନ୍, ଅଦିନ୍‌ ସେଙ୍ଗେ ୱେଡ଼୍‍କେତେ ଅଙ୍କ୍‌ ଦନ୍ୟବାଦ୍ ଇମୁଟ୍ ।

କଲସୀୟ 1:5

ବେସୁଙ୍କ୍‍ ସୁସମାଚାର୍‍ତେ ନିଜାମ୍‍ତାଦ୍‍ କାବୁର୍ ମିଇପାକେ ମୁନେଙ୍କ୍ ୱାତ୍‍ତେ, ମିଡ଼୍‍ ଆଦିନ୍ ତଡ଼୍ ଇତ୍‍ତାୱୁ ବର୍‍ସାତାଉ ଗଟି କେଞ୍ଜିମାତ୍‍ତିଡ଼୍ । ମିଡ଼୍ ବାତ୍‍ ବର୍‍ସା ମାଡ଼ିତିଡ଼୍, ବାତ୍‍ ମିଇ ସେଙ୍ଗେ ସ୍ୱର୍ଗତାଗ୍‍ ସୁରକ୍ଷିତ୍, ଆଦିନ୍ ପରୁ ମିଇୟାଦ୍ ବିଶ୍ୱାସ୍ ନୁ ପ୍ରେମ ମିନ୍ଦେ ।

କଲସୀୟ 3:24

ଏର୍କେ ନେହେମୁଟ୍, ଇଶ୍ୱର୍‍ ତାନ୍ ନାରୁଡ଼୍ ସେଙ୍ଗେ ବାତେ ନେଃଏତଣ୍ଡ୍, ଆଦ୍ ଅଣ୍ଡ୍‌ ମିକିଙ୍କ୍ ପୁରସ୍କାର୍ ଲେକାମ୍ ଇଦ୍‍ତଣ୍ଡ୍‍ । ବାତେଙ୍କ୍ଇତ୍କେ କ୍ରିଷ୍ଟକେ ମିୟାଦ୍ ନିଜାତଣ୍ଡ୍ ପ୍ରବୁ, ବେନନାଦ୍ ସେବା ମିଡ଼୍‍ ମାଡ଼ୁତିଡ଼୍ ।

୨ ତୀମତି 4:8

ଇଞ୍ଜେ ନାୟାଦ୍ ଦର୍ମପରାୟନ୍‍ତେ ସେଙ୍ଗେ ଜିଡ଼୍‍ତାଦ୍ ପୁରସ୍କାର୍ ନେହେତାଦ୍ ମିନ୍ତେ । ଅଣ୍ଡୟ୍‌ ଦିନେତେ ନ୍ୟାୟବାନ୍ ବିଚାର୍‍ ମାଡ଼ାନଣ୍ଡ୍ ପ୍ରବୁ ନିଜେ ନାକିଂଙ୍କ୍ ଆଦ୍ ପୁରସ୍କାର୍ ହିଦ୍‍ତନ୍ ମାତର୍ ନା ୱେରଙ୍କ୍ ଆୟ; ପ୍ରେମ ବକ୍ତି ତଡ଼୍ ବେନଡ଼୍ ଅନ୍‌ ୱାଦାନ୍‍ ଦିନାତିଙ୍କ୍ କେପିମିନ୍ଦେଡ଼୍, ସାରେତଡ଼୍ ଆଦ୍ ପୁରସ୍କାର୍ ଲାବ୍ ମାଡ଼ିତଡ଼୍ ।

ଏବ୍ରୀ 10:34

ମିଡ଼୍ ତାନାତାଗ୍ ମାନ୍ଦାନଡ୍‌ ଦୁକାମ୍‌ କଷ୍ଟତେ ତଡ୍‌ କାୟିଲ୍‍ନିଡ଼୍‍ ମେଣ୍ଡେ ବେସୁଙ୍କ୍‍ ମିୟାଦ୍ ସାର୍ରେ ଦାନ୍‌ତିଙ୍କ୍‍ ଆତ୍‍ତଡ୍‌, ଆସୁଟ୍‌ ମିଡ଼୍ ୱେଡ଼୍‍କାତେ ମାଞ୍ଜ ବାତେବା ତିରୟ୍‌ୱିଡ୍, ବାତାଙ୍କ୍‌ଇତ୍‌କେ ମିୟାଦ୍‌ ସାର୍ରେଦିନାତ୍‌ ଦାନ୍‌ ସମ୍ପତି ମିନ୍ଦେ, ଆଦ୍ ମିଡ଼୍ ପୁଞ୍ଜ୍‌ମାତିଡ୍ ।

ଏବ୍ରୀ 9:15

ଆଦେନ୍‌ ସାଙ୍ଗ୍ କ୍ରିଷ୍ଟ ପୁନା ନିୟମ୍‌ ମାଡ଼୍‍ତଣ୍ଡ୍‍, ବେଲାକି ବେନଡ଼୍‍କ୍‌ ଇଶ୍ୱର କାର୍‍ଙ୍ଗ୍‍ତଣ୍ଡ୍‍, ଓଡେ ଇଶ୍ୱର ପ୍ରତିଜ୍ଞା ମାଡ଼୍‍ତାଦ୍‍ ଅନନ୍ତ ଆର୍ଶିବାଦ୍‌ ଦର୍କାକିଦ୍‍ତଡ୍ । ମୁନେତ୍ ନିୟମ୍‌ ପାଡ଼୍‍ୟି ମାଡ଼ାନାସୁଟ, ନାରୁଡ୍ ବେନ୍‍ସାରେ ପାପ୍ ମାଡ଼୍‍ମାତ୍‍ତଡ଼୍‍, ଅଡ୍‌ ସାର୍ରେ କ୍ରିଷ୍ଟ ଡଲ୍‌ତା ସେଙ୍ଗେ ଗେଲ୍‌ସି ମିନ୍ଦେଡ଼୍ ।

ଯାକୁବ 1:11

ପଡ଼୍‍ଦ୍ କାମ୍‍କେତେ ପେୟ୍‍କେ, ଗାଡ୍‍ ବେଲା ୱାସି ଆଦ୍‍ତେ ନୁ ତାନ୍ ପୁଙ୍ଗାର୍‍ ଦୁଲ୍‍ଲି ରାଲିତ୍ ମେଣ୍ଡେ ତାନାଦ୍ ସୁନ୍ଦର୍ ମାୟି ଆଦ୍‍ତେ, ଆଦେରକମ୍ ସାଉକାର୍ ନାରୁଡ଼୍ ତାନ୍ ସାର୍‍ରେ ବିଷୟ୍‍ତାଗ୍ ୱାସି ଆଦ୍‍ତନ୍ ।

୧ ପିତର୍‍ 3:9

ଅନିଷ୍ଟ ବଦଲ୍‍ତେ ଅନିଷ୍ଟ ମାଡ଼୍‍ମାଟ୍, ଅବିଶାପ୍‌ ବାଦୁଲ୍‍ତେ ଅବିଶାପ୍‌ ମାଡ଼୍‍ମାଟ୍; ତାନ୍ ପେର୍କେ ଆର୍ଶିବାଦ୍‌ ମାଡ଼ାଟ୍, ବାତେଙ୍କ୍ଇତ୍କେ ଇଦିନ୍ ସେଙ୍ଗେ ଇଶ୍ୱର୍‍ ମିକିଙ୍କ୍ କାର୍‍ଙ୍ଗି ମାତ୍‍ତନ୍ ନୁ ଆଦ୍‍ ମାଡ଼ାନ୍ ପେର୍କେ ମିଡ଼୍ ଆର୍ଶିବାଦ୍ ପାଏମ୍ ଆଦ୍‍ତିଡ଼୍,

୧ ପିତର୍‍ 5:4

ବେସୁଙ୍କ୍‍ “ଲେକେତ୍ ମେକାଗଲାଲ୍,” ୱାଦ୍‍ତନ୍, ମିଡ଼୍ ଗୌରବ୍‍ତେ ମୁକୁଟ୍‍ ପାଏମ୍ ଆଦ୍‍ତିଡ଼୍ । ଆଦିନାଦ୍ ୱେସ୍ ବେସୁଙ୍କ୍‍ ମୁର୍‍କ୍‍ ଆୟ ।

ପ୍ରକାଶିତ୍‌ ବାକ୍ୟ 21:27

ବାତ୍‍ ବା କାରାପ୍‍ ଜିନିସ୍‍ ଇଗେ ୱାଡ଼୍ । କାରାପ୍‍ କାମ୍‍ ମାଡ଼ାନ୍‍ ନାରୁଡ଼୍ ନୁ ମିଚ୍ କେତାନ୍ ନାରୁଡ଼୍ ଇଦ୍‍ ନାର୍‍ଦାଗ୍ ଅସାନଙ୍କ୍ ପାର୍‍ୱଡ଼୍ । ବେନଡ଼ାୱୁ ପେଦେର୍ ମେଣ୍ଢା ମେୟ୍‍ତାନଣ୍ଡ୍‍ତେ ଜିୱୁଣ୍ଡ୍ ବଇତାଗ୍‍ ଲେକା ଆସ୍‍ମାନ୍‍ତେ, ଅଡ଼୍‌ ଇଦ୍ ନାର୍‍ଦାଗ୍‍ ଅସାଙ୍କ୍‍ ପାର୍‍ଦ୍‍ତଡ଼୍ ।