୧ ପିତର୍‍ 1:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍‍ ଇଦ୍‍ତମ୍, ବାତେଙ୍କ୍ଇତ୍କେ ଅଣ୍ଡ୍‌ ତାନ୍ ନାର୍ଗେ ଦୟାତେ ଜିସୁ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍‍ମିକା ମାନାଙ୍କ୍ ପୁନେଃ ଜିୱେ ଇତ୍‍ତନ୍ । ଇଦ୍ ମାନାଦ୍‍ ଜିୱେ ଆସେ ସାରେମାଡ଼୍‍ତନ୍ ।

୧ ପିତର୍‍ 1:3 Iomraidhean Croise

ଯୋହନ୍‌‌ 1:13

ଅଡ଼୍‌ ନେତୁର୍‍ତାଗାଙ୍କ୍, ମେନ୍ଦୁଲ୍‍ତେ ଇଚ୍ଛାତେ ବା ନାରୁଡ଼୍ ଇଚ୍ଛାତେ ଜନମ୍ ଆୟ୍‍ୟଡ଼୍, ବେଲାନ୍ ଇଶ୍ୱରତାଗାଙ୍କ୍ ଜନମ୍ ଆଦ୍‍ତଡ଼୍ ।

ରୋମୀୟ 12:12

ଗାଡ଼୍‍ସ୍ ଆଶେ ନେଏଃସ୍ ୱେଡ଼୍‍କ୍‍ ମାଡ଼ାଟ୍ । ଦୁଃକାମ୍ ତିପାଲ୍ ୱେଲେ ଗାଡ଼୍‍ସ୍‍ ପୟ୍‍ମୁଟ୍ । ସାର୍ରେଦାମ୍ ପ୍ରାର୍ତନା ମାଡ଼ମାନୁଟ୍ ।

ରୋମୀୟ 15:13

ସାର୍‍ରେ ବରସାତଣ୍ଡ୍, ଇଶ୍ୱର୍ ମିକିଂଙ୍କ୍ ବିଶ୍ୱାସ୍‍ତେ ମାୟ୍‍ଦିଙ୍କ୍ ମିକିଂଙ୍କ୍ ୱେଡ଼୍‍କ୍‍ ନୁ ଶାନ୍ତିତଡ଼୍ ସାରେ ମାଡ଼ିଣ୍ଡ୍ । ପବିତ୍ର ଆତ୍ମାତେ ଶକ୍ତିତଡ଼୍ ମିୟାଦ୍ ବରସା ନାର୍ଗେ ଆୟି ।

ରୋମୀୟ 4:25

ଅଣ୍ଡ୍‌ ପ୍ରବୁ ଜିସୁ ମାନ୍‍ ପାପ୍ ସେଙ୍ଗେ ଡଲିମାତ୍‍ତଣ୍ଡ୍ ନୁ ଇଶ୍ୱର୍‌ତାଗ୍ ମାକିଂଙ୍କ୍ ନିର୍ଦୋଷ୍‌ ମାଡ଼ାନଙ୍କ୍ ମେଣ୍ଡେଅନ୍‌ଦାମ୍‍ ଜିୱେ ଆସ୍‍ମାତ୍‍ତଣ୍ଡ୍ ।

ରୋମୀୟ 5:10

ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ?

ରୋମୀୟ 8:11

ଯଦି କ୍ରିଷ୍ଟଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ମାଡ଼୍‍ତେ ଇଶ୍ୱର୍‌ତାଦ୍ ଆତ୍ମା ମିୟାଗ୍ ମିନ୍ଦେ, ଆଲେକେ ଆଦ୍ ଆତ୍ମାତେ ସାହାଯ୍ୟତେ ଇଶ୍ୱର୍ ମିୟାଦ୍ ଡଲ୍‍ତାଦ୍ ମେନ୍ଦୁଲ୍‍ତିଙ୍କ୍ ଗାଲା ଜିୱେ ମାଡ଼ିତନ୍ ।

ରୋମୀୟ 8:24

ବାତେଙ୍କ୍ଇତ୍‍କେ ଆଶା ମାଡ଼୍‍କେନେ କେ ମାନାଙ୍କ୍‍ ମୁକ୍ତି ଦର୍‍କିତ୍ । ଇତ୍‍କେ ବାତ୍ ତଅନ୍‌ଦିତ୍, ଆଦିନ୍ ସେଙ୍ଗେ ଆଶା ମାଡ଼ାନାଦ୍ ନିଜାତେ ଆଶା ଆୟ୍‍ୟ । ବେନ ବାତ୍ ତଅନ୍‌ଦାନାଦ୍ ଜିନିଷ୍ ସାର୍‍ରେ ସେଙ୍ଗେ ଆଶା ମାଡ଼ିତନ୍ ?

୧ କରନ୍ତିୟ 13:13

ବିଶ୍ୱାସ୍, ଆଶେ ନୁ ପ୍ରେମ ଇୱୁ ମୁଣ୍ଡ୍ ସାର୍ରେଦିନା ମାନ୍ଦାନ୍ ବିଷୟ୍ ଲୋପେଙ୍କ୍ ପ୍ରେମ କେ ବେଡ଼ିୟାଦ୍‌।

୧ କରନ୍ତିୟ 15:20

ଇତ୍‍କେ ନିଜାମ୍ କ୍ରିଷ୍ଟ ଡଲିମାନ୍ଦାନ୍ ନାରୁଡ଼ାଦ୍ ପୁନରୁତ୍‍ତାନ୍ ନିଜାମ୍ ତଅତାନ୍ ସେଙ୍ଗେ ଅଡ଼୍‌ ଲୋପେଙ୍କ୍ ନିଜେ ମୁନେନ୍ ତେଏଦି ମିନ୍ଦେ ।

୨ କରନ୍ତିୟ 1:3

ୱାଡ଼ାଟ୍, ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଦନ୍ୟ ନାରୁଣ୍ଡ୍‌, ଦୟାକାରି ନୁ ସାରେତଡ଼୍ ସାହାଯ୍ୟତେ ଉତ୍ସ, ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦିକାଡ଼୍ ।

ଗାଲାତୀୟ 6:16

ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ ଇଦ୍ ନିୟମ୍ ଇସାପ୍‍ତେ ଚାଲେମ୍ ଆଦ୍‍ତଡ଼୍, ଅଡ଼୍‌ ପର ନୁ ଇଶ୍ୱର୍‌ତେ ଇସ୍ରାଏଲ୍ ପର ଶାନ୍ତି ନୁ ଦୟା ଆୟି ।

ଏଫିସିୟ 1:17

ମେଣ୍ଡେ ଗୌରବ୍‍ତନ୍ ବାବାଲ୍, ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ିତାନ୍, ବେଲା ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ଇଦ୍‍ତନ୍ । ଆଦ୍ ଆତ୍ମା ମିକିଂଙ୍କ୍ ଜ୍ଞାନ୍‍ବାନ୍ ମାଡ଼ିତେ ନୁ ଇଶ୍ୱର୍‌ତିଙ୍କ୍ ମିଇ ଗାର୍ରେ କେତିତନ୍ । ଆଲାଇତ୍‍କେ, ମିଡ଼୍ ଅଙ୍କ୍‌ ପୁନ୍ଦେ ପାର୍‍ଦ୍‍ତିଡ଼୍ ।

ଏଫିସିୟ 1:3

ଦନ୍ୟ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ । ବାତେଙ୍କ୍‍ଇତ୍କେ ଅଣ୍ଡ୍‌ ମାନ୍‍ କ୍ରିଷ୍ଟନ୍‍ତଡ଼୍ କାଲ୍‍ପି ସ୍ୱର୍ଗ ନାରିନ୍ ସାରେ ଆତ୍ମିକ୍ ଆର୍ଶିବାଦ୍ ମାଡ଼୍‍ତନ୍ ।

ଏଫିସିୟ 1:7

କ୍ରିଷ୍ଟ ଡଲ୍‍ତାଙ୍କ୍ ମାନାଡ଼୍‍ ମୁକ୍ତି ପାଏମ୍‍ଆତ୍‍ତାଡ଼୍, ଅର୍ତାତ୍‍ ମାନ୍‍ୱାଦ୍‍ ସାର୍ରେ ପାପ୍ କ୍ଷମା ଆତ୍‍ତେ । ଇଶ୍ୱର୍‌ତେ ଅନୁଗ୍ରହ ବେସର୍‍ ମହାନ୍ !

ଏଫିସିୟ 2:4

ଇତ୍‍କେ ଇଦ୍‍ଲେକାମ୍ କାରାପ୍‍ତେ ଡଲ୍‍କେ କେ ଦୟାତଣ୍ଡ୍‍ ଯେ ଇଶ୍ୱର୍, ଅଣ୍ଡ୍‌ ମାନ୍‍ ବେନ୍ ନାର୍‍ଗେ ପ୍ରେମତଡ଼୍‍ ପ୍ରେମ ମାଡ଼୍‍ତଣ୍ଡ୍ ।

ଏଫିସିୟ 3:20

ଇଶ୍ୱର୍ ମାନ୍‍ ଲପେ ଅନ୍‌‍ୱାଦ୍ ଚାଲେମ୍‍ ଆସମାନ୍ଦାନ୍ ଶକ୍ତି ତଡ଼୍‍ ମାନାଡ଼୍‍ ତାଲ୍‍କାନାଗାଙ୍କ୍ ନାର୍ଗେ ଇଦ୍‍ପୁଟୁଙ୍ଗ୍ କି ମାନାଦ୍‍ ଆଲ୍‍ସାନ୍ ବିଷୟ୍‍ ଇଦାନ୍ ମାୟ୍‍ଦିଙ୍କ୍ ପାର୍‍ଦ୍‍ତଣ୍ଡ୍‍,

କଲସୀୟ 1:23

ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।

କଲସୀୟ 1:27

ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି ।

୧ ଥେସଲନିୟ 1:3

ମାମ୍‍ମେ ବାବାନ୍ ଇଶ୍ୱର୍‌ତେ ପାକେ ଏର୍କା ମାଡ଼ମାନ୍‍ତମ୍, ବେଲାନ୍ ମିଡ଼୍ ନିଜେତ୍ ବିଶ୍ୱାସ୍‍ତିଙ୍କ୍ ପାଡ଼ିୟିଦାଗ୍ ମାଡ଼ୁତମ୍, ପ୍ରେମତେ ମାଡ଼ି ବେଲାନ୍ ତିପାଲ୍‍ତେ ମାଡ଼ୁତିଡ଼୍ ନୁ ମାମ୍‍ମେ ବେଲାନ୍ ଡ଼ାଟ୍‍ଟୁମ୍ ।

୧ ଥେସଲନିୟ 4:13

ହୋ ଦାଦାନଡ଼ି ନୁ ଏଲାସ୍କ୍, ୱେରେ ନାରିଡ଼୍‍ତେ ବିଷୟ୍‍ତେ ଅଣ୍ଡୟ୍‌ ନିଜାତେ ଗଟ୍ ମିକିଂଙ୍କ୍ କେତାନଙ୍କ୍ ଇଚ୍ଛା ମାଡ଼ୁତମ୍ । ଆଲେକେ, ମିଡ଼୍ ବାଗାତଡ଼୍ ଲେକାମ୍ ଆସ୍‍ତେ ନାରିଡ଼୍ ଲେକାମ୍ ଶୋକାକୁଲ ଆୟ୍‍ମାଟ୍ ।

୨ ଥେସଲନିୟ 2:16

ମାନ୍‍ ପ୍ରବୁ ଜିସୁ କ୍ରିଷ୍ଟ ନିଜେ, ମାନ୍‍ ବେନ୍ ବାବାଲ୍ ଇଶ୍ୱର୍ ମାନ୍‍ ପ୍ରେମ ମାଡ଼ି ମାନ୍‍ ଅନୁଗ୍ରହତେ ମାନ୍‍ ସାରେଦିନାତ୍ ସାନ୍ୱନା ନୁ ଲେକେତ୍‍ ଆଶେ ଇସ୍‍ମିନ୍ଦେନ୍ ।

୧ ତୀମତି 1:14

ମା ପ୍ରବୁନ୍‍ ନାର୍ଗେ ଅନୁଗ୍ରହ ନୁ ଅନାଗ୍‍ ବିଶ୍ୱାସ୍‍ ମେଣ୍ଡେ ପ୍ରେମତେ ଆସ୍‍ମିନ୍ଦେନ୍‍ ।

ତୀତସ୍‌ 2:13

ମହାନ୍ ଇଶ୍ୱର୍ ନୁ ମାନ୍‍ ମୁକ୍ତିଦାତାଲ୍ କ୍ରିଷ୍ଟ ଜିସୁନ୍ ଗୌରବ୍ ଆଦାନ୍ ସେଙ୍ଗେ ପ୍ରକାଶ୍ ଆଦାନଙ୍କ୍ ଆଦୁତ୍‍ତେ, ଆଦ୍ ଦିନେତାଦ୍ କେପି ମାମ୍‍ମେ ମିନ୍ଦେମ୍ ।

ଏବ୍ରୀ 3:6

ଇତ୍‌କେ କ୍ରିଷ୍ଟ ମାର୍‌ ଲେକାମ୍‍ ଇଶ୍ୱରନ୍ ପୁରାଲୋତ୍‍ତେ ଦାୟିତ୍ୱତାଗ୍‍ ବିଶ୍ୱସ୍ତ ମିନ୍ଦେଣ୍ଡ୍‌ । ମାନାଡ଼୍‍ ଯଦି ଡାଟୁମ୍‌ତେ କେତ୍‌ତାୱ୍‌ ବିଷୟ୍ ଦର୍କିତା ଇଞ୍ଜ ମାନ୍‍ ବିଶ୍ୱାସ୍‌ତେ ଡୁଟାଙ୍ଗ୍‍ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ଗାଲା ଅନ୍‌‌ ଲୋନ୍‌ ଆଦେପାର୍‍ଦ୍‍ତାଡ଼୍‍ ।

ଯାକୁବ 1:18

ମାନାଡ଼୍ ବେଲା ଅନ୍‌ ନିଜାମ୍‍ ସତ୍‍ ତିୟାର୍ ମାଡ଼୍‍ତେ ଜିୱାକ୍‍ ଲୋପେଙ୍କ୍ ଅଣ୍ଡୟ୍‌ ମୁନେନ୍ ଆଦ୍‍ତେ କାୟେ ରକମ୍ ଆଦ୍‍ତାଡ଼୍, ଆଦିନ୍ ସେଙ୍ଗେ ଅଣ୍ଡ୍‌ ତାନ୍ ଇଚ୍ଛାତେ ନିଜାତେ ଗଟ୍ ତଡ଼୍ ମାନାଙ୍କ୍‍ ସୃଷ୍ଟି ଇତ୍‍ତନ୍ ।

୧ ପିତର୍‍ 1:13

କାମ୍‍ ମାଡ଼ାନଙ୍କ୍ ତିଆର୍ ଆୟମୁଟ୍ । ତିଆର୍‍ତେ ମାଞ୍ଜ୍ ଜିସୁ କ୍ରିଷ୍ଟ ୱାଦାନ୍ ସମୟତେ ବେନ୍ ଆର୍ଶିବାଦ୍ ମିକିଙ୍କ୍ ଇଦ୍‍ତନ୍, ଆଦିନ୍ ପରୁ ନିଜାମ୍‍ତେ ଆଶେ ନେଏମୁଟ୍ ।

୧ ପିତର୍‍ 1:21

ଅନ୍‌ ସେଙ୍ଗେ ମୀଇଡ଼୍ ଇଶ୍ୱର୍‌ତେ ବିଶ୍ୱାସି ଆତ୍‍ତିଡ଼୍ । ଅନ୍‌ ମହିମା ସେଙ୍ଗେ ଡଲ୍‍ତାଗାଙ୍କ୍ ତେସ୍‍ ମିକା ଏଞ୍ଚିମାନ୍ଦାନ୍ ଇଶ୍ୱର୍‌ତେ ପରୁ ମୀୟାଦ୍ ବିଶ୍ୱାସ୍ ନୁ ଆସେ ଡୁଟାଙ୍ଗ୍‍ ଆତ୍‍ତେ ।

୧ ପିତର୍‍ 1:23

ବାତେଙ୍କ୍ଇତ୍କେ ଇଶ୍ୱର୍‌ତେ ଜିୱେତାଦ୍ ନୁ ସାରେଦିନାଦ୍ ବାକ୍ୟ ତଡ଼୍ ମୀଇଡ଼୍ ବାତେମିକା ଡଲାନ୍ ବାବାନ୍ ପିଲାନ୍ ଲେକାମ୍ ଆୟ, ମାତର୍ ଜିୱେମାନ୍ଦାନ୍ ବାବାନ୍ ପିଲାନ୍ ଲେକାମ୍ ପୁଃନେ ଜନମ୍ ଲାବ୍ ମାଡ଼୍‍ତିଡ଼୍ ।

୧ ପିତର୍‍ 2:2

କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ ।

୧ ପିତର୍‍ 3:15

ମାନ୍‍ କ୍ରିଷ୍ଟଙ୍କ୍ ବକ୍ତି ମାଡ଼ି, ଅଙ୍କ୍‌ ପ୍ରବୁ ଇଞ୍ଜ କେତ୍‍କେ । ଯଦି ବେନ ମି ଲୋପେତ୍‍ ହୃଦୟ୍‍ତାଗ୍‍ ବାଆତେ ମିନ୍ଦେ ଇଞ୍ଜ ପୁନ୍ଦାନଙ୍କ୍‍ ଇଚ୍ଛା ମାଡ଼୍‍କେ, ଅନ୍‌ ପ୍ରଶ୍ନତେ ଟିକ୍‍ ଉତ୍ତର୍ ଇଦାନଙ୍କ୍ ସାରେଦାମ୍ ତିଆର୍‍ତେ ମାନୁଟ୍ ।

୧ ପିତର୍‍ 3:21

ଅଡ଼୍‌ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍‍ମ ଲେକାମ୍ । ଇଦ୍ ବାପ୍ତିସ୍‍ମ ମୀଇ ମେନ୍ଦୁଲ୍‍ତେ ମୁର୍କ୍‍ତିଙ୍କ୍‍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍‍ ଦିନ୍‍ତଡ଼୍ ମିୟାଦ୍ ମନ୍‍ତିଙ୍କ୍ ଲେକେତ୍‍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ପାକେ ଆବେଦନ୍ ।

୧ ପିତର୍‍ 3:5

ମୁନେଙ୍କ୍‍ତେ ବେନ୍ ପବିତ୍ର ମୁତେକି ଇଶ୍ୱର୍‍ ତାଗେ ବର୍‍ସା ନେଃଏସ୍‍ମାତ୍‍ତା, ଆୱୁ ମୁଦ୍‍ପାନଡ଼୍‍ ସନ୍ତୁଷ୍ଟ ଆଦାନ୍ ସେଙ୍ଗେ ନିଜେତିଙ୍କ୍ ପବିତ୍ରତଡ଼୍‍ ସଜ୍‍ବାଜ୍‍ ମାଡ଼ମାତ୍‍ତା ।

୧ ଯୋହନ୍‌‌ 2:29

ମାନାଡ଼୍‍ ପୁତ୍‍ତାଡ଼୍‍ ଯେ, କ୍ରିଷ୍ଟ ପୁରାପୁରି ନ୍ୟାୟବାନ୍ । ଆଗେକ୍‍ବା ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍‍ ସତ୍‍ କାମ୍‍ ମାଡ଼ିତଡ଼୍‍ ଅଡ଼୍‌‍ ଇଶ୍ୱର୍‌ତେ ମାର୍‍କ୍‍ ।

୧ ଯୋହନ୍‌‌ 3:3

ବେନଡ଼୍ କ୍ରିଷ୍ଟନାଗେ ଇଦ୍ ଆଶେ ମାଡ଼ିମିନ୍ଦେଡ଼୍‍, ଅଡ଼୍‌ କ୍ରିଷ୍ଟନ୍ ଲେକାମ୍ ନିଜେତିଙ୍କ୍ ପବିତ୍ର ମାଡ଼ି ନେଃଏତିତଡ଼୍‍ ।

୧ ଯୋହନ୍‌‌ 3:9

ବେନ ପ୍ରକୃତତେ ଇଶ୍ୱର୍‌ତେ ମାର୍‍; ଅଣ୍ଡ୍‌ ପାପାମ୍‍ ମାଡ଼୍‍ୱେ ମାନ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‌ତେ ପ୍ରକୃତି ଅନାଗ୍‍ ମିନ୍ଦେ । ଇଶ୍ୱର୍ ତାମ୍‍ ବାବାଲ୍, ଅଣ୍ଡ୍‌ ପାପିଆସ୍ ମାନ୍ଦେ ପାର୍ୱଣ୍ଡ୍‍ ।

୧ ଯୋହନ୍‌‌ 4:7

ଆ ନା ପ୍ରିୟ ସାଙ୍ଗନଡ଼ି ! ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ଇଶ୍ୱର୍‌ତାଗାଙ୍କ୍ ୱାତ୍‍ତେ । ବେନନ୍ ହୃଦୟତାଗ୍ ପ୍ରେମ ମିନ୍ଦେ, ଅଣ୍ଡ୍‌ ଇଶ୍ୱର୍‌ତେ ପିଲା, ଅଣ୍ଡ୍‌ ଇଶ୍ୱର୍‌ତିଙ୍ଗ୍ ପୁତ୍‍ତଣ୍ଡ୍‍ ।

୧ ଯୋହନ୍‌‌ 5:1

ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ ।

୧ ଯୋହନ୍‌‌ 5:18

ବେନ ଆୟି ଇଶ୍ୱର୍‍ତାଗାଙ୍କ୍‍ ପୁଟ୍‍ତଣ୍ଡ୍‍ ଅଣ୍ଡ୍‌‍ ପାପାମ୍‍ତାଗ୍‍ ମାନଣ୍ଡ୍‍ । ବାତେଙ୍କ୍ଇତ୍କେ ଇଶ୍ୱର୍‌ତେ ମାର୍‍ ଅଙ୍କ୍‌ ରକ୍ଷା ମାଡ଼ିତଣ୍ଡ୍ ଶୟତାନ୍ ଅନାଦ୍‌ କ୍ଷତି ମାଡ଼େ ପାର୍‍ୱ ।

୧ ଯୋହନ୍‌‌ 5:4

ବାତେଙ୍କ୍‍ଇତ୍କେ ଅନ୍‌‍ ପିଲା ଇଦ୍ ଜଗତ୍‍ତିଙ୍କ୍ ଆରା ମାଡ଼ାନଙ୍କ୍ ଶକ୍ତି ପାଏମ୍ ଆତ୍‍ତଡ଼୍‍ । ବିଶ୍ୱାସ୍ ଶକ୍ତିତେ ମାମେ ଜଗତ୍‍ତେ ପରୁ ଜିଡ଼ାନାଦ୍ ଲାବ୍ ମାଡ଼େ ପାର୍‍ତାଡ଼୍ ।