୧ ପିତର୍‍ 1:14 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹⁴ ଇଶ୍ୱର୍‌ତେ ଗଟି ପାଲନ୍ ମାଡ଼ାଟ୍ । ପୁନ୍‍ୱେ ୱେଲେ ମୁନେଙ୍କ୍ ବେନ୍ କାରାପ୍ ଅବ୍ୟାସ୍ ତଡ଼୍ ମାତ୍‍ତିଡ଼୍, ଆୱୁସାରେ ତଡ଼୍ ମୀଇ ଜିୱେତାଗ୍ ମେଣ୍ଡେ ଚାଲେମ୍‍ ଆୟମାକି ।

୧ ପିତର୍‍ 1:14 Iomraidhean Croise

ପ୍ରେରିତ 17:30

ନାରୁଡ଼୍ ଇଶ୍ୱର୍‌ତିଙ୍କ୍ ପୁନ୍‍ୱେ ୱେଲେ ଅଣ୍ଡ୍‌ ଦଷ୍ ପୟ୍‍ୱେ ମାତ୍‍ତଣ୍ଡ୍, ଇତ୍‍କେ ଇଞ୍ଜେ ସାରେତଡ଼୍‍ ଅନୁତାପ ମାଡ଼ି ଅଡ଼ାଦ୍‌ ପାପାମ୍‍ ହାର୍‍ତାଗାଙ୍କ୍ ମାଲ୍‍ଦାନ୍ ମାଇଦିଙ୍କ୍ ଗଟ୍ ଇଦୁତଣ୍ଡ୍ ।

ରୋମୀୟ 12:2

ଇଦ୍ ଜଗତ୍‍ତାଦ୍ ନିତିନିୟମ୍‍ ଇସାପ୍‍ତେ ବ୍ୟବହାର୍‌ ମାଡ଼୍‍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍‍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍‍ ଆୟି । ଆଲାଇତ୍‍କେ, ଇଶ୍ୱର୍‌ତାଦ୍ ଇଚ୍ଛା ବାଆତେ, ଅନ୍‌ କଣ୍ଡେତାଗ୍ ବେନ୍‍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍‍ଦ୍‍ତିଡ଼୍‍ ।

ରୋମୀୟ 6:4

ଏର୍‍ ମୁଡ଼୍‍ନ୍ଦି ମାନାଡ଼୍ ଅନ୍‌ ଡଲ୍‍ତାଗ୍ ପାଲ୍‍କ୍ ଆସ୍ ଅନ୍‌ ତଡ଼୍ ସମାଦି ପାଏମ୍ଆତ୍‍ତାଡ଼୍ । ଅଣ୍ଡ୍‌ ବେଲା ବାବାନ୍ ଗୌରବ୍ ଶକ୍ତି ତଡ଼୍ ମେଣ୍ଡଅନ୍‌‍ଦାମ୍ ଜିୱେ ଆତ୍‍ତଣ୍ଡ୍, ମାନାଡ଼୍ ଗାଲା ଅନ୍‌ ସେଙ୍ଗେ ପୁନେ ଜିୱୁଣ୍ଡ୍ ବାଦ୍‍କାନଙ୍କ୍ ପାର୍‍ଦ୍‍ତାଡ଼୍ ।

ଏଫିସିୟ 2:2

ଆଦ୍ ସମୟ୍‍ତେ ମିଡ଼୍, ବେନ୍ ଆତ୍ମା ଇଞ୍ଜେ ମିକା ବୁଦ୍‍ଇଲ୍‍ୱେ ପିଲାନାଗ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ଇଚ୍ଛାଲେକାମ୍ ମିଡ଼୍‍ଆନ୍‌ନ୍ତେ ମୁନେଙ୍କ୍‍କଞ୍ଜ୍ ପାଲନ୍ ମାଡ଼ଡ଼୍‍ ଅପରାଦ୍‌ତେ ନୁ ପାପତେ ଡଲିମାତ୍‍ତିଡ଼୍ ।

ଏଫିସିୟ 5:6

ମୁଲ୍ୟ ଇଲ୍‍ୱେ ଗଟି କେସ୍ ମିକିଂଙ୍କ୍ ବେନ ତିପାଲ୍ ମାଡ଼୍‍ମାକିଡ଼୍ । ଇୱୁ ସାର୍‍ରେ କାରାପ୍ ପାଡ଼୍‍ୟି ବେନଡ଼୍‍ ଇଶ୍ୱର୍‌ତେ ଗଟ୍ ମାନେମ୍‍ ଆୟ୍‍ୟଡ଼୍ ଅଡ଼୍‌ ମାୟ୍‍ଦିଙ୍କ୍ ଅନ୍‌ କପାମ୍ ପେୟ୍‍ତିତ୍ ।

୧ ଥେସଲନିୟ 4:5

ଇଶ୍ୱର୍‌ତିଙ୍କ୍ ପୁନ୍‍ୱେମାନ୍ଦାନ୍ ଅଣଯିହୁଦୀ ନାରୁଡ଼୍ ଲେକାମ୍ ସାରେତଡ଼୍ ନିଜେ ନିଜେତ୍ ମୁତେନ୍ ତଡ଼୍ ବେଲାନ୍ ଯୌନ ଲାଲସା ଆୟ୍‍ୟକଟ ପବିତ୍ର ନୁ ସମ୍ମାନ୍‍ତଡ଼୍ ବାଦ୍‍କାନଡ଼ାଦ୍ ସାୟେ, ଆଦ୍ ମିକିଂଙ୍କ୍ ପୁନ୍‍ନ୍ଦେ ୱେଇତିତ୍ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।