୧ ପିତର୍‍ 1:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ ନାନ୍‍ ପିତର୍‍, ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ପ୍ରେରିତ୍‍ ଶିଷ୍ୟ । ଏକାମ୍ ଆସ୍ ମାନ୍ଦାନ୍ ପନ୍ତ, ଗାଲାତୀୟା, କାପାଦକିଆ, ଏସିଆ ନୁ ବିତୁନିଆ ଦେଶ୍‍କିନାଗ୍ ଚିନ୍‍ବିନ୍‍ ଆସ୍‍ମାନ୍ଦାନ୍ ଇଶ୍ୱର୍‌ତେ ଏଞ୍ଚିମାନ୍ଦାନ୍ ନାରୁଡ଼୍‍ ଗାରେ ଇଦ୍‍ ଚିଟି ଲେକ୍‍ତାନ୍‍ ।

୧ ପିତର୍‍ 1:1 Iomraidhean Croise

ମାତିଉ 10:2

ଅଡ଼୍‌‍ ବାରଜାନ୍ ପ୍ରେରିତ୍‍ ଶିଷ୍ୟଡ଼୍ ପେଦେର୍ ଶିମୋନ୍ ନୁ ତାନ୍ ତାମୁଣ୍ଡ୍‌ ଆନ୍ଦ୍ରିୟ; ଯେବଦିନ୍ ଇର୍‍ୱୁଡ଼୍ ମାର୍‍କ୍ ଯାକୁବ୍ ନୁ ଯୋହନ୍‌;

ମାତିଉ 24:22

ବାତେଙ୍କ୍ ଇତ୍‍କେ ହି ଦୁଃକତ୍‍ ଦିନାମ୍‍ତିଙ୍କ୍ ଇଶ୍ୱର୍ କମ୍‍ ମାଡ଼ିସ୍‍ ମିନ୍ଦେଣ୍ଡ୍ । ଆଲା ଆୟ୍‍ୟକଟ ମାନ୍ଦାନ୍‍ଇତ୍କେ, ମେଣ୍ଡେ ବେନ ବାଦ୍‍କ୍‍ ପାର୍‍ୱଣ୍ଡ୍ ଆୟେଣ୍ଡ୍ । ବାତେଙ୍କ୍ ଇତ୍‍କେ ତାନ୍ ହେଞ୍ଚିମାନ୍ଦାନ୍ ନାରୁଡ଼୍‍କିଂଙ୍କ୍ ଗେଲ୍‍ସ୍ପାନ୍ ମାଇଦିଙ୍କ୍ ଇଶ୍ୱର୍ ଆଦ୍ ସମୟ୍‍ତିଙ୍କ୍ ସୁଦୁଟ୍ ମାଡ଼ିସ୍‍ ମିନ୍ଦେଣ୍ଡ୍ ।

ମାତିଉ 4:18

ଜିସୁ ଗାଲିଲୀ ସାୱ୍‍ଡ଼େତ୍ ଆଞ୍ଚ୍ଇସ୍‌ ଆଦାନ୍ ୱେଲେ ଶିମୋନ୍ ପିତର୍ ନୁ ଆନ୍ଦ୍ରିୟ ପେଦେର୍‍ତେ ଇର୍‍ୱୁଡ଼୍ କିକେ ପୟ୍‍ତାନଡ଼୍‍କ୍ କାଇଲ୍‍ତଣ୍ଡ୍ । ଇଡ଼୍ ତାମୁଣ୍ଡ୍‌ ଇର୍‍ୱୁଡ଼୍ ୱାଲେ ୱାଟି ସାୱ୍‍ଡ଼େତାଗ୍ କିକେ ପୟ୍‍ସମାତ୍‍ତଡ଼୍‍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:7

ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ?

ଯୋହନ୍‌‌ 11:52

ଚିହ୍ନେ ୱେରେ ଆସ୍‍ମାନ୍ଦାନ୍ ଇଶ୍ୱର୍‌ତେ ନାରୁଡ଼୍, ୱେରଡ଼୍ ଗଷ୍ଟିତାଗ୍ ଅଣ୍ଡୟାଗେ ମାଡ଼ାଙ୍କ୍ ଜିସୁଙ୍କ୍ ଡଲେ ୱେଇତିତ୍ ।

ଯୋହନ୍‌‌ 7:35

ଆସୁଟେ ଯିହୁଦୀଡ଼୍‍ ନିଜେ ନିଜେତିଙ୍କ୍ କେତ୍‍ତଡ଼୍, “ହିଣ୍ଡ୍ ବେଗେ ଆଦ୍‍ଦାନ୍ ମାଇଦିଙ୍କ୍ ପେୟିସ୍ ମିନ୍ଦେନ୍ ଯେ, ମାନ୍‍ଡ଼୍‍ ଅଂକିଙ୍କ୍‌ ଦର୍‍ସ୍କାଙ୍କ୍ ପାର୍‍ୱାଡ଼୍‍ ? ହିଣ୍ଡ୍ ବାତେଏ ଗ୍ରୀକ୍‍ନାରୁଡ଼୍‍ ଲୋପେଙ୍କ୍ ଦୁଡ଼ାଦୁଡ଼ା ଯିହୁଦୀଡ଼୍‍ ଗାର୍‍ରେ ଆଞ୍ଜ୍ ଗ୍ରୀକ୍‍ ନାରୁଡ଼୍‍କିଙ୍କ୍ ଶିକ୍ଷା ହିଦାଙ୍କ୍ ପେୟିସ୍ ମିନ୍ଦେନ୍ ?

ପ୍ରେରିତ 18:2

ଆଗେ ଅଣ୍ଡ୍‌ ପନ୍ତସ୍‍ତାଗ୍ ଜନମ୍ ମାଡ଼ିମାନ୍ଦାନ୍ ଆକ୍ୱିଲା ପେଦେର୍‍ତଣ୍ଡ୍ ୱେରଣ୍ଡ୍ ଇହୁଦୀଙ୍କ୍ କାଇଲ୍‍ତଣ୍ଡ୍ । ସମ୍ରାଟ୍ କ୍ଲଡିୟସ୍‍ ସାରେତଡ଼୍ ଇହୁଦୀଡ଼୍‍କ୍ ରୋମ୍ ୱିଡ଼୍‍ସାନଙ୍କ୍ ଗଟ୍ ହିତ୍‍ତାଙ୍କ୍, ଅଣ୍ଡ୍‌ ବେସ୍କ୍‍ଦିନା ମୁନେନ୍ ତାନ୍ ମୁତ୍‍ତେ ପ୍ରିସ୍କିଲାନ୍‍ ତଡ଼୍ ଇତାଲିଆକନ୍‌ସ୍‍ ୱାସ୍‍ମାତ୍‍ତଣ୍ଡ୍ ।

ପ୍ରେରିତ 18:23

ଆଗେ ବେସ୍କ୍‍ଦିନା ମାତ୍‍ତେ ପେର୍‍କେ ମେଣ୍ଡେ ତାଆକି ଆଞ୍ଜ୍‍ ଗାଲାତୀୟ ନୁ ଫ୍ରୁଗିୟା ପଡ଼ିୟେତ୍ ନାଡ଼୍‍ମେ ଇସ୍‌ ଆତ୍‍ତଣ୍ଡ୍ ନୁ ହାର୍‍ଦାଗ୍ ବିଶ୍ୱାସୀଡ଼୍‍କ୍ ଅଡ଼ାଦ୍‌ ବିଶ୍ୱାସ୍‍ ଶିଷ୍ୟ ଗାଡ଼୍‍ସ୍ ମାନ୍ଦାଙ୍କ୍ ଉତ୍ସାହ ମାଡ଼୍‍ତଣ୍ଡ୍ ।

ପ୍ରେରିତ 19:10

ରେଣ୍ଡ୍ ହେଣ୍ଡ୍‍କ୍ ଇଦ୍ ଚାଲେମ୍‍ ଆତ୍‍ତେ । ରୋମ୍‍ତେ ଏସିଆ ଦେଶ୍‍ତାଗ୍ ବାସେ ମାଡ଼ମାନ୍ଦାନ୍ ନାର୍‍ଗେ ଇହୁଦୀ ନୁ ଅଣଇହୁଦୀ ପ୍ରବୁନ୍ ବାକ୍ୟ କେଞ୍ଜ୍‍ତଡ଼୍ ।

ପ୍ରେରିତ 6:9

କିନ୍ତୁ କୁରିନୀୟ ନୁ ଆଲେକ୍‍ଜାଣ୍ଡ୍ରିୟାଲ୍‍ କାଇଦି ଜଇଲ୍‍ ତାଗାଙ୍କ୍‍ ମୁକ୍ତି ଆସ୍‍ମାନ୍ଦାନ୍‍ ଇହୁଦିଡ଼୍‍କ୍‍ ଆସ୍‍ ତିଆର୍‍ ଆସ୍‍ ମାନ୍ଦାନ୍‍ ଉପାସନା ଲୋକ୍‍ ବେସ୍କ୍‍ତୁଡ଼୍‍ ସ୍ତିଫାନ୍‍ତିଙ୍କ୍‍ ବିରୁଦ୍‍ ମାଡ଼୍‍ତଡ଼୍ । ଅଡ଼୍‌ ନୁ ସିଲିଷୀଆ ଏସିଆ ଦେଶ୍‍ତେ ବାଗାତ୍‍ ଇହୁଦୀଡ଼୍‍ ସ୍ତିପାନ୍‍ ତଡ଼୍‍ ଯୁକ୍ତି ମାଡ଼ାନଙ୍କ୍‍ ପସ୍ପ୍‍ତଡ଼୍‍ ।

ପ୍ରେରିତ 8:4

ୱେକ୍ ୱେକ୍ ଆତ୍‍ତେ ବିଶ୍ୱାସିଡ଼୍ ସାରେଏକାମ୍ ଆଞ୍ଜ୍ ସୁସମାଚାର୍‍ ପ୍ରଚାର୍ ମାଡ଼୍‍ତଡ଼୍ ।

୧ କରନ୍ତିୟ 16:19

ଏସିଆ ଆଞ୍ଚିନ୍‍ ମଣ୍ଡଲି ମିକିଂଙ୍କ୍ ଅବିନନ୍ଦନ୍ ମାଡ଼ୁତା । ଆକ୍ୱିଲା, ପ୍ରିସ୍କିଲା ନୁ ଅଡ଼ାଦ୍‌ ଲୋନ୍‌ ଉପବାସ୍ ମାଡ଼ମାନ୍ଦାନ୍ ମଣ୍ଡଲି, ପ୍ରବୁନ୍ ପେଦେର୍‍ତେ ମିକିଂଙ୍କ୍ ଲୋପେକନ୍‍ସ୍ ନମସ୍କାର୍‌ ମାଡ଼ୁତା ।

୨ କରନ୍ତିୟ 1:8

ହୋ ଦାଦାଲଡ଼ି ନୁ ଏଲାସ୍କ୍, ମାମ୍‍ମେ ଏସିଆ ପ୍ରଦେଶ୍‍ତେ ମା ପରୁ ଗଟେମ୍ ଆସ୍‍ମାନ୍ଦାନ୍ କଷ୍ଟ ବିଷୟ ମିକିଂଙ୍କ୍ କେତାନଙ୍କ୍ ଇଚ୍ଛା ମାଡ଼ୁତମ୍ । ଆଦ୍ କଷ୍ଟ ସହେମ୍‍ ଆଦେପାର୍ନାଙ୍କ୍ ମାମ୍‍ମେ ଜୀୱୁନ୍‌ତେ ଆଶେ ୱିଡ଼୍‍ସିତ୍‍ତମ୍ ।

ଗାଲାତୀୟ 1:2

ମେଣ୍ଡେ ଇଗେ ନାତଡ଼୍ ମାନ୍ଦାନ୍ ସାରେ ବିଶ୍ୱାସୀ ଦାଦାନଡ଼୍ ନୁ ହେଲାସ୍କ୍‍ନଡ଼ି ଗାଲାତିୟ ମଣ୍ଡଲିକିଙ୍କ୍ ଚିଟି ଲେକି ନମସ୍କାର୍‍ ମାଡ଼ୁତମ୍ ।

ଏଫିସିୟ 2:12

ମୁନେ ମିଡ଼୍ କ୍ରିଷ୍ଟନାଗାଙ୍କ୍ ଯେକା ମାତ୍‍ତିଡ଼୍, ମିଡ଼୍ ବିଦେଶି ମାତ୍‍ତିଡ଼୍ ନୁ ଇଶ୍ୱର୍‌ତେ ହେଞ୍ଚ୍‍ତେ ଜାତିତାଗ୍ କାଇଲ୍‍ୱେ ମାତ୍‍ତିଡ଼୍ । ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ମାଡ଼ିମାନ୍ଦାନ୍ ପ୍ରତିଜ୍ଞା ପରୁ ତିଆର୍ ନିୟମ୍‍ତେ ମିୟାଦ୍ ବେନେବା କାଇଲ୍‍ୱେ ମାତ୍‍ତେ । ଆଶେ ଶୁନ୍ୟ ନୁ ଇଶ୍ୱର୍ ବିହିନ ଆସ୍ ମିଡ଼୍ ଜଗତ୍‍ତାଗ୍ ମାଞ୍ଜମାତ୍‍ତିଡ଼୍ ।

ଏଫିସିୟ 2:19

ଆଦିନ୍ ସେଙ୍ଗେ ହୋ ଇହୁଦିନଡ଼ି, ମିଡ଼୍ ମେଣ୍ଡେ ବିଦେଶି ବା ନାରୁଡ଼୍‌ ଆୟ୍‍ୟ, ଇଞ୍ଜେ ଇଶ୍ୱର୍‌ତେ ନାରୁଡ଼୍‍ତଡ଼୍ କାଇଲି ମିଡ଼୍ ଆନ୍‌‍ତେ ତାନ୍ ରାଜ୍ୟତେ ନାରୁଡ଼ି ନୁ ତାନ୍ ପରିବାର୍‍ତେନଡ଼ି ଆତ୍‍ତିଡ଼୍‍ ।

୨ ତୀମତି 1:15

ମିଡ଼୍ ପୁତ୍‍ତିଡ଼୍ ଫୁଗେଲ୍ ନୁ ହର୍ମଗେନା ତଡ଼୍ ମୁନେ ଏସିଆ ପ୍ରଦେଶ୍‍ତେ ସାରେତଡ଼୍ ନାକିଙ୍କ୍ ୱିଡ଼୍‍ସି ମିନ୍ଦେଡ଼୍‍ ।

ଏବ୍ରୀ 11:13

ପରତଡ଼୍‍ ନାରୁଡ଼୍ ନିଜର୍ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ଡଲ୍‍ତଡ଼୍ । ଇଶ୍ୱର୍ ପ୍ରତିଜ୍ଞା ମାଡ଼ିମାନ୍ଦାନ୍ ବିଷୟ୍ ସାର୍ରେ ଅଡ଼୍‌‍କିଂଙ୍କ୍ ଦର୍‍କକ୍ ଗାଲା ସୁଦୁର୍ ଜେକେ କଞ୍ଚ୍ ଉଡ଼ି ଅଡ଼୍‌‍ ସ୍ୱାଗତ୍ ମାଡ଼ିମାତ୍‍ତଡ଼୍ ନୁ ଇଦ୍ ଜଗତ୍‍ତାଗ୍ ଅଡ଼୍‌ ମାତର୍ ବିଦେଶୀ ନୁ ଦେଶୀ ନାରୁଡ଼୍ ଇଞ୍ଜ ସ୍ୱୀକାର୍ ମାଡ଼୍‍ତଡ଼୍ ।

ଯାକୁବ 1:1

ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଦାସ ଯାକୁବନ୍ ୱେଏକ୍‍ ୱେଏକ୍ ଆତ୍‍ତେ ଇଶ୍ୱର୍‌ତେ ନାରୁଡ଼୍‍କିଙ୍କ୍ ନମସ୍କାର୍ ।

୧ ପିତର୍‍ 2:11

ପ୍ରିୟ ସାଙ୍ଗନଡ଼ି, ମୀଇଡ଼୍ ଇଦ୍ ଜଗତ୍‍ତାଗ୍ ୱେରେ ଦେଶ୍‍ତଡ଼ି ନୁ ଇଗେତଡ଼ି ଲେକାମ୍ । ଆଦିଙ୍କ୍ ଅନୁରଦ୍‌ ମାଡ଼ୁତାନ୍, ମୀଇଡ଼୍ ସାରେ ଦାମ୍ ଆତ୍ମା ବିରୁଦ୍ଦତେ ଯୁଦ୍‌ ମାଡ଼ମାନ୍ଦାନ୍‍ ମେନ୍ଦୁଲ୍‍ ଲାଲସାତାଗାଙ୍କ୍‍ ପେୟିସ୍‍ ୱାଡ଼ାଟ୍‍ ।

୨ ପିତର୍‌ 1:1

ଶିମୋନ୍‍ ପିତର୍‍ତେ ଚିଟି; ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ଦାସ ନୁ ପ୍ରେରିତ, ବେନଡ଼୍ ମାନ୍‍ ଇଶ୍ୱର୍‍ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଦାର୍ମାମ୍‌ତେ ସେଙ୍ଗେ ବିଶ୍ୱାସ୍ ଲେକାମ୍ ନାର୍ଗେ ଦାନାମ୍ ଦାନ ପାଏମ୍‍ ଆତ୍‍ତଡ଼୍, ଅଡ଼୍‌ ଗାରେ ଇଦ୍‍ ଚିଟି ଲେକୁତଣ୍ଡ୍‍ ।

ପ୍ରକାଶିତ୍‌ ବାକ୍ୟ 1:11

ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।”