୧ ଯୋହନ୍‌‌ 4:6 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁶ କିନ୍ତୁ ମାନାଡ଼୍ ଇଶ୍ୱର୍‌ତେ ନାରୁଡ଼୍‍ । ବେନ ଆୟି ଇଶ୍ୱର୍‌ତିଙ୍କ୍ ପୁତ୍‍ତଣ୍ଡ୍‍, ଅଣ୍ଡ୍‌ ମାନ୍‍ ସେଙ୍ଗେ କେଞ୍ଜିତନ୍ । ବେନଡ଼୍ ଇଶ୍ୱର୍‌ତଡ଼୍ ଆୟଡ଼୍, ଅଡ଼୍‌ ମାନ୍‍ ଗଟି କେଞ୍ଜଡ଼୍ । ସତ୍ ଆତ୍ମା ନୁ ମିଚ୍‍ ଆତ୍ମା ଲୋପେ ଇଦ୍ ୱେରେ ମାନାଡ଼୍ ଉଡ଼େ ପାର୍‍ତାଡ଼୍ ।

୧ ଯୋହନ୍‌‌ 4:6 Iomraidhean Croise

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:22

“ନା ବାବାଲ୍ ଅନାଦ୍‌ ସାରେ ବିଷୟ୍ ନାକିଂଙ୍କ୍ ହିତ୍‍ତଣ୍ଡ୍; ମେଣ୍ଡେ, ମାର୍‍ ବେନ, ଇଦ୍ ବାବାନ୍ ୱିଡ଼୍‍ସି ବେନମେଣ୍ଡେ ପୁନଡ଼୍, ମେଣ୍ଡେ ବାବାଲ୍ ବେନ, ଅନ୍‌‍ମାର୍‍ ୱିଡ଼୍‍ସି ବେନମେଣ୍ଡେ ପୁନଡ଼୍, ଆସୁଟେ ମାର୍‍ ବେନଣ୍ଡ୍ ମୁନ୍‍ନେ ଅଂକିଙ୍କ୍‌ ତଅତାନ୍ ମାଇଦିଙ୍କ୍ ଇଚ୍ଛାମାଡ଼ିତଣ୍ଡ୍, ଅଣ୍ଡ୍‌ ଅଂକିଙ୍କ୍‌ ପୁନ୍‍‍ତଣ୍ଡ୍ ।”

ଯୋହନ୍‌‌ 10:16

ନାୟାଉ ମେଣ୍ଡେ ବାଗାତାଉ ମେଣ୍ଢା ମିନ୍ଦେ, ବେନା ଇ ଗୁଡ଼ୁସେତ୍ ଲୋପେ ଇଲା । ଆୱିଙ୍କ୍ ମିକା ନାନ୍ ତାତେୱେଇତିତ୍‍ । ଆଉ ନାୟାଦ୍ କାର୍‍ଙ୍ଗା ନାଦ୍ କେଞ୍ଜିତା ନୁ ସାରେ ୱେରଡ଼୍ ଗଲାନ୍ ୱେରଡ଼୍ ଗୁଡ଼୍‍ସା ଆଶେ ମାନ୍‍ତା ।”

ଯୋହନ୍‌‌ 10:27

ନା ମେଣ୍ଢା ସାରେ ନାୱାଦ୍ ଲେଙ୍ଗ୍ କେଞ୍ଜିତା ନୁ ନାନ୍ ଆୱିଙ୍କ୍ ପୁତ୍‍ତାନ୍, ମେଣ୍ଡେ ଆଉ ନା ପେର୍‍କେ ପେର୍‍କେ ୱାଦ୍‍ତା,

ଯୋହନ୍‌‌ 10:3

ମାର୍‍ ତେର୍‍ତାନଣ୍ଡ୍ ଆୱିନ୍‌ ମାଇଦିଙ୍କ୍ ମାର୍‍ ଟେଣ୍ଡିଦ୍‍ତଣ୍ଡ୍, ମେଣ୍ଡେ ମେଣ୍ଢା ଅନାଦ୍‌ ଲେଙ୍ଗ୍ କେଞ୍ଜିତା, ମେଣ୍ଡେ ଅଣ୍ଡ୍‌ ନିଜ୍‍ତାଉ ମେଣ୍ଢାକିଂଙ୍କ୍ ପେଦେର୍ ପଇସ୍ କାର୍‍ଙ୍ଗି ବାଇଦେ ପେସ୍‍ପି ଆଦ୍‍ତନ୍ ।

ଯୋହନ୍‌‌ 13:20

ସତ୍ ନାନ୍ ମିକିଂଙ୍କ୍ କେତୁତାନ୍, ଯେ ନା ପ୍ରେରିତ୍ ନାରୁଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ିତନ୍ ନୁ ବେନ ନାକିଂଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍‍ ଗ୍ରହନ୍ ମାଡ଼ିତନ୍ ।

ଯୋହନ୍‌‌ 14:17

ଅଣ୍ଡ୍‌ ସତ୍ୟମୟ ଆତ୍ମାଙ୍କ୍ ହିଦ୍‍ତନ୍ । ଜଗତ୍ ଅଂକିଙ୍କ୍‌ ଗ୍ରହନ୍ ମାଡ଼େ ପାର୍‍ୱ, ବାତ୍‍ତିଙ୍କ୍ ଜଗତ୍ ଅଂକିଙ୍କ୍‌ ଉଡ଼ କି ପୁନ୍‍ନ; ବାତେଙ୍କ୍ ଇତ୍‍କେ ମିଡ଼୍ ଅଂକିଙ୍କ୍‌ ପୁତ୍‍ତିଡ଼୍, ବାତେଙ୍କ୍ ଇତ୍‍କେ ଅଣ୍ଡ୍‌ ମିଇ ତଡ଼୍ ମାନ୍‍ତନ୍, ମେଣ୍ଡେ ଅଣ୍ଡ୍‌ ମିଇ ଜିୱେତାଗ୍ ମାନ୍‍ତନ୍ ।

ଯୋହନ୍‌‌ 15:26

“ବାବା ନାୟାଗ୍‍କଞ୍ଜ୍ ନାନ୍ ମିଇ ଗାର୍‍ରେ ବେନ ସାହାଜ୍ୟ ମାଡ଼ାନଙ୍କ୍ ରଅତିତାନ୍, ବାବା ନାୟାଗ୍‍କଞ୍ଜ୍ ପେଇତାଦ୍ ଆଦ୍ ସତ୍ ଆତ୍ମା ୱାତ୍‍କେ ନା ବିଷୟ୍‍ତେ ସାକ୍ଷି ହିଦ୍‍ତା;

ଯୋହନ୍‌‌ 16:13

ବାତେଙ୍କ୍ ଇତ୍‍କେ ଅଣ୍ଡ୍‌, ଇତ୍‍କେ, ସତ୍ କେତାନାଦ୍ ଆତ୍ମା ୱାତ୍‍କେ, ଅଣ୍ଡ୍‌ ହାର୍ ତଅସ୍ ମିକିଂଙ୍କ୍ ସାରେ ସତ୍ ବିଷୟ୍ କେତିତଣ୍ଡ୍, ବାତେଙ୍କ୍ ଇତ୍‍କେ ଅଣ୍ଡ୍‌ ନିଜେତାଦ୍ ଗଟ୍ କେଲଣ୍ଡ୍, ଅଣ୍ଡ୍‌ ବାତେଏ କେଞ୍ଜିତଣ୍ଡ୍, ଆଦେ ଆ ମିକିଂଙ୍କ୍ କେତିତଣ୍ଡ୍, ମେଣ୍ଡେ ୱାଦାନ୍ ଦିନାକ୍ ବିଷୟତାଦ୍ ଗଟ୍ ମିକିଂଙ୍କ୍ କେତିତଣ୍ଡ୍ ।

ଯୋହନ୍‌‌ 18:37

ଆଗାଙ୍କ୍ ପିଲାତ ଜିସୁଙ୍କ୍ କେତ୍‍ତଣ୍ଡ୍, “ଆଲେକେ ନିମ୍‍ ୱେରନ୍ ରାଜା ?” ଜିସୁ କେତ୍‍ତଣ୍ଡ୍, “ନିମ୍‍ ତ କେତୁତିନ୍ ନାନ୍ ୱେରନ୍ ରାଜା । ନାନ୍ ସତ୍ ବିଷୟ କେତାନଙ୍କ୍ ଜନମ୍ ଆତ୍‍ତାନ୍ ନୁ ଜଗତ୍‍ତାଗ୍ ୱାସ୍‍ମିନ୍ଦେନ୍ । ବେନ ସତ୍ୟତିଙ୍କ୍ ସାଏ କେତିତଡ଼୍‍ ଅଣ୍ଡ୍‌ ନା ଗଟି କେଞ୍ଜିତଡ଼୍ ।”

ଯୋହନ୍‌‌ 20:21

ଜିସୁ ଅଡ଼୍‌‍କିଂଙ୍କ୍ ମେଣ୍ଡେ ଅନ୍‌‍ଦାମ୍ କେତ୍‍ତଣ୍ଡ୍, “ମିୟାଦ୍ ଶାନ୍ତି ଆୟି; ବାବାଲ୍ ନିକିଂଙ୍କ୍ ବେଦ୍ ରକମ୍ ରହତଣ୍ଡ୍, ଆଦେ ପୁଟୁଙ୍କ୍ ନାନ୍ ମିକା ମିକିଂଙ୍କ୍ ରହତୁତାନ୍ ।”

ଯୋହନ୍‌‌ 8:19

ଆଗାଙ୍କ୍ ଅଡ଼୍‌ କେତାଙ୍କ୍ ପସ୍‍ପ୍‍ତ୍‍ତଡ଼୍, “ମିଇ ବାବାଲ୍ ବେକେ ?” ଜିସୁ ଉତ୍ତର୍ ଇତ୍‍ତନ୍, “ମିଡ଼୍ ନାକିଂଙ୍କ୍ ପୁନ୍‍ୱିଡ଼୍ ବା ନା ବାବାଙ୍କ୍ ମିକା ପୁନ୍‍ୱିଡ଼୍ ଯଦି ନାକିଂଙ୍କ୍ ପୁନେଡ଼ି, ଆଲେକେ ନା ବାବାଙ୍କ୍ ଆନ୍‌‍ତେ ପୁନେଡ଼ି ।”

ଯୋହନ୍‌‌ 8:23

ଜିସୁ ଅଡ଼୍‌‍କ୍ କେତ୍‍ତଣ୍ଡ୍, “ମିଡ଼୍ ଇଦ୍ ଜଗତ୍‍କଞ୍ଜ୍‍ ଜନମ୍, ନାନ୍ ସ୍ୱର୍ଗକଞ୍ଜ୍ ଜନମ୍, ମିଡ଼୍ ଇ ଜଗତ୍‍ତଡ଼ି, ନାନ୍ ଇ ଜଗତ୍‍ତଣ୍ଡ୍ ଆୟ୍‍ୟ ।

ରୋମୀୟ 1:1

ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି,

ରୋମୀୟ 11:8

ଶାସ୍ତ୍ର ବାକ୍ୟ ଲେକାମ୍, “ନିଜାମ୍ ବେଦ୍‍ପୁଟୁଙ୍କ୍ ଇଶ୍ୱର୍ ଅଡ଼ାଦ୍‌ ମନ୍ ନୁ ଜିୱୁଣ୍ଡ୍‍ତିଙ୍କ୍ ବେକାର୍‍ ମାଡ଼ିମିନ୍ଦେଣ୍ଡ୍ । ଇଞ୍ଜେକ୍‍ଆନା ଅଡ଼୍‌ ବାତ୍ ନା ଉଡ଼ାନଙ୍କ୍ ପାର୍‍ଦୁତଡ଼୍, ନା କେଞ୍ଜାନଙ୍କ୍ ପାର୍‍ଦୁତଡ଼୍ ।”

୧ କରନ୍ତିୟ 14:37

ମିଇ ଲୋପେଙ୍କ୍ ବେନ ଯଦି ନିଜେ ୱେରଣ୍ଡ୍ ବାବବାଦୀ ବା ଆତ୍ମିକ ଦାନ ପାଏମ୍ ଆତ୍‍ତେ ନାରୁଡ଼୍ ଇଞ୍ଜ ଆଲ୍‍ସିତିଡ଼୍, ଅଣ୍ଡ୍‌ ପୁଞ୍ଜ୍‍ମାନିଣ୍ଡ୍ ଜେ, ଇଗେ ନାନ୍ ବାତ୍‍ସାର୍ରେ ଲେକ୍‍ତାନ୍, ଆଦ୍ ପ୍ରବୁନ୍ ଗଟ୍ ।

୨ କରନ୍ତିୟ 10:7

ମିଇ ସାରେପାକେ ବାତେଏ ସାରେ ଗଟେମ୍ ଆଦୁତ୍‍ତେ, ଉଡ଼ାଟ୍ । ମିଇୟାଗେ ବେନ କ୍ରିଷ୍ଟନ୍‍ ପେର୍‍କେ ଆଦାନଣ୍ଡ୍ ମିନ୍ଦେଣ୍ଡ୍ କି ? ଯଦି ମିନ୍ଦେନ୍, ଆଲେକେ ଅଣ୍ଡ୍‌ ମେଣ୍ଡନ୍‍ନ୍ଦାମ୍ ଇଦ୍ ଚିନ୍ତେ ମାଡ଼ୁଡ଼ିଣ୍ଡ୍ । ବାତେଙ୍କ୍ ଇତ୍‍କେ ଅନ୍‌ ଲେକାମ୍ ମାମ୍‍ମେ ମିକା କ୍ରିଷ୍ଟନ୍ ପେର୍‍କେ ଆଦାନମ୍ ।

୨ ଥେସଲନିୟ 1:8

ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ ।

୧ ତୀମତି 4:1

ପବିତ୍ର ଆତ୍ମା ବୁଜେମ୍ ଆତ୍‍ତେ ଲେକାମ୍‍ କେତୁତ୍‍ ଯେ, ପ୍ରତାରକ ପାପାତ୍ମାକିନ୍‍ କାରାପ୍‍ ଶିକ୍ଷାତାଗ୍‍ ରାୟି ଅଣ୍ଡୟ୍‌‍ଦିନେ ବେନ କ୍ରିଷ୍ଟ ବିଶ୍ୱାସତାଗାଙ୍କ୍ ୱେରେ ଆଦ୍‍ତଡ଼୍ ।

୨ ପିତର୍‌ 3:2

ନାର୍ଗେ ମୁନେଙ୍କ୍ ପବିତ୍ର ବାବଦାଦିନଡ଼୍ ବେନ୍ ସାରେ ବାବବାଣି କେସ୍‍ ମାତ୍‍ତଡ଼୍ ନୁ ତ୍ରାଣକର୍ତ୍ତାଲ୍ ପ୍ରବୁନାଦ୍ ବେନ୍ ସାରେ ଆଜ୍ଞା ମିକିଙ୍କ୍ ପ୍ରେରିତ ଶିଷ୍ୟଡ଼୍ ରହସ୍‍ ମିନ୍ଦେଡ଼୍, ଆଦ୍ ମିକିଙ୍କ୍ ଏର୍କା ମାଡ଼ିଦାନଙ୍କ୍ ନାୟାଦ୍ ଇଚ୍ଛା ।

୧ ଯୋହନ୍‌‌ 4:1

ପ୍ରିୟ ସାଙ୍ଗନଡ଼ି ! ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍‌‍ ସାରେତଡ଼୍‍କ୍ ବିଶ୍ୱାସ୍‍ ମାଡ଼୍‍ମାଟ୍; ଅଡ଼୍‌‍ ପାଃଏମ୍ ଆସ୍‍ମାନ୍ଦାନ୍‍ ଆତ୍ମା, ସତ୍‍ତେ ଇଶ୍ୱର୍‌ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍‍ । ବାତେଙ୍କ୍‍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍‍ ସାରେତାକ୍ ବିଚରଣ୍ ମାଡ଼ୁତଡ଼୍ ।

୧ ଯୋହନ୍‌‌ 4:4

କିନ୍ତୁ ପିଲାନଡ଼ି ! ମିଡ଼୍ ଇଶ୍ୱର୍‌ତେ ପିଲା । ଆ ବୁସା ମାଡ଼ାନ୍‍ ବାବବାଦୀଡ଼୍‍କ୍‍ ମିଡ଼୍ ଆରା ମାଡ଼୍‍ତିଡ଼୍, ବାତେଙ୍କ୍‍ଇତ୍କ ମୀଇ ହୃଦୟତାଗ୍ ବାସେ ମାଡ଼ମାନ୍ଦାନ୍ ଇଶ୍ୱର୍‌ତେ ଆତ୍ମା, ସଂସାର୍‍ତେ ନାରୁଡ଼୍‍ ଆତ୍ମାତାଗାଙ୍କ୍ ଅଦିକ୍‌ ଶକ୍ତିଶାଳି ।

୧ ଯୋହନ୍‌‌ 4:8

ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ପ୍ରେମମୟ ।

୧ ଯୋହନ୍‌‌ 5:19

ମାନାଡ଼୍ ଇଶ୍ୱର୍‌ତାଗଙ୍କ୍‍ ପୁଟ୍‍ତାଡ଼୍ ନୁ ସାରେ ଜଗତ୍‍ ପାପାମ୍‍ତେ ଅଦିନ୍‌ତାଗ୍ ମିନ୍ଦେ, ଇଦ୍‍ ମାନାଡ଼୍‍ ପୁତ୍‍ତାଡ଼୍ ।

ଯିହୁଦା 1:17

ହୋ ପ୍ରିୟ ସାଙ୍ଗନଡ଼ି, ପ୍ରବୁ ଜିସୁ କ୍ରିଷ୍ଟଟନ୍ ପ୍ରେରିତ ଶିଷ୍ୟଡ଼୍ ମିକିଂଙ୍କ୍ ବାତ୍ କେସ୍ ଆତ୍‍ତଡ଼୍, ଆଦ୍ ସାରେ ଏର୍କା ମାଡ଼ାଟ୍ ।