୧ ଯୋହନ୍‌‌ 3:9 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

⁹ ବେନ ପ୍ରକୃତତେ ଇଶ୍ୱର୍‌ତେ ମାର୍‍; ଅଣ୍ଡ୍‌ ପାପାମ୍‍ ମାଡ଼୍‍ୱେ ମାନ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‌ତେ ପ୍ରକୃତି ଅନାଗ୍‍ ମିନ୍ଦେ । ଇଶ୍ୱର୍ ତାମ୍‍ ବାବାଲ୍, ଅଣ୍ଡ୍‌ ପାପିଆସ୍ ମାନ୍ଦେ ପାର୍ୱଣ୍ଡ୍‍ ।

୧ ଯୋହନ୍‌‌ 3:9 Iomraidhean Croise

ମାତିଉ 7:18

ସାୟେତ୍ ମାଡ଼େତାଗ୍ କାରାପ୍ କାୟା ଆଦ ବା କାରାପ୍ ମାଡ଼େତାଗ୍ ସାୟେତ୍ କାୟା ଆଦ ।

ଯୋହନ୍‌‌ 1:13

ଅଡ଼୍‌ ନେତୁର୍‍ତାଗାଙ୍କ୍, ମେନ୍ଦୁଲ୍‍ତେ ଇଚ୍ଛାତେ ବା ନାରୁଡ଼୍ ଇଚ୍ଛାତେ ଜନମ୍ ଆୟ୍‍ୟଡ଼୍, ବେଲାନ୍ ଇଶ୍ୱରତାଗାଙ୍କ୍ ଜନମ୍ ଆଦ୍‍ତଡ଼୍ ।

ଯୋହନ୍‌‌ 3:3

ଜିସୁ ଅଂକିଙ୍କ୍‌ ଉତ୍ତର୍ ହିତ୍‍ତଣ୍ଡ୍, “ସତ୍ ନାନେ ନିକିଂଙ୍କ୍ କେତୁତାନ୍, ମେଣ୍ଡନ୍‍ଦାମ୍ ଜନମ୍ ଆୟ୍‍ୟକଟ ମାତ୍‍କେ ବେନମେଣ୍ଡେ ଇଶ୍ୱର୍‌ତେ ରାଜ୍ୟ ଉଡ଼୍‍ ପାର୍‍ୱଡ଼୍ ।”

ପ୍ରେରିତ 4:20

ବାତେଙ୍କ୍ଇତ୍‍କେ ମାମ୍‍ମେ ବାଆତେ ଉଡ଼୍‍ତମ୍ ନୁ କେଞ୍ଜ୍‍ତମ୍, ଆଦ୍ ବିଷୟ୍ କେଲ୍‍ୱେ ମାନ୍ଦାଙ୍କ୍ ପାର୍‍ୱମ୍ ।”

ରୋମୀୟ 6:2

ବେସୁଟ୍‌ ଆୟ୍‍ମାକି । ପାପ୍‍ ସେଙ୍ଗେ ମାନାଡ଼୍ ଡଲ୍‍ତାଡ଼୍, ଆଗେ ମେଣ୍ଡେ ବେଲା ବାଦ୍‍କିତାଡ଼୍ ?

ଗାଲାତୀୟ 5:17

ବାତେଙ୍କ୍ଇତ୍‍କେ ମେନ୍ଦୁଲ୍ ଲାଲ୍‍ସା ଜିୱୁଣ୍ଡ୍‍ତିଙ୍କ୍ ବିରୁଦ୍ ମାଡ଼ିତ୍, ମେଣ୍ଡେ ଜିୱୁଣ୍ଡ୍‍ତାଦ୍ ଲାଲ୍‍ସା ମେନ୍ଦୁଲ୍‍ତିଙ୍କ୍ ବିରୁଦ୍ ମାଡ଼ିତ୍, ଆଦିଙ୍କ୍ ଇୱୁ ରେଣ୍ଡ୍ ଇପାକ୍ ନୁ ଆପାକ୍; ଆଦିଙ୍କ୍ ମିଡ଼୍ ବାତ୍ ବାତ୍ ଇଚ୍ଚା ମାଡ଼ିତିଡ଼୍, ଆୱୁ ସାରେ ମାଡ଼ାନଙ୍କ୍ ପାର୍‍ୱିଡ଼୍ ।

ତୀତସ୍‌ 1:2

ବେଦ୍ ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦ୍‍ଦାନ୍ ଆଶେତ୍ ପର୍‍ର ଆଦାରିତ୍ । ଇଶ୍ୱର୍ ମିତ୍ୟାବାଦୀ ଆୟ୍‍ୟଣ୍ଡ୍ ।

୧ ପିତର୍‍ 1:23

ବାତେଙ୍କ୍ଇତ୍କେ ଇଶ୍ୱର୍‌ତେ ଜିୱେତାଦ୍ ନୁ ସାରେଦିନାଦ୍ ବାକ୍ୟ ତଡ଼୍ ମୀଇଡ଼୍ ବାତେମିକା ଡଲାନ୍ ବାବାନ୍ ପିଲାନ୍ ଲେକାମ୍ ଆୟ, ମାତର୍ ଜିୱେମାନ୍ଦାନ୍ ବାବାନ୍ ପିଲାନ୍ ଲେକାମ୍ ପୁଃନେ ଜନମ୍ ଲାବ୍ ମାଡ଼୍‍ତିଡ଼୍ ।

୧ ଯୋହନ୍‌‌ 2:29

ମାନାଡ଼୍‍ ପୁତ୍‍ତାଡ଼୍‍ ଯେ, କ୍ରିଷ୍ଟ ପୁରାପୁରି ନ୍ୟାୟବାନ୍ । ଆଗେକ୍‍ବା ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍‍ ସତ୍‍ କାମ୍‍ ମାଡ଼ିତଡ଼୍‍ ଅଡ଼୍‌‍ ଇଶ୍ୱର୍‌ତେ ମାର୍‍କ୍‍ ।

୧ ଯୋହନ୍‌‌ 3:6

ବେନ କ୍ରିଷ୍ଟନ୍‍ ତଡ଼୍ କାଇଲି ମାନ୍‍ତଣ୍ଡ୍‍, ଅଣ୍ଡ୍‌ ମେଣ୍ଡେ ପାପିନାରୁଣ୍ଡ୍ ଆଦେ ପାର୍‍ୱଣ୍ଡ୍ । ଇତ୍କେ ବେନ ପାପାମ୍‍ତାଗ୍ ମାନ୍‍ତଣ୍ଡ୍‍, ଅଣ୍ଡ୍‌ କ୍ରିଷ୍ଟଙ୍କ୍ ବେସୁଙ୍କ୍‍ ଉଡ଼ଣ୍ଡ୍, ବେସୁଟ୍‌ ଅଂକିଙ୍କ୍‌ ପୁନ୍‍ଣ୍ଡ୍‍ ।

୧ ଯୋହନ୍‌‌ 4:7

ଆ ନା ପ୍ରିୟ ସାଙ୍ଗନଡ଼ି ! ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ଇଶ୍ୱର୍‌ତାଗାଙ୍କ୍ ୱାତ୍‍ତେ । ବେନନ୍ ହୃଦୟତାଗ୍ ପ୍ରେମ ମିନ୍ଦେ, ଅଣ୍ଡ୍‌ ଇଶ୍ୱର୍‌ତେ ପିଲା, ଅଣ୍ଡ୍‌ ଇଶ୍ୱର୍‌ତିଙ୍ଗ୍ ପୁତ୍‍ତଣ୍ଡ୍‍ ।

୧ ଯୋହନ୍‌‌ 5:1

ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ ।

୧ ଯୋହନ୍‌‌ 5:18

ବେନ ଆୟି ଇଶ୍ୱର୍‍ତାଗାଙ୍କ୍‍ ପୁଟ୍‍ତଣ୍ଡ୍‍ ଅଣ୍ଡ୍‌‍ ପାପାମ୍‍ତାଗ୍‍ ମାନଣ୍ଡ୍‍ । ବାତେଙ୍କ୍ଇତ୍କେ ଇଶ୍ୱର୍‌ତେ ମାର୍‍ ଅଙ୍କ୍‌ ରକ୍ଷା ମାଡ଼ିତଣ୍ଡ୍ ଶୟତାନ୍ ଅନାଦ୍‌ କ୍ଷତି ମାଡ଼େ ପାର୍‍ୱ ।

୧ ଯୋହନ୍‌‌ 5:4

ବାତେଙ୍କ୍‍ଇତ୍କେ ଅନ୍‌‍ ପିଲା ଇଦ୍ ଜଗତ୍‍ତିଙ୍କ୍ ଆରା ମାଡ଼ାନଙ୍କ୍ ଶକ୍ତି ପାଏମ୍ ଆତ୍‍ତଡ଼୍‍ । ବିଶ୍ୱାସ୍ ଶକ୍ତିତେ ମାମେ ଜଗତ୍‍ତେ ପରୁ ଜିଡ଼ାନାଦ୍ ଲାବ୍ ମାଡ଼େ ପାର୍‍ତାଡ଼୍ ।

୩ ଯୋହନ୍‌‌ 1:11

ପ୍ରିୟ ସାଙ୍ଗନଡ଼ି, କୁଆଦର୍ଶତିଙ୍କ୍ ପେର୍କେ ଆନ୍‌ମାଟ୍, ମାତର୍ ସାୟେ ଆଦର୍ଶତିଙ୍ଗ୍ ଗ୍ରହନ୍ ମାଡ଼ାଟ୍ । ବେନ ସତ୍‍ କାମ୍‍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ନାରୁଣ୍ଡ୍; ବେନ ଆସତ୍ କାମ୍‍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନନ୍ ।