୧ ଯୋହନ୍‌‌ 3:2 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

² ଆ ନା ପ୍ରିୟ ସାଙ୍ଗନଡ଼ି, ଇଞ୍ଜେ ମାନାଡ଼୍ ଇଶ୍ୱର୍‌ତେ ପିଲାନଡ଼୍, ବାତେଙ୍କ୍ଇତ୍କେ ବବିଷ୍ୟତ୍‍ତେ ବାତେ ଆଦ୍‍ତାଡ଼୍, ଇଦ୍‍ ଗଟ୍ ମେଣ୍ଡେ ପ୍ରକାଶ୍ ଆୟକେ । ଇସର୍ ମାତର୍‌ ମାନାଡ଼୍ ପୁତ୍‍ତାଡ଼୍, ବେସୁଙ୍କ୍‍ କ୍ରିଷ୍ଟ ମେଣ୍ଡନ୍‍ଦାମ୍ ୱାଦ୍‍ତନ୍, ମାନାଡ଼୍ ଅନ୍‌‍ୱାଦ୍‍ ନିଜାତାଦ୍‍ ମକମ୍‌ ଉଡ଼ି ଅନ୍‌‍ ଲେକାମ୍ ଆଦ୍‍ତାଡ଼୍ ।

୧ ଯୋହନ୍‌‌ 3:2 Iomraidhean Croise

ମାତିଉ 5:8

ବେନଡ଼ାଦ୍ ହୃଦୟ୍ ନିର୍ମଲ୍ ଅଡ଼୍‌ ଦନ୍ୟ, ବାତେଙ୍କ୍ ଇତ୍‍କେ ଅଡ଼୍‌ ଇଶ୍ୱର୍‌ତେ ଦର୍ଶନ୍ ଉଡ଼ିତଡ଼୍ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 17:30

ନାରୁଡ଼୍ ପିଲା ମାଲ୍‍ସ୍ ୱାଦାନ୍ ଦିନେ ଆଦ୍‍ଲେକାମ୍ ଗଟେମ୍ ଆଦ୍‍ତେ ।

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 20:36

ଅଡ଼୍‌ ମେଣ୍ଡେ ଡଲ୍‍ଲେ ପାର୍‍ୱଡ଼୍, ବାତେଙ୍କ୍ ଇତ୍କେ ଅଡ଼୍‌ ଦୂତକିନ୍ ଲେକେମ୍ ମାନ୍‍ତଡ଼୍, ନୁ ମେଣ୍ଡେ ଅନ୍‌‍ଦାମ୍ ଜିୱେ ଆତ୍‍ତାଙ୍କ୍ ଇଶ୍ୱର୍‌ତେ ମାର୍‍ ମାୟାଡ଼୍ ଆଦ୍‍ତଡ଼୍ ।

ଯୋହନ୍‌‌ 1:12

ମାତର୍ ବେସର୍ ନାରୁଡ଼୍ ଅଂକିଙ୍କ୍‌ ଗ୍ରହନ୍ ମାଡ଼୍‍ତଡ଼୍, ଇତ୍‍କେ ବେନଡ଼୍ ଅନ୍‌ ପେଦେର୍‍ତେ ବିଶ୍ୱାସ୍ ମାଡ଼୍‍ତଡ଼୍, ଆ ସାରେତଡ଼୍‌କିଂଙ୍କ୍ ଅଣ୍ଡ୍‌ ଇଶ୍ୱରତେ ମାର୍‍ ଆଦ୍‍ଦାନ୍ ମାଇଦିଙ୍କ୍ ଅଦିକାର୍‌ ହିତ୍‍ତଣ୍ଡ୍;

ଯୋହନ୍‌‌ 11:52

ଚିହ୍ନେ ୱେରେ ଆସ୍‍ମାନ୍ଦାନ୍ ଇଶ୍ୱର୍‌ତେ ନାରୁଡ଼୍, ୱେରଡ଼୍ ଗଷ୍ଟିତାଗ୍ ଅଣ୍ଡୟାଗେ ମାଡ଼ାଙ୍କ୍ ଜିସୁଙ୍କ୍ ଡଲେ ୱେଇତିତ୍ ।

ଯୋହନ୍‌‌ 17:24

“ହଁ ବାବା ! ନିମ୍‍ ନାକିଂଙ୍କ୍ ବେନଡ଼କ୍ ହିତ୍‍ତିନ୍, ନାନ୍ ବେଗେ ମାନ୍‍ତାନ୍, ଅଡ଼୍‌ ଆନ୍‌‍ତେ ଆଦେପୁଟୁଙ୍କ୍ ଆଗେ ନା ତଡ଼୍ ମାନ୍‍ତଡ଼୍ ନୁ ଜଗତ୍ ତିଆର୍ ଆଦାନ୍ ମୁନେଙ୍କ୍ ନିମ୍‍ ନାକିଂଙ୍କ୍ ପ୍ରେମ ମାଡ଼ି ବେନ୍ ଗୌରବ୍ ହିତ୍‍ତିନ୍, ନାୱାଦ୍ ଆଦ୍ ଗୌରବ୍ ଅଡ଼୍‌ ବେଲା ଉଡ଼ିତଡ଼୍, ଇଦ୍ ନାୱାଦ୍ ଇଚ୍ଛା ।

ରୋମୀୟ 8:16

ଇଶ୍ୱର୍‌ତାଦ୍ ଆତ୍ମା ମାନ୍‍ ଲୋପେତ୍ ଆତ୍ମା ତଡ଼୍ କାୟ୍‍ଲି ମାନାଙ୍କ୍‍ ଇଶ୍ୱର୍‌ତେ ମାର୍‌ ଇଞ୍ଜ କେତୁତେ ।

ରୋମୀୟ 8:18

ବେନ୍ ଗୌରବ୍‍ତାଦ୍ ବବିଷ୍ୟତ୍‌ତାଗ୍ ମାନାଡ଼୍ ଆସିତାଡ଼୍, ଆଦ୍ ଇସାପ୍‍ତେ ଇଞ୍ଜେ ଦୁଃକାମ୍‍ ଆଦାନାଦ୍ ବାତେବା ଆୟ୍‍ୟ । ଆଦ୍ ସମୟ୍‍ତେ ଇଶ୍ୱର୍ ତାନ୍ ମାର୍‍କିଡ଼୍‍କ୍ ତଅତିତଣ୍ଡ୍ ।

ରୋମୀୟ 8:19

ସାର୍‍ରେ ସୃଷ୍ଟି ଆଦ୍ ଦିନାମ୍‍ତିଙ୍କ୍ ଆଗ୍ରହ ଆସ୍‍ କେପି ମିନ୍ଦେ,

ରୋମୀୟ 8:29

ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ ।

୧ କରନ୍ତିୟ 13:12

ଇଞ୍ଜେ ମାମ୍‍ମେ ବାତ୍ ଉଡ଼ୁତମ୍, ଆଦ୍ ଦର୍ପନ୍‍ତାଗ୍ ତନ୍ଦାନ୍ ମକମ୍ ଲେକାମ୍ । ଇତ୍‍କେ ଦିନାମ୍ ୱାଦ୍‍ତେ, ଆସୁଟେ ଆଦ୍ ମାନାଡ଼୍ ମୁନ୍‍ନେ ଉଡ଼ିତାଡ଼୍ । ଇଞ୍ଜେ ନାନ୍ ବାତ୍ ପୁନ୍ଦ୍‍ତାନ୍, ଆୱୁସାର୍ରେ ମାୟା । ଇଶ୍ୱର୍ ନାକିଂଙ୍କ୍ ସାରେ ପୁତ୍‍ତେ ଲେକାମ୍ ଆସୁଟେ ନାୟାଦ୍ ବୁଦ୍‍ତେ ଗାଲା ସାରେ ଆଦ୍‍ତେ ।

୧ କରନ୍ତିୟ 15:49

ମାନାଡ଼୍ ଇଞ୍ଜେ ମାଣ୍ଡୁଲ୍‍ତଡ଼୍ ତିୟାର୍ ଆତ୍‍ତେ ନାରୁଡ଼୍ ଲେକାମ୍ ପୁଟୁଙ୍କ୍ ପୟ୍‍ସ୍ ମିନ୍ଦେ, ଇତ୍‍କେ ଅନ୍‌‍ଦିନେ ଆଦ୍ ସ୍ୱର୍ଗତଣ୍ଡ୍ ମାନେୟ୍‍ତେ ଲେକାମ୍ ପୁଟୁଙ୍କ୍ ଆଦ୍‍ତାଡ଼୍ ।

୧ କରନ୍ତିୟ 2:9

ବେଲାକି ବାଇବଲ୍‍ତାଗ ଲେକ୍‍ତାଦ୍ ମିନ୍ଦେ, “ବାତା ବେନ ବେସୁଙ୍କ୍‍ ଉଡ଼୍‌ଇଲେଣ୍ଡ୍ ବା କେଞ୍ଜ୍‌ ଇଲେଣ୍ଡ୍, ବାତା ଗଟେମ୍‌ ଆଦାନାଦ୍ ବେନନ୍ ଆଲ୍‌ସଣ୍ଡ୍‌, ଅନ୍‌‌ ପ୍ରେମ୍‌ ମାଡ଼ାନ୍‌ ନାରୁଡ଼୍‌କ୍‌ ମାଇଦିଙ୍କ୍ ଇଶ୍ୱର୍ ଆୱ୍‌ ସାର୍‍ରେ ତିଆର୍ କିସ୍‌ମିନ୍ଦେଣ୍ଡ୍ ।”

୨ କରନ୍ତିୟ 3:18

ମାନାଡ଼୍ ସାରେତଡ଼୍ ମକମ୍‍ତେ ଦାର୍ପୁନ୍‍ତାଗ୍ ଉଡ଼ାନ୍ ଲେକାମ୍ ପ୍ରବୁନ୍ ଗୌରବ୍ ତଅନ୍‌ଦୁତ୍ ନୁ ପ୍ରବୁନାଗାଙ୍କ୍ ପେୟ୍‍ତାଦ୍ ଆଦ୍ ମାଇମାତେ ତଡ଼୍ ମାନାଡ଼୍ କାମ୍‍କେ ଲେକାମ୍ ଅନ୍‌ ରକମ୍‌ ବାଦ୍‍ଲେମ୍ ଆଦୁତ୍‍ତେ ।

୨ କରନ୍ତିୟ 4:17

ଇଦ୍ ସାମାନ୍ୟ ନୁ ସେନେକ୍‍ତାଦ୍ ଦୁଃକାମ୍ କଷ୍ଟ ମାନ୍‍ ସେଙ୍ଗେ ତାତୁତ୍ ସାରେଦିନାତାଦ୍ ଗୌରବତାଦ୍ ସମ୍ପତି ।

ଗାଲାତୀୟ 3:26

ବିଶ୍ୱାସ୍‍ ତଡ଼୍ ଜିସୁ କ୍ରିଷ୍ଟନାଗ୍ କାୟ୍‍ଲି ମିଡ଼୍ ସାରେତଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍ ଆତ୍‍ତିଡ଼୍ ।

ଗାଲାତୀୟ 4:6

ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !”

ଫିଲିପିୟ 3:21

ବେନ୍ ଶକ୍ତି ଅଣ୍ଡ୍‌ ସାରେ ବିଷୟତିଙ୍କ୍ ନିଜେତ୍ ବଶିବୂତ ମାଡ଼େ ପାର୍‍ତନ୍, ଆଦ୍ ଶକ୍ତି ଗ୍ରହନ୍ ମାଡ଼ି ଅଣ୍ଡ୍‌ ମାନ୍‍ ଦୁର୍ବଲ୍ ନାୟାଦ୍ ମେନ୍ଦୁଲ୍‌ତିଙ୍କ୍ ଅନାଦ୍‌ ଗୌରବ୍‍ମୟ ମେନ୍ଦୁଲ୍ ଲେକାମ୍ ମାଡ଼ିତନ୍ ।

କଲସୀୟ 3:4

କ୍ରିଷ୍ଟକେ ମିଇ ଜିୱୁଣ୍ଡ୍ ନୁ ଅଣ୍ଡ୍‌ ବେସୁଙ୍କ୍‍ ତନ୍ଦିତଣ୍ଡ୍, ଆସୁଙ୍ଗ୍ ମିଡ଼୍‍ ମିକା ଅନାଦ୍‌ ଗୌରବ୍‍ ତଡ଼୍ ତନ୍ଦିତିଡ଼୍ ।

ଏବ୍ରୀ 9:28

ଆଦେଲେକାମ୍‌ ନାର୍ଗେମୁଲ୍‌ଦାଦ୍‌ ପାପ୍‌ ଦୁରାମ୍ ମାଡ଼ାନଙ୍କ୍ କ୍ରିଷ୍ଟ ଅରଟଦାମ୍ ପୁଜିଆତ୍ତଣ୍ଡ୍‍ । ଅଣ୍ଡ୍‌ ମେଣ୍ଡେ ୱାଦ୍‍ତଣ୍ଡ୍ । ଆସୁଙ୍ଗ୍‌ ମେଣ୍ଡେ ପାପ୍‌ତେ ସାଙ୍ଗ୍‌ କାଇଲାନ୍‌ ମାଇଦିଙ୍କ୍ ଅଣ୍ଡ୍‌‌ ୱାୱଣ୍ଡ୍ । ଅଣ୍ଡ୍‌‍ ୱାଦ୍‍ତଣ୍ଡ୍, ଅନ୍‌‍ ସେଙ୍ଗେ କେପିମାନ୍ଦାନ୍‍ ନାରୁଡ଼୍‍କିଙ୍କ୍‍ ପରିତ୍ରାଣ ମାଡ଼ାନ୍‍ ସେଙ୍ଗେ ।

୨ ପିତର୍‌ 1:4

ଇଦ୍‍ଲେକାମ୍ ଅଣ୍ଡ୍‌ ମାନାଙ୍କ୍ ଅନ୍‌ ଇଚ୍ଛାଲେକାମ୍ ଲେକେତ୍ ମହାନ୍‍ ନୁ ମୁଲ୍ୟବାନ୍ ଦାନ ଇତ୍‍ତନ୍ । ଇଦ୍‍ ସାରେ ଦାନ ତଡ଼୍ ମିଡ଼୍ ଇଦ୍ ଜଗତ୍‍ତେ ଦଂଚକାରି କାମ୍‍ତାଗାଙ୍କ୍ ଉଦ୍ଦାର୍ ଆସ୍ ସ୍ୱର୍ଗତାଦ୍‍ ସ୍ୱଭାବ୍‍ତାଗ୍‍ ଅଂଶି ଆଦେ ପାର୍‍ଦ୍‍ତିଡ଼୍ ।

୧ ଯୋହନ୍‌‌ 2:28

ଆ ପିଲାନଡ଼ି ! କ୍ରିଷ୍ଟନ୍‍ତଡ଼୍ କାଇଲି ମାନ୍‍ନୁଟ୍, ଆଲେକେ ଅନ୍‌‍ୱାଦ୍‍ ବେସୁଙ୍କ୍‍ ଆବିର୍ବାବ ଆଦ୍‍ତେ, ମାନାଡ଼୍ ୱେର୍ରେ ଇଲ୍‍ୱେ ଅନ୍‌ ମୁନେ ଆଦେ ପାର୍‍ତାଡ଼୍, ଆୱୁ ଦିନାକିନେ ମାନାଙ୍କ୍ ସିଗ୍‍ତଡ଼୍‍ ମିଞ୍ଜାନଙ୍କ୍ ଆୟ ।

୧ ଯୋହନ୍‌‌ 2:7

ପ୍ରିୟ ସାଙ୍ଗନଡ଼ି ! ବେନ୍ ଗଟ୍ ବିଷୟତେ ଲେକାନଙ୍କ୍ ଆଦୁତାନ୍, ଆଦ୍ ମୁନେଙ୍କ୍ କଞ୍ଜ୍ ପୁନାଦ୍‍ ଆୟ । ନାର୍ଗେ ଦିନାକଞ୍ଚ୍‍ ମିଡ଼୍ ଆଦ୍ କେଞ୍ଜ ୱାଦୁତିଡ଼୍, ମାମେ ପ୍ରଚାର୍ ମାଡ଼ାନ୍ ଗଟିନେ ଆୱୁ ଆଦେଶ୍‍ ମିଡ଼୍ କେଞ୍ଜ୍‍ତିଡ଼୍ ।

୧ ଯୋହନ୍‌‌ 3:1

ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ ।

୧ ଯୋହନ୍‌‌ 3:10

ଇଗେ ବେନ ଇଶ୍ୱର୍‌ତେ ପିଲା ନୁ ଶୟତାନ୍ ପିଲା ଇଦ୍ ପ୍ରକାଶ୍‍ ଆଦ୍‍ତେ, ବେନ୍ ସତ୍‍କାମ୍ ମାଡ଼ଣ୍ଡ୍ ବା ନିଜର୍‍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ପିଲେ ଆୟଣ୍ଡ୍ ।

୧ ଯୋହନ୍‌‌ 3:21

ଆଦିଙ୍କ୍ ନା ପ୍ରିୟ ନାରୁଡ଼ି ଯଦି ନିଜେତ୍ ମନ୍ ମାନାଙ୍କ୍ ଦୋଷୀ ମାଡ଼, ଇଶ୍ୱର୍‌ତେ ମୁନେ ମାନାଡ଼୍ ସତ୍‍ସାହସୀ ଆଦେ ପାର୍‍ତାଡ଼୍‍ ।

୧ ଯୋହନ୍‌‌ 5:1

ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ ।

ପ୍ରକାଶିତ୍‌ ବାକ୍ୟ 2:28

ନାନେ ଅଡ଼୍‌‍କ୍ ‘ୱିୟ୍‍ ଉକାମ୍‍’ ମିକା ଦାନ ମାଡ଼ିତାନ୍ ।”

ପ୍ରକାଶିତ୍‌ ବାକ୍ୟ 22:4

ଅଡ଼୍‌‍ ତାନ୍ ମକମ୍ ଉଡ଼ିତଡ଼୍ ନୁ ଅଡ଼୍‌‍ ମୁଞ୍ଜିନାଗ୍ ଅଡ଼୍‌ ପେଦେରି ଲେକା ଆଦ୍‍ତେ ।